يرجى التصويت

[Kufpec Employee]

هل تود تأسيس نقابة للعاملين بالشركة الكويتية للاستكشافات البترولية الخارجية؟

[نـقـابي]

هل تود تأسيس نقابة للعاملين بالشركة الكويتية للاستكشافات البترولية الخارجية؟

امركم عجيب !!! المفروض ماتسألون بل تسعون بهالموضوع اذا كنتم في حاجة لنقابة

[فيصل العجمي]

بالفعل يجب ان يتم تشكيل نقابه لكل شركة نفطيه
وبإمكانكم الاستعانه بأخواكم اعضاء النقابات الموجوده او في الأتحاد

[Cherry]

ياريت لو تزودونا بالشروط علشان نقدر نتحرك..


انا كل ما سأل القى اجابات مختلفه .. ابي شنو الشروط علشان نقعد على طاوله المفاوضات

[Hunter]

الفكره من النقابه ان مجوعه من الناس تمثل موظفين الشركه بس يا جماعه احنا كلنا 80 كويتي وثاني شغله اكثر النقابيين يبون مصلحه شخصيه(رزه) وموهامتهم مصلحه الشركه(مو الكل طبعا بس الاكثريه) فخلونا جذي مرتاحين

[Kufpec Employee]

عضو جديد hunter،، مرحبا فيك وأخيرا قاعد يزيد عددنا،،،أخي العزيز احنا 112 او شوي اكثر كويتيين،، وياريت لو تسمع عن نقابات الشركات الثانية شتسوي وبعدين لك الحكم في انك تقول خنسوي نقابه او لا.

[sademployee]

سلام اهل كوفبك. طيب شنو الخطوات المفروض اتخاذها لعمل نقابة؟ يا ريت، يمكن يتعدل الوضع الشاذ اللى عايشينه بالشركة من سنين. أيدنا بأيدكم
ترى طال عمره ما راح يقص رقبتنا.

[kuf-1]

طال عمره .....مقطع الارزاق .... مفرق الجماعات... موحد شمل العصابات ....الله يخلي الريس الله يطول ابعمره

[Kufpec Employee]

:pيا اخ kuf-1 ترا الحين إييك hard worker ينزر نزرته المعتاده

[Hard_Worker]

السلام عليكم
الي فهمته ان احد اهداف النقابه التصدي ل"طال عمره"
فعندي سؤالين:
1-ممكن نعرف شنو الاهداف الي تبونها وطال عمره موقفها؟
2- اهدافكم الحاليه احتمال كبير انها تتحول الي اهداف نقابه كوفبيك(اذا تاسست انشالله) فنبي اهدافكم الحاليه او اهداف النقابه المسقبليه

[kuf-1]

الانصاف ... مو موظفين يقعدون 4-6 سنوات على ما تييهم درحه ليش؟؟؟؟ علشان طال عمره ما يحبهم ... اذا حبتك عيني

[Hard_Worker]

بس ؟ عشان جذي بتاسس نقابه ؟
مي خالف راح اوضح نقطتي اكثر
انتو تبون وتطالبون وتسعون بتاسيس نقابه فاكيد في مشاكل تبون تحلونها فشنو هالمشاكل ساؤ كان طال عمره المتسبب فيها او غيره؟
وشنو الحلول والبدائل الي تعقتد ان تاسيس النقابه راح تقدمها لك؟
وشنو اهداف النقابه؟ (ملاحظه: ماله داعي النقابه بس تحل مشاكل ممكن يكون الوضع على احسن حال والنقابه لها اهداف تحسن وضع العاملين في الشركه اول الشركه نفسها)
ومشكورين

[scout leader]

السلام عليكم
الي فهمته ان احد اهداف النقابه التصدي ل"طال عمره"
فعندي سؤالين:
1-ممكن نعرف شنو الاهداف الي تبونها وطال عمره موقفها؟
2- اهدافكم الحاليه احتمال كبير انها تتحول الي اهداف نقابه كوفبيك(اذا تاسست انشالله) فنبي اهدافكم الحاليه او اهداف النقابه المسقبليه

عزيزي

الأهداف الحاليه للنقابه:
- المساهمه في تهيئة أفضل بيئه صحيه للعمل.
- رفع المستوى المعنوي للموظفين لمضاعفة مستوى الأداء.
- تنمية الجوانب الإجتماعيه والثقافية للموظفين من خلال البرامج المنظمه.
- توفير فرص متساويه لجميع العاملين للترقي من خلال تحفيز الإبداع.
- الارتقاء بمستوى الشركه من خلال دعم وتصحيح المسارات الخاطئه سواء من الرؤساء او المرؤسين.
- مساعدة مجلس الإداره في تحقيق الإستراتيجيات الموضوعه لتحقيق أهداف الشركه.

هذه الأهداف الحاليه التي تدعونا لإنشاء النقابه
ويضاف عليها الأهداف التي يراها المجلس التاسيسي والمجالس اللاحقه في المستقبل

اما بالنسبه لمسألة "طال عمره"
فطال عمره أن شاء الله وعمر الجميع هو شخص يسعى لتنفيذ سياسات الشركه والقطاع النفطي بشكل عام وأن حدث اي خطأ أو نقص في طريقة الأداء فهذا شي جداً طبيعي وذلك نظراً لما يؤثر على الفرد من ظغوطات عند اتخاذ القرار
ودور النقابه هو التقويم من خلال إيصال الكلمه الصادقه وتقديم النصيحه والمشورة التي تلائم احتياجات العمل والعاملين

وفي شيئ جداً مهم أحب اشير اليه
أن اللي حاط في باله أن النقابه راح توقف معاه في كل الظروف (ظالم او مظلوم) فهذا كلام خاطئ وغير صحيح
والأصح هو أن النقابه تسعى لإيجاد الحلول مستمده قوتها من العاملين بالشركه

(هذا ما نتمناه من الأخوان الذين سيكونون في الكجلس التاسيسي والمجالس اللاحقه إذا شاء الله وتأسست النقابه)
تحياتي

[KingLear]

كلامك منطقي ووجهة نظرك محترمة جدا.

بس عندي اعتراض على شغلة وحدة.

(هذا ما نتمناه من الأخوان الذين سيكونون في الكجلس التاسيسي والمجالس اللاحقه إذا شاء الله وتأسست النقابه)

لا يبه لا، اخوان ماكو، كافي ان سياسة "عدم الاختلاط" صايرة موضة عندنا

[scout leader]

كلامك منطقي ووجهة نظرك محترمة جدا.

بس عندي اعتراض على شغلة وحدة.

(هذا ما نتمناه من الأخوان الذين سيكونون في الكجلس التاسيسي والمجالس اللاحقه إذا شاء الله وتأسست النقابه)

لا يبه لا، اخوان ماكو، كافي ان سياسة "عدم الاختلاط" صايرة موضة عندنا


انا ملاحظ هالشي
اقصد الاخوان (انتوا ياربعنا بكوفبيك) :p

[KingLear]

انا اشجعكم وتوقيعي جاهز علي اي شي، بس خلوني اختصر الطريق الطويل جدا جدا جداااااااااااااااااااااااا

انتوا محتاجين اعتراف من الشئون وعندهم كم شرط اذا مريت الدوام ادزهم لكم.

بس هم محتاجين 150 كويتي وكويتية (ورانا ورانا يا مساواة)

في طريق اسرع وابسط بس ذابحتنا هالهديمقراطية يا كويت.

بما ان احنا اقل من العدد المطلوب (ما يندرى صدفة!) فممكن ننضم الى نقابة المؤسسة واهمه كانت لهم نية، وحاولوا ناس يكلمونهم وكل اللي محتاجينه انهم يغيرون مادة صغيرونة علشان يحطون اسمنا فيها واعتقد في شركة عندهم نفس سالفتنا.

بس الله يسامح هالديمقراطية العوية، القائمة الحالية لها منافس والاثنين قابلين بس لازم يعقدون جمعية عمومية ويقدمون الاقتراح، القائمة الحالية راح تنرفض، والسابقة بتعارض والكل يبي هالسالفة تتسجل باسمه.

عاد شباب المؤسسة يمكم دشوا منتداهم وكلموهم، ولي صار عندكم نقابة بتعرفون شنو سالفة التكويت، وليش السكرتارية الكويتيين تحت هالاجانب، ليش مسمياتهم مساعد ادراي مو سكرتارية مثل باجي الناس وبالذات مسميات وزارة التخطيط الرسمية.

الزبده ان النقابة اذا ما فادت ما راح تضر، وعلى الأقل ان النقابة تكون صوت لنا موحد ما دام ما يبون يسمعون كلامنا. ناس تعرف حقوقك كانسان وموظف.

على فكرة، مسألة انك تداوم مقهور ومو من حقكموقف جدام مع انك مداوم من الصبح، ولا انك تداوم وعليك جواسيس وناس تحسب قعداتك وقوماتك؟! المسألة محتاجة وقفة.

انا كنت اتمنى اسمع من الشباب رايهم لو احد فيهم انظلم (يا كثر مظاليمك يا كوفبك)، من بيسمعك وياخذ حقك؟ واذا انسمعت شنو بيصير؟ عندنا في سوابق، والاشاعات تقول في ناس يدية طازة وما يندري شبيصير فيهم (قلبي معاهم)

بس خلوا بالكم تره Hard Worker يشوف بعيد، اهوه يقارن الناتج من هالنقابة ومشاكلها وديمقراطيتنا العوية.

شي أخير حبيت اضيفه، التأمين الصحي انرفض من الادارة العليا لأن مستشفى الأحمدي تغطيك وانتوا عارفين القمنده، اما الشركات الزميلة مغطية نفسها من نقاباتها.

[scout leader]

انا اشجعكم وتوقيعي جاهز علي اي شي، بس خلوني اختصر الطريق الطويل جدا جدا جداااااااااااااااااااااااا

انتوا محتاجين اعتراف من الشئون وعندهم كم شرط اذا مريت الدوام ادزهم لكم.

بس هم محتاجين 150 كويتي وكويتية (ورانا ورانا يا مساواة)

في طريق اسرع وابسط بس ذابحتنا هالهديمقراطية يا كويت.

بما ان احنا اقل من العدد المطلوب (ما يندرى صدفة!) فممكن ننضم الى نقابة المؤسسة واهمه كانت لهم نية، وحاولوا ناس يكلمونهم وكل اللي محتاجينه انهم يغيرون مادة صغيرونة علشان يحطون اسمنا فيها واعتقد في شركة عندهم نفس سالفتنا.

بس الله يسامح هالديمقراطية العوية، القائمة الحالية لها منافس والاثنين قابلين بس لازم يعقدون جمعية عمومية ويقدمون الاقتراح، القائمة الحالية راح تنرفض، والسابقة بتعارض والكل يبي هالسالفة تتسجل باسمه.

عاد شباب المؤسسة يمكم دشوا منتداهم وكلموهم، ولي صار عندكم نقابة بتعرفون شنو سالفة التكويت، وليش السكرتارية الكويتيين تحت هالاجانب، ليش مسمياتهم مساعد ادراي مو سكرتارية مثل باجي الناس وبالذات مسميات وزارة التخطيط الرسمية.

الزبده ان النقابة اذا ما فادت ما راح تضر، وعلى الأقل ان النقابة تكون صوت لنا موحد ما دام ما يبون يسمعون كلامنا. ناس تعرف حقوقك كانسان وموظف.

على فكرة، مسألة انك تداوم مقهور ومو من حقكموقف جدام مع انك مداوم من الصبح، ولا انك تداوم وعليك جواسيس وناس تحسب قعداتك وقوماتك؟! المسألة محتاجة وقفة.

انا كنت اتمنى اسمع من الشباب رايهم لو احد فيهم انظلم (يا كثر مظاليمك يا كوفبك)، من بيسمعك وياخذ حقك؟ واذا انسمعت شنو بيصير؟ عندنا في سوابق، والاشاعات تقول في ناس يدية طازة وما يندري شبيصير فيهم (قلبي معاهم)

بس خلوا بالكم تره Hard Worker يشوف بعيد، اهوه يقارن الناتج من هالنقابة ومشاكلها وديمقراطيتنا العوية.

شي أخير حبيت اضيفه، التأمين الصحي انرفض من الادارة العليا لأن مستشفى الأحمدي تغطيك وانتوا عارفين القمنده، اما الشركات الزميلة مغطية نفسها من نقاباتها.


بس حبيت اتاكد من معلومه 150 جنه 50 ولا انا غلطان؟؟

[KingLear]

لا ياخوي 150 نفر نفر.

عموما روح نام لا يخصمون عليك 750 فلس وانا باجر امر الدوام الضحاوي وادزهم لك

[Kufpec Employee]

يحليلكم سهرانين؟ والله الله يعطيكم العافية،، بس حبيت أضيف شي إن لما المؤسسة قررت إن كوفبك تكون تابعة حق شركة نفط الكويت فشرايكم ننطر ويمكن نقدر ننضم حق نقابتها؟

[KingLear]

تأسيس نقابة عمالية


يقدم طلب خلال 15 يوما من تأسيس النقابة، مرفق به المستندات التالية:

1 - نسختان من النظام الاساسي للنقابة، موقع عليهما من اعضاء مجلس الادارة.

2 - نسختان من محضر جلسة الجمعية العمومية، التي انتخب فيها مجلس الادارة.

3 - كشف باسماء اعضاء مجلس الادارة وبيانات كل منهم.

4 - كشف باسماء اعضاء النقابة وبياناتهم، موقع من كل منهم.

5 - اسم المصرف الذي تودع فيه اموال النقابة.

6 - شهادة من وزارة الداخلية بعدم اعتراضها على اي من المؤسسين.

[sademployee]

السلام عليكم اخوانى واخواتى
اشلون بنييب توقيع اعضاء مجلس الادارة ان شاء الله.:confused::confused:

[KingLear]

مجلس الادارة المؤسس اللي اهمه الموظفين المؤسسين.

[Kufpec Employee]

هذيل وينهم الحين،، يبيله نروح الهيئة العامه للمعلومات المدنية عشان نحفر في الأوراق ونطلعهم.

[KingLear]

لا يروح مخك ذاك الصوب، هذيل ما شاء الله صكوا على ال كابوني، واحد للثاني يسلم الراية، انا اقصد انتي محتاجة 150 كويتي وتتجمع مجموعة تروح للشئون واهمه (الشئون) يكملون المشوار وياك، ويألفون مجلس تأسيسي اللى اهوه مذكور وبس.

عموما هاذي يبيلها قعده وراح ارد اشرح بالتفصيل

[Kufpec Employee]

يعطيك العافية والله تسلم على جهودك

[أبوسعد]

السلام عليكم ورحمة الله وبركاته ،،

الاخوه والاخوات العاملين في KUFPEC

نؤيدكم وندعمكم في تأسيس نقابة لشركة هذا حق مشروع لكم .. ولا تقفوا مكتوفي الايدي
نحن في الشركة الكويتية لنفط الخليج لم يكن لنا نقابة قبل تأسيس الشركة الكويتية لنفط الخليج
كنا نتبع شركة الزيت اليابانية سابقاً وبقينا نطالب حتى تحقق لنا ما اردنا والنقابة هي السور الذي يحمي جميع الموظفين
من ايدي المسؤولين في الشركة حتى نقول لهم لا هذا القرار ما يعجبنا شوووووفوا غيره :)

لازم تسعون في تأسيس نقابة تخصكم.
مع اطيب المنى والتوفيق لكم إن شاء الله ..

[Kufpec Employee]

يعطيك العافية مشكور على تشجيعك الطيب وإنشاء الله نواصل مسيرتنا

[سمراء kufpec]

نقابه ل150 موظف فقط يقووولون لك صعببه:(