حقوقنا مسلوبه

[بنت كوفبك]

ليش رئيس مجلس الادارة الجديد ما يجتمع مع قسم قسم من اقسامنا ويعرف مشاكلنا مثل ما سوى الي قبله:confused::confused:

[kuf-1]

بنت كوفبك ... بوناصر اجتمع مع الموظفين بس قلة الي اشتكو ...........

[فيصل العجمي]

السلام عليكم ورحمة الله وبركاته

اختي الكريمه بنت كوفبك بودنا ان نعرف بداية ماهي مشاكلكم؟

[بنت كوفبك]

مشاكلنا كثيره من ناحية التقدير والتقييم ومن ناحية اخرى الدرجات ومساوتنا في الغير كويتي

[The^Queen]

تبون الصج
من اكبر الاخطاء تعدي المسؤول والوصول الي رئيس مجلس الاداره
يعني مو كل مشكله اوصلها لي اكبر راس
سوااءا كورس وقف
درجه تاخرت
يعني هذي مشاكل عاديه مايحتاج اني اروح اضرب اكبر راس
ماتكسبون الا كرهه المسؤول مو احترامه وتحذره منكم وبلاك لست وابريزل ردي



المشاكل اللي عندنا عاديه بكل الدوامات

[Cherry]

علشان نكون عقلانيين خلينا بالاول نقول شنو مشاكلنا بالضبط.. و الخطوه الثانية ، نقيم الماشاكل و نرتبها حسب الاهمية..

و بعدين كل مشكله لها مستوى اداري قادر على حلها..

حسب تسلسل المهام و المسؤوليات.. اذا لجاتي للمسؤول و ما حل المشكله تقدرين تشتكين حق الاعلى

[scout leader]

تبون الصج
من اكبر الاخطاء تعدي المسؤول والوصول الي رئيس مجلس الاداره
يعني مو كل مشكله اوصلها لي اكبر راس
سوااءا كورس وقف
درجه تاخرت
يعني هذي مشاكل عاديه مايحتاج اني اروح اضرب اكبر راس
ماتكسبون الا كرهه المسؤول مو احترامه وتحذره منكم وبلاك لست وابريزل ردي



المشاكل اللي عندنا عاديه بكل الدوامات


هذا والله كلام الزين :)

[Kufpec Employee]

مشاكلنا الله يسلمكم 1-عدم الانصاف وإعطاء كل ذي حق حقه
2-عندنا مثل يقول (لي حبتك عيني ماظامك الدهر) هذا حاصل عندنا
3- في ناس فوق إذا حطوك براسهم فمعناته مستقبلك الوظيفي تدمر (لاترقية لاكورس لاسلام عليكم)
إذا في شي ثاني اخواني تضيفونه يمكن مو ببالي فياريت

[Cherry]

احب اضيف التالي:

* سوء اختيار الموظفين و تعيينهم على اساس ماله شغل بمؤهلاتهم
* المدراء محطوطين في دوائر ما يفهمون فيها شي
* اللي يشتغل يكرفونه زياده والتقييم آخر السنه غير عادل
* يمكن تطيح في دائر مديرها عسر يكرفك لين يطيح حضك و تشوف باجي الدوائر يكشون ذبان.. و آخر السنه تتقيم اقل من الكل

[kuf-1]

يا صاجة يا صاجة .... ما جذبتي صاجة

[Cherry]

اي و ازيدك من الشعر بيت ..

اذا صار مديرك زين و يقدر تلقا اللي تحته من القهر يحفرون لك .. و يبون عليك الزله علشان ما تتقيم زين

جنه اذا عطوك بونس راح يندفع من جيبهم

[Kufpec Employee]

آه يالقهر يا cherry ضربتي عالوتر

[بنت كوفبك]

والله بعد قولوا انا الغير كويتي ماشي سوقه والكويتي طايح حظه

[scout leader]

والله بعد قولوا انا الغير كويتي ماشي سوقه والكويتي طايح حظه

لاحول ولا قوة إلى بالله
معنهم قالوا " الكويتي انفع" :)

[kuf-1]

الكويتي انفع اذا كان صابون او دهن او معكرونة .... مو احنا

[The^Queen]

لا الكويتي انفع
الحين حبنا لها بنوفر لها يعني مو لصالحكم

[scout leader]

لا الكويتي انفع
الحين حبنا لها بنوفر لها يعني مو لصالحكم


الفرق بينا وبين الأجانب شي واحد
تدرون شنو أهو؟؟

أهم التيس الغريب:)

[byee3]

والله بعد قولوا انا الغير كويتي ماشي سوقه والكويتي طايح حظه


وازيدج من الشعر بيت اذا كانت بعد تلبس الضيج وطلع سيقانه اللي جنوهم سيقان هندية ، هذا غير تلوين الشعر اللي كل يوم لوووووووون

[Kufpec Employee]

هههههههههههههههه،،،،، احنا ماعندنا جذيه بالشركة،، صج ماكو حلويين بس مازالت الشركة فيها ملح

[scout leader]

هههههههههههههههه،،،،، احنا ماعندنا جذيه بالشركة،، صج ماكو حلويين بس مازالت الشركة فيها ملح


ياكبير يا kufpec employee

وصج عاد احنا ماعندنا المصاخه الزايده هذي :)

[sademployee]

شرايكم يساوونا بالاجانب. الاجنبى في كوفبك ماخذ حقه وفوقه عشرين بوسة. من تقاييم، وبونصات، وسفر. ما أدري متى يستحقون الجنسية الكويتية.:rolleyes::rolleyes:

[Casio]

ايه والللللللللللللللللللللللللللللللللللللللللللللللل لللللللللللله ايه والللللله:confused:

[Kufpec Employee]

مو قالوها،، صخلة الفريج تحب التيس الغريب

[kuf-1]

اشواااااا احنا مو صخلة ولا تيس .... احنا موظفين كوفبك

[Kufpec Employee]

والله مو قصدي اهين احد بس هذا مثل ينطبق علينا بالواقع،،، يقولون الأجانب عندهم خبره و و و و،،،،،،، انزين طيب في كويتيين عندهم خبره بس قاعدين ينحشونهم ويحطون بدالهم خريجين ud والنعم بعيالنا الجدد بس شركتنا تحتاج خبره بسبب طبيعة عملها خارج الكويت،، مو معناته ان لازم غير كويتي خبره،، يا أخي حطو اعلانات بالجرايد يا الموارد البشرية وشوفو اللي بيتقدمون!

[KingLear]

اهلا اهلا!

ياحلات هالموضوع واحلى منهم نقاطكم، التعيين عندنا كله خرطي بخرطي، يطلع منهم بدليات وتلقون " الجينيص" وهذيل لأنهم ناس متعوب عليها، بس لازم شرط الواسطة والمصلحة- للأسف-، لأن القرار مو بيدهم، اهمه زين اذا قبلوا CV من غير توقيع أخضر.

اما غير الكويتيين ما يمشي حالهم ابد، خلصوا الخبرة والاوادم في الدنيا، طويل العمر يحط Package على كيفه جنه يسوم سيارة سبورت، ويبتدي المدازز، الكل يبي يقابل ويسافر وعلى حسب المدير والمخامط، انزين هذيل يقيمون؟ ولا الناس اللي عارفة الشغل وكارفه كرف؟

عشان ما اطلع من الموضوع انا اقول مثل مبارك: "شّدوا الحزام!"

[Kufpec Employee]

عاجبني مكان إقامتك يا king lear ومشكور على اقتباس هالاسم مني (ياعيني علييي بس محد مقدر) بس سؤال اخوي شنو هو التوقيع الأخضر؟ يعني لاتوافقون عليه؟

[KingLear]

التوقيع الأخضر يبيله قلم أخضر، والباجي عليك

[sademployee]

اشرايكم اخوانى وخواتى نقترح ان رئيس مجلس الادارة الجديد يقابل كل ادارة بدون مديرها مثل الخشتى ما سوّا - بس سوّاها متأخر الله يهداه. ما تدرون يمكن بإذن الله يكون التعديل على ايده. وبعدين عندى انطباع شخصى أن طال عمره كاشش وماله حس من تعين العجمى، ومن الاقاويل - والعهدة على الراوي - ان الاثنين مو متوالمين. خلينا نستغل الموقف لصالحنا ونقترح على العجمى انه يقابلنا ادارة ادارة ونطرح مشاكلنا وهمومنا وآرائنا. محنا خسرانين شى.

[Kufpec Employee]

لالا،،، طال عمره شغال لاتخافون عليه ليلحين يضرب ناس بناس لي هالاسبوع بعد وترا توالمو خبرك عتيج اخوي،،،، والله اقتراحك خوش اقتراح، بس مو الكل يقدر يتكلم،، يعني في امور شخصية ومشاكل ظلم شخصية صعبه الواحد يتكلم جدام الثانيين، وعلى فكرة ترا صندوق الاقتراحات اللي بالمصاعد ما زال الرئيس عنده مفتاحة وياخذ الشكاوي والاقتراحات مثل ما كان الخشتي بالظبط. وفي ناس اشتكو وعلى طول أخذ إجراء الله يعطيه العافية وكثر ماسمعنا عنه كلام طيب قاعدين نشوف وانشالله بنشوف خير اكثر يارب وويهه يكون خير علينا.

[sademployee]

خلينا نتكلم بشكل عام، واللى عنده مشكلة شخصية ، ممكن ياخذ موعد مع الخشتى ويقول اللى عنده، بس لما كل إدارة تقول وجهة نظرها، هذا ما راح يضرنا بشى. ومثل ما قلت محنا خسرانين شى. انا ما عندى مانع احط بصندوق الشكاوى الاقتراح هذا، علّ وعسى الرئيس ياخذه بعين الاعتبار.

[Kufpec Employee]

تصحيح اخوي، الرئيس الجديد العجمي مو الخشتي،، والله ياريت يصير اللي تقوله

[KingLear]

اللي يدري يدري!

[kuf-1]

صباح الخير .... وين الخشتي ؟؟؟؟؟

[Kufpec Employee]

راح حق شركة نفط الخليج

[kuf-1]

ادري انا راح نفط الخليج ... بس قاعد اطنز

[Kufpec Employee]

يا علك العافية،، :)

[kuf-1]

الى تعافيج اختي

[sademployee]

أهل كوفبك الكرام
فيدونى الله يفيدكم. ابى اعرف اذا الموظف يحقله مصاريف الدراسة؟ وإذا يحقله وإدارة كوفبك المبجّلة رافضة، شنو اقدر اسوّي؟:confused:

[Kufpec Employee]

على أي أساس تفرض؟ شنو عذرهم ؟

[scout leader]

أهل كوفبك الكرام
فيدونى الله يفيدكم. ابى اعرف اذا الموظف يحقله مصاريف الدراسة؟ وإذا يحقله وإدارة كوفبك المبجّلة رافضة، شنو اقدر اسوّي؟:confused:


مابي افتيلك

بس أتوقع لازم يكون في شروط معينه
مثل ( عدد سنوات الخدمه - التقييم .... الخ)
إذا أنطبقت

فحقك تدرس :)

واللي فيدك أهم HR

[Nickname]

Hr? عيل رحنا وطي

[BlueMan]

ممكن انك تاخذ بعثة عن طريق كوفبك ... بس فيها شروط .. واذا استوفيت الشروط عمي ييبلك واسطة لا او مو اي واسطة لازم قوية علشان سييييييييييييين من الناس يرضى

[BlueMan]

لااو نسيت اقول صاااااااد و عيييين او فااااااااااء و ميييييييييم علشان لا تقولون اقصد احد معين ...

[Kufpec Employee]

عيل ماكو تكمله دراسة سلامتكم،،

[scout leader]

عيل ماكو تكمله دراسة سلامتكم،،

أنا سمعت أن كان لنا مقعد للدراسه في البعثات وأن تم التنازل عنه من سنوات لصالح KGOC

مامدى صحة هل الكلام ((الله أعلم))

بس العهده على الراوي

ولكن في حال أن كلام صحيح على أي أساس يهظم حقنا بألغاء هذا المقعد؟؟
ويجب أن نطالب أصلاً بزياده عدد المقاعد مو أنقاصها.

إلى إذا كانت السياسه المتبعه "محلك سر"

[sademployee]

سلام اهل كوفبك
بصراحة، انتو شنو رايكم بالرئيس الجديد، برايكم يسمع، ولاّّ ماراح نشوفه الآ بالمناسبات السنوية؟

[Kufpec Employee]

بناء على الكتاب اللي وجهه لكل الموظفين اليوم والذي فعلا رفع معنوياتنا وكلنا فرحنا بأنه تواصل معانا وعايدنا انشاله بنشوفه وايد،، رئيسنا الجديد وجهه راح يكون انشالله خير علينا ووضعنا يكون افضل،،

[sademployee]

الله يسمع منكم ان شاء الله

[KingLear]

مفيش فايدة

غطيني يا صفية

[KUFPEC_KUFPEC]

هههههههههههههههه،،،،، احنا ماعندنا جذيه بالشركة،، صج ماكو حلويين بس مازالت الشركة فيها ملح

لا من قال ماكو ؟ الا اكو و نص .. بس موجود هل شي ابدووور واحد بس (اقصد لبس الضيج و القصييير)

[KUFPEC_KUFPEC]

وازيدج من الشعر بيت اذا كانت بعد تلبس الضيج وطلع سيقانه اللي جنوهم سيقان هندية ، هذا غير تلوين الشعر اللي كل يوم لوووووووون

صح السانك ياخوووي .. بس مو في كل الاقسام .. بس صج لى حبتك عيني ....

[KingLear]

على طاري الرئيس الجديد، سمعنا وعود وايد وما شفنا غير فريق كرة ومخيم وسوالف علاقات عامة :)

والافعال ترقيات ربع الشلة اياها وتنزيل التفييمات واستقالات!

في احد صعد له وكلمه؟ وشنو وقال ولا سوه؟

نبي نسمع رايكم

[KingLear]

ما شاء الله، يا ما عندكم وقت من كثر الشغل! يا ماعندكم راي أتعليق!

بس في الحالتين اذا ذول ربعك يا كوفيك عيل طبعنا!