شوفولنا حل مع هالمستشفى

[bo-saleh]

مريت على مستشفى الاحمدي قبل يومين في الساعه التاسعه والنصف مساء تقريبا وكالعاده انتظرت انا والاهل وابني ذو السبع شهور في قسم الطواري لمدة ثلاث ساعات لوجود دكتور واحد فقط يعالج الحالات العاديه في قسم الطواري ووجود ثلاث مادري اربع دكاتره قاعدين في الطواري للحالات الطارئه انا اقول ليش مايفتحون عياده ثانيه في هذا الوقت عشان الزحمه ولاتشوفون ياخوان الزحمه اعوذ بالله


كلمت دكتور في الطواري قلت له دكتور ليش ماتشغلون اوفر تايم عشان العدد كبير يقول والله قلنا للاداره بس كان ردهم لنا شنو ماتبون تشتغلون انتوا


والله ياجماعه مأساه هالمستشفى والله يضيق صدري اذا دشيته صارت مستوصفات الحكومه ابرك واخف من مستشفى الاحمدي

[فيصل العجمي]

السلام عليكم ورحمة الله وبركاته

الاخ الكريم بو صالح , هذه المشكله للأسف هي اهم مشكلة في المستشفى
ولا اعلم حقيقة ليش بالليل يكون طبيب واحد فقط ,
ولا تنسى قبل فتره يوم حطوا النظام الجديد وصارت شكاوي على التأخير قالوا عطوهم فتره لين ياخذون على البرنامج وبيكون اسرع من النظام القديم

وللأسف صارلهم تقريبا سنه والوضع من اسوأ الى اسوأ ولا نعلم الى متى سيستمر الحال هذا على ماهو عليه .
صرنا نكره الروحه لهذا المستشفى ونظطر نروح للخاص وندفع من جيبنا مع ان الشركة متكفله بعلاج الموظف وعائلته
ولكن الشرهه على اتحادنا ونقاباتنا اللي للأسف متناسين هذه المشكله المهمه .

وانا اقول مفروض نكثر من الشكاوي الرسميه حتى يعلمون بحجم المشكله

[مشغل سياسي]

اتمنى من ادارة المستشفى ان تكثف العيادات الخارجيه وتعمل على نظام دوامين صباحي و مسائي وتقوم بتقسيم العيادات على حسب الشركات المشاركه او التابعه للمستشفى فتكون هناك عيادتين لل knpc وعيادتين للkoc و الى ذللك بمعنى عيادتين لك شركه فا راح تخف الزحمه ويخف الشغل على الدكاتره

[إعلامي قديم]

السلام وعليكم

إخواني المستشفى ما لة حل إلا التأمين الصحي هو الذي يحل المشكلة

النظام الجديد نظام فاشل لأنه صراحة أشغل الأطباء عن العلاج والنظر للمريض الريال مو فاضي الأخ قاعد يسجل التقرير علشان ما يضيع

ولاحظ لما تجية شسوي قاعد على الكمبيوتر ويسجل التقرير المريض اللي قبلك والله أشغلوا الدكاترة

وهم الدكاترة ما يترقعون بعد هذا النظام الجديد لا بالله المستشفى تتطور

[feed gas]

بغيناهم عون طلو فرااااااااااااااعون

[ضمير الأمة]

انا اقول لازم يصير اعتصام اما المسشتفى بقيادة الاتحاد والنقابات النفطيه كااافه

[سراب الصيف]

مو خصصو ميزانيه وحطو المجسم للمستشفى الجديد اللي كانو ناوين يبنونه مقابل الهيد اوفس بالاحمدي ؟
وانه مستشفى اكبر وافضل واحدث ؟؟
وين راح كل هذا ؟؟

[موظف وفراوي]

انا اقول لازم يصير اعتصام اما المسشتفى بقيادة الاتحاد والنقابات النفطيه كااافه

انا اايد الكلام هذا

ملينا

[جهراوي نت]

مؤيد الاعتصااام