البصمه والكاميرات

[لكل سؤال جواب]

هل صحيح انه تم وضع بصمه وكاميرات في شلاتر ميناء عبدالله ؟ واذا الجواب نعم هل تم تبليغ النقابه وما ردة فعلها لان باعتقادي ان الكاميرات تدخل بالحريه الشخصيه طوال 8 ساعات دوام وتخيل انك مراقب من الشركه طول 8 ساعات

[سالم الخالدي]

منتظرين الرد من اخواننا اللي في ميناء عبدالله

وخصوصا الoprator

[BG. 1]

لا يكون تداومون في جوانتنامو

هزلت

مفروض من النقابة توقف هذه المهزله إذا كانت صحيحة

[AGRP]

السلام عليكم ورحمة الله وبركاته

(( الله يستر بستره ))

أتمنى من الأخوان المشغلين في ميناء عبدالله

ان يعجلو بالرد

ودمتم سالمين


نـــــــلــــــتـــــــــقــــــــــي لــــــنـــــــرتـــــــــقــــــــي

[فيصل العجمي]

السلام عليكم ورحمة الله وبركاته

مدخل الموظفين في مصفاة ميناء الأحمدي تم وضع جهاز البصمه والكامرات
ولكن يم يطبق حتى الأن على الاقل لموظفي العمليات الذين يعملون بنظام الورديات
ولا اعلم عن الذين يعملون صباحي هل طبق عليهم ام لا
ولكن في الحالتين يجب ان يكون للنقابه وقفه ضد هذا القرار

[fireeccc]

السلام عليكم
بالنسبه للبصمه في ميناء الاحمدي ماتم تطبيقها حسب علمي على موظفين الورديات حتى الان لكن اذا كان كلام الاخو لكل سؤال جوب صحيح كاميرات وبصمه في الشلاتر هذي مصيبة

[aal014]

نعم اخوانى تم وضع كاميرات للبصمه فى شلاتر ميناء عبدالله للعمليات
ولحد الان مو شغاله بانتظار تكمله المشروع
مو بس بالشلاتر بكل الاماكن من البوابه الى غرفه التحكم
ولكن الى مانعرفه هو هل النقابه لديها خبر (هنا المصيبه ) واذا لم تعرف فالمصيبه اكبرووووووووو
وطبعا عذر المسؤلين بالشركه حمايه للبصمه من التخريب
الله واكبر قال تخريب قال هع هع هع
صرنا عبدنامو (غواتينامو)
الله المستعان

[لكل سؤال جواب]

اشكر كل من شارك بهالموضوع المهم وارد على السائل هل النقابه لديها علم اكيد لديها علم لان نائب رئيس النقابه بنفس القسم بحركة الزيت بميناء عبدالله واكيد ان النقابه لن ترد على هالموضوع لانها طنشت جميع المواضيع السابقه ولم ترد على اي استفسار سابق في هذا المنتدى علما بان المنتدى يجب ان يكون للتواصل بين النقابه وعمالها والرد على الاستفسارات وتوضيح جميع الانجازات اذا كان لديهم انجازات طبعا

[كنبس]

اوووو كامرات اجل كل يوم ابكشخ ابلبس لبس حلو
يمكن يختارونى اجمل او احلى كاشخ بالشلاتر
ويمكن اطلع نومينيه بالقسم
ولا شرايكم شتقولون يا نقابتنا الحلوه

[فيصل العجمي]

يا اخوان هذي مصيبه والسكوت عنها مشكله وتخاذل
كيف يتم وضع جهاز بصمه وكامرات في الشلاتر؟
الا يعلمون ماهي طبيعة عمل موظفي العمليات؟؟
فوق انه شفت ومنقطع عن الناس كلهم وعلاقاتك الاجتماعية مقطوعه يستكثرون عليك بعد لو بدلت مع صاحبك او احد من ربعك ينطرك ساعه او انت تنطر احد ساعه؟؟؟

صراحه هذا تضييق على العاملين في المصافي ,, الا يكفي معاناتنا على البوابات من تفتيش ذاتي ومنع للتلفونات والولاعات والمأكولات والمشروبات وكأننا داخلين سجن؟

[HUMMER]

يامعود لا يحوشك بروحه شلاتركم تحت التور بعد هالمره كاميرات اشحقه معتقل

الله يكون بعونكم .. بس سؤال وين النقابه عن هالموضوع؟

[لكل سؤال جواب]

النقابه مو فاضيه الحين لان الاخوان محمد مساعد ومحمد حضيري قاعدين يجمعون تواقيع للاطاحه بالاتحاد يامعودين انتوا قادرين تديرون نقابه عشان تديرون اتحاد

[M7MD]

اللـــــــــــــــــــــــــــــــــــــه يعينكم ...

[SR.FIREMAN]

للعلم الطريقه هذي متبعا بمصفاة شعيبه منذ اكثر من سنه ونصف والكاميرا موجوده على بوابة الامن والبصمه على مدخل الموظفين

[الرويشد]

الموضوع عادي يبا بصمه كاميره انا اقول داوم دوامك احسن

[safeko]

تم فى الأونه الأخيره وضع كاميرات فى محطات الوقود فى غرفة مسؤل المحطه علما بأنه كان من المفترض أن توضع عندما كان يوجد كاشير وقد قامت الشركه بوضع كاميرات تحديدا لمراقبة الموظفين وهو مايعتبر تعديا على الحريه الشخصيه

[ali_85]

السلام عليكم الصراحة فرحت كثيرا عندما سمعت عن هذا المنتدى ولم اتاخر بالتسجيل وعندي قضايا كثيره راح اطرحها بالمنتدى
لما يتسنى لي الوقت لترتيبها
المهم موضوعنا انا مشغل في مينا عبدالله طلعت اجازة من اول رمضان وعدت بعد سبوعين لاجد توصيلات وتمديدات في الشلتر
(حسبالي بيحطون لنا شاشات بلازما استانست ) وعند سؤال زملائي في الشلتر صعقت عندما عرفت انها كاميرات لمراقبتنا (احنا بروحنا لما نقعد بالنايت شفت ونطالع الشارع من وره السور اقصد الاسوار الي وره بعض ونشوف السيارات
انحس انا في معتقل هالمره كاميرات يعني ولينا لا وسمعت انها صووووووووت وصورة ياريت اتاكدون لنا من سالفة الصوووت)
وبختصار هاذي مصيبه فعلا واذا على البصمه خلوها عند البوابات وبعدين وايد احسن لان جم مره الواحد يوصل مبجر
يعني مثلا قبل الدوام وبثلث ساعه وهذا وايد زين ويقعد ينطر الباص ربع ساعه ولما يركب الباص بفتر فيه عشر دقايق
على مايقط اخوانا المطافي ومن المطافي السي سي ار وبعدين وحدتنا وصلنا الوحده وخمس او وعشر يعني متاخر
واذا بصمت متاخر اعتقد انه راح ينحسب عليك ساعه تاخير واعتقد انه ينخصم (ارجوا التاكيد)
واسف على الايطاله

[ali_85]

واذا على البصمه خلوها عند البوابات وبعدين وايد احسن لان جم مره الواحد يوصل مبجر
يعني مثلا قبل الدوام وبثلث ساعه وهذا وايد زين ويقعد ينطر الباص ربع ساعه

على فكره اهم ركبوا اجهزة البصمة بالبوابة على الابواب الي تفتر(الي عمري ماطلعت منهم) يعني مادري ليش بالشلتر
مادري حطوا الكاميرا حجه على شان الجهاز (اعتقد العكس صحيح) يعني حطوا الجهاز حجه حق الكاميرا
لان المصيبه صوت وصورة وعاش غوانتانامو الكويت انا من توظفت قايل معتقل
ربعي يسئلوني وين رايح اقولهم المعتقل :confused:

[ali_85]

شرايكم بالموضوع

[ali_85]

شفيه الموضوع برد

[واحد من الناس]

ياجماعة على حد علمي أن النقابة موساكتة على الموضوع لأنهم جابوا دراسة تثبت ان البصمة لها أضرار صحيا وقدموها للشركة لكن للأسف ان الشركة ردت عليها بدراسة جديدة معتمدة من وزارة الصحة بأن البصمة مالها أضرار والكاميرات للتسجيل مو للمراقبة يرجعون لها في حالات الطوارئ بس هذا مو عذر وللحين في سجال على هالموضوع وأنشالله خير

[ARDs]

نعم صحيح مثل ما قلتو انا واحد اشتغل بمصفاة مينا عبدالله او حطو كاميرات والبصمه بعد بس للحين ما تم تشغيل اي شي .. بس مادري هل للنقابه علم بهذا والا لا ؟اذا لها علم هل نسمح نحن ابناء القطاع النفطي بهذا ام لا؟الحين على كل هذا دوام لداخليه او الجيش ارحم بوايد مو متراقبين ولا شي بس الصراحه هذي مهزله اللي قاعد يصير فأرجو من كل واحد يعمل بالقطاع النفطي وخصوووصا مصفااااة ميناعبدالله انهم يوقفون كلهم إيد وحده عشان نمنع هالمهزله هذي او ايضا اخوانه من مصفاة مينا الاحمدي ومصفاة مينا الشعيبه لمساندة اخوانهم او مشكووورين ما قصرتوا

اخووووووووكم:بوسالم

[احمد علي محمد]

تم وضع كامرات بس للحين ماتم تشغيلها اتمنا يكون تنفيع بس لبعض الناس النقابة لا حس ولا خبر الكامرا لمراقبة البصمة فقط حسب علمي

[ali_85]

تم وضع كامرات بس للحين ماتم تشغيلها اتمنا يكون تنفيع بس لبعض الناس النقابة لا حس ولا خبر الكامرا لمراقبة البصمة فقط حسب علمي

والي بيراقب البصمه يراقب الموضفين ولا شيمنع يعني

[bo.3li]

نعم ياجماعه حاطين التوصيلات حق كاميرا وجهاز بصمه يعني مصخره شحقه مخلين السوبرفايز يحضر الشباب بعد دام في كاميرا والمشكله انه العمال شغالين تركيب ومحد عنده اي خبر

[زهرة التوليب]

على الأقل انتوا احسن من مبنى دار الوطنيه

قاعدين نداوم بالدقيقه يعني اذا داومنا الساعه 7 وربع نطلع 3 وربع
وكل هذا مربوط في برنامج البصمه

حتى الاستئذان نص الدوام محسوب علينا
لأن ما نقدر نطلع من البوابة مالت السيارات الا لما نطق الكرت بعدها ينفتح الباب ويتسجل بالسستم وقت الطلعه

وفوق هذا اذا خلص الدوام شوفوزا السيارات اشلون تسبب زحمه وقت الطلعه كلنا صافين دور علشان نطق كرتنا ويفتح الباب حق واحد واحد !!!

[كنبس]

الله يعينكم يا اخت زهره
تونى ادرى عندكم مشاكل مثل الزحمه ومشاكل البصمه
تحياتي

[frfosha]

ردا على من سأل على الدوام الصباحي للأسف أنه نظام البصمه مطبق علينا احنا داخل المصفاة الأحمدي من 4 سنوات ولاسف الاقسام الثانيه ما في ولا احد يبصم بس عذرهم انه حنا نتبع الدائره التجاريه اللي بالمكتب الرئيسي ولازم نبصم معاهم والله لا يسامح من فرض علينا نظام البصمه خلال وجوده كمدير بالدائره لمدة سنه وخلانا وراح نفط الخليج وخللى القرعه ترعى وازيدك من الشعر بيت اذا دشيت وبصمت 7 ونص يخصم عليك ساعه كامله بعد غير الخصومات اللي نص معاش الموظف البسيط وللعلم بعد المدراء ما يبصمون والتيم ليدر ما يبصم وكنترولر يبصم بس في احد فيه خير يخصم عليه بس طايحين بالموظفين لصغار وهذا والله كلله راح يحاسبهم عليه رب العالمين وربك انشالله ياخذ بحقنا

[كنبس]

طبعا اختى فرفوشه البصمه وضعت للتزريق والنحشات
والشركه دائما تقول هالموظفين الصغار هم الى ينحاشون
يعنى ما يشوفون روحهم الكبار تشوفهم عند المدارس وعند القهاوى والاسواق وغيره وغيره
لكن البصمه بس على المسكين الموظف الغلبان ولاحقته الخصومات
الله يسامح من حط البصمه
والله المستعان

[Phox]

انا سمعت انهم راح يبدأون بتشغيلها اول شهر 11

[kifanchi]

اليلام عليكم

1- نعم وضعت البصمة والكاميرةفى المبانى الجديدة (مبنى الخدمات) والمسموح فيها التدخين والبوابة الرئيسية للأفراد
2-الكاميرة فوق جهاز البصمة فقط وليست بالشلاتر كما يقال
3-أرجو من النقابة التصرف بهذا الشأن لتعطيل الأجراء

[ولد الفحيحيل]

اي والله يالكيفانجي لازم يتخذون اجراء ويوقفون هالمصخره اللي بتصير
لا ويقولك بيركبون الكاميرات اللي تطلع اللي تحت الهدوم :):) ;);)

[nonovx]

بالنسبه للبصمه والكاميرات في ميناء عبدالله
موجوده عند الباب وموجوده ايضافى مبنى الخدمات الموجود
فى كل الوحدات بس لاتفهمون غلط هذه الكاميرات لمراقبه
جهاز البصمه عن التخريب

[لكل سؤال جواب]

اخي nonovx افهم من كلامك ان هذا رد النقابه الرسمي خلاص لان هذا اللي قالوه للشباب يعني ما فيه تحرك جدي لوقف الموضوع يعني بالعربي ديروا بالكم ياشباب التيرمنال لحد يسهى ويسوي حركه مو زينه لانكم معروفين بالغشمره

[ali_85]

اليلام عليكم

1- نعم وضعت البصمة والكاميرةفى المبانى الجديدة (مبنى الخدمات) والمسموح فيها التدخين والبوابة الرئيسية للأفراد
2-الكاميرة فوق جهاز البصمة فقط وليست بالشلاتر كما يقال
3-أرجو من النقابة التصرف بهذا الشأن لتعطيل الأجراء

اخوي عندنا بالشلتر مددو نقطتين نقطه تحت حق جهاز البصمه ونقطه فوووق تحت السقف ب10 سم تقريبا حق الكاميرا
واذا ركبت ينشاف كل شي بالشلتر