موظفي الحقول نظام شهر بشهر

[nagror_maqhor]

السلام عليكم ,
أنا موظف في شركة نفطية في نظام شفتات شهر بشهر و لكن تم ظلمنا في العقد الموقع بحيث لا يشمل أي اجازة سنوية او عطلة رسمية . و أنا في طور وضع رد رسمي لإسترجاع الحقوق وجزيل الشكر لمن يزودني بنسخة من عقد عمل أي شخص يشتغل بنظام شفتات شهر بشهر و يكون مذكور بالعقد الإجازة السنوية

يرجى المساعدة لضرورة رفع الظلم عن الكثير من هم في نفس وظيفتي

[7amad al3jmi]

اخوي nagror_maqhor بس لو تفيدنا انت اي شركة وشنو شهآدتك

لآن في شركة الـ KDC في بند من بنود العقد ينص على ان الموضف له الحق بأجآزه سنويه مدتها شهر

*اما بالنسبه للشركات الثانيه ما اقدر افيدك ..

ياليت توضح لنا الامور اللي ذكرتها بالسابق

1- شنو شهادتك
2- اي شركة حفر

وان شاء الله انا والاخوان ماراح نقصر

[IMeCH-E]

السلام عليكم,

حبيبي راجع الشئون و قانون العمل .... لو مهما كانت الشركه الي تشتغل فيها يعطونك و مجبورين بالقانون ...

و ان شاء الله معوض و موفق خير

[nagror_maqhor]

اخوي انا اشتغل ضابط بحري في شركة ناقلات النفط و نظامنا 4 شهور في البحر و 3 شهور راحة و من غير اجازة سنوية و لا عطلات رسمية و اوفر تايم. احنا عارفين هالشي انه ضد القانون بس قاعدين نحاول نقنعهم و نحجهم بالطرق السلمية الاول لان الشئوون القانونية رافضة الموضوغع رفض كلي. شهادتي Hnd من بريطانيا يعني تعادل دبلوم عالي او بكلريوس.

[santafe]

الرجاء الاتصال على النقابة القطاع النفطي الخاص واعتقد راح يفيدونك اكثر على الارقام التالية:

عنوان النقابة: جمعية المهندسين الكويتية شارع الخليج العربي

ارقام الهواتف22449072-22420480-22448975-22445588

و الرقم الداخلي الخاص بالنقابة:305

أي استفسار يرجى الاتصال على سكرتير النقابة السيد سهيل عمر (99199189

[حزب الكويت]

لازم اجازه سنويه 30 يوم بالسنه بس تدرى شنو المصيبه انك لما تحتاج تاخذ 30 يوم اللي لك بالسنه يخصمون عليك راتب شهر كامل

اخوى الفاضل بالنسبه للعمل في برقان او المناقيش او حقول الشمال كلها نفس الشغل ولكن المسافه اهيا اللي تفرق

يعني برقان او المناقيش كلها من 30 الي 45 دقيقه اما حقول الشمال الصابريه والروضتين تقريبا ساعه و45 دقيقه والرتقه والعبدلي تقريبا ساعتين وربع ولكن كل الارياق نفس الشي

والنسبه لشغل الارياق في نوعين يا حفر دريلنق او سيرفس صيانه وورك ئوفر

اما بالنسبه للزياده بين عامل الحفر والفلورمات تقريبا 35 دينار بس

والنسبه لعدد الساعات مافي اوفر تايم هالشركات كلها تضحك علي الشباب اخلونك توقع علي عقد اقولك بنعطيك راتب 388 و100 بدل سكن هههههههه طيب وين الاوفر تايم اللي فوق 8 ساعات يوميا الدوام بالارياق 12 ساعه لو تشوف العقد زين تلاقي مذكور فيه 388 و100 بدل ايجار شامل الاوفر تايم بوق اشكره وبالنسبه للتامين الصحي مافي تدرى شنو يعني تامين صحي يعني انت وزوجتك واعيالك تتعالجون في اى مستشفي بالفلوس مجانا علي حساب الشركه وطبعا هذا مستحيل لو تحج البقر علي قرونها ههههههه
وبالنسبه للترقيات للكويتيين طبعا انسا وابتسم

وتبون المفاجأه تدرون ان هالشركات قاعده تسجل الكويتيين بالشؤون علي اساس ان الكويتي يداوم بمقر الشركه مو الارياق تدرون ليش علشان ما يدفعون لكم بدل طريق او بدل خطر ام تامين صحي والمفروض يمشي لكم بدل طريق اللي هالشركات ما توفر لكم سيارات صح ولا لا وكل الكويتيين يروحون بسياراتهم الخاصه ولا قدر الله اذا صار حادث لا سمح الله منو يتحمل المسؤوليه شركه النفط لان التعيين تم عن طريقهم ولا الشركه المقاول لانها ما وفرت سيارات لنقل الموظفين ؟؟؟ يجب علي جميع الكويتيين العاملين في القطاع الخاص التقدم بشكوى في الشؤون علشان تاخذون حقكم بالكامل ....

[سالم bj]

الاخ السائل بس بعرف انت فى عقود المقاول ولا فى ناقلات النفط وشكرا

[nagror_maqhor]

اخوي انا في القطاع النفطي في شركة ناقلات النفط يعني حكومة بس علينا ظلم كبير و حارمينا حتى من الاجازة السنوية فحبينا نفهم الادارة الي مو راضية تفتهم انه الي قاعدين يسوونه ضد القانون ولايجوز حرمان اي موظف كويتي من اجازته السنوية. البحارة الكويتيين نظامهم 21 يوم رحة عن كل شهر عمل على ظهر النفلات يعني حتى اقل من ظهر و فوق هذا حارمينه من الاجازة السنوية بفلوس او من غير فلوس.
عشان جذي انا ودي اي واحد منكم جزاكم الله خير يساعدنا بالموضوع و يعطينه اي صورة عقد عمل فيها نظام شهر بشهر و مذكور فيها الاجازة السنوية. عشان نحج الادارة بآخر دليل قبل لا نرفع قضية

[سالم bj]

حياك اخوى العزيز واتمنى انك تتصل فى الاخوان نقابة ناقلات النفط واهم انشالله يساعدونك ويفيدونك اكثر وشكرا

[mohammed abbas]

]لدي صديق بشركة pdoc لديهم عطلة شهرية كل عشرة اشهر نفاطي السودان

[nagror_maqhor]

والله راح تكون سويتلنا جميل لو دزيتلي رقم اتصال على الخاص

[AL-HADAD]

حبيبي مطبوخه السالفه محسوبيه ناس او ناس
ياعمري
بالتوفيق