المساعد الشخصي الرقمي

مشاهدة النسخة كاملة : تنقلات المقوع وبرقان

op2
10-09-2007, 12:54 AM
السلام عليكم


صراحه حبيت اطرح موضوع وباخذ رايكم فيه


ليش ما يصير تنقلات بين المقوع وبرقان مثل الي حاصل من برقان الى الشمال او الغرب



يعني ليش الموظف الي يطيح في برقان يتم في برقان وغيره بالواسطه يروح للمقوع ويتم فيها على طول



يعني ليش الي يداوم في سنتر 4 مثل الي يداوم في سنتر 22 :(


ويستلمون نفس بدل الطريق !!!!!!!!!!!!


ليش هالتفرقه يعني وليش النقابه ما تتكلم ولا لانهم ضامنين وموزعين ربعهم بالاماكن الي يبونها والباقي مو مهم


لا وبعد ما يوافقون على النقل الا بموافقه التيم ليدر للمنطقتين والسوبرفايزر


اذكر قبل سنتين عضو بالنقابه op1 انتهت مدته في المناقيش وردوه في سنتر 4


ومعاه op1 ثاني ردوه الى سنتر 20


ثاني يوم وبالواسطه طبعا تغيرت الاماكن :mad::mad::mad:


وراح عضو النقابه لسنتر 20 والمقرود الثاني صار بمكانه في سنتر 4
الفيصل
10-09-2007, 02:12 AM
اوبريتر 2

عدل كلامك اللي يداوم بالمقوع اشبه باللي يداوم بالاحمدي نقدر نقول بأنها محطة راحه وله بدل طريق نفس اللي يداوم في برقان ما هو حسد بس لازم يكون فيه تدوير بين برقان والمقوع وما يكون هناك في اي تفرقة


سلمت يمناك يا اوبريتر 2 على هذا الموضوع
فيصل العجمي
10-09-2007, 02:25 AM
المفروض يكون فيه تدوير كل فتره
وهذا واجب على النقابه انها تطالب فيها
واذا كان منهم تقصير ارفعوا الأمر الى المسؤلين
او اطرحوا الصيغه المقترحه للتدوير هنا
BG. 1
10-09-2007, 02:52 AM
مشكلة نعاني منها بالدائرة من بعد التحرير الي الأن

اذكر قبل سنتين عضو بالنقابه op1 انتهت مدته في المناقيش وردوه في سنتر 4


ومعاه op1 ثاني ردوه الى سنتر 20

وتري البرقان أحسن من الموقع وإسأل الشباب الحلوين بالسناتر


ثاني يوم وبالواسطه طبعا تغيرت الاماكن


وراح عضو النقابه لسنتر 20 والمقرود الثاني صار بمكانه في سنتر 4

هذا عروقه بالماء بدون النقابة

تري سنتر 4 أحسن وكل اللي فيه شقرديه
البرقان
10-09-2007, 03:05 AM
هذه المعايير تم تغيير طفيف عليها

فنقطة المركز هي المكتب الرئسي بالاحمدي والتي كان (العنقليز) ايام قيادتهم للشركة ايام الابيض والاسود

فكانت الحسبة

المقوع ساعة واحدة
البرقان ساعة واحدة
المناقيش ساعتين
الروضتين اربع ساعات


و عمل بهذه التقسيمة الى يومنا هذا

والتغيير الذي طرأ كان بعد عام 2000 بعد استحداث مسمى رئيس فريق بدلا عن مسمى ناظر و ناظر عام

و حينها تم مضاعفة مساحة حقل المقوع ليمتد من مركز 20 شمالا الى مركز 2 غربا مرورا بدوار البرقان و مركز تجميع 1

فالقسمة تمت حسب الحقل اي المديرية التابعة لها وليس حسب موقع كل مركز تجميع وبعده عن المكتب الرئيسى بالاحمدي


اما موضوع المحسوبية

فهي كالعادة ظالمة كظلام الليل

فأنعدام النظام العادل هو طامة الشركة وربما هو طامة القطاع النفطي بشكل عام

ربما كان عرفا عملية التنقل تكون كل عامين من حقل الى آخر

ويطبق هذا القانون العرفي بصرامة على من (لا ظهر له) و يغض النظر عنه لاسماء ذات جذور

فتجد احدهم وقد ضرب اوتاده في حقل المناقيش لمدة خمس سنوات

وآخر اكمل عامه السابع في المقوع متنعما (بمميزات خاصة)

واخر شطب اكرر (شطب) اسمه من جدول التنقلات


اما النقابة وقائدها الذي فاق اعضاء مجلس الامة بعدد (اعلانات) الشكر والتبجيل لصفته ولشخصه

فهو مسجل في حقل الروضتين وحاصل على سيارة ويتقاضى راتب (الروضتين)

وهو دائم التواجد في الاحمدي


الشكوى لله ... فقط لا غير
A/KARIM
10-09-2007, 03:46 AM
صح لسانك اخوي op2
op2
10-09-2007, 03:54 AM
فيصل الجابر

تسلم على تعليقك والله يسلمك من الشر


Q8ow



عفوا اخوي وتعتقد المسؤولين محد قالهم هالشي

وتعتقد في مسؤول يسمعنا ؟


شاكرلك تعليقك

Bg.1

المصيبه الي ودوه سنتر 4 اشتكى لكن محد درا عن شكوته ولا احد رد عليه وعقبها بست اشهر تقاعد الريال


والي بالسناتر اغلبهم شقرديه مو بس سنتر 4 :)



البرقان




اما النقابة وقائدها الذي فاق اعضاء مجلس الامة بعدد (اعلانات) الشكر والتبجيل لصفته ولشخصه

فهو مسجل في حقل الروضتين وحاصل على سيارة ويتقاضى راتب (الروضتين)

وهو دائم التواجد في الاحمدي


الشكوى لله ... فقط لا غير



اسمحلي اقوولك مثل ما يقولون اخوانا المصاروه ..... وميييييييييين سمعك !!!

الاعضاء الي بالنقابه الحين هم نفسهم الي بيرجعون الانتخابات الجايه وبيتم الحال على ماهو عليه
BG. 1
10-09-2007, 03:58 AM
هذه المعايير تم تغيير طفيف عليها
فنقطة المركز هي المكتب الرئسي بالاحمدي والتي كان (العنقليز) ايام قيادتهم للشركة ايام الابيض والاسود
فكانت الحسبة
المقوع ساعة واحدة
البرقان ساعة واحدة
المناقيش ساعتين
الروضتين اربع ساعات
و عمل بهذه التقسيمة الى يومنا هذا
والتغيير الذي طرأ كان بعد عام 2000 بعد استحداث مسمى رئيس فريق بدلا عن مسمى ناظر و ناظر عام
و حينها تم مضاعفة مساحة حقل المقوع ليمتد من مركز 20 شمالا الى مركز 2 غربا مرورا بدوار البرقان و مركز تجميع 1
فالقسمة تمت حسب الحقل اي المديرية التابعة لها وليس حسب موقع كل مركز تجميع وبعده عن المكتب الرئيسى بالاحمدي
شكرا البرقان علي المعلومة


اما النقابة وقائدها الذي فاق اعضاء مجلس الامة بعدد (اعلانات) الشكر والتبجيل لصفته ولشخصه
فهو مسجل في حقل الروضتين وحاصل على سيارة ويتقاضى راتب (الروضتين)
وهو دائم التواجد في الاحمدي

وينهم ما يسجلون عليه ولا يعطونه هاف ترب
BG. 1
10-09-2007, 04:00 AM
المصيبه الي ودوه سنتر 4 اشتكى لكن محد درا عن شكوته ولا احد رد عليه وعقبها بست اشهر تقاعد الريال

الله يذكرك بالخير يا بوعلي تقاعد وإفتك
HUMMER
10-09-2007, 07:06 AM
والله يااخوان انا طرحة الموضوع على التيم ليدر وقال يفكر فيه وان شاء الله يطبقه بس على مااظن المختبر طبقوه وهو كالاتي

الفتره اللي الواحد يقعد فيها في الاحمدي او اي منطقيه ثانيه مدتها سنتين عدل

فانا قلت ليش مو بهالسنتين يكون تدوير كل اشهر منطقه يعني اول 6 اشهر برقان وبعدها المقوع وبعدها برقان وبالاخير المقوع

والموظف بهالحاله بتمر عليه الفتره واهو مو حاس لان في تدوير بنفس المنطقه

اشرايكم ؟؟؟؟
الولدالذهبى
10-09-2007, 11:51 AM
شكرا لطرح هذا الموضوع
لكن اعتقد ان فى كلامك شى من الصح
الواسطه موجوده .. والكل يستعملها
بس برأى انا ما نختلف بتغيير الاماكن
ولكن من الافضل الأجتهاد والعمل
فى اى مكان ... ولا ننظر الى قرب المكان او بعده





وبس
البرقان
10-09-2007, 03:15 PM
والله يااخوان انا طرحة الموضوع على التيم ليدر وقال يفكر فيه وان شاء الله يطبقه بس على مااظن المختبر طبقوه وهو كالاتي

الفتره اللي الواحد يقعد فيها في الاحمدي او اي منطقيه ثانيه مدتها سنتين عدل

فانا قلت ليش مو بهالسنتين يكون تدوير كل اشهر منطقه يعني اول 6 اشهر برقان وبعدها المقوع وبعدها برقان وبالاخير المقوع

والموظف بهالحاله بتمر عليه الفتره واهو مو حاس لان في تدوير بنفس المنطقه

اشرايكم ؟؟؟؟

عزيزي

فكرتك (حامض حلو)

يبدو انك نسيت اهم نقطه وهي الـ.... SOP

كثرة التنقل في العام الواحد ....................مضيعة للحقوق

فبالنهاية هنالك (مسؤول ) واحد فقط لا غير هو من يكتب لك التقرير السنوي

و لتحصل على ((حقك)) كاملا يجب ان تكون قد عملت معه هذا العام

وليس جزء منه او حتى نصفه

فكما هو حاصل من تنقلات في منتصف السنة من موقع الى اخر اي من مسؤول الى اخر

فانجازاتك بشكل عام سيتم اجتزائها و ستحصل على تقييم (يرفع الضغط) فقط لا غير
basssq8
10-09-2007, 05:30 PM
سلام عليكم يا شباب ترى الحجي الى قلتوه نفس حجي الدواويين عن مجلس الامه بس وقت التصوييت الاغلب يرد يعطي نفس العضو ويرد اربع سنييين ثانيه يتشكى بالدوانيه وهذي النقابه محد مطلعها الا انتو يعني بختصار مفيد اقدر اقول زرعا زرعتيه يا الرفله اكليه .
BG. 1
10-09-2007, 07:30 PM
حجي الدواويين

موظفي القطاع النفطي من المجتمع الكويتي لا تتعجب اللي قاعد يصير

وقت التصوييت الاغلب يرد يعطي نفس العضو

السنة هذي غير والأسماء ستتبدل ودخول قوائم جديدة ولا تنسي التوظيف الجديد له دور كبير بتغير الأسماء

زرعا زرعتيه يا الرفله اكليه


قويــــــــــــــــــــــــــــــــــة وكلام واقعــــــــــــــــــــــــــــــــي
op2
10-10-2007, 05:58 AM
يا اخوان هي مجرد فكره مو اكثر


وبخصوص التقيم السنوي اتوقع المميز يفرض نفسه لو اشتغل مع هالمسؤول شهرين ولا سنه ما تفرق


بعدين لا تنسون ان الشخص يقدر يحدد اي مسؤول يكتب تقريره حسب طول الفتره الي اشتغلها معاه


ويعطيكم العافيه على الردود
HUMMER
10-10-2007, 08:35 PM
اخوي اذا تحاتي التقرير السنوي انت تقدر تحدده عند اكثر مده تقعدها بالموقع واسال فيها
بس صدقني فكر فيها وشوف
البرقان
10-10-2007, 11:32 PM
اخوي اذا تحاتي التقرير السنوي انت تقدر تحدده عند اكثر مده تقعدها بالموقع واسال فيها
بس صدقني فكر فيها وشوف


الزميل المحترم

اخر رؤسائك هو من يكتب ..تقريرك السنوى ... فقط لا غير
KOC_747
10-11-2007, 09:31 AM
عنبر أخو بلال

برقان نفس المقوع

ليش ما يختار الموظف أهوا وين يبي

مو احسن
HUMMER
10-13-2007, 07:56 AM
لا اخوي اختلاف الشغل عندك وفي عنصريه بتنقلات المقوع والكل يدري
الولدالذهبى
10-13-2007, 11:53 AM
عنبر أخو بلال

برقان نفس المقوع

ليش ما يختار الموظف أهوا وين يبي

مو احسن

عجبنى المثل
:)






وبس
op2
10-13-2007, 12:52 PM
شكرا لكل من علق على الموضوع


بس فعلا شي يغث يعني عشان تنتقل من برقان للمقوع لازم واسطه وموافقه السوبر فايز في المنطقتين والتيم ليدر حق المنطقتين


ليش ما يميزون الي في برقان عن غيره بان الي في برقان له الاولويه في الانتقال للغرب وللشمال


قبل الي يداوم في المقوع


يعني الي يداوم ورا مرور الاحمدي نفس الي يداوم صوب الوفره ؟؟؟؟؟؟؟؟
KOC_747
10-14-2007, 02:46 AM
أخوي همر

أنا قصدت إن الترفل تايم حق عنبر نفس الترفل تايم حق أخوه بلال

والشغل فيه فرق، والمقوع أقل إزعاجاً من برقان ما فيه شك ، لكن نفس رتابة الشغل هني وهناك .

هذا رأيي على العموم
Ykarim
10-17-2007, 01:01 PM
بالنسبه للنقابي اللي ودوه سنتر 4 و بعدين على قولتكم شاف له واسطه و اخذ مكان ابو على الله يذكره بالخير
اهو قبل ما يروح المناقيش كان يشتغل بسنتر 4 و كان في هذيك الايريه 5 سنين محد قال شي لما ردوه البرقان و على سنتر 4 كلم الادمن و قاله ليش سنتر 4 مسجل باسمي اطلع منه و تردونه عليه فقال حق الادمن انا من حقي اروح المقوع فالادمن بدله مع الاخ بو على بدون ما يقوله على الموضوع و بعدين صار اتصار بين الاخ بو على و النقابي و فهمه الموضوع انه ما طلب مكانك بس جت بالصدفه فقاله ابو على انا ابي اتقاعد بعد كم شهر فقاله النقابي عيل طلبتها منك تحمل كم شهر و لا اروح 4 و ابقي فيها لين اخر عمري
فما اعتقك الموضوع بالصوره اللي تم عرضها
و الله يجزيكم الخير جميعا