عيادة الاسنان

[mtm]

السلام عليكم ورحمة الله وبركاته

بعد الانتظار الطويل للدخول على دكتور الاسنان بمستشفى الاحمدي

حولني لاخذ موعد مع دكتور مختص

ولما رحت اخذ موعد قالوا راجعنا اول شهر مارس 3 عشان نعطيك موعد حق شهر مايو 5

ولانه زحمة اتوقع راح يعطوني حق شهر 6 يونيو

يعني الضرس راح ينتفخ وينفجر وافتك منه قبل ما يجي موعدهم

هالكلام تاريخ 21-2-2010

ليش جذي مواعيد بعد 3 و 4 شهور حق الاسنان؟؟؟:eek:

[maz149]

أنا من رأي المستوصف أبرك

[شهد]

لالا للمستوصف خصوصا الفحيحيل

الله يعافي العيادات ماكو علا الميدان يا حميدان ;)

[العجمـي]

اعرف واحد يشلع لك الضرس ببلاش ويعطيك كفاله على الشلع :)

[mtm]

اشكركم على المشاركة

طبعا المستوصف معاناته غير شكل محنا بصدد ذكرها

:)

[الشعيبة]

لو من ربعهم ماتتعطل ساعه وتعال العصر وشوف حتى ناس والله العظيم مو من الشركة يعالجونهم والدكاتره بصوب والاستقبال وموظفينه بصوب لو يحسون على نفسهم ويعرفون إن العيادة مو ملك لهم كان حنا بخير وبسألك لو إنت تقرب لواحد منهم كان تعطلت بهالشكل ..!!!
والمسؤولين إذن من طين وإذن من عجين لأن إذا بغوا علاج ياخاص على حساب الشركات أو ماينطر دقيقة بغرفة خاصة وطاقم إستقبال والمشكلة أخي الكريم إن المستشفى بصوب والاسنان بصوب والله المستعان.

[Safety First]

قط فلوسك بالشمس واقعد بالظلال


اذا ماعندك معارف يضبطونك

[الدربيل]

عيادة الأسنان فااااااااااشله بمستشفى الأحمدي

عندك معرفه هناك تمشي امورك
ماعندك طيحوا ضروسك كلها هههههههههههه

الله كريم

[deaa]

ارجو تزويدي بشروط التوظيف بالنفط انا فني اسنان بوزارة الصحه

[mtm]

اللى برا يقولون لنا يا حظكم عندكم مستشفى الشركة
ما يدرون ان مساوء الطب كلها موجوده فيهم

شكرا يا اخوان
وبالنسبة للي يسال عن التوظيف
ماعندي فكرة

[الفيلكاوي]

موفقين تقبلو مروري

[mtm]

مرورك مقبول :)

[acid flare]

هذي مو عيادة الاسنان هذى عيادة الاعصاب اذا كنت تبي تروح هناك الله يعينك لازم تحط اعصابك بثلاجة من الفلسفة من موظفات
الاستقبال ومن المواعيد طويلة الاجل مثل القروض
لو تروح البنك تاخذ القرض اسرع من ان تاخذ موعد اسنان في المستشفى الاحمدي والاجانب ياكلون الخضر واليابس وهم اكثر منا مستفيدن من العلاج
والغلط منا احنا الكويتيين اللى نقول خل نروح الخاص

[زهرة التوليب]

انا خبري فيها جم جم سنه صراحه يفشلون
مواعيدهم كلش مو شي
ونفسيتهم شينه وتعاملهم اخس
والواسطات والمحسوبيات على افا من يشيل
غير ان انك اذا رايح لهم طوارئ ما يعبرونك
ينطرونك دور لين يطيح حظك وتموت من العوار وبعدين تدخل عليهم

انا اذكر يوم رحت لهم كنت يومين مو نايمه من العوار وخدوي وارم والسبه ضرسي ملتهب حده
على أساس ادخل طوارئ بس طنشوني وخلوني انطر 5 جدامي كلهم تنظيف وشغلات بسيطه عاديه !!
ويوم دخلت نظفوا ضرسي وقالولي تعالي بعد 3 اسابيع علشان نشلعه !!!
وطبعا عطيتهم طاف ورحت خاص لأن ما منهم فايده

[acid flare]

احلى مافي عيادة الاسنان على موظفات الاستقبال الله واكبر على النفسية الخايسة
كانك رايح طر فلوس من عندهم
وارجو من د.عماد العوض الاهتمام بالموضوع النفسية موظفات الاستقبال

[mtm]

المعاملة الجافة مشكلة بكل مكان بالكويت

لازم نعطيهم كورسات تعلمهم شلون يتعاملون مع الناس مع شوية ادب

[زهرة التوليب]

يبيلهم كورس (فن التعامل مع الآخرين )

[acid flare]

والله يبي لهم كورس اشلون يتعاملون مع نفسهم وبعدين ومع الناس
يا ساتر من النفسية