استاد الاحمدي شحقه

[Q8MAN]

من المعروف انا لدى شركتنا المحترمة استاد رياضي كبير ليس به من النشاطات الرياضية شي يستفيد منه موظفين الشركة اللي اعرفه انه الملعب مجهز للمسؤول وقت اللي يبي يحرك كريشته يضبط مع اعضاء الاتحاد الموقرين ويضبطون له الشغل ليش ما يكون الحق لكل موظف انه يحجز الملعب ويستفيد بدال ماهو مخلينه حق تدريبات فريق الشركة اللي دايم الاخير بدوري الوزارات للعلم مرة لقيت بالملعب بعض من ابناء منطقة المراهقين في هذا الملعب شاقحين الطوفة ولا احد داري عنهم

[fireeccc]

كلامك في محله اخوي Q8man

[Q8MAN]

الظاهر ودك تلعب كورة عندك فريق تبارون لا وبملعب الشركة

[HUMMER]

ههههههههههه يعطيك العافيه على هالموضوع

[المشاكس]

اخوي مع الأسف المسؤل عن ملعب الشركة مايدري عنه يعني نايم بالعسل ....

أذكر السنه الماضية أو ألي قبلها لما نادي الشباب قامو يتدربون بالملعب صار الملعب روعة لأن أخونا ألي مسؤول عن الملعب عضو بنادي الشباب وكان لاعب سابق فيه ....

وبعدين فريق الشركة مابنلام إذا أخذ المركز الأخير في دوري الوزارات لأن مافي اهتمام من إدارة الشركة وفوق هذا مافي مدرب عندهم مثل الوادم لا والي أخس من هذا كله مساعد المدرب أهو بروحه مايعرف يلعب .... شلون تبيهم يحققون مراكز ؟ :)

[BG. 1]

لكل موظف انه يحجز الملعب ويستفيد بدال ماهو مخلينه حق تدريبات فريق الشركة اللي دايم الاخير بدوري الوزارات

يعني شنو يهدمونه

وبالنسبة لحجزة من قبل العاملين ليش ما تقترحون عليهم وتوصلون هالإقتراح للمسئولين يمكن يطلع منهم

[moh83]

استاد الاحمدي موجود من عصر فرعون وهو مهجور

[almooot]

استاد الأحمدي كان في السابق اتصير عليه احلى مباريات الدوري وكان هذا الملعب تلعب عليه انديه المنقطه العاشرة ضد الأندية الكبيرة مثل العربي والقادسية لكن للأسف الأهمال من الشركة طول هذي الفترة وينها ما طورت وسوت شي بالملعب بس تم انشاء منصة صغيرة وكان فريق الشركة له دور كبير مو مثل الحين

[المشاكس]

أستاذ الشركة كل سنة يسوون فيه مهرجان يوم الأحمدي الرياضي ... وهم بعد كانو يعطونه حق نادي الشباب يتدربون فيه وقبل كم سنه مبدلين أرضية الملعب كامله ..... وفريق الشركة يتمرن علية 3 أيام بالأسبوع غير المباريات التجريبية ألي يسوونها عليه وفي كل سنة وترك يلعبون مع تكساكو مباراة يحضرها رئيس الشركتين وتكون في رمضان ... بس مادري هالسنة سووها أو لا ؟
يعني المعلب مو مهجور

[م.محمد]

فالحين بس حق مهرجان الاحمدي

[الفيصل]

السلام عليكم


بالنسبة لاستاد احمدي الرياضي أغلب الاحيان تقام فيه بطولات بين الشركات وطبعا تقام عليه المهرجانات يوم الاحمدي الرياضي وغيرها من الاحتفالات ومن المفروض يكون فيه اقتراح لتأجيره على الموظفين أحسن من لا نروح بعض مراكز الشباب


مع التحية

[اندريللا]

صدقت الملعب ما استفدنا منه شئ

[شركة من صادها عشى عيالة]

اخوي انا استفدت منه غصن على اللي ما يرضى قبل كنت لما احب اركض على الترتان ( ارضية العاب القوىاللي لونها برتقالي ) اروح الباب القريب من الاتحاد و اشقح ( دير بالك لا تسويها ترى في اسلاك شائكة ) و اركض بالضلمة و لي خلصت حطيت لي ذاك الدرام و شقحت مرة ثانية و رحت سيارتي بس مره تعلقت بالاسلاك الشائكة و تزلق ذراعي و تقطعت بلوزتي ( بلوزتي مو شي ثاني ) :)

[STARMARK11]

استاد رياضي يستخدمونه حق فريق الشركة و حق نادي الشباب بعض المرات, والمهرجانات وأيد اخوي ان يكون في حجز للموظفين يومين بالسبوع