هنا كل مشاكل الاجازات للموظفين والموظفات ..مرجع للمسوؤلين

[سالم الخالدي]

السلام عليكم ورحمة الله


الكثير مننا يتمنى أن يأخذ اجازة في وقت معين سواء اجازة سنوية أو اضطرارية



فهل تأخذ الاجازة في وقتك المناسب


أم تجد صعوبة



ماذا عن الاجازة الاضطرارية هل يتم اعطاؤها للموظف وقت الحاجة الضرورية أم هناك تعسف من المسؤولين


ياليت الكل يشارك

وسيكون هذا الموضوع مرجع للمسؤولين لمعرفة مشاكل الموظفين في الاجازات

فيتم ايجاد الحلول المناسبة للموظفين

[المشاكس]

مع الأسف الإجازات الأضطرارية أصبحت بالقطاره ولما تقدمها كانك تطر منهم طراره وكل هذا طبعاً بسبب نقص العماله وهذا ينطبق أيضاً على الإجازات السنوية
بالنسبة لنا ألي نشتغل بالحقول في شركة النفط ينزل جدول سنوي للأجازات السنوية ورغم هذا مايكون في ألتزام بجدول الإجازات من قبل الإدارة

[BG. 1]

ماذا عن الاجازة الاضطرارية هل يتم اعطاؤها للموظف وقت الحاجة الضرورية أم هناك تعسف من المسؤولين

حاليا وخلال العامين الماضيين وإلي الأن

هنالك تفهم من المسئولين وخاصة الإجازة الإضطرارية ميسرة بصورة كبيرة بقسمنا

بعكس السنوات الماضية

[MAB12]

يا جماعه الموضوع يحتاج الى حل لان شي مايرضي احد

اول شي قولوا ماشاء الله ... انا عندي رصيد من ايام التحفيز 12 يوم وماعمري طلعت والسبب يقولون والله نقص بالشفت يعني انا ملتزم بالدوام ولما صار عندي ظرف وابي اطلع قابلوا التزامي بالدوام بالرفض كأنهم يقولون اخذ طبيه

وفي كلام سمعته ولا ادري عن مدى صحته .. يقولون راح يلغى موضوع التحفيز يعني بدال لا ينزل لك يومين تحفيز راح يتغير النظام يعني هاليومين راح ينزلون برصيد اجازاتك السنوي وكروت البانزين موجوده

[dehen_3ood]

إلى الآن لم أصادف مشاكل أو عراقيل وقت ما حبيت اطلع إجازة جزئية أو سنوية
وما اضطريت آخذ اضطرارية !!

بس معاي سكرتيره اهي الفقيره إللي حايسه
إذا بغت تطلع إجازة لازم تدبر منو يقعد مكانها او التيم ليدر يتحكم بموعد إجازتها !!
وهالشي يصادف أغلب السكرتارية !!

المفروض نتبع الـ Leave Program إللي نسويه كل سنة
وكل واحد يحط متى وده يطلع إجازة !! وإن صارت له ظروف قدمت او أجلت موعد إجازته
فأعتقد المفروض التيم ليدر يتفهم الوضع !!

شكراُ على هالموضوع

[سالم الخالدي]

يا جماعه الموضوع يحتاج الى حل لان شي مايرضي احد

اول شي قولوا ماشاء الله ... انا عندي رصيد من ايام التحفيز 12 يوم وماعمري طلعت والسبب يقولون والله نقص بالشفت يعني انا ملتزم بالدوام ولما صار عندي ظرف وابي اطلع قابلوا التزامي بالدوام بالرفض كأنهم يقولون اخذ طبيه

وفي كلام سمعته ولا ادري عن مدى صحته .. يقولون راح يلغى موضوع التحفيز يعني بدال لا ينزل لك يومين تحفيز راح يتغير النظام يعني هاليومين راح ينزلون برصيد اجازاتك السنوي وكروت البانزين موجوده

الحل بتوفير توظيف للشباب وتعويض هذا النقص


ليش ما يفكر المسؤولين بتوفير فرص للشباب الكويتي

[مختبرجي]

بصراحه الموضوع يوهق يعني الواحد مايقدر يواعد اهله او ربعه بأن يسافر معاهم لان موضامن الاجازه
وتدرون في شغلات تحتاج منك اجازه ويكون الحجز لها لازم من فتره يعني مو حده حده على سبيل المثال
تبي تسافر مع قروب او حاجز حق منتزه الخيران او تبي تسافر عن طريق طيران الجزيره.


وفي سؤال خاص للاخ الخالدي شلون حاط صورة شعاركم تحت نكك انا موقادر احط ليش وشلون اذا سمحت ؟

[سالم الخالدي]

بصراحه الموضوع يوهق يعني الواحد مايقدر يواعد اهله او ربعه بأن يسافر معاهم لان موضامن الاجازه
وتدرون في شغلات تحتاج منك اجازه ويكون الحجز لها لازم من فتره يعني مو حده حده على سبيل المثال
تبي تسافر مع قروب او حاجز حق منتزه الخيران او تبي تسافر عن طريق طيران الجزيره.


وفي سؤال خاص للاخ الخالدي شلون حاط صورة شعاركم تحت نكك انا موقادر احط ليش وشلون اذا سمحت ؟

طيب هل حصل لك أن تم الغاء اجازتك بعد أن تم التجهيز للاجازة

والحجز وكل تدابير الاجازة


أما عن الشعار الى الآن لم نفعل هذه الخاصية سنبحثها مع الادارة لا،ها الى الآن غير مفعلة للأعضاء لكن

عن قريب باذن الله

[مختبرجي]

انا الحين مداوم وتوني قدمت اجازه الى مسؤولي حق شهر 11 لاني بحجز من الحين على العربيه

جان يقولي ليش مستعجل وادري بعدين يقولي عندي نقص والسوالف هذي.
بس ماصار انهم لغوا لي اجازه
ومشكور على التوضيح بالنسبه للصور

[HUMMER]

والله اخوي موضوع الاجازه مشكله لنا احنا اللي بالحقول لان كل شي بيد المسؤل واهو على كيفه يطلع ربعه متى مايبي وانت يطبق عليك نظام اشوف الجدول واذا يسمح الوقت اني اطلعك لان في نقص
وانا مره حصل معاي ان قدمت اجازه ووقعت عليها ونلغت والاسباب ان في نقص او مااقدر اخلي مكانك فاضي
والحين انا مقدم اجازه والله يستر عاد بيوقعها ولا لا