نظام تجزئة الإجازات (معلومة تهمك)

[رحال]

صباح الخير ،،،

جميعكم يعلم بأن في الآونة الأخيرة تم إقرار قانون تجزئة الإجازات أو ما يعرف بأرصدة العاملين / العاملات في القطاع النفطي من قبل مؤسسة البترول الكويتية في مايو لعام 2007 .

وهو عدم تجزئة العامل / العاملة رصيد إجازته لأكثر من 4 مرات خلال السنة ، بمعنى يمكن للعامل أخذ نصف رصيد إجازته وهو ما يسمى (إجازة تعاقدية) وهي مفروضة لا محالة ، ومن ثم يمكنه أخذ إجازة من نوع آخر وهي ما تعرف بـ (إجازة جزئية) .

طريقة احتساب تجزئة الإجازات بما لا يتعدى 4 مرات :-

إذا تم أخذ إجازة تعاقدية وهي نصف رصيد إجازتك السنوية فتلك تحتسب عليك ( نقطة واحدة ) من أصل 4 نقاط أو تجزئات.

إذا تم أخذ إجازة جزئية لمدة 3 أيام وما فوق فهي تعتبر عليك (نقطة أخرى) .

إذا تم أخذ إجازة جزئية لمدة يوم واحد أو يومان فإنه لا يحتسب عليك أي نقطة.

ملحوظة ضرورية : إذا تم أخذ رصيد متبقي من العام الماضي أي رصيد (2006) وتم أخذه في سنة (2007) فإنه أيضا يعتبر نقطة أيضاً إن كان أكثر من 3 أيام .

في حالة طلب الاستثناء لا يتم الموافقة إلا بموافقة رئيس الفريق المعني ومع ملاحظة أنه سيتم إدخال كافة الرصيد لإنهائه كلياً وليس جزئياً .

ولكم مني وافر الشكر والاحترام ،،،

[norema-sarto]

يعطيك العافيه
وشكرا على التوضييح

[علميني الحب]

بصراحه أمرهم غريب
إذا تبي إجازه قالك رئيس الفريق لا الحين عندنا ضغط وشغل أجلها شوي
وإذا ما تبي تطلع قالوا لك أطلع أجازه غصبن عنك
ولا تبين ولا ترحل والصيف أداوم وربعك مسافرين
والسبب حاجة العمل
والله دنيا

[zeeroo]

بصراحة طريقة الاجازة مشكلة ومعقدة شكرا على الاإفادة

[brilliant]

اذا كان الفريق الواحد منسق اجازاته مع ربعه والاولويه للاقدم ومافي بينهم اي مشاكل ليش هالاشكاليه بعد

[Waluigi]

و يقولن العسكريه اصعب شي في الاجازات ما داومو في القطاع يومين بس يطلعون 60 يوم و 15 اداريه و غيرة لا و مانيخصم منهم ولا دينار و احنا يذلونا عليها لا واذا عندك رصيد لازم تطلع و انت ما تبي غصب و يجلدونا بالخصم الله كريم

[HUMMER]

يعطيكم العافيه عالتوضيح

[A/KARIM]

الله يعطيك العاااااااااااافيه

[بلاوي]

مشكوررررر على التوضيح

[nuclear]

نظام الاجازات عندنا ولا اغبى منه كل ماييت تبي اجازه قالك لا ما نقدر و بعدين اييك اخر السنه يطلعك 42 يوم فتح الباب على مزاجه و اهم انتو عارفين في ناس اجازتهم تنزل شهر 3 10-7-200؟ يعني محجوزه واذا قرى المقاله راح يعرف نفسه لانهم كذا واحد

[ملكّع]

بصراحه يعطيه العافيه اللي يقدر يجزء أجازته






:( :(

[hassankoc]

بالشركات المتقدمه والمتطوره ترسلها عبر عبر بالبريد الأكتروتي حتى لو يوم متى اردت ولا شأن لأحد بها

[ahmed]

ياجماعه ترى احنا مو عارفين ما شي اسمه تطلع الاجازه اجباري ولا في احد يجبرك يطلعك اجازه بس في شي ممكن مايطلعك اجازه بالوقت اللي تبيه لكن ما يقدر يجبرك انك تطلع ولا تقدر بعد تاجل اجازتك الى السنه اللي بعدها مثل ما يسوون المسؤولين اللي يداومون صباحي

[المخدوع]

شكرا" على المعلومة
الإجازات= بطيخ

[BAYE3HA]

اذا كان المسؤوول نحييس ومايبي يعطيك اليوميين شنسويييييييييييييييييييييييييييييييييييييي

[KOCQ8ya]

بصراحه نظام ولا اغبى منه يعني الواحد شيسوي اذا صار عنده ظرف ولازم ياخذ اجازه اكثر من يومين يعني يتوهق اخر السنه باجازه اكثر من 23 يوم واذا مسؤولك نحيس غصبك تطلعها بوقت مايناسبك
لا وشرطهم لازم تخلص رصيد السنه اللي فاتت قبل مارس واللي يقهر في ناس ما يخلصون رصيدهم الا اغسطس او سبتمبر
وبعد لا يصير في واحد نحيس معاك بالقسم يناجرك على الاجازات تتوهق عدل ويخرب المخطط


يعني هم بالاجازات في واسطه

[mubarak989]

انا عندى صاحب صديق يشتغل بالبترول الوطنية يقول اجازاتهم الموظفين يحددونها على كيفهم يعنى اسبوع قبل اهنية واسبوعين الشهر ذاك على طول السنة بس مايكون عندهم نقص فى الموظفين وامورهم ماشية لو يخلون الموظف يرتب اجازتة على كيفك جان احسن بس لازم ينكدون علينا بالاجازات هذا اذا طلعوك اصلا خاصة اذا كنت فى الانتاج

[Q8GAS]

مشكوررررر على التوضيح

[KOCQ8ya]

بصراحه بدال ما تصير الاجازه راحه صارت هم على القلب

[mubarak989]

الله يبعد عنج اللهم وعوار القلب وتنحل امور الاجازة وتشوفين اللى يسرج

[hassankoc]

والله قهر افهمو يا مسؤولين العامل النفسي للموظف عشان يركز ويعرف يشتغل صح .ماتدرون اذا الموظف حاط تاريخ في باله ومبلغكم او اطلعونه على غير جدوله لها جانب سلبي جدا في انتاجية وتركيز ونفسية الموظف عكس تهيئته للأجازه ومستعد لها فأنها لها جانب ايجابي ونفس طيبه وتركيز وحب العمل وتجديد بس منو تحاجي

[زورق]

والله يا إخوان العام الماضي يننت مسئولنا .. أداوم السبت لي الثلاثاء (4 أيام بس) والخامس أخذة سبلت يوم واحد ... و عليها طول السنة وعلشان ما تخلص بسرعة كنت أخذ يوم أربعاء مرة سبليت و مرة طبية:) .... دوام ولا أروع (كل أربعاء و خميس و جمعة ) إجازه مع عيالي .. القانون ما يحسب الي أقل من 3 أيام سبليت .. بس 23 يوم خذيتها كونتراكتوال(تعاقديه) .. و لما كلموني قلت هذا مو نظام الشركة ... يعني قانونيا أنا ما علي غبار ... بس شنو الأسبوع كان قصيييير و بسرعة يخلص.. محد يسوي مثلي و يخرب علي :))
صج يت على راسي في ال إس أو بي ...بس سنة كاملة يا زين دوامي ... والي أكتشفته إن بعض الملتزمين أخذوا اقل من تقييمي ... خوش نظام.:d

[q8nrsh]

رحال ليكون تشتغل بالمرور نظام نقاط ان اقول حدد مصيرك وهو انسى التجزئه

[mohdalali]

اذا كان المسؤوول نحييس ومايبي يعطيك اليوميين شنسويييييييييييييييييييييييييييييييييييييي

عند الصجية و الحالة الاضطرارية مالك الا الطبية

[A/KARIM]

الله يعطيك العافية

[زورق]

أنا أطلع كل يوم خميس سبليت ليف يوم واحد يعني الأسبوع عندي 4 أيام دوام ... ولا نقاط ولا كلام فاضي ... دوامي 4*3 لما يخلص رصيدي... والله المستعان

[Instrument]

تسلم يالغالي ،،

[التكنلوجي]

يماال العافيه على الموضوووع,
وشكراا على التوضيح

بس كل هذا:
عشاان ماينحدووون عليك ويشترووون اجااازتكـ

[NokiaCity]

يا جماعة تبوني اريحكم من هالطريقة البايخه اللي تجبركم تطلعون اجازة نص رصيدكم أو حتى السبلتات لها لمت معين...

انا اللي ماسك الاجازات بتيمنا و اكتشفت حركة فيها تلاعب على قانونهم السخيف لكن بنفس الوقت تعتبر قانونية لأن التيم ليدر بيكون موافق عليها

طبعا هالسالفه عن تجربه عندنا موظف خلص كل سبلتاته( اجازاته المجزأه) و صار ما باقيله الا نص رصيده بالضبط و الريال قدم اجازه يوم واحد و لما قدمتها للموارد البشريه رفضوها و سجلوله بالسستم اجازة مو يوم واحد الا كل رصيده اللي اهو تقريبا 23 يوم

المهم لما سألناهم قالو ماكو غير هالحل طلعناه كل رصيده لكن لو يبي يطلع بس هاليوم الواحد خلي يطلعه و يرجع من باجر يسجل على اجازته عوده مبكره و طبعا بعد ما يوافق عليها التيم ليدر بالسستم راح يوصلهم و راح يردونله الباقي من رصيده

الشاهد من الموضوع ان الريال الحين صار الرصيد اللي باقيله اقل من نص رصيد اجازاته فصار ماكو عنده اجازه تعاقديه صار يقدر يتحكم فيهم على كيفه و الدليل طلع عقبها اجازه من نفس رصيده مدتها 15 يوم



اتمنى هالحركة تفيدكم و تريحكم ان شاء الله :)


اي استفسار انا بالخدمه


سلام

[ABDULLAH]

شكرا على التوضيح يا رحال

و للمشاركين