المساعد الشخصي الرقمي

مشاهدة النسخة كاملة : العاملين الجدد في عمليات الوفرة مظلومين!!

PetroleumENG
11-27-2007, 06:12 PM
اللي يداومون بالوفرة يعرفون شنو يعني طريج الوفرة!!

يعني السيارة اليديدة حدها سنتين أو ثلاث ولازم تتبدل..

الشركة الله يعطيها العافية كل سنتين اتغير سيارات الموظفين..

لكن للأسف المهندسين الجدد (ud's) مالهم حق ابسيارة إلا بعد ما ياخذون جرايد 14، يعني بعد 4 سنوات!!:eek:

يعني هالمهندس المسكين لازم يستخدم سيارته الشخصية لمدة أربع سنوات.. ومثل ما قلنا انه هالطريج يكسر السيارات خلال سنتين.. معناته ان المهندس المغلوب على حاله لازم يشتريله سيارة يديدة أو على الأقل يؤجر سيارة حق الدوام..

يعني بإختصار:

مصاريف تأجير السيارة + مصاريف البنزين + تعب الطريج ... لا يمكن تتعوض اب 200 دينار بدل طريق..:(

فأعتقد انه الشركة لازم اتوفر السيارات حق ال ud's بعد سنة من التوظيف، أو حتى على الجرايد 13 احنا راضين..

ولا اشرايكم؟؟
joint.operation
11-27-2007, 07:02 PM
انا 100 دينار بس حق بانزين غير المصاريف الثانيه
kandaaa
11-27-2007, 08:49 PM
اخوي تقدر تطلب من مسؤلك يطلبلكم كل 2-3 UD's سياره تكون محسوبه علي KGOC وهذا النظام موجود والعديد من المهندسين استفادوا منه لين ربك يسهل وتاخذ قريد 14 وتقدر تسال الشباب في FDD
بوشهري
11-30-2007, 01:21 AM
ليش ما تيي بالباص ؟؟

ولا المهندس ما يلوق عليه الباص :)

تره اتغشمر .. بس مجرد فكره لحل المشكله على السريع .
joint.operation
11-30-2007, 09:24 AM
لازم الاحراج يعنى انا مقاول مو موظف رسمي واذا عالباص الباص يوقف بالمنقف واذا صار فى وقت تزرق ماعندك سياره شتسوى نظطر نداوم بسياراتنا والله كل شهر بطاقتين بو 50 دينار بترونت يامعود خلها على الله وسيارات شركتنا انسى تاخذها البيت ومشكورين
PetroleumENG
11-30-2007, 11:22 PM
ليش ما تيي بالباص ؟؟

ولا المهندس ما يلوق عليه الباص :)

تره اتغشمر .. بس مجرد فكره لحل المشكله على السريع .

مشكور على الفكرة.. ولكن أنا جربت الباص.. وله بعض الايجابيات ولكن مشاكلها أكثر ومن أبرزها:

1. المسافة من بيتنا ليه الوفرة 110 كيلو تقريبا :eek:.. والمسافة من بيتنا ليه نقطة انطلاق الباص 60 كيلو تقريبا .. يعني نص المسافة الكلية تقريبا!! بالعربي: ما تسوى علي انزل من سيارتي وأركب الباص وأنا( أولريدي) طاق طريج..

2. إذا أنا بالدوام مضطر أرجع مبجر من الدوام.. ما راح أقدر..

3. الباص راح يضيع علي وكت اضافي.. يعني أنا العادة أحتاج ساعة علشان اوصل الدوام.. يعني أنا العادة أطلع من البيت الساعة 6، ولكن اذا بروح بالباص لازم أطلع من البيت الساعة 5:30 لأن الباص يحرك الساعة 6:10 ...
PetroleumENG
11-30-2007, 11:24 PM
اخوي تقدر تطلب من مسؤلك يطلبلكم كل 2-3 UD's سياره تكون محسوبه علي KGOC وهذا النظام موجود والعديد من المهندسين استفادوا منه لين ربك يسهل وتاخذ قريد 14 وتقدر تسال الشباب في FDD

حبيبي.. المشكلة اني أنا الوحيد ud بالقسم..!!