مطعم الشركه [الأرشيف] - منتدى العاملين بالقطاع النفطي الكويتي

HUMMER

10-05-2007, 12:11 PM

ياجماعه هذي وجبه بذمكتم حتى ال .... ماياكلها وهذا مطعم

اسمع صوت اللي يدق عليك الساعه 8 الهندي ياانه توه قاعد من النوم او يبي ينام

وبعدين غيروا المناقصه بس نفس الاكل لا ونقص بعد غسلنا ايدينا من الربيان والهامور المقلي ( الله يزيد النعمه)

خلي نثير الموضوع واتمنى من المسؤلين تغيير المطعم لان كل اكلنا صار طلبات من بره

dehen_3ood

10-05-2007, 12:34 PM

الله يزيد النعمة على هالوجبات !!

للأمانه ها !! ساعات الوجبات تصير زينه وساعات لك عليها
السلطه ناشفه وتقعد تقلب فيها خوفك فيها شعره ولا شي
اللحم عرد غصب تعلجه .. ليش هالعذاب يا ربي
الدياي فيه زفره !!
قزرها بفك وكاكاو :D

بالحقول في مطابخ والمفروض الطباخ كل يوم دام الطباخين والستاف إللي معاه ما يحدرون الديره
والـ HSE موجود ويراقب ويشوف ويعاين النظافه والصلاحية

بس الأكل مو شي
والواحد ياخذها من آخرها وما طلب غدا !!
إللي بالأحمدي يقدرون يطلبون من بره

زين وللي مقلوعين بقلعة وادرين شسوون ؟؟؟

يا مال العافية يا هامرررر على هالموضوع
وبانتظار جديدك !!

ابوحمد

10-05-2007, 12:44 PM

السلطه ناشفه وتقعد تقلب فيها خوفك فيها شعره ولا شي
اللحم عرد غصب تعلجه .. ليش هالعذاب يا ربي
الدياي فيه زفره !!

!!

السلام عليكم

اخوي همر جميع العقود او اغلبها يكون فيها شروط جزائيه وغرامات مشكلتنا ما نتعمق بالشي اللي نحاول تغييره

اتوقع لو تتطلعون على العقد بطريقه او بأخرى راح تلقون شروط جزائيه على ماذكرت الاخت دهن عود وهذا حاصل في شركتنا وكم مره يعمل عليه غرامات ويعدل بعدها اذا ذاق الخصم

وفالكم طيب

M7MD

10-05-2007, 12:56 PM

فعلا المطعم مو شي والهندي المزعج لما يتصل الوووووووو ((( قود مورنينق متئم وذ يو وت دويو ونت تودي )) طباع هالجمله لازم تقرونها باللهجه الهنديه صج تضحك بس ما تعدل من اكلهم شي عموما عندي اقتراح بسيط المفروض كل قسم عندهم مطبخ خاص فيهم والشركه الله يغنيها ما نبي منها شي وانا اعتقد ان الموظفين راح يمشون راتب الطباخ .... اصلا الطباخ راح يحصل مميزات ولا بالاحلام عند الموظفين وسلامتكم والسموحه على الاطاله .

HUMMER

10-05-2007, 01:27 PM

اخوي محمد انت الظاهر نسيت جماعة ال Hse هذيل يشمون المخالفات شم مع احترامي لهم وسيده عند التيم ليدر
يااخوان ترى هذا مو اكل لا وتتحاسب اذا طلعت ورحت يبت غدا من بره اتمنى يوم انكم تجيكون على اكل الموظفين واكل المهندسين مع التيم ليدريه ترى غيييييييييير وفررررررررق.
ومشكورين

dehen_3ood

10-05-2007, 01:30 PM

HUMMER

10-05-2007, 01:44 PM

لنا الله موظفين الانتاج والغاز والمختبر ..... الخ
وخلي يسامحوني اللي نسيتهم

الفيصل

10-05-2007, 02:13 PM

أخي هامر

شاكرك على هذا الطرح الجميل

بصراحة مطعم الشركة وخاصة الحقول حدث ولا حرج وصلت انه نلقى دود وشعر بالسلطة لا وتجيك الوجبة بارده ابي اعرف في رقابة عليهم أم لا

ولااا يوصلك الغداء الساعة 10.30 الضحي ودي اعرف متى بلش طبخ <------- واتغدى بعد صلاة الظهر (( الله يخلي الميكرويف ))

نتمنى ان توصل هذه المشكلة الى المسؤولين ويكونون على بينة بالامر

Fayez koc

10-05-2007, 04:11 PM

عندي أقتراح بخصوص وجبه الغداء
تكون عيش ودياي أو عيش سمك يعني طبخ كويتي 100%
مو مدخن دياي إذا مضبطينك يابوك ربيان مقلي أو هامور
يبى كل الكويتين وجبه الغداء................. مجابيس...................!
لازم نحافظ على العادات الكويتية
من حبنا لها بنوفر لها
لووووووووووووووووووووووووووووووووووووووووووووووووو ول

M7MD

10-05-2007, 04:24 PM

هلا وغلا اخوي Hummer اكيد عندك خبر ان الجميع يطبخ بس مو بشكل رسمي والمسئولين الكبار عندهم خبر وبعدين جماعة Hse يقدرون يدبرون حل يعني شنو فيها اذا كل سنتر مقابله مطبخ صغير يعني برا السنتر وعلى قولة الفنان سعد الفرج كأنه مو لك ...

المشاكس

10-05-2007, 09:36 PM

ترا ياجماعة تقدرون تطبخون في السنتر ومافي شي مو سيفتي ... لأن الجوله (الطباخ) هوت بليت يعني عالكهربا مو على الغاز وهذه تعتبر سيفتي ولا جان ماحطوها بالسناتر لا وأربع عيون وفرن بعد .....

أنا اقول لو إدارة الشركة تلغي المطبخ نهائياً وتسمح بالطبخ بالسناتر وغيره جان وايد أحسن .. على الأقل توفر الميزانية مالت المطبخ والي أكثرها رايحه على عمال المقاول ......
إذا كلش كلش يخلون المطبخ بس حق الإدارة يعني يصير مثل مطعم الحبارة أو الأتحاد ويخلون السناتر وغيرهم ياخذون راحتهم بالطبخ

عاد يقولون اكوا موظفيين بالسناتر عليهم طبخ غير نمونه :)

BG. 1

10-05-2007, 11:32 PM

ههههههههههههههههههههههههههههههههههه

المطبخ والهندي والأكل الله يعين

كله كوم والزبيدي يجيبونه مع بطاط شيبس علي الأقل مع عيش ودقوس

والله المطعم حظ عمال المقاول خاصة بالسناتر والليبريه بالسنتر

A/KARIM

10-06-2007, 04:08 PM

الله يزيد النعمه

HUMMER

10-06-2007, 11:50 PM

اخوي المشاكس احنا بالسناتر ممنوع علينا الطبخ مو مثلكم بالمطافي !!!!

انت جيك فوق الطباخ (الجوله) راح تلاقي سيفتي (كاشف الدخان) لو تشرب سجاره تحته يشتغل الانذار

خلي يغيرون الشركه المسؤوله ويفكونا من هالاكل اللي اتوقع اكل المساجين احسن منه

moh83

10-07-2007, 03:49 AM

و الله معاك حق الله يزيد النعمه أكلهم ناشف حق إلي مسوي رجيم اضاهر طابخينه على الطاقه الشمسيه

KOC FIRE

10-07-2007, 06:52 AM

السلام عليكم
موضوعكم بصراحه عجبني وثاني شي الاكل يوصلك يابس ومو مال اكل مال تحذفه بالزباله بصراحه والله الوجبه ناكل نصها ونخلي الباقي لن كلش ماتصلح للاكل ونرجو المطعم يكنسلونه ويبون لن مطعم مسكة وجبات صح مو يتصل ويقول بس وجبه ألي فيه مره ثلاث وجبات والله مايسير التسيب والفوضه احنى نتعب وشغل واخرته الاكل البور يكون اي شي فارجو ايد وحده عشان نغير المـــــــــــــــــــــــــــــــطعم ......... وين المطاعم ألي قبل وقسم بالله الاكل يوصل حار وفرش

وشكرا.........:mad::mad:

op_qweety

10-07-2007, 08:55 AM

اخوانى
سالفت المطعم سالفه عريضه وطويله

لو تقولون وتسولفون من الحين الى باجر ماكو فايده

يعنى احنا اتفقنا قبل مده على انه محد يطلب من المطعم عناد عليهم بس ماكو فايده بعض الناس مايطيعونا

اذا تبون نسوى حمله على المطعم يلا اللى موافق على الشغله يكتب بالموضوع او نبتدى بالارقام من الواحد

علشان نعرف جم الموافقه

يلا خلونا نغير شى بيدنا

المشاكس

10-07-2007, 01:33 PM

ترا المطعم نفسه نفسه ماتغير من أول ماحطوه الشركة بالثمانينات كل ألي يتغير فيه أسم الشركة ألي يرشي عليها العقد ... لما يرسي عليها العقد تحول كل موظفين الشركة ألي قبلها بأسمها ... علشان جذي تشوفون الأكل مايتغير ...
على العموم انا من الناس ألي ماحب أكل المطعم ومؤيد للتغيير وأعتبروني أول صوت

KOC FIRE

10-08-2007, 05:27 AM

وانا معـــــــــــــــاكم

MMMS

10-09-2007, 02:24 AM

السلام عليكم
الصراحه مطعم الشركه صج الله يزيد النعمة .... ياخي العلب مالت الاكل حدها وسخه ... واحنا ماندري اشلون الهنود يطبخووون .... واهما خو عادي عندهم الهنود كلشي ياكلون .... والمفروض في رقابة على المطعم والطباخين ... وانشاءالله تكون رقابة فعلية مو بس اسم رقابة

مختبرجي

10-09-2007, 02:32 AM

القولون مايالنا الا من اكل الشركه

HUMMER

10-09-2007, 07:17 AM

وانا بعد معاكم يااخوان وبدل ال1 بحط

1111111111111111111111111

alialramzi

10-09-2007, 10:06 AM

السلام عليكم
الصراحة انا ماقرأة كل الردود بس كلام اخوي همر عدل الاكل بارد او ماينبقى يااخي انا واحد من الناس راضي اني ادفع دينار بس آكل اكل نفس الاوادم مو اكل جنك قاعد بالاميري

أبو خالد

10-09-2007, 11:59 AM

يا جماعة لازم تعرفون إنه الوجبة هذي مدعومة من قبل الشركة
يعني الموظف يدفع 100 فلس
الشركة تدفع تقريبا 300 أو 400 فلس
مناقصة توريد الوجبات لشركة نفط الكويت على استذباح مو طبيعي من القطاع الخاص

KOCiya

10-09-2007, 01:16 PM

سلاااااام
انا طبعا ما اقدر اعترض على سوء الوجبات ..
بس مرات يحكني الييييييوع فأضطر أبلع اللي فيها بلااااع لا وانا ضايق خلقي بعد !
جان زين يغيرونها!!
بس نصيحه الحبارى عليهم خوووووش سمبوسه جبن (صج مو طنازه ) :p

الولدالذهبى

10-10-2007, 01:12 PM

الريجيم زييييييييييييييييييييين
أنا أتريق بالبيت
وأتغدى بالبيت بعد الساعه 3
:)

وبس

Q8y

10-10-2007, 01:19 PM

الريجيم زييييييييييييييييييييين
أنا أتريق بالبيت
وأتغدى بالبيت بعد الساعه 3
:)

وبس

واللي دوامه شفتات شيسوي ؟

يقزرها طلبات من المطاعم

الله كريم

HUMMER

10-10-2007, 08:23 PM

للعلم ياجماعه الوجبه ب 250 فلس والشركه تدفع 1.750 هذا كلام الكنترولر اللي بالمطعم
بذمتكم الوجبه هذي تستاهل هالسعر ؟؟

KOC_747

10-11-2007, 04:48 AM

قبل كانت الوجبات سيئة بس أحسن من اللي الحين
وشركة التوريدات أهم شي عنهم التوفير يعني تفرق معاهم الوجبة الوحدة

وإحنا الموظفين المساكين إهيء إهيء إهيء إهيء

إما نرضى بالصناديق وإلا .....

نقرقش مخابينا على المطاعم إللي تجرب في معداتنا وأمعائنا وقولوننا وأعصابنا ( إذا تأخر الطلب )
والله المستعان

Sam

10-11-2007, 11:41 AM

dehen_3ood

10-11-2007, 11:49 AM

أنا برائي إن المشكله الأساسية في الـ Koc هي العقود
مافي أحد متخصص في كتابة ومراجعة العقود

شروط إرساء العقود غالبا ما يتم تجاوزها، لا تحظير جيد للعقود، لا مراقبة أو متابعه، لا تدقيق، لا شروط إستلام أو تسليم صحيحه.. لا وأغلب عقودنا مافيها شورط جزائية !!!
يعني في النهاية انت تحت رحمة المقاول أو صاحب العقد أياً كان نوعه
بدايتا من العقود الصغيره (مثل عقود المطابخ)
وإنتهاء بالعقود الكبيره (مثل عقد الصيانة الشامل)

والله المستعان

أخوكم سام

في البداية نرحب فيك أخونا سام
أسعدنا انضمامك الكريم
مع اطيب التمنيات لك بقضاء وقت ممتع وطيب إن شاء الله

زين سؤال .. Contract I & II شمهنتهم أهم ومديرهم؟
مو المفروض يهتمون بمراجعة العقود؟
وباجي الإدارات إللي فيها مهندسين عقود
مالهم دور بهالسالفة؟

Sam

10-11-2007, 12:09 PM

الشكر موصول لكم..

أغلب مهندسين العقود أو كتاااب العقود من الناس اللي تمرسوا في كتابة القعود بالخبرة التراكمية :)
يعني قاعدين يجربون فينا.. مافي ناس متخصصين في كتابة العقود لا من الناحية اللغوية ولا من الناحية التعاقدية ولا من الناحية القانونية،،،
كل مافي الأمر.. أول ما يخلصون من كتابة العقد (وأمانة يكونون مجتهدين في كتابته على قدر علمهم في نوع العقد) يدزون العقد لكل فريق عمل لمراجعته.. وكالعاده في معظم الأوقات ترجع العقود بدون أي تعليق وبدون إبداء أي ملاحظة أو تغير.

ولو إن العقود كلها تكون كتابتها عن طريق فريق العقود.. شان ما إخلصوا بسبب حجم وكثرة العقود في الشركة
يعني خلونا على طمام المرحوم.. لأن من حرك بلش.

وكل عام وانتم بخير وعساكم من عواده
وتقبل الله طاعتكم

HUMMER

10-13-2007, 07:53 AM

مشكورين جميع الاخوان والاخوات على الردود بس للعلم الشركه الجديده حق منو ؟؟

واللي قبلها حق منو ؟؟

وعندنا الشركه مبدا نفعني وانفعك.. وهالشي الكل عارفه
ولا ادارة العقود تيلهم المناقصه موقعه وخالصه من فوق بس عليهم تبيلغ الشركه اللي عندها خبر بالموافقه

kuwaity001

10-15-2007, 04:51 AM

يااشباااب موضوووعكم حلووو وجيد !!!! بقوول لكم قصتين ودي أشوووف رايكم اوكي

قبل فتره راجعت مختبر إبن سينا أشكي من بطني عملي التحاليل وقال معاك تخمر أو بكتيريا ؟؟ طبعا سألته من شنو قال لي من أكل مطعم راجعت نفسي متى آخر مره كليت وتذكرت إني ماكليت بمطعم من برا من زماان !!!! طلع من وجبااات الشركه ...

القصه الثاانيه
كان عندنا تي بووي في السنتر شالووه الشركه اللي يداوم فيهاا ودووه لمطبخ الشركه فتره بعدين ردووه لناا طبعاا سألته شلوون المطبخ ؟ قال شغلات قاعده تصير بالمطبخ يشمئز منها الإنساان وتصدقوون إنه الحين ما يأكل من مطعم الشركه والسبب القذااره والتسيب والحشرااات الوجووده وعلى فكره الواااجب إنه يكوون فيه كويتي عليهم يرااقب بس للأسف يقوول ما شفنا رقعة وجهه

فعشااان كذاا قررنا الطبخ بالسنتر واللي مو عااجبه يطق رااسه بالطووفه والسيفتي مالهم أثر عندنا ولا لهم حق يتدخلووون في شي مو لهم ترا العصاا والسلطه لكم يااا أهل الإنتـــــــــــــــــــــــــــــــــــــــــــــ ــــــاج
شراايكم بالموضووووع

kuwaity001

10-15-2007, 05:25 AM

الله يعينااااااا بس متى نتقاااااعد

HUMMER

10-15-2007, 06:09 AM

والله اخوي احنا من مقاطعي مطعم الشركه والله يخلي المطاعم اللي بسوق الاحمدي ولا اللي عند السينما ترى عليهم مشويات موطبيعيه

dehen_3ood

10-15-2007, 12:01 PM

اشفيـــه الخبز والجبن وإنت رايح الدوام :D

مشكلة المطعم مشكلة عويصة حلها بطول الظاهر

حلينا المشكلة حل مؤقت وطلبنا ثلاجات حلوه ومجكنمة عندنا بالمكتب فيها ما لذ وطاب :)

واكل المطعم خليناه لهم .. وريوقنا الصبح من أي مكان على دربنا

وبس ربنا يسهل إن شاء الله :)

أبو خالد

10-16-2007, 11:35 AM

شباب

مدام انكم على قلب واحد .. ليش ما نحط تاريخ معين نبلش فيه امتناع عن تناول الوجبات ( مو تبون الفكة من هالشركة )

انا اشوف إن كتاباتنا وتعليقاتنا ما راح تقدم أو تأخر إلا لما نسوي شي ... خصوصا أن جماعة العقود ما يسوون متابعة مع الموظفين وأيضا حنا مو قاعدين نوصل صوتنا /شكوانا حول الوجبات ورداءتها

انا اقترحت من قبل نختار شهر معين (يكون على براد) نمتنع فيه من طلب الوجبات ... شوفوا شنو راح تكون ردة الفعل / النتائج
صدقوني راح يتحقق اللي نبيه (قلعت الشركة) . . شرايكم؟؟؟

HUMMER

10-17-2007, 07:34 AM

والله يااخوان اللي تشوفونه احنا حاضرين وانا عن نفسي اذا اخترتوا تاريخ راح اعلق ورقه بالامتناع ونشوف ردة الفعل

KOC_747

10-17-2007, 07:47 AM

ابو خالد

وينك من زمان هذي الإقتراحات ولا بلاش

نتفق يا شباب على يوم ونقاطع اكل الشركة بتاتاً مبتوتاً بتيوتاً

وخلهم يحسون فينا شوي

تستاهل أوت ستاندينق وجريد وكورسين في القاهرة على هالإقتراح الرائع

أبو خالد

10-17-2007, 11:23 AM

q8-koc

10-17-2007, 02:11 PM

يعطيكم العافيه أولا على هالمنتدى
بصراحه أنا اتفق مع أخوي بوخالد لأني شخصيا أطلب من المطاعم الخارجيه وكل مره ناكل بسرعه مع الشباب عشان مايجينا كلام من رئيس الفريق . بعد مامر مره العضو المنتدب وقال فاتحينها مطعم !!!!!
أكيد بنطلب من برا وبندفع أضعاف أضعاف سعر الوجبه بس عالأقل نظمن إن الوجه توها معموله . مو من الفجر وإذا مو من أمس بعد!!!

KOC_747

10-17-2007, 02:29 PM

فوووووووووووووووقه

خل يحسون فينا شويا ويتأدبون ويحترمون الموظف إلي قاعد يداوم 12 ساعة

بس خل نتفق على التاريخ مبدئياً 1/11 اوكي

وبإنتظار باقي الشباب

Winchester

10-18-2007, 12:33 AM

ايه . .
طيب شرايكم بتاريخ 1/11/2007 راح يكون يوم خميس...
شهر كامل بالضبط ... لا وياليت لو كل واحد يعلق ورقة على مكتبه مكتوب فيها ممتنع عن الوجبات الفاشلة ( بالعربي والانجليزي)

ها . . . تم يا شبااااب.؟؟؟

يعطيكم العافيه أولا على هالمنتدى
بصراحه أنا اتفق مع أخوي بوخالد لأني شخصيا أطلب من المطاعم الخارجيه وكل مره ناكل بسرعه مع الشباب عشان مايجينا كلام من رئيس الفريق . بعد مامر مره العضو المنتدب وقال فاتحينها مطعم !!!!!
أكيد بنطلب من برا وبندفع أضعاف أضعاف سعر الوجبه بس عالأقل نظمن إن الوجه توها معموله . مو من الفجر وإذا مو من أمس بعد!!!

فوووووووووووووووقه

خل يحسون فينا شويا ويتأدبون ويحترمون الموظف إلي قاعد يداوم 12 ساعة

بس خل نتفق على التاريخ مبدئياً 1/11 اوكي

وبإنتظار باقي الشباب

توكلوا على الله انا معاكم ضد هذا المطعم التعيس

كحيلان

10-18-2007, 01:43 AM

أنشرو خبر الاضراب عن شراء وجبات من المطعم في 1/11/2007 صدقوني يتغير المطعم خلال 4 أيام من الخسارة ........ وأنا معاكم أيدي بيدكم

dehen_3ood

10-18-2007, 08:15 AM

يا مال العافية وقواكم الله

أبو خالد

10-18-2007, 08:30 AM

كفو والله

انا عن نفسي بلشت من زمان ... وحتى اللي مو مسجلين بالمنتدى قاعد أوصيهم وأشيشهم

ترا كلنا 5600 موظف تقريبا (خل يصمل نصهم بس) من 01/11/2007 ونشوف المطعم ينقلع ولا لأ

حاليا 14 واحد خذيت منهم الأوكي .. وكل واحد من صوبه يشيش ربعه . . صااار

Sukar-ENG

01-11-2008, 03:10 AM

السلام عليكم

انا عندي اقتراح بسيط
لو يخلون مطعم الشركة نفس ادارة نادي الحبارى وايد احسن
عالأقل ناكل اشياء سنعة الله يعز الشركة ايام المرحووووم بابا عود مو الحين :/

Sukar-ENG

01-11-2008, 03:16 AM

السلام عليكم

حتى اكل المستشفى اهون ..
انا عندي اقتراح بسيط
لو يخلون مطعم الشركة نفس ادارة نادي الحبارى وايد احسن :rolleyes:
عالأقل تاكلون اشياء سنعة ...
الله يعز الشركة ايام المرحووووم بابا عود مو الحين :/

KuwaitVoice

01-11-2008, 10:15 AM

حاشتني نزلة معوية (تسمم) أسبوع كامل على أثرها نمت بمستشفى الأحمدي يومين وطيبة كلينيك 3 أيام يالله صرت زين ..

طبعا أكثر من اربع جياس درب والأبر والكمادات على كيف كيفكم ..

قمت الصبح رحت الدوام مثل أي يوم بكامل صحتي والحمدلله وأديت عملي على أكمل وجه .. الساعه 1 بلشت بوجبة الشركة ونحرتها نحر من الوريد إلى الوريد من كثر ما كنت يوعان :) الساعه خمس أنا بمستشفى الأحمدي طريح الفراش إلى خمس أيام متواصلة متنقل فيها مابين البيت و مستشفى الشركة إلى طيبية كلينك بعد ماشفت أن ماكو فايدة حتى بمستشفى الشركة .. مع العلم أن بيومها ما أكلت حتى ريوق .. فقط وجبة الشركة ..

ومن يومها وأنا مقاطع وجبات التسمم ..

معاكم بالإضراب .. وأتمنى الخطوات أتكون على مستوى و تنسيق عالي لإيصال صوتنا ..