مشكلة في تأخير المعاش

[rig]

السلام عليكم


بصراحة هالسالفة صارلها فترة واحنا ساكتين قبل كانت المعاشات تنزل تاريخ 7 من الشهر اليديد وكنا نقول مو مشكلة والحين قامت تاخر وتوصل لي يوم 13 و 14 من الشهر اليديد ... وتخيلو معاش شهر 3 الي طاف لي يومكم مانزل بالحساب ويقولون ممكن ينزل الاسبوع الياي وممكن لا

ماني عارف شالسالفة الموظفين عندهم التزامات وقروض وبلاوي بسعمك اصمخ

هل صحيح في قانون العمل اليديد يلزم الشركات بدفع الرواتب قبل انتهاء الشهر ومتي يطبق هالقانون ؟

ويعطيكم العافية

[العووود]

عدل كلامك اخوي هالسالفه الجميع يشتكي منها ولحد راد ,,

بس بالنسبه عندنا حدهم مع معاشات المتقاعدين !! (( ياخوي زين اللي ينزلونه ))

[سالم بن طفلة]

الله يعينكم اخوي رق



بس لو سمحت انت بأي شركة تشتغل


انا بسينوبيك ، عمره ما تأخر عن 29 الشهر ، واذا تأخر فالسبب يكون العطل الرسمية


وبالنسبة لقانون العمل اليديد ، اهو ما تنفذ للحين ، قيد التنفيذ ، أو عشان أكون دقيق ، القانون اقر ، ولكن بانتظار اقرار لوائح التنفيذ من قبل وزارة الشؤؤن

وأبشروا بالبشارة في القريب العاجل d:

[rig]

حياك الله اخوي بن طفلة

وابشرك لي اليوم مانزل الراتب

والله ياخوي اقعد من النوم ع طول امسك تلفوني اشوف وصل مسج من البنك ولا ليلحين ...

يعني احنا ناس عندنا التزامات واغلب الموظفين متزوجين وعايلين بييوت وهذا حقنا ياخوي محنا طالبين شي ثاني بس للاسف ماباليد حيلة ....

(( شركة برقان ))

[سالم بن طفلة]

أخوي رق ، اتصلوا على النقابة وتقدموا بشكوى رسمية ، وفوضوهم للتصرف في هذا الأمر



وانشاء الله الإخوان بالنقابة ماراح يقصرون


ودمتم ،،،،

[سالم bj]

الاخ rig المحترم يرجى الاتصال اخوك نائب الرئيس سالم العجمى على رقم 66677550وشكرا