الترقية للأقدميه أو الكفاءه؟؟؟

[CHAIRMAN]

أيهما تفضل الترقية بالأقدميه او الكفاءة؟؟؟

[فيصل العجمي]

السلام عليكم ورحمة الله وبركاته

كل الشكر لك اخي الكريم على طرح هذا الموضوع

بالنسبة لي ارى ان الترقية بالأقدمية هي الأفضل حيث لن يكون هناك تدخلات ولا تجاوزات او واسطات
في حين لو كانت للأكفأ فمن الذي سيقيم الموظفين؟ وهل سيكون حال الترقيات كحال البونص؟ للأقارب والربع والناس الخاصين؟

[نسناس]

تشير مان موضوع ممتاز

انا مع الاقدميه لان محد يقدر ياكل حقكك

وبالنسبه للكفاءه يفضل جوائز وكورسات برا

[المارد]

انا أقول الأقدميه أفضل ..كافي البوونص يعطونه ((( للكفاءه))) من تحت الطاوله ;)

[الفيصل]

بالنسبة للاقدميه أفضل

أولا: خبره
ثانيا: لا مجال للواسطة
ثالثا: يكون متمكن وعارف الشغل من الابره لي الصاروخ على قولة الاخوان المصرين

أما للكفاءه :

أولا: البونص ((من تحت الشليل ))
ثانيا: الواسطة تلعب دور


مع التحية
فيصل الجابر

[mohammed]

طبعا الاقدمية هي الافضل ولا اتزعل احد
اما بخصوص الكفاءه نفس ما اذكروا الاخوان منو الي راح يقيم
وحنا عارفين محد راح يقيم بضمير يعني راح تدخل الواسطه من اوسع ابوابها

[CHAIRMAN]

بس ما تظنون ان الاقدميه طلعت ناس ما تفهم بالشغل، وناس نايمه طول وما عندها سالفة الا القريد جاي قصب والا طيب؟

[المتمكن]

يعتمد
بلا شك ان الاقدميه لها دور
ولها اهميه فى الترقيه
ولكن الخبره والكفاءه تميز
الشخص الكسول
من الشخص الممميز
ولكـــــــــــــــــــــل مجتهـــــــــــــــــــــــــــــــــــــــد نصيـــــــــــــــــــــــــــــب

[عبدالله العصيمي]

والله إذا تبون مصلحة العمل فلابد من توفّر عنصريّ الكفاءة والخبرة بالإضافة إلى الأقدمية ، علماً بأن الأقدمية لاتعني الخبرة وليست شرطاً لتوفر الخبرة .
ولكن وفي ظل المحاباة والواسطة والشللية وغير ذلك الكثير من أمور القفز على الحق ، يكون معيار الكفاءة سلاح ذو حدين في يد الشاب اللطيف المسؤول الله يحفظه ويطول بعمره

تحياتي

[الرويشد]

بالنسبة للاقدميه أفضل

أولا: خبره
ثانيا: لا مجال للواسطة
ثالثا: يكون متمكن وعارف الشغل من الابره لي الصاروخ على قولة الاخوان المصرين

أما للكفاءه :

أولا: البونص ((من تحت الشليل ))
ثانيا: الواسطة تلعب دور


مع التحية
فيصل الجابر
في ناس قدم حميرر وما يفهمون شي ولا يعرف كوعه من بوعه بس فالحلي بالتفلسف وانا كنت وانا سويت وهو ما يعرف شي والناس تشهد بس ما اقول ومع الدنيا السلام اي وهو اكثر واحد مترد واكثر واحد يتكلم عن النظام والقوانين

[mohammed]

الله المستعان يا الرويشد

[CHAIRMAN]

في ناس قدم حميرر وما يفهمون شي ولا يعرف كوعه من بوعه بس فالحلي بالتفلسف وانا كنت وانا سويت وهو ما يعرف شي والناس تشهد بس ما اقول ومع الدنيا السلام اي وهو اكثر واحد مترد واكثر واحد يتكلم عن النظام والقوانين

يعطيك العافيه الرويشد،،
الظاهر انك قاصداحد بس هذا مو موضوعنا، اللى مو عارف كوعه من بوعه مثل ما تقول بيجيه يوم وينكشف يا اما واحد من موظفينه بيسأله او احد المسؤولين يسأله عن شغله او حتى من عمال الصيانه، بس السؤال، هل تظن جميع الناس اللى ترقوا بالأقدميه فاهمين؟؟؟؟

[مختبرجي]

المشكله ان الشركه موراضيه ترسي لها على بر تشوف ان اذا تبي تطلع ناس على حساب ناس تستخدم مايناسبهم عشان يرقون ربعهم.
مثلا مره يقولون بالاقدميه ومره الشهاده ومره التقارير ومره ليفيل الانجليزي .
قاعدين يلعبون على كيفهم على مايناسبهم حق ربعهم

[المشاكس]

نظام الترقية بالكفائة هو الأنسب .... لكن ...!
إذا لقى ناس عندها ضمير بالتقييم .. نظام الكفائة مطبق في جميع أحناء العالم تقريباً وهو ناج 100% لكن عندنا بالكويت فاشل 100% وهذا الشي مو جديد على الكويت بسبب الواسطة طبعاً ......
نظام النقاط ... أو الكفاءة
1- آخر 3 تقارير سنوية
2- الغياب والحضور خلال 6 أشهر من قبل التقييم
3- مستوى اللغة الأنجليزية
4- الشهادة
5- تقييم المشرف ...... وهذا ألي فيه أكثر شي يتم التلاعب ... بالأضافة إلى التقييم السنوي

[BG. 1]

إذا كان الموظف القديم يستحق الترقية ولا يكون عليه ملاحظات

فمن الافضل ترقيته لخبرته



أما نظام الترقية حسب النقاط سهل التلاعب به من قبل الإدارة لترقية من يريدون

شكرا لطرح الموضوع

[مسلم كويتي]

الاختيار على حسب الأقدمية دون الكفاءة يدمر أي نظام وظيفي ، لأته ببساطة ينصب الفاشلين ويجعلهم يديرون الدفة ، وفي النهاية أكيد المركب طبعان.

[المهندس]

بالنسبه للجروب اللي انا فيه الترقيه تكون ل
1- الاجنبي القديم (يعني هنود ولبنانيين ومصريين وفلبن) سينيريه صاروا لول والكويتيين صارلهم اكثر من 7 سنين وذو كفاءه ما خذوها اللا بالواسطه او بالشكوى للأسف-- 4 حالات
2- الترقيه عندنا للي توهم متوظفين من خارج القطاع النفطي من الحكومه يعني - يعني توهم داشين الشركه وعمرهم فوق ال 35 - داموا سنه او سنتين واخذوا حقنا بالترقيه بالسينيريه- ماني عارف شنو الخبره اللي عندهم هههههههه- قسم بالله انجليزي ما يعرفون ومو متعودين عالشغل واكثر من جذي المسئولين ما يعطونهم شغل لانه ما يقدرون يعتمدون عليهم- عندنا حالتين


بالنسبه لي انا افضل ذو الكفاءه والخبره معا بس خبره وهو ما يداوم ما اتوقع يستحق

ودمتم

[Fighter]

والله الصحيح الخبرة في نفس القسم ... نحن في الأطفاء يأتي لنا شخص كان يعمل لدى قسم السكرتارية مثلا ولكن قديم يأخذ درجة شخص اكفء منه في الأطفاء وله خبرة اكثر في القسم ؟؟؟؟
هل هذا يعقل ؟؟؟؟

[HUMMER]

بالاقدميه....

[ما عندي واسطه]

لا اقدميه ولا كفاءه عندك واسطه في الشركه تعيش ملك اسالوني

[frfosha]

أنا اقول بالاقدميه ولو هالانسان ما كان معطي في بداية حياته وقدم اللي عليه وتالي انحبط جان ما صار بليد وعلى قولتك كلله نايم بأواخر سنينه وعلى فكره في ناس تقدر تكسب منهم الخبره وترى الخبره انا عندي اقوى من شي اسمه شهاده ، وصحيح انه الشهاده مطلوبه بهالايام كواجهه فقط بس ولا واحد فينا اشتغل بمجال شهادته وقله من تلقى اللي اشتغلو بنفس مجال شهاداتهم بس بالخبره صدقني تكسب الاكثر والاكثر