متى يتغير نظام الشفت

[HP_PUMP]

السلام عليكم ورحمة الله وبركاته


سمعنا ان فيه طلب و تواقيع من عمال شركة البترول الوطنيه

على تغير نظام عمل الورديات الحاليه

الى نظام ابسط واريح

لان نظاااااااااااااااام الورديات الحاليه

مزعج جداااااا

فماذا حصل على هذه التواقيع ؟

[فيصل العجمي]

السلام عليكم ورحمة الله وبركاته

اخي الكريم انا من موظفي البترول ولم اسمع بذلك
ولكن بما انك سمعت فهل لديك خبر عن النظام المقترح والبديل للنظام الحالي؟
ولك كل الشكر مقدما

[نسناس]

ماسمعنا عن هالخبر
ويياليت يكون فيه نظام يريحنا من قلبة الزام كل يومين وانت تاقلم نفسك عليها

تعب

[حبيب البترول]

التواقيع موجودة في ميناء عبدالله وهم من تبنى الموضوع ويكون توزيع الشفت يومين صبح ويومين ليل من الساعة السابعة الى السابعة 12 ساعة وبعدها 4 ايام راحة :eek:

[AGRP]

السلام عليكم:
ورقة التواقيع او حملة التواقيع موجوده حاليا في ميناء الاحمدي

انا من الناس اللي وقعت عليها قبل اسبوع

نظام الدوام المقترح 12 ساعه يومين صبح

12 ساعه يومين ليل

أربع ايام راحه ((OFF ))

وقد تم وضع رزنامه خاصه بهذا النضام مرفقه مع الاوراق وسوف تمر عليكم بالقريب العاجل

من ايجابيتها الاستفاده بأكثر عدد ممكن من أيام الاجازه

الاستفاده من اربع ايام راحه بدل اليوميين واللي بصراحه يحسب يوم واحد .

وشكرا ....


نــــــلتــــــقــــــي لــــــنـــــرتــــــقـــــــي

[أبو طلال]

أعتقد أن النظام المقترح غير مناسب و غير مقبول لنظام العمل

في المصافي و التعامل مع الوحدات و المواد الكيماويه ... فالعمل

لفترة 12 ساعه في مكان حساس خطر جدا و مرهق ... و لا أعتقد

أن قوانين العمل تجيزه أو تسمح به ...

[المارد]

انا من رأيي انه يكون أول يومين ظهر بعدين يومين صبح بعدين يومين ليل

[الرويشد]

اقبض من ديش يغيرون نظام الشفتات انا وقعت عل الورقه بس ما راح يقرونه صعبه تخيل الزام ياخذ مرضيه وا في احد الا انت تكمل لووووووووووووول لا وبعد ابروحك

[ثائر]

اخ رويشد اول شي وانت مداوم راح يكون فيه شفتين اوف (off)
يعني ماراح تداوم 24 ساعه اقل مجهود تتصل على الي بالاوف
وثاني شي يا اخ ابوطلال اعتقد انه في بعض الحالات ننجبر نداوم
16 ساعه في المصافي عشان نغطي النقص (أوفر تايم) ومرات
يكون شتداون وفيه نقص شديد ومجبورين نكمل 12 او 16 ساعه
يعني عمال الاوبريشن تعودوا على هالنظام وأتعبو من الست ايام
دوام ويومين راحه (يوم ونص بالعربي)
وشكراً

[HP_PUMP]

انا سمعت ان في نظامنا الحالي في الشفتات

لا يعملون العمال اللي يشتغلون في الدول المتطوره والمتقدمه

وبالنسبه لهم نظام قديم

ويمكن لو نشتكي لحقوق الانسان يمكن يقفون معناا

[MAB12]

انا من رأيي انه يكون أول يومين ظهر بعدين يومين صبح بعدين يومين ليل

هذي مو حلوه خصوصاً ثاني عصر لان بكون بعدها دوامك صبح ( قلبة الدوام هذي تتعب الواحد )

[k.n.p.c]

السلام وعليكم

والله انا اقول يوم صبح ويوم ليل ويومين اوف نفس ال كو او سي تمام

[ثائر]

هاهاهاهاهاهاهاهاهاهاها حقوق الانسان لو تجي شركتنا كان كلنا في غوانتانامو من اللي يسونه الابريشن في المينتنس انا أقول لايجون لا يجون D:


والله ياخوي ابو نايف هذي شغلة الأداره مو شغلة
مينتننس او الاوبريشن والعذاب قايم على كل الموظفين

[Operator]

اخوي Hp_pump


يالله توكل على الله بروح وياك دق مو ترك سلف ههههههههه

والله لو ادري انه راح يساعدونا والله لا اروح لهم

الا اقول يا معود ما عندك ايميلهم

[KNPC]

أعتقد أن النظام المقترح غير مناسب
كل الشكر

[علي]

السلام عليكم ورحمة الله

الدوام الأفضل هو :
يوم صبح من الساعة السابعة حتى السابعة مساء
ويوم ليل من السابعة مساء حتى السابعة صباحاً ويومين راحة

فأن أربعة أيام متتالية 12 ساعة مزعجة
وأنا عندي جدول يوضح ذلكك

وهذا تتطبق في شركة نفط الكويت قسم الإطفاء وقسم الإنتاج ، وهم مرتاحين منه جداً

[ضابط إطفاء]

يا ريت تطرشون لنا هالورقه خل نوقع عليها وياكم من جميع مراكز الإطفاء لاننا سبق وأن قدمنا علي مثل هذا النظام بو 12 ساعه ولكن تم رفضه من قبل dmd

[fireeccc]

انا مع اخوي ضابط الاطفاء ياليت دزون الورقه الى مراكز الاطفاء

[يالله سترك]

السلام عليكم
أنا من مؤيدي تغير الشفت 12 ساعه مثل koc
والاشخاص الي مو عاجبهم التغير مع احترامي لهم اتوقع انهم يداومون صباحي ومو حاسين بالتعب والظروف الي نمر فيه

والله يستر

[fma014]

يكفى انه فيه اربع ايام راحه تقدر تخلص اشغالك فيهاز

[fma014]

عفوا على الغلط المطبعى.......

[Neilz]

الصراااااااااااااااااحه خووووش خووووش وين هالورقه هذي خلني اشخطها على طوووووول من صجكم يا جماعه والله انعزلنا عن الناس وعن الاهل محد يحس فينا ترااااا انشالله تكون هذي خطة الشفتات اليديده او يعطيكم العافيه

[Q8snipper]

السلام عليكم أنا برايي الشخصي ان الحيات الاجتماعيه صفر على الشمال والله ومحد يفهم اللي أنمر فيه .. الصراحه ملينا من هالوضع نبي تغيير .. عالاقل مميزات موظفين النفط بالدول المجاوره .

[hashemknpc]

السلام عليكم
فكرة الشفتات هذي حلوة وزينة للعمليات وأرجو من الله أن تتطبق عشان نرتاح شوي ونعيش مع الناس

وشكرا