مشاهدة النسخة كاملة : اي استفسار بشـأن قسـم الحفريــات أنا حاضر
Assistant driller
08-06-2009, 10:43 AM
الســلام عليكــم أي استفســار بشـأن الحفريـــات أن حاضـــر و إنشــاللة أقدر أفيدكــم بأدق التفاصيــــل في هذا المجـال :)
q8rix
08-07-2009, 08:10 PM
السلام عليكم
انا عندي رفيج متخرج من الثانوية من 2005 وليلحين ماحصله على شهاده يشتغل فيها المهم اهو الحين بدورات الخاصه بالتطبيقي يقدر يتخرج باي تخصص ويدخل كحفار او مساعد حفار ؟علما بانه اهوا شخص متين جدا 160 كيلو
ابوعامر
08-08-2009, 02:06 AM
ابي اعرف اقدر اقدم عليهم بالشركه والا عن طريق النت
وكم المعاش متزوج و6 اطفال
وشلون الدوام بالظبط
aboodمويسك عاد متغيب
08-08-2009, 12:26 PM
السلام عليكم ورحمة الله وبركاته
يا شباب للحين محد رد علي
انا ابي اعرف انشالله الدوره تبتدي شهر8 انشالله تاريخ23امنا بالله- انزين احنا تاريخ 23شنو الي نقدر نسويه
ونبي توجيهاتكم يا ناس يعني انشالله الله يوفق الجميع انشالله بس شنو العمل؟
فهد الحريّص
08-09-2009, 06:51 AM
سلام عليكم
عندي استفسار بخصوص عامل حفر لحملت الشهادة الثانويه لان من الشهر إلي طاف حطو اعلان توظيف بعقود المقاولين
شنو ليل حين ما اختبروهم؟
و طبيعت العمل اشلون صاير بالضبط؟
والمعاش الرسمي والبدلات جم بضبط؟
وشنو الشركات إلي تابعه لهل وظيفه؟
وسلامتك
Assistant driller
08-09-2009, 08:43 AM
رد على سؤال الأخ كيو ايت ريكس شوف اهي الحفريات ماتبيلها شهادة وصاحبك يقدر يدشها لو شنو شهادته والمعاش موحد للكل يعني للمتوسطة والثانوية والابتدائية وحتى اللي ماعندا شهادة يقدر يشتغل هلشغلة لأن الشغله هذي معتمدة على الكرف والخبرة فقط وبالنسبة للوزن مادري ولله بس كلشي بالواسطة بعد الله سبحانه يصير وماكو شي اسمه يدش على طول حفار أو مساعد حفار إلا بحاله وحدة فقط إذا كان يملك الخبرة واذا ما كان يملك الخبرة يتعين في البداية مساعد حفار متدرب لمدة 6 شهور ومن بعدها مساعد حفار ومن بعدها إلى حفار متدرب وبعدها إلى حفار طبعاً ماكو شي اسمه بدل طريج أو بدل خطر اللي موجود بدل سكن فقط واللي اهو 100 دينار طبعا تمشيلك الشركة 380 + 100 بدل سكن + دعم العمالة اللي يعتمد على شهادتك ماكو بدلات لأنك انت تروح هناك تنحبس 28 يوم في فترة العمل فشلون يعطونك بدل طريج وانت تنام عندهم 28 يوم بدل خطر ماكو بس راتبك معرض للزيادة السريعهيعني مثال انا أول ما تعيينت كنت عامل حفر وكان راتبي كله مع دعم العمالة 850 دينار والحين 1050 دينار عزوبي على فكرة واللي يحط فباله الشغله هذي لازم يقوي قلبه لدرجة ان الجيش ولا شي عندنا وحاضرين يا q8
Assistant driller
08-09-2009, 08:45 AM
أبو عامر أعتقد وصلك الجواب الدوام 28 يوم بــ 28 يوم من الساعة 6 الصبح إلى 6 المغرب طبعا أفضل الشركات الكي دي سي اللي اهي خلف مستشفى الأحمد تقريباً تروح تاخذ منهم استماره تمليها بالأسئلة + ورقه تيييب فيها كل المستندات المطلوبة منك .
Assistant driller
08-09-2009, 08:48 AM
اي دوره اخوي اللي شهر 8 تتكلم عنها ولأأي شركة تقصد
Assistant driller
08-09-2009, 08:54 AM
أخوي فهد انت تتكلم عن الكي أو سي أهم اللي حطو إعلان والإعلان هذا من نوفمبر 2008 يعني اللي حط الإعلان هذا بالويب سايت مايعرف شي ، والراتب ونظام العمل أن ذكرته هذا كله تشبيه تقريبي للشركات التالية :
1- الشركة الكويتية للحفريات Kdc
2- شركة برقان للحفريات
3- يونايتد بريزيشن
4- حمد الحمد .
ناس وايد تقول وخصوصا أن قريت هنيي بالموقع عندنا إن عامل الحفر ياخذ 1200 غير دعم العمالة هذا اي عامل حفر ياخذ 1200 من غير دعم عماله اذا العامل بياخذ 1200 شيخلي حق مهندس الحفر . أنا بختصر لكم تقعد بالشركة لمدة سنتين يصير معاشك 1100 تقريبا مع دعم العمالة . استفسـار ثاني أنا حاضر
q8rix
08-09-2009, 11:21 AM
يعطيك العافيه اخوي على جهدك :)
بس بغيت اسأل متى التقديم ووين وشكرا
Assistant driller
08-09-2009, 12:51 PM
تفضل رقم الشركة الكويتية للحفريــات وتقدر تستفســر منهــم أكثــر مني 23981599 بعدين 117 الرقم الداخلي إسمها هبه واي خدمه ثانيــة انا حاضــر ، بس أخوي أنا مابي أخرعك ترى الشغله تعب فوق ما تتصور ويبيلهـا طولت بال ووايد ناس نحاشوا دشو عل ابو ان معاش قوي وحاط فباله ان الشغل مو ذاك الزود قوي ولما جربوا نحاشو لا وبعد كانوا يعني متعافيين بس انشالله انت تطلع قد المسئوليـه
q8rix
08-09-2009, 03:18 PM
اي عادي رفيجي يحب الكرف على قولته :p
فهد الحريّص
08-09-2009, 10:17 PM
اقصد المؤسسه kpc حطو اعلان توظيف بعقود المقاولين قبل شهر وشوف هل اعلان
http://www.q8ow.com/vb/showthread.php?t=20897
شل فرق بين توظيف من المؤسسه kpc والشركه kdc ؟
وليش حطو المؤسسه اختبارات الانجليزي والقدرات والمقابله؟ شل هدف من هذا مدام هشغله ماتعتمد على شهادة على قولتك !!
ماشرحت طبيعت العمل ندري انها كرف بكرف بس على الاقل يكون عندنا خلفيه عن الشغل اشلون صاير
aboodمويسك عاد متغيب
08-10-2009, 06:14 AM
شلونك شخبارك حبيت استفسر منك
انا ودي اتوظف وعندي رابعه ثانوي ومستعد اقعد28 يوم ب28
مثل ماتقول مساعد حفار او حفار بس علمني الطريقه شلون اروح واسجل لان والله راضي بأي وضيفه بالبترول
وماعندي مشكله مهما يكوون الدوام مستعد اغامر
بس ياليت ياخوي تزيدني من خبرتك لان خلاص انشالله بتوظف بهل مكان
Assistant driller
08-10-2009, 08:24 AM
حبيبي فهد الإعلان اللي انت تتكلم عنه هذا اللي إنت حاطه ماعنده سالفه يالله اتصل على الشركة وقولهم انتوا حاطين اعلان تطلبون فيه عامل حفر أو مساعد حفار راح يقولولك لا وأسألهم قولهم من قبل حطيتوا راح يقولولك هم لا بس اللي حاط الإعلان يقصد فيه الكي أو سي إهي إللي كانت حاطه طلب عامل حفر ومساعد حفار وعلى فكر الشركة هذي ماتوظف الثانوية لازم دبلوم ، ثانوية بروحها ماتسوي شي ، وبالنسبة لسؤالك ليش حطو اختبارات انجليزي وهذا كله بس علشان يني يعرفون مستواك إلى وين واصل يا حبيبي يافهد انا بكل شركة بالكويت لازم 3 أو 4 أعرفهم مساعدين حفار أو عمال ولله حتى عربي مايعرفون لو تقوله إكتب yes مايعرف ...... أي خدمه :)
Assistant driller
08-10-2009, 08:32 AM
أخوي مويسك abood أنا سبق وذكرت ما يصير تتوظف على طول مساعد حفار أو حفار مرة وحدة لازم أو شي عامل حفر لمدة 6 شهور تقريباً وبعدين تصعـد شوي شوي حتى لو كان عندك شهادة بس ماعندك شهادة خبرة بالشغله هذي يعني ماشتغلت هلشغله من قبل وبعدين فيها مسؤوليه الشغله هذي لحد يجذب عليك ويقولك أن دشيت حفار أو مساعد حفار على طول إنسى ماكو إلا بحالة وجود شهادة خبرة لا تقل عن مدة 4 أو 5 سنوات في هذه الوظيفة ...... بالنسبة للرابعه ثانوي اللي عندك إذا دشيت فيها الحفريات تصير انت واللي ماعنده شهاده سواسية يعني ماكو فرق أولا أنت عامل حفر وأهو عامل حفر ثانيا نفس المعاملة ونفس المعاش وهذا دليل إن الشغله هذي مو على الشهاد على الخبرة ، وهانك يزيد راتبك عن طريق التقرير اللي كل 6 أشهر أو سنة يكتبه مسؤولك الهنـدي إذا تقريرك زين كل ماتكون الزيادة زينه .... وأخوي ياللي تبي تعرف شلون تسجل أنا سبق وذكرت أرقام الشركة دق أهم يفيدونك أكثر مني :) 23981599 بعدين 117 KDC
ابو ريتاج
08-11-2009, 02:02 AM
مرحبا اخوى --- زين عندى كذا سؤال ... هل ال 28 ب 28 يوم اكون عندهم 28 يوم بدون ماطلع عند اهلى يعنى مرابط عندهم او يكون دوام عادى ... ياليت توضح لنا اكثر بالنسبه للنقطه هذى .. السؤال الثانى كم يطلع راتب الدبلوم بعد الثانويه متزوج مع طفل ...الشغله الثانيه بالنسبه للاعلان عن وظيفه مساعد حفار يعنى افهم من كلامك انهم ماراح يدقون علينا او اشلون----ادرى كثرت عليكم الاسئله لكن اعذرنى وسؤال اخير بالنسبه للدبلوم شنو مسماه الوظيفى وشنو مميزاته من قريتات ومن هالسوالف ومشكور طال عمرك-----
فهد الحريّص
08-11-2009, 08:52 AM
يعطيك العافيه يالحبيب على المعلومات بيض الله ويهك ماقصير
بس انا دقيت عليهم قبل جم يوم وقالولي ان التوظيف مايي الا من المؤسسه kpc والاختبار راح يكون من koc
وامس واحد من الشباب دق على kdc وقالو انت من الشهر إلي طاف حاطين اعلان من kpc إلي اهي الاعلان إلي حاطه ويقولون آخر ارمضان راح يحطون اعلان توظيف إلي اهي عامر حفر ومساعد حفر من موقع koc و حاليا قالو التوظيف مسكرين من الشركه نفسها kdc .. هذا الحجي الاكيك انا امس مستفسر منه شخصيا
Assistant driller
08-11-2009, 09:26 AM
أبو ريتـاج : إي نعـــم الــ28 يــوم ماكو طلعـــه لــو بتمــوت عيل شلون تبيهــم يحللـون الفللــوس اللي يعطونـها لكــــم وبالنسبـــة لسؤالـــك الثانــي : انا مادري بالنسبة للمتزوج بس الأعزب لو شهادته ثانوية دبلوم أو متوسطة أوحتى إذا ماعندا شهادة كلكم أول ما تتعينون تحت مسمى وظيفي واحد اللي إهو ( رست أباوت ) <==== عامل حفر لاتفكر يعني لو كان عندك شهادة دبلوم أو حتى جامعي بيخلونك حفار أو مساعد حفر لازم عامل حفر لو كان عندك شهادة خبر من أي شركة يعني سبق واشتغلت بشركة وعطوك شهادة خبرة وطبعا شهادة الخبرة ما تقدر تاخذها إلا بعد 4 أو 5 سنيين بهلحالة تقدر تشتغل مساعد حفار على طول وعلى فكرة ترى كلامي هذا أنا اقصد فيه شركة الكي دي سي .. وبالنسبة للميزات طبعاً بسرعة تصعد بالتدرج الوظيفي كلشي بلاش كل 6 اشهر تذكرة وكل سنة مكافأة تشجيعية ماكو شي اسمه بدل خطر بدل طريج .....إلـخ ) بس بدل سكن موجود إللي إهو 100 دينار ... اي استفسار بورتاج غيره :)
Assistant driller
08-11-2009, 09:32 AM
أخـــوي فهد إذا بتنطر بيقولولك إعلان أو غيره ترى ماعندهم سالفه أنا وربعي اللي فيها ولو انه ربعي شردوا إحنا كنا نقدم عندهم بالشركة ولازم واسطة لاتقولي عندك دبلوم أهم يبون واحد يكرف لا دبلوم ولاغيره والدليل إنك إنت يا دبلوم ويامتوسط نفس الراتب ونفس المميزات :)
أخوي فهد انت تتكلم عن الكي أو سي أهم اللي حطو إعلان والإعلان هذا من نوفمبر 2008 يعني اللي حط الإعلان هذا بالويب سايت مايعرف شي ، والراتب ونظام العمل أن ذكرته هذا كله تشبيه تقريبي للشركات التالية :
1- الشركة الكويتية للحفريات Kdc
2- شركة برقان للحفريات
3- يونايتد بريزيشن
4- حمد الحمد .
ناس وايد تقول وخصوصا أن قريت هنيي بالموقع عندنا إن عامل الحفر ياخذ 1200 غير دعم العمالة هذا اي عامل حفر ياخذ 1200 من غير دعم عماله اذا العامل بياخذ 1200 شيخلي حق مهندس الحفر . أنا بختصر لكم تقعد بالشركة لمدة سنتين يصير معاشك 1100 تقريبا مع دعم العمالة . استفسـار ثاني أنا حاضر
يعطيك العافيه خيي بس حبيت اصحح
شركة حمد الحمد سابقا تغير اسمها الحالي الي برقان .... شركة وحده
وعندك سنتافي بس سمعت نتهي عقدها وجنهم مشو
طبعا يا شباب انا واحد من ضحايا هالوظيفه والله دخلت المنتدي بالغلط قاعد ادورلي علي وظيفه فيه بدل هالوظيفه الي تهد الحيل انا صارلي 3 سنين بهالمجال ماني مستوعب شلون عدو بس حاليا خلاص كل شي وصل حده وحسيت فيها وناوي اقب حالي حال غيري
انا حاليا قاعد احاجيكم من الدوام ... وحده لايعه
طبعا اخوي اسستن دريلر ما قصر رد علي استفساراتكم بس حاب اقولكم بالنسبه لنه شركة برقان الدوام 35 يوم دوام قاعد بعيد عن اهلك وبيتك وربعك وقاعد تكرف بالصحرا و35يوم اجازه يمشي كل يوم اسرع من الي قبله وما تحس فيها
طبعا الدوام مثل ما قالكم اخوي لوعت جبد وتحمل مسؤلك الهندي او المصري او ..... الي يكون انه يتامر ويتشرط عليك ويكرفك ومو زين تدش مزاجه يخلي كل شغله ويجابلك.... وغير جذي 12 ساعه دوام و12 ساعه نوم روتين واحد طول الشهر ما يتغير
ولا جنك ولد البلد وفوق هذا ولا جنك كويتي يعني ذل ما صار
وما ادري عن اخوي اسستن دريلر سوبر ريق ول ورك اوفر انا طبعا بسوبر لا واكبر ريق بالشرق الاوسط يعني شغلي طبيعي بكون اكثر من اي واحد بريق ثاني وبصراحه شغل شغل ماكو دلع يعني دوامك 12 ساعه باليوم كرف ... يعني لو يشوفك عسكري والله تكسر خاطره لو شنو ما كان مدقوق
انا ما ابي اخرعكم من هالوظيفه بس يبيله واحد يطوف وايد ويتحمل وما يقول لا
طبعا انا كل هالفتره وليلحين رست اباوت لان السوبر الترقيه فيه حيل صعبه ... وبيني وبينكم مخربها شوي معاهم
بس بذن الله هذا اخلص ال 35 يوم دوام وماراح يشوفون رقعت ويهي
عموما انا قتلكم نبذه عن حالتي في هالوظيف وبالنسبه حق الي بعرف شنو النظام الحين صار التقديم عن طريق الكي او سي امن قبل عن طريق الشركه دايركت
وبالنسبه حق المعاشات الحين في عقود يديده عندنا واظن هم kdc الراتب 480 شهريا غير دعم العماله والحسبه عليك
طبعا ماكو واحد يدش حفار علي طول عندنا مهندسين بدو عمال وترقو
بس نصيحه الي بدش يحاول يشوف الشغل بعينه بالاول اظن في ارياق بالصبيه دشو وشوفو الكويتين هناك تشوفه علبالك هندي
وغير جذي ما عندنا نقابه تدافع عنا
خلوها علي الله ....
والي عنده اي ستفسار انا حاضر
وهم الي يعرفه وظايف يقولي .... ادور النحشه :)
Assistant driller
08-19-2009, 08:18 AM
أخوي ريق انت داش بواسطة أو من غير واسطة إذا بواسطة أكيد مو هذا حالك أو إن واسطتك شغلاك وتخلى عنك ، طبعا كلامك من ناحية التعب والكرف بس انت شلون لمدة 3 سنين رست أباوت سواء كنت بسوبر ريق أو غيره احنا عندنا بالكي دي سي سنة نص أو سنه يترقى طبعا هذا اذا كان شغله أوكي بس شكلك إنت مسكب بالعموم هناك . يعني اللي بتقولي اياه ان راتبك لمدة 3 سنين مازاد :)
بالنسبة لعمليات الحفر والصيانة لحقول الشمال
هناك عدد من الشركات تعمل في هذا المجال
1- الشركة الوطنية للخدمات البترولية ( نابسكو )
2- الخليجية للاستثمار البترولي ( بتروجلف )
3- برقان لحفر الآبار ( آبار ) <======== ماتوظف كويتيين حاليـاً " باستثناء الواسطة "
4 - كي دي سي <======= متوقف التسجيل حالياً " باستثناء الواسطة "
5- شركة كويت سنتافي <======== انتهى عقدها وحاليا هي في العراق
واعتقد في شركة جديدة اسمها " الشركة المتحدة برسيجن للحفريات "
أخوي ريق انت داش بواسطة أو من غير واسطة إذا بواسطة أكيد مو هذا حالك أو إن واسطتك شغلاك وتخلى عنك ، طبعا كلامك من ناحية التعب والكرف بس انت شلون لمدة 3 سنين رست أباوت سواء كنت بسوبر ريق أو غيره احنا عندنا بالكي دي سي سنة نص أو سنه يترقى طبعا هذا اذا كان شغله أوكي بس شكلك إنت مسكب بالعموم هناك . يعني اللي بتقولي اياه ان راتبك لمدة 3 سنين مازاد :)
بالنسبة لعمليات الحفر والصيانة لحقول الشمال
هناك عدد من الشركات تعمل في هذا المجال
1- الشركة الوطنية للخدمات البترولية ( نابسكو )
2- الخليجية للاستثمار البترولي ( بتروجلف )
3- برقان لحفر الآبار ( آبار ) <======== ماتوظف كويتيين حاليـاً " باستثناء الواسطة "
4 - كي دي سي <======= متوقف التسجيل حالياً " باستثناء الواسطة "
5- شركة كويت سنتافي <======== انتهى عقدها وحاليا هي في العراق
واعتقد في شركة جديدة اسمها " الشركة المتحدة برسيجن للحفريات "
هذا الي حاصل يطولي بعمرك ... عندنا واحد داش بالسنه الخامسه له توه صار فلور مان
خلها علي الله االترقية صارت بالواسطه
وراتبي اهو اهو مازاد فلس
عبدالله 21
08-20-2009, 03:22 AM
زين واللي يبي يسجل متى وشلون ووين ؟؟؟؟؟؟؟؟؟
Assistant driller
08-20-2009, 08:30 AM
بصراحـة أخوي rig الله يعيينك وايد ضالمينك احنا عندنا ناس صارلهم 3 سنين واهم حاليا فلورمان واللي تقريباً وصل ديريك مان انت شاركت بدورات معاهم أو الشركة حطتلكم اختبارات عن مدى الخبرة اللي اكتسبتها في هذا المجال ممكن تفيدني بس ؟ بعد اذنك يعني انت لك عداوة مع مسئولك
Assistant driller
08-20-2009, 08:32 AM
وبالنسبة لك أخوي عبدالله 21 اذا تبي تعرف الاجابة عن كل استفساراتك إرجع حق الصفحات السابقة وراح تلقى الرد على جميع استفساراتك واي شي مو عارفه قولي عليه وانا اوضحلك اياه ، بس حالياً ماكو تسجيل إلا بعد الرمضان انشالله
Assistant driller
08-20-2009, 01:50 PM
أخــوي rig أبــــي أسألك جــم سؤال إذا مايضايقــك و أتمنــى أشــوف الــرد منــك :)
1- كم راتبك اللي تصرفه لك الشركة فقط .
2- جم يمشيلك من دعم العمالة .
3- شنو شهادتك .
4- كم عدد الدورات اللي اشتركت فيها بالعمل الحالي .
و مشكــــــــــــــــــور :)
الشكوىى لله
08-20-2009, 07:00 PM
السلام عليكم ..
أنا اللحين اَجازهـ ودوامي يصاَدف ...
العشر الأواخر (رمضان) وراح يمـر علي (عيد الفطر)
السؤال ... هل فيه OverTime لأن سئلت من قـبل
قالواً أن 480 د.ك شامله كل شي !! وكذا واحـد أقولهـ
مايصدق يعني 35 يوم .. وكل يوم 12 ساعه شغل !!
ويكون معاشي هذا البعض بيقولي أدبلهاَ مرتين ...
مع شهـر الأوف هم بقولك ماتكـــــفـيُ كل واحد وله ظروف
وأذا ان شاءالله فيهَ شلون حسبتهاَ الإوفر تايم لوضع دوامناً؟
والصراحه الكامبُ يتعب الواحد نفسياً ...
وسمعت أن ارياق الوفره مافيهاّ كامبُ وبـدل سكـن 100 د.ك
يعني تجـيُ أداوم و12 ساعهـ ترجـع لأهلك .. ترتاح في بيتكم@
هل النقـل من الى سهله ولا موضوع طويل !؟!؟!؟؟
والإ شرايكـم .................... :D
<- شركة برقاَن لحفر الاباّر ((المناَقيش))
أخــوي rig أبــــي أسألك جــم سؤال إذا مايضايقــك و أتمنــى أشــوف الــرد منــك :)
1- كم راتبك اللي تصرفه لك الشركة فقط .
2- جم يمشيلك من دعم العمالة .
3- شنو شهادتك .
4- كم عدد الدورات اللي اشتركت فيها بالعمل الحالي .
و مشكــــــــــــــــــور :)
لا بالعكس مايضايقني افاا عليك
1_ 480 + اوفر تايم ( العقد القديم )
2_دعم العماله تقريبا 361
3_شهادتي ثانويه عامه علمي + دبلوم ادارى اعمال ( ليلحين ما صدقته بالتطبيقي ) يعني مامنه فايده
4_ولا دوره لان الشركه ماتبي غير الواحد يكرف وبس وقبل جم شهر فتحو دوره فتره قصيره وصكروها ما عجبهم الوضع
واي استفسار ثاني انا حاضر ..
ومبارك عليك الشهر :)
السلام عليكم ..
أنا اللحين اَجازهـ ودوامي يصاَدف ...
العشر الأواخر (رمضان) وراح يمـر علي (عيد الفطر)
السؤال ... هل فيه OverTime لأن سئلت من قـبل
قالواً أن 480 د.ك شامله كل شي !! وكذا واحـد أقولهـ
مايصدق يعني 35 يوم .. وكل يوم 12 ساعه شغل !!
ويكون معاشي هذا البعض بيقولي أدبلهاَ مرتين ...
مع شهـر الأوف هم بقولك ماتكـــــفـيُ كل واحد وله ظروف
وأذا ان شاءالله فيهَ شلون حسبتهاَ الإوفر تايم لوضع دوامناً؟
والصراحه الكامبُ يتعب الواحد نفسياً ...
وسمعت أن ارياق الوفره مافيهاّ كامبُ وبـدل سكـن 100 د.ك
يعني تجـيُ أداوم و12 ساعهـ ترجـع لأهلك .. ترتاح في بيتكم@
هل النقـل من الى سهله ولا موضوع طويل !؟!؟!؟؟
والإ شرايكـم .................... :D
<- شركة برقاَن لحفر الاباّر ((المناَقيش))
الله يعينك ...
بالنسبه حق استفساراتك اذا كنت عقد قديم يمشيلك اوفر تايم رمضان والعيد وحتي يوم الجمعه
وبالنسبه حق الاوفر تايم الي اهو حق العقود القديمه يوميا 4 ساعات اوفر تايم
والجمعه 12 ساعه اوفر تايم ورمضان تقريبا 8 ساعات بس ما يمشيلنا شي بالاوف يعني معاش بالاوفر تايم يكون معاش شهرين امن الكيدي سي العقود القديمة كانت شهريا الدوام لهم اوفر تايم والاوف ينزلهم الاساسي
امن اذا كنت العقد الجديد والي اهو يمشولك 480 شهريا ( دوام و اوف ) لامالك اوفر تايم بس ال 480 الي تستلمها
وبالنسبه حق ارياق الوفره هالشي صحيح اهي فيها كامب بس الحلو فيها انها برا الكي او سي يعني تدش بسيارتك لي الريق عادي وتقدر ترجع بيتكم لي خلص دوامك.. وحتي الحين لو تبي ترجع تقدر بس ليش يقولولك لا لانهم ما يبون يتعبون روحهم يودونك ويرجعونك من البوابه...
وبالنسبه للنقل لا تفكر فيه الا اذا عندك واسطه كبيره ويمكن هم بعد ما يقدر انت وحظك ها بالنسبه حق الكويتين لان لازم موافقة الكي او سي
انا توني حاولت فيها وما خليت احد ما تهاوشت معاه ودخلت واسطات ماكو فايده
لان كل ريق المفروض فيه عشر كويتين عاد شوف لي لقولك ريق ناقص ... يعني خلك مكانك وايد احسن لك
يمعود احمد ربك ماشالله المناقيش هينه تقدر بين فتره تزرق عقب الدوام وترجع ثاني يوم بس انا بالروضتين ساعه وشي لي للبيت يعني حدها ما تسوا علشان جذي منثبر مكاني ..
الله يوفقك..
Assistant driller
08-25-2009, 01:17 AM
يعني اللي اعرفه منك اخوي rig انه بس بالشهر اللي انت فيه دوام يمشيلك الاساسي و الاوفر تايم اما اذا كنت في الشهر اللي تكون فيه بالبيت ما يمشيلك اي شي
Assistant driller
08-25-2009, 09:13 AM
في العقود الجديدة ما فيها أوفر تايم شلك بحسبتها أخوي الشكوى الله وبعدين ليش ناقد على الراتب ترى يزيد بسرعه وتترقى بسرعه على حسب شغلك ودوامك وعلاقتك مع زملائك كثر ما تتعب تترقى بسرعة ويزيد معاشك بسرعه وهذا ما يمنع من انك تحطلك واسطة فشغلك :) واللي اشوفه انه العقود القديمة والجديدة متساويين من ناحية الراتب وبالنسبة للكامب بالوفرة هذا منو اللي يقولك مافي كامب لازم في كامب وفي بدل سكن 100 دينار غصبن عليهم :)
يعني اللي اعرفه منك اخوي rig انه بس بالشهر اللي انت فيه دوام يمشيلك الاساسي و الاوفر تايم اما اذا كنت في الشهر اللي تكون فيه بالبيت ما يمشيلك اي شي
اي نعم
امن العقود اليديده 480 شهريا بس من غير اوفر تايم
Assistant driller
08-25-2009, 08:06 PM
ولله بصراحة اخوي rig انت ما قصرت ورديت على استفساراتنا باسرع وقت بس ولله ياخوي انا اعرف ثلاثة في الكي دي سي اول ما تعينوا استلموا 488 الأساسي + دعم العمالة 361 = 849 ولمدة سنتين الحين 1150 د.ك طبعا شامل دعم العمالة بس اشمعنه انت اللي معاشك مو راضي يرتفع وسلامتك وتعيش :)
ولله بصراحة اخوي rig انت ما قصرت ورديت على استفساراتنا باسرع وقت بس ولله ياخوي انا اعرف ثلاثة في الكي دي سي اول ما تعينوا استلموا 488 الأساسي + دعم العمالة 361 = 849 ولمدة سنتين الحين 1150 د.ك طبعا شامل دعم العمالة بس اشمعنه انت اللي معاشك مو راضي يرتفع وسلامتك وتعيش :)
عيوني لك يالعود
والله يا خيي انا لو بالكي دي سي جان الحين انا مساعد حفار بس للاسف الواسطه عندنا كل شي ... وبالنسبه حق المعاش اهو اهو ولي رحت لهم قتلهم ابي زياده يقولوك بكل برود اعصاب انتو يالكويتين ما تشتغلون الواحد ينقهر لم يسمع هالحجي ومعني انا والشباب الي معاي مكروفين اكثر من الاجانب خلها علي الله ومثل ما قالو ... ديرتنا عين عذاري .. للاسف
عموما انا ما قام يفرق معاي بيني وبينك قفلت وعلي قولتهم خاربه خاربه امس راد البيت و ساحب عليهم واليوم دقو علي يهددون بالتفنيش قتلهم الي بتسونه سووه والله ما قامت تفرق معاي بالعكس اطلع بكرامتي ول مذلتهم
الاقيها من التولبوشر الي ما عنده غير السب عسي ما كلمك الا عطاك الف ( fu..) انت طبعا فاهمني
ول من الايدي الهندي و تفرعنه علي ول ول .......
للصبر حدود :)
Assistant driller
08-26-2009, 12:49 AM
ولله انت الكبير يا rig وتسلم عيونك على قولتك الواسطة لاعبه لعب والقهر هم تشوف في كويتي بنفس شغلتك مايتعب وتلقى دوامه مو مظبوط وتشوفه يترقى وانت اللي تنكرف ما تترقى ، ولله اني حاس فيك بس شنسوي سلم أمرك لربك واذا في مجال تطلع من هلشركة اطلع وروح شركة غيرها او انك تبطل الحفريات ترى ولله مع العلم مستقبلها حلو الحفريات بس الظاهر مثل ما تقول حاطين العين عليك وايد ...... ولله يوفقك ويوفقنا انشالله :)
الشكوىى لله
08-26-2009, 01:51 AM
قبل كل شي نطلب دوامنهـ يكون .. 8 ساعات ومانبـي 4 ساعات على قولتهم اووفر تايم ومانبـيّ كامب نبي نشتغل ونمشي حق أهلنا .......... :D
والله العظيم صاَدق ..
الtool busher ماعنده غير
((fuc...)) ..
ويمشيّ بالهدايا :p <- وافهم
والمشكله مايسويلك ولا يعطيك غير
الأبتسامه ولا طلـعت قام يسولف فيك@
ولآلآلآلآ الابتسامه مو من قلب ((حدها حقيره))
تقول حناَ بديرة الي خلفه ..
والله بالارياق احسني غريب ورب الكعبه
حتى السايق الي يوديك ويردك من البوابه يلعب بحسبتك
ويهددك المسؤول والمسؤول ..لواً مو رزقتي ادعمه بالباص الخايس
صج صج ماهي حالهـ ..
والمشروبات كله ببسي وغازات تفخت بطونهـ
تفخ الله معدتهم .. والأكل كله حاَر وفلفل والمصيبه أكل بارد باهت عشان ثلث الريق أجانبِ وهنود وريحه
والماي بالحمامات تكرمون حأأر يذبـح تجي تشتغل 12 ساعه
وترجـع الكامبُ تعبان امبهذل تبي تسبح تبي تعين من الله خيررر
ينزل عليك مأأي جهنم التوانكي ماعليهاَ كيربي او شي يحميها من الشمسً
راح يجيناَ بواسيررر والسبه هذا ...
وكل ماضاَق صدرك ودك تنحأأأشِ بس الحمدالله الصبررر زيين
نصيحه أنقلهاَ من لسان مسؤول مني ولـكم .. (( شركه مو مرتاَح فيها ))
أقعد 6 شهور أخذ باسبورد الخبره تعتبر سنه وشوفلك شركه غيرهاً وقدم استقالتك
والمعاَش الي يقول لا تنقد عليه أقسم بالله يطلعونه من روحك ..
دوام بالعربي الفصيح يتعبك نفسياً حتىىى اسلوبك وطبيعتك مع الناَس
الي براَ الدوام يتغير .. حياتك تصير نوم بنـوم .. بس تبي ترتاَح شوي!!!!!!!!!!
قبل فترة بالشركة باَخذ تقرير راتب .. حصلت مسؤول اجنبيُ هناَكـ
مانتبهت له والإ يقول للـموظف مصري .. بأنجليزي -- شفيه العامل مايسلم --
شيقصد ؟ شغالين عندهـ وانا ماَدري .. بدل مايرفع المعنويات ويعتبرني منـجر < والله مصدق نفسي هههههه
والخوف كله أنك تنحد وتاَخذ اقساط والسبه هل دو1م .. ماتدري متى تنطرد ماتـدري متىىى تخربها وتطلـع...
ترى والله مو مصبرناً عشان رزقتناَ لا تروح بشربة ماَي
وأبشركم حتىى الأذان ((الله وأكبر)) الحفاَر اسمالله عليه ينزعج
بس ماقصر أحـد الأخوان تبرع بمكبر صوت وعساهـ يشهد :لا أله الإ الله .. محمد رسول الله:
8
8
8
معاَنات صج لحـد يضحك علىى نفسهـ
ويقول أتعب اتعب نتعب ليش لآ بس .. فوق
مانتعب متصخريين وفوق هذا يقولك الكويتين مايشتغلون
هذا كل ماعندي وحقيقة الحفرياَت قال معاًش قال ..
واذا الراحه تنشـرررى كان شريناها ...
::الحمدالله على كل حال::
Assistant driller
08-27-2009, 09:58 AM
أول شي ليش داش الحفريات دام تبي تشتري الراحة وبالنسبة للمعاش قوي وفيها مستقبل وطبعاً المعاش بسرعه يرتفع يعني خلال 3 سنين يصك معاشك فوق الـ 1100 دينار هذا بحاله عندك واسطة أو إنه علاقتك معاهم زينه ومظبط نفسك معاهم أو بحالة إن مسؤولك عنده ضميــر ويخاف ربه .... اي بينك وبينك لازم تدهن سيرة علشان تترقى هذا طبعاً حل بديل غير الواسطة إذا ماكو واسطة لازم كل شهر تدلل مسئولك الهندي بساعه بتلفون بأي شي يسوا :)
Assistant driller
08-27-2009, 12:16 PM
وبيني وبينكم ياجماعة تقدرون تترقون خلال سنة بس انتوا وشطارتكم ولله اني هم اعرف اثنين بشركة برقان يمكن صارلهم الحين سنتين ونص ولله ترقوا وزادت معاشاتهم مع العلم صج انهم مكروفين بس هذا اللي عرفته منهـــم :)
الشكوىى لله
08-30-2009, 12:48 PM
ماهو وضـع المتزوج 35 يوم ؟
Assistant driller
08-30-2009, 08:06 PM
ماهو وضـع المتزوج 35 يوم ؟
ولله ماعرف اعذرني بس اللي اعرفه انا اول مايتوظف راتبه يوصل 1100 دينار شامل دعم العمالة :)
ماهو وضـع المتزوج 35 يوم ؟
السلام عليكم اخوي
يعطيك العافيه ومبارك عليك الشهر طبعا انا بجاوبك بالنسبه حق جميع شركات الحفر
قانونهم انك تدوام 35 يوم واجازتك 35 متزوج ول شنو ما كان عندك من مشاغل مالهم شغل فيك يقولولك وبكل بساطه عندك شهر اجازه سو فيه الي تبيه وحزتها محد فينا بدق عليك
طبعا هذا الرسمي وهم انت وحظك اذا كان الريق برا محمية ال koc يعني تقدر تدش بسيارتك ولي خلص دوامك تروح بيتكم امن اذا كان داخل بتكون صعبه
هالحجي كله رسمي ومسجل بالعقد لكن اذا تبي الي حاصل قول تقعدلك حول الاسبوع وتزرقلك يوم يومين وعلي هالحال لي لم يخلص الشهر
وطبعا هم علي حسب مسؤلك وتظبيطك معاه يعني في ارياق الكويتين فيها ما ينشاف بالشهر الا مره مرتين وفي ارياق مسؤلينهم اجانب ( امريكان وكنديين ) ماشي سيده عندهم الشغل شغل فصايره هالسالفه صعبه شوي
وبالاخير ما اقول الا الله يوفقك
وهالوظيفه ترا صعبه واتوقع قريت الردود الي بالموضوع يعني عادي تروحلهم اول الشهر ويهك ينور وعلي اخر الشهر عقب ما تطلع ويهك اشلح املح من الشمس والشغل
اذا كانت المدام موافقه علي عالشغله والله اقولك شد حيلك ودش :)
بالتوفيق...
جونم جقرم
08-31-2009, 01:30 AM
مـوضوع يستحـق التثبيـت وذلك لتعـم الفائـدة علي الأعضـاء أصحـاب الأستفسـارات بنفـس القسـم
ونشكـر صـاحب الموضوع علي جهـودة
عبدالله 21
08-31-2009, 02:32 AM
متى تسجيلهم وووووووووين بالضبط ؟؟؟؟؟؟؟؟
Assistant driller
08-31-2009, 08:48 AM
مشكــــــــــــورين على التثبيت حبيب قلبي والبركه في الشباب اللي ساعدوني بالرد على الاستفسارات .
Assistant driller
08-31-2009, 08:50 AM
أخوي عبدالله تفضل رقم الشركة الكويتية للحفريــات وتقدر تستفســر منهــم أكثــر مني 23981599 بعدين 117 ............ استفسر منها أحسن واهي طبعا تعطيك أرقام شركات الحفر الأخـرى
الشكوىى لله
09-01-2009, 03:22 AM
موضوع يستاَهل التثبيت ..
لإن من أول مادخلت المنتدىىى
صخه بخصوص الحفرياَت والإريـاّق ...
Assistant driller - Rig <== بيض الله وجيهكم
والي أقـدر عليه معاَكـم .. أن شاءالله
boneef
09-01-2009, 08:36 AM
يعطيكم الله الف عافيه بس عندي مجموعة أسـأله ممكن تكتبولنا التسلسل الوظيفي يعني كل شكثر الواحد على ما يترقه في الوظيفه 6 شهور وله سنه ولما يترقه الى مستوه اعلى اشويه مراح تتغير ساعات العمل ولي اي مستوه ممكن يرتاح فيه يكون دوامه صباحي وله سبوع بسبوع او شفتات ويمكن يصير مسؤل ودوامه حلو ومرتاح ويبيلها جم سنه على هل سالفه ويريت تفيدونا يا شباب هل في بونص او مكافأت وتذاكر نفس ما نسمع في الشركات النفط وفي حالات المرض لا سمح الله في مستوصف او دكتور متوفر لهم هناك واسف ان اطلت عليكم بالاسأله
Assistant driller
09-01-2009, 09:15 AM
موضوع يستاَهل التثبيت ..
لإن من أول مادخلت المنتدىىى
صخه بخصوص الحفرياَت والإريـاّق ...
Assistant driller - Rig <== بيض الله وجيهكم
والي أقـدر عليه معاَكـم .. أن شاءالله
كثر الله خيركم وانتوا ماقصرتوا بصراحة rig وانت وغيرك بيض الله وجيهكم :) وحاضرين
Assistant driller
09-01-2009, 09:47 AM
يا هــلا فيك أخـــوي بو النيف بالنسبه للتسلسل الوظيفــي :
1- رست أباوت .
2- فلورمان .
3- ديرك مان .
4- مساعد حفار .
5- حفار .
6- نايت بوشير .
أما بالنسبه للترقيه طبعاً أخوي بو النييف الترقيه على حسب شغلك انت ماكو ترقيه لها وقت معين أو مدة معينه يعني مثلاً في ناس توصل حفار بعد أربع سنين وفي ناس توصل بعد عشر سنين لأن بو أربع سنين يشتغل ويداوم مضبوط وعلاقته زينه مع مسؤولينه أما بو عشر سنين كان يخورها يعني مايداوم يتأخر مثلا ....إلخ) يعني أنا مثلا حالياً ديرك مان انا صارلي سنتين ونص بس بالشركة الحين ديرك مان وفي كويتيين معانا بنفس الشركة وكانوا قبلي بالعمل لحد الأن هم رست أباوت تتوقع ليش هل أهو ظلم أو استقصاد لا ولا وحده من الاثنين لأنهم مايدامون يطيحولك سب بالهنود والمصريين ومثل مانتوا عارفين حركات بعض الشباب . وبالنسبه لسؤوالك في حالة الترقيه تتغير ساعات العمل أو لا ؟ طبعا الرست أباوت والفلور مان والديرك مان والمساعد والحفار كلهم مثل التوقيت ومثل الشي إلى النايت بوشير وانت طالع يتغير وحتى لو ماتغيير خلاص تكون لك معرفه كبيره مثل ماتقول حصانه وبالنسبة لسؤوالك عن البونص والمكافأت اهو ماكو مكافأت سنويه أو شهرية إهي مكافأت على مزاجهم يعني على حسب تقرير المسؤولك اللي يكتبه عنك كل 6 شهور ويدزه الشركة اذا شافوه تقريرك يستاهل وانك باذل كل جهدك يدللونك مو بس يكافأونك إسألني عنها اي طبعا اهو فيه دكتور بالكامب بس انا اسمع فيه لكن ودي أشوفه بس اهو فيه دكتور لا تحاتي ...... وبالنسبه للدوام اسبوع باسبوع أو اسبوعين باسبوعين هذا كله على حسب العقد في مثلا عقد باسبوع وفي عقد شهر بشهر بالاول والاخير نفس الشي وماكو بدلات في فيه بدل واحد اللي اهو بدل سكن 100 دينار وانا سمعت انشالله بيحطون بدل خطر وبدل غربه وانشالله خير انشالله .... واي خدمه ثانية يابونيف انا حاضر ومن عيوني والشباب مايقصرون معاك واذا تبي تعرف معلومات زيادة شوف الردود كلها وراح تستفيد اشياء وايد ........... سلام عليهم :)
dehen_3ood
09-01-2009, 01:22 PM
اي طبعا اهو فيه دكتور بالكامب بس انا اسمع فيه لكن ودي أشوفه بس اهو فيه دكتور لا تحاتي
الله يعطيك العافية على الموضوع وقواك الله على التوضيح للشباب
بالنسبة للدكتور .. شنو بيض الصعو؟
وشلون إذا الواحد تعب لا سمح الله؟
واحد يبي يقدم وتوه اتضح إن فيه سكر بس منتظم هل يسمح له بالتوظيف؟
Assistant driller
09-01-2009, 07:37 PM
أول شي الله يعافيك بالنسبه حتى لو فيك سكر عادي تدش وحتى لو لا ييبلك اقل واسطة .....وبعدين اي دكتور تتكلم عنه الدكتور اللي هناك خله يعالج نفسه علشان يعالجك وبتقوله دكتور انا فيني سكر يعطيك بندول وحتى لو بتموت بعد عمر طويل يقولك اخذ بندول خلها على الله انا كليوم اشوف غرفه مكتوب عليها عياده بس مقفوله مادري متى الدكتور يداوم الله اعلم والله والعيادة هذي للاسعافات الأوليه فقط يعني الجروع الطفيفه و الاغماء الطبيعي والحالات المشابها لها......... الله يشفيك ويشفي الجميع انشالله واذا تعبت حيل حيل يخلونك تريح بالكامب بس مو لصالحك لأنك لو عدتها مرتين 3 مرات فيها تفنيش ........... وبيني وبينكم ياجماعه ترى الشغل وايد تعب لاتفكر بس بالمعاش ولله وايد دشوا علشان يعني معاش قوي ماكملوا يوم واحد بالريق واليوم الثاني اهو فبيتهم اذا كانت الشغله هذي فبال اي واحد لايفكر بالراحة .... من ناحية معاش معاش بس لازم ناس تصملها وانت والشباب قده واكثرا انشالله واي استفسار ثاني انا بالشوفة حبيبي .
Assistant driller
09-01-2009, 07:49 PM
شــركات الحفــر فـي الكويـت :
1- الشركة الوطنية للخدمات البترولية ( نابسكو ) .
2- الخليجية للاستثمار البترولي ( بتروجلف ) .
3- برقان لحفر الآبار ( آبار ) .
4 - شركة الحفريات الكويتيه Kdc .
5- شركة كويت سنتافي <======== انتهى عقدها وحاليا هي في العراق واحتمال توقع عقد جديد مع الكي او سي نهاية السنه الجاريه .
6- " الشركة المتحدة برسيجن للحفريات " شركة كندية جديده .
واي معلومات تحتاجونهــا عن الشركـات اللي ذكرتهـم بس اكتب المعلومة اللي تبيها وانشالله ارد عليك باسرع وقت . :)
boneef
09-01-2009, 11:25 PM
يعطيك الف عافيه ومشكور حبيب قلبي لكن ما ابي احبط فيك ابصراحه على كلامك مفروض معاشك 2500 على كل هل شهر الي بتداومه وطول عمرك لي التقاعد يعني ماتصلح حق متزوج بس تصلح حق عزوبي ولا مو اي عزوبي عزوبي ما يفكر بالزواج كلش كل اجازه سفره وشاكرلك على التفاعل معانا وماتخلي سؤال والى تنهيه في اجابه ويعطيكم العافيه والله يوفقكم اجمعين يا رب العالمين
يعطيك الف عافيه ومشكور حبيب قلبي لكن ما ابي احبط فيك ابصراحه على كلامك مفروض معاشك 2500 على كل هل شهر الي بتداومه وطول عمرك لي التقاعد يعني ماتصلح حق متزوج بس تصلح حق عزوبي ولا مو اي عزوبي عزوبي ما يفكر بالزواج كلش كل اجازه سفره وشاكرلك على التفاعل معانا وماتخلي سؤال والى تنهيه في اجابه ويعطيكم العافيه والله يوفقكم اجمعين يا رب العالمين
السلام عليكم
اول شي حاب اشكر المشرف علي تثبيت الموضوع
يعطيكم العافيه ومبارك عليكم باجي الشهر
ثانيا حاب اضيف معلومه حق اخوي bo neef بالنسبه حق الدكتور نفس ما قالك اخوي اسستن دريلر الله يعطيع العافيه علي جهده ما عنده الا البندول والبلاستر
وحاب اضيف عن الخطوره في هالدوام اولا احنا مثل منتو عارفين نداوم في منطقه صحراويه وتشوف من الزواحف انواع واشكال حيايه وعقارب ويامه ناس نقرصو من هالزواحف نشوفهم وما قمنا نهتم يمرون يمنا جنهم نمل من كثر ما نشوف
غير جذي الخطوره الي بالشغل خطوره ما اقدر اوصفلك ياها وطبعا تشوف وايد شباب سواء كويتين او اجانب شغالين معاك الي صبعه مقصوص والي ريوله مقطوعه والي والي اشياء تشيب راسك
وامس صارت حالتين وفاة حق شخصين في ريق 131 تابع حق الكيدي سي توفو مصري وهندي الله يرحمهم طبعا بالنسبه حق طبيبعة العمل شي عادي واتوقع الي داش هالوظيفه ما يستبعد هالشي ... الله يرحمهم انشالله ويصبر اهلم يارب
وياريت يحطون لنا بدل خطر لانهم عارفين مدي الخطر الي نعيشه كل يوم هذا كله غير غاز h2s هذا يبيله موضوع بروحه الله يستر علينا وعلي كل الي شغالين في هالوظيفه الخطره
بالتوفيق
Assistant driller
09-02-2009, 11:07 AM
السلام عليكم
اول شي حاب اشكر المشرف علي تثبيت الموضوع
يعطيكم العافيه ومبارك عليكم باجي الشهر
ثانيا حاب اضيف معلومه حق اخوي bo neef بالنسبه حق الدكتور نفس ما قالك اخوي اسستن دريلر الله يعطيع العافيه علي جهده ما عنده الا البندول والبلاستر
وحاب اضيف عن الخطوره في هالدوام اولا احنا مثل منتو عارفين نداوم في منطقه صحراويه وتشوف من الزواحف انواع واشكال حيايه وعقارب ويامه ناس نقرصو من هالزواحف نشوفهم وما قمنا نهتم يمرون يمنا جنهم نمل من كثر ما نشوف
غير جذي الخطوره الي بالشغل خطوره ما اقدر اوصفلك ياها وطبعا تشوف وايد شباب سواء كويتين او اجانب شغالين معاك الي صبعه مقصوص والي ريوله مقطوعه والي والي اشياء تشيب راسك
وامس صارت حالتين وفاة حق شخصين في ريق 131 تابع حق الكيدي سي توفو مصري وهندي الله يرحمهم طبعا بالنسبه حق طبيبعة العمل شي عادي واتوقع الي داش هالوظيفه ما يستبعد هالشي ... الله يرحمهم انشالله ويصبر اهلم يارب
وياريت يحطون لنا بدل خطر لانهم عارفين مدي الخطر الي نعيشه كل يوم هذا كله غير غاز h2s هذا يبيله موضوع بروحه الله يستر علينا وعلي كل الي شغالين في هالوظيفه الخطره
بالتوفيق
صــــح لسانـــــك كفيت ووفيت
وبعدين على شنو تشكرني علشان الرد أول شي بصراحه اشكر الشباب اللي ماقصروا بردودهم وبعدين انا حاط الموضوع هذا مو بس عنوان وخلاص لا أنا حاطه علشان افعل دور الحفريات و أرد على استفسارات الشباب اللي متحمس لهل الوظيفه وحاب يعرف معلومات عنهـا وانا حاضر باي وقت والشباب بعد ما يقصرون معاكم
Assistant driller
09-02-2009, 11:24 AM
يعطيك الف عافيه ومشكور حبيب قلبي لكن ما ابي احبط فيك ابصراحه على كلامك مفروض معاشك 2500 على كل هل شهر الي بتداومه وطول عمرك لي التقاعد يعني ماتصلح حق متزوج بس تصلح حق عزوبي ولا مو اي عزوبي عزوبي ما يفكر بالزواج كلش كل اجازه سفره وشاكرلك على التفاعل معانا وماتخلي سؤال والى تنهيه في اجابه ويعطيكم العافيه والله يوفقكم اجمعين يا رب العالمين
أبشرك الحمدلله اخوي بوالنييف أنا صارلي سنتين ونص راتبي حالياً فوق الـ 1000 دينار الحمدلله وعلى طاري الشغله هذي ما تصلح حق متزوج وحتى لو كان عزوبي ويبي يتزوج احتمال اهل البنت ترفضه بسبه وظيفته مو علشان عيب ولا علشان شي بس علشان الشهر اللي يغييبه فيه عن البنت وفعلا صارت ويا ناس وايد مساكين مو قادرين يتزوجون والسبه الوظيفه هذي والشغله الثانية اخوي بوالنييف الشغله هذي تنفع حق اللي عنده ديون يعني مثلا انت عندك قرض قول 50 ألف دينار صدقني تصكره باسرع من البرق أو انك تجمع مبلغ محترم جم ألف وتطلع من هلوظيفه وتروحلك وظيفه حكومية بس انشالله ماتطلع ناقص ريل أو ناقص ايد :) لا تصدق اتغشمر الله يحفظك انشالله ..... و مثل ما قتلكم الشغله هذي حلوه حق اللي مديون أو حق اللي بيمعله مبلغ للزواج أو لأي غرض كان
الشكوىى لله
09-02-2009, 12:08 PM
361 دينار من دعـم العمالة الوطنية <-- شهرياَ
960 دينار صاَفي من الـــــــــشركه <-- شهر وترك
الشكوىى لله
09-02-2009, 12:09 PM
الشغله هذي ما تصلح حق متزوج وحتى لو كان عزوبي ويبي يتزوج احتمال اهل البنت ترفضه بسبه وظيفته مو علشان عيب ولا علشان شي بس علشان الشهر اللي يغييبه فيه عن البنت
صاَرت لـواحد معاَناّ بالريـق ..
رفضوهـ عشان وضعه الوظيفي
:(
Assistant driller
09-02-2009, 12:18 PM
361 دينار من دعـم العمالة الوطنية <-- شهرياَ
960 دينار صاَفي من الـــــــــشركه <-- شهر وترك
عدل كلام بس هذا بالنسبه لأول تعيينك (( رست أباوت )) يعني وعلى فكرة وايد مايعرفون 960 دينار صافي شهر وترك المقصود منها انه معاشك اول تعييينك 480 اجمع راتب الشهر اللي انت فيه دوام 480 دينار والشهر اللي انته فيه اجازه هم 480 دينار = 960 هذا راتب الشهرين غير دعم العمالة طبعا والراتب ينزل دفعه وحده بالشهر اللي انته فيه اجازه وانشالله وصلت
boneef
09-03-2009, 12:26 AM
الله يعطيكم العافيه ويوفقكم يا ربع وموفقين خير ياربوماتشوفون شر انشالله
Assistant driller
09-03-2009, 11:29 AM
الله يعطيكم العافيه ويوفقكم يا ربع وموفقين خير ياربوماتشوفون شر انشالله
الله يعافيك بوالنييف و الشر مايجيك حياك الله :)
احمد العوضي
09-05-2009, 10:17 AM
يعطيك العافيه اخوي بس متى التقديم ووين ؟
Assistant driller
09-05-2009, 08:07 PM
هلا فيك فيك أخوي يالعوضي أول شي حالياً ماكو تقديم إلا بعد العيد واذا تبي تقدم حالياً تقدم عن طريق شركة الكي أو سي بس اذا عندك واسطة تقدر تدش دايركت على الوظيفه مثل ما سوى غيرك علشان اذا بتنطر الكي أو سي ماراح تخلص واذا بتعرف اي استفسار ثاني شوف الردود وراح تستفيد واذا اي شي بتعرفه مو موجود حاضرين يالعوضي
Assistant driller
09-05-2009, 08:22 PM
بالنسبة للعقود القديمة والعقود الجديدة في شركات حفر الأبار " عقود المقاول "
في شباب تقول شمعنه العقود القديمه ينزلهم أوفر تايم والعقود الجديدة مافيها اوفر تايم بس على فكرة فيها مساواة بين العقود القديمة والعقود الجديدة في العقود القديمه يعتبر الاوفر تايم مالهم عباره عن الشهر اللي اهم في OFF يعني ماكو داوم بس ينزلهم دعم العماله والعقود الجديدة بالشهر اللي فيه دوام والشهر الاوف اللي ماكو دوام ينزلهم الراتب الاساسي للشركة اللي اهو 480 دينار زائد دعم العمالة للشهرين بس بالعقود القديمه بس ينزلهم الاساسي بالشهر اللي فيه دوام أما بالأوف ماكو شي بس دعم العماله يعني متساويين ومافيها ظلم . بس قبل لا يحطون دعم العماله كانت الشركات تنزل الاساسي كل شهر بس كان الاساسي قبل 200 أو 250 دينار علشان جذي ينزلون الراتب الاساسي شهريا بس حاليا العقود توحدت يعني اللي عقده قديم وخلص عقده راح يجددون عقده على النظام الجديد اللي اهو 480 دينار شهريا :) واي شي مو فاهمينه مستعد أوضحه لكم مره ثانيه .
الشكوىى لله
09-06-2009, 02:06 AM
يعني قصدك .. العقود الجديدة
عشان ينزل (دعم العمالة) شهرياً
حتى بالشهر الـoff عشان جذي..
مايمشيّ لهـم overtime ...
عموماً لوا يحسب الـ480 + 480 + 361 = 1321 دينار
8
8
شهر واَلشهر الي وراهـ ينزلك بس دعم عمالة 361 والي وراهـ 1321 وماشيه جذي
وغير فلـوس التأمينات الشركه تدفـعهاَ ...
على كل حاَل .. (( ربي لك الحمد )) ........
Assistant driller
09-07-2009, 09:24 AM
انت تدفع نص للتأمينات والشركة تدفع نص بس الشركة تدفع النسبة الاكبر للتأمينات
الشكوىى لله
09-07-2009, 09:37 AM
مافهمت ..؟؟
ندفـع باليد ولا من المعاش ينقص ؟
Assistant driller
09-07-2009, 11:57 AM
خخخخخخخخخخخخخخ شنو بالايد الله يهداك عبالك بسوق الخضرة لا يبا التأمينات تقص من راتبك
الشكوىى لله
09-07-2009, 12:18 PM
لوووووووووووووووووووووووووول
<- دايخ
الشكوىى لله
09-10-2009, 07:21 AM
ما الَفرق بينك وبين المسجون ؟
كـ عاَمل حفر او موظف في قسم الحفريات
:)
Assistant driller
09-10-2009, 08:52 AM
ما الَفرق بينك وبين المسجون ؟
كـ عاَمل حفر او موظف في قسم الحفريات
:)
بالذمه هذا سؤال :mad: خخخخخخخخخ
الشكوىى لله
09-11-2009, 06:42 AM
انزين خيو ..
دعم العمالة ينزلَ بتاريخ 15
مثل مانكتب بالجرايد عساس قبل العيد
؟؟؟؟
الشكوىى لله
09-11-2009, 08:58 AM
سؤال مهم .. يقولون 30 الشهر
عطله رسمية معتمده من مجلس الوزراء
تحوشناَ أو لآ ؟؟
بنسبه للعـيد :( عقد جديد مافي اوفر تاَيم
نبي نعيد عند اهلنا شوضعنا يالغالي !!
واسف ع الازعاج
سايق الخير
09-12-2009, 07:22 AM
طيب يا شباب
شرايكم في حفريات عمليات الوفره ؟
يعني شرايكم بداومها و معاشها و مميزاتها وهل الكويتيين بكثره هناك ؟
Assistant driller
09-13-2009, 07:42 PM
سؤال مهم .. يقولون 30 الشهر
عطله رسمية معتمده من مجلس الوزراء
تحوشناَ أو لآ ؟؟
بنسبه للعـيد :( عقد جديد مافي اوفر تاَيم
نبي نعيد عند اهلنا شوضعنا يالغالي !!
واسف ع الازعاج
ما من ازعاج حبيبي انت وحظك اذا انت اووف تقدر تعييد واذا للحين ماخلص الشهر انسى دوام يعني دوام بس اذا انت مظبط هناك شي ثاني :) ودع العماله قبل العيد تنزل بثلاثة ايام أو يومين
Assistant driller
09-13-2009, 07:43 PM
خلاص حبيبي اللي ينتهي عقده يجددونه له على النظام اليديد حتى لو صارله بالشركة الف سنه :)
Assistant driller
09-13-2009, 07:45 PM
طيب يا شباب
شرايكم في حفريات عمليات الوفره ؟
يعني شرايكم بداومها و معاشها و مميزاتها وهل الكويتيين بكثره هناك ؟
هلا فيك اخوي اذا انت تقصد ارياق الوفرة اهي زينه وقريبه افضل من المناقيش والعبدلي من حيث المسافه وبعد كل الارياق نفس المميزات ماكو شي اسمه بدل طريق او اي بدل ماعدا بدل السكن اللي اهو 100 دينار
يارب أرزقني
09-14-2009, 09:11 AM
يعطيك العافيه اخوي شلون يعني مساعد حفار يشتغل على سياره ولا ماسك شبل
يارب أرزقني
09-14-2009, 09:20 AM
دعم العماله 361 ينزل ويا 480 بنفس اليوم
سايق الخير
09-14-2009, 11:24 AM
زين اخوي Assistant driller انا قدمت على شركة يونايتد وعطوني اوراق فحص .. معقوله ؟
انت يوم قدمت على الحفريات عطوك اوراق علشان تفحص
وبغيت اعرف معلومات عن هاذي الشركه ومستقبلها
وترا انا بأرياق الوفره للمعلوميه
وشكرا لك على ما تبذله من مجهود ..
Assistant driller
09-14-2009, 11:53 AM
يعطيك العافيه اخوي شلون يعني مساعد حفار يشتغل على سياره ولا ماسك شبل
هلا فيك اخوي :) مساعد الحفار ما يشتغل على البريك يعني " الحفار " بس ياخذ الأوامر من الحفار ويعطيها للعاملين لان الحفار مو فاضي واذا كان مساعد الحفار عارف حق جهاز الحفر ماكو مانع من انه يشتغل عليه بس عند الضرورة وعلى حسب البروجرام اليومي للحفار وعلى فكرة اخوي ترى جهاز الحفر بسرعه تتعلم عليه مو صعب وايد اي خدمة اخوي :)
Assistant driller
09-14-2009, 11:56 AM
دعم العماله 361 ينزل ويا 480 بنفس اليوم
بالنسبة للمتوسطة صح بس على فكرة راتب برقان فقط 480 أما الكي دي سي 490 دينار :) للعلم فقط
Assistant driller
09-14-2009, 11:58 AM
زين اخوي Assistant driller انا قدمت على شركة يونايتد وعطوني اوراق فحص .. معقوله ؟
انت يوم قدمت على الحفريات عطوك اوراق علشان تفحص
وبغيت اعرف معلومات عن هاذي الشركه ومستقبلها
وترا انا بأرياق الوفره للمعلوميه
وشكرا لك على ما تبذله من مجهود ..
يا خوي سايق الخير بكل شغله فيها الفحص حتى الفراش لازم يفحص الحين وخصوصاً في الوضع الحالي والامراض اللي طلعت لنا الله يكفينا ويكفيكم شرها وبعدين اخوي ممكن توضحلي اكثر هل الشركة فقط اسمها يونايتد ،،،، لأن في كذا شركة اسمها يبدأ بيونايتد
سايق الخير
09-14-2009, 12:11 PM
اسمها يونايتد برزيشن
خلاص حبيبي اللي ينتهي عقده يجددونه له على النظام اليديد حتى لو صارله بالشركة الف سنه :)
انا بالنسبه لي العقد القديم وماله مده يعني مفتوح يعني اذا غيروه بغيرلهم عيشتهم :)
دعم العماله 361 ينزل ويا 480 بنفس اليوم
بالنسبه حق شركة برقان دعم العماله ينزل نفس المعتاد في 23 الشهر
ومعاش الشركة ينزل في 7 او 8 من الشهر اليديد
والحين صارلهم جم شهر ينزلونه في 14 او 15 من الشهر اليديد
هذا القطاع الخاص وهذي عيوبه
Assistant driller
09-15-2009, 09:26 PM
انا بالنسبه لي العقد القديم وماله مده يعني مفتوح يعني اذا غيروه بغيرلهم عيشتهم :)
هلا فيك rig ولله مادري بالنسبه لنظام عقدك بس اعتقد يخلونه كله نظام واحد وبعدين مافرقت شي نفسه معاشك اهو اهو ما يتغير :)
Assistant driller
09-15-2009, 09:28 PM
اسمها يونايتد برزيشن
ولله ياخوي اعتقد الشركة هذي خلاص خلص عقدها ان ماخاب ضني :) بس اذا اهي فعلاً موجودة زودنا برقامهم لو ماعليك أمر :)
الشكوىى لله
09-17-2009, 11:58 AM
السلام عليكم ..
سمـعت في شركة صينية ((حفرياَت))
معاشهم قوي نسيت أسم الشركة بظبط !@!
الي يعرفهاَ يزودنا ولوا بمعلومه عنها
وشكرا
الشكوىى لله
09-17-2009, 12:07 PM
لا أله الإ الله .. محمداً رسول الله
Assistant driller
09-18-2009, 07:37 PM
السلام عليكم ..
سمـعت في شركة صينية ((حفرياَت))
معاشهم قوي نسيت أسم الشركة بظبط !@!
الي يعرفهاَ يزودنا ولوا بمعلومه عنها
وشكرا
ولله ياخوي اول مره اسمع عنها انا اللي اعرفها انه اخر شركة اهي شركة كندية وسبق ذكرت اسمها لكم بس انشالله بستفسر عنها واي شي يخص الشركة اللي انت ذكرتها بعطيك معلومات عنها :)
أصغر بترولي
09-30-2009, 06:40 AM
الـسلام عـليكم ..
أشكـر صآحب الموضوع ، وأشكـر أخواني ريق وأبو نك انقليزي .. وأقولهم بيض الله وجيهكم !
وانا صـرآحه أستفدت من كل الصفحات من كلامكم الذهب .. ويعطيكم ألف عافيه :)
...
بس تبـون الصـرآحهـ صح إنكم قلتوا كل شي بس انا ابي ردود تريحني وتسكر حلقي .. :(
ابـدأ بسم الله ،،،،
أنا توو مقدم على الوظيفهـ مع إني أتوقع إني أصغـر وآحد وإنشاء الله اني رآح إنقبـل !
وطبعاً انا عمـري 18 وأدري بتقولون صغير حـيل ..
وانا شهادتي ثانوية عامة ... فقط لا غـير
وبقولكم كل الكلام الي جاني بالضبط ، الكلام الي جاني من الوظيـفه إني بعد ما أخلص الأختبار الانجليزي وغيرهـ رآح ينقلووني إلى الشـركة الي فـ الوفرة << نسيت وش إسمها
وابيكم تفيدوني واتأكدون على الكلام الي جاني ..
إن بيكون دوآمي فـ الشركه الي فـ الوفره إنه اسبوع في أسبوع أوو يومين صبح يومين عصر يومين ليل يومين أو يوم أوف ؟؟
وانا إستفسرت من صديق لي في حفريآت الوفرة ويقوول أنا وـآحد مضبط نفسي مع زملائي الي معاي فـ الدوام ومع المسؤل .. وإنه يدآوم فـ اليوم سـاعة ويطلع إلا آخر يوم دوآم في الأسبوع يجلس له كم ساعه عشان التحضير ومدري آيش ؟؟
وأنا إنشاء الله رآضي بأي معاش يجيني منهـم ، بس بغيت منكم تعطوني المعاش الصآفي بالضبط كم ( ؟؟؟؟ ) دينآر ...
بس إحسس إنها قويه شوي الي هي شهر بـ شهر ؟؟
وفي سؤال محيـرني ، هل بعد 12 ساعه الشغل الي هي 12 ساعه نوم يصير فيها نستخدم فيها الاب توب ولا غيرهـ ؟؟
...........
وأتمنى إني ماثقلت عليكم لأنكم بـجد مآقصـرتم ومآفي سؤإل إلا مجاوبين عليهـ ماشاء الله عليكم !
وحبيت اتجاوبون على اسألتي عشششآن أرتاااااااح مرهـ وحدهـ ؟
أصغر بترولي
09-30-2009, 06:42 AM
لي رجعـــــــــــــــــــــــــــــــــه .. :(
أصغر بترولي
09-30-2009, 08:37 AM
وينگم يآجماعة الخــــــــير .. ؟
سايق الخير
09-30-2009, 09:04 AM
والله يا طويل العمر اللي اعرف اجابته من اسئلتك هو سؤالك عن دوام الوفره
مدام دوامك في الوفره راح يكون 12 ساعه دوام و 12 ساعه فبيتكم وهالشكل .. تستمر على الحاله هذي شهر و شهر اوف
بس شسم شركتك ؟
Assistant driller
10-01-2009, 08:36 AM
الـسلام عـليكم ..
أشكـر صآحب الموضوع ، وأشكـر أخواني ريق وأبو نك انقليزي .. وأقولهم بيض الله وجيهكم !
وانا صـرآحه أستفدت من كل الصفحات من كلامكم الذهب .. ويعطيكم ألف عافيه :)
...
بس تبـون الصـرآحهـ صح إنكم قلتوا كل شي بس انا ابي ردود تريحني وتسكر حلقي .. :(
ابـدأ بسم الله ،،،،
أنا توو مقدم على الوظيفهـ مع إني أتوقع إني أصغـر وآحد وإنشاء الله اني رآح إنقبـل !
وطبعاً انا عمـري 18 وأدري بتقولون صغير حـيل ..
وانا شهادتي ثانوية عامة ... فقط لا غـير
وبقولكم كل الكلام الي جاني بالضبط ، الكلام الي جاني من الوظيـفه إني بعد ما أخلص الأختبار الانجليزي وغيرهـ رآح ينقلووني إلى الشـركة الي فـ الوفرة << نسيت وش إسمها
وابيكم تفيدوني واتأكدون على الكلام الي جاني ..
إن بيكون دوآمي فـ الشركه الي فـ الوفره إنه اسبوع في أسبوع أوو يومين صبح يومين عصر يومين ليل يومين أو يوم أوف ؟؟
وانا إستفسرت من صديق لي في حفريآت الوفرة ويقوول أنا وـآحد مضبط نفسي مع زملائي الي معاي فـ الدوام ومع المسؤل .. وإنه يدآوم فـ اليوم سـاعة ويطلع إلا آخر يوم دوآم في الأسبوع يجلس له كم ساعه عشان التحضير ومدري آيش ؟؟
وأنا إنشاء الله رآضي بأي معاش يجيني منهـم ، بس بغيت منكم تعطوني المعاش الصآفي بالضبط كم ( ؟؟؟؟ ) دينآر ...
بس إحسس إنها قويه شوي الي هي شهر بـ شهر ؟؟
وفي سؤال محيـرني ، هل بعد 12 ساعه الشغل الي هي 12 ساعه نوم يصير فيها نستخدم فيها الاب توب ولا غيرهـ ؟؟
...........
وأتمنى إني ماثقلت عليكم لأنكم بـجد مآقصـرتم ومآفي سؤإل إلا مجاوبين عليهـ ماشاء الله عليكم !
وحبيت اتجاوبون على اسألتي عشششآن أرتاااااااح مرهـ وحدهـ ؟
اسف ياخوي على التاخير تدري الناس عيد وتونه مبلشين دوامات فا يعني بالعربي مالي خلقكم لوووووول اتغشمر وياكم :) :p انا تحت أمركم أول شي بالنسبة لسؤالك عن ارياق الوفرة ارياق الوفرة اول شي راح تكون قريبه عليك بس انت فكر فيها راح تستهلك طاقه زيادة وتقط فلوس زيادة وسيارتك تتعب علشان كليوم رايح وراد بس لو تقعد بالعبدلي بالروضتين شهر وكلشي بلاش ومتوفرلك وسيارتك صافطة برة ماتتحرك يعني انت بجذي وفرت معاش كامل وبالنسبه لسؤوالك الثاني : يصير تستخدم الاب توب والتلفون عادي بس بعد الشغل طبعا لما ترجع الكامب وبالنسبة لسؤالك عن الراتب ..... الراتب الصافي لك بعد استقطاع التأمنيات 810 دينار وراح يزيد معاشك طبعا 50 دينار بعد فترة 100 يوم تقريباً وفي هذي الفترة تكون انت خلاص تثبت بالشغله هذي يعني مثل ماتقول الــ 100 يوم الاولى يختبرونك فيها تصملها أو لا بس ترى ياخوي الشغله هذي معاش قوي بس يحللونك ولله يعني الدينار اللي يعطونك اياه يطلعون دين امه ومايهم عندهم العمر او الشهادة هناك حبيبي انت عامل حفر يعني هناك يبون واحد يكد مايبون شهادة يعني انا مثلا شهادتي متوسطة و تطبيقي حاليا ديرك مان في ناس عندنا شهايدهم ثانوية ودبلوم للحينهم رست أباوت تدري ليش : لأن اهم مو ملتزمين مالهم خلق يشتغلون يزرقون وايد لسانهم طويل مع زملائهم في العمل خصوصاً مع الاجانب على ابو ان هندي اروح اصرخ علييه لا يبه هناك الهندي له قيمته على العموم انت انشالله انت قد المسؤوليه وطبعاً اذا قعدت 3 سنين يعني راتبك عادي يطق فوق الـ1200 دينار طبعا اذا صرت ملتزم وياهم بالدوام وتنفذ اللي عليك من غير تباطؤ ويكون سلوكك ممتاز مع زملائك ومسؤولينك الكويتيين والغير كويتيين ... واذا تبي معلومات زيادة قولي اسم الشركة اللي انت مسجل فيها واي خدمه انا حاضر ياخوي
اسف ياخوي على التاخير تدري الناس عيد وتونه مبلشين دوامات فا يعني بالعربي مالي خلقكم لوووووول اتغشمر وياكم :) :p انا تحت أمركم أول شي بالنسبة لسؤالك عن ارياق الوفرة ارياق الوفرة اول شي راح تكون قريبه عليك بس انت فكر فيها راح تستهلك طاقه زيادة وتقط فلوس زيادة وسيارتك تتعب علشان كليوم رايح وراد بس لو تقعد بالعبدلي بالروضتين شهر وكلشي بلاش ومتوفرلك وسيارتك صافطة برة ماتتحرك يعني انت بجذي وفرت معاش كامل وبالنسبه لسؤوالك الثاني : يصير تستخدم الاب توب والتلفون عادي بس بعد الشغل طبعا لما ترجع الكامب وبالنسبة لسؤالك عن الراتب ..... الراتب الصافي لك بعد استقطاع التأمنيات 810 دينار وراح يزيد معاشك طبعا 50 دينار بعد فترة 100 يوم تقريباً وفي هذي الفترة تكون انت خلاص تثبت بالشغله هذي يعني مثل ماتقول الــ 100 يوم الاولى يختبرونك فيها تصملها أو لا بس ترى ياخوي الشغله هذي معاش قوي بس يحللونك ولله يعني الدينار اللي يعطونك اياه يطلعون دين امه ومايهم عندهم العمر او الشهادة هناك حبيبي انت عامل حفر يعني هناك يبون واحد يكد مايبون شهادة يعني انا مثلا شهادتي متوسطة و تطبيقي حاليا ديرك مان في ناس عندنا شهايدهم ثانوية ودبلوم للحينهم رست أباوت تدري ليش : لأن اهم مو ملتزمين مالهم خلق يشتغلون يزرقون وايد لسانهم طويل مع زملائهم في العمل خصوصاً مع الاجانب على ابو ان هندي اروح اصرخ علييه لا يبه هناك الهندي له قيمته على العموم انت انشالله انت قد المسؤوليه وطبعاً اذا قعدت 3 سنين يعني راتبك عادي يطق فوق الـ1200 دينار طبعا اذا صرت ملتزم وياهم بالدوام وتنفذ اللي عليك من غير تباطؤ ويكون سلوكك ممتاز مع زملائك ومسؤولينك الكويتيين والغير كويتيين ... واذا تبي معلومات زيادة قولي اسم الشركة اللي انت مسجل فيها واي خدمه انا حاضر ياخوي
بيض الله وجهك ...... والله يوفقك دنيا وآخره ..... على فعل الخير .....
معلومات قيمه جدا
Assistant driller
10-02-2009, 01:09 PM
بيض الله وجهك ...... والله يوفقك دنيا وآخره ..... على فعل الخير .....
معلومات قيمه جدا
يا هلا فيك اخوي شلاع و وصلت رسالت لي برايفت صحيح اني انا صاحب هلموضوع لكن الشباب هم مو مقصرين معاي ويردون على استفساراتكم وبصراحه في اشياء يمكن ما اكون عارفها فعلشان جذي استعين فيهم واحنا حاضرين باي وقت واي سؤال بخصوص حفر الأبار حاضرين ياخوي :)
السلام عليكم ورحمة الله وبركاته
شكرا اخي Assistant driller على المعلومات ،
هل هذه الشغله لجميع الجنسيات او للكويتيين فقط ؟
عندي هندي مسلم أمين محترم ولديه اجازة قيادة عامة ، هل فيه مجال ان يعمل في قسم الحفريات ؟
وجزاك الله خيرا
Mechanical Engineer
10-04-2009, 01:42 AM
السلام عليكم ..
سمـعت في شركة صينية ((حفرياَت))
معاشهم قوي نسيت أسم الشركة بظبط !@!
الي يعرفهاَ يزودنا ولوا بمعلومه عنها
وشكرا
اخاف قصدك شركة هيونداااي
بس وين مكانهم بالضبط اذا احد يقدر يفيدنا ؟
احمد العوضي
10-04-2009, 04:37 AM
الســلام عليكــم أي استفســار بشـأن الحفريـــات أن حاضـــر و إنشــاللة أقدر أفيدكــم بأدق التفاصيــــل في هذا المجـال :)
يعطيك العافيه حجي :) اخوي بغيت اعرف ياخذون الي شهادنه متوسطه وشلون ووين التقديم....وسلامتك :)
أخي احمد العوضي
الحفريات ماتبيلها شهادة و يقدر يدشها لو شنو شهادته والمعاش موحد للكل يعني للمتوسطة والثانوية والابتدائية وحتى اللي ماعنده شهادة يقدر يشتغل هلشغلة لأن الشغله هذي معتمدة على الكرف والخبرة فقط وبالنسبة للوزن مادري ولله بس كلشي بالواسطة بعد الله سبحانه يصير وماكو شي اسمه يدش على طول حفار أو مساعد حفار إلا بحاله وحدة فقط إذا كان يملك الخبرة واذا ما كان يملك الخبرة يتعين في البداية مساعد حفار متدرب لمدة 6 شهور ومن بعدها مساعد حفار ومن بعدها إلى حفار متدرب وبعدها إلى حفار طبعاً ماكو شي اسمه بدل طريج أو بدل خطر اللي موجود بدل سكن فقط واللي اهو 100 دينار طبعا تمشيلك الشركة 380 + 100 بدل سكن + دعم العمالة اللي يعتمد على شهادتك ماكو بدلات لأنك انت تروح هناك تنحبس 28 يوم في فترة العمل فشلون يعطونك بدل طريج وانت تنام عندهم 28 يوم بدل خطر ماكو بس راتبك معرض للزيادة السريعهيعني مثال انا أول ما تعيينت كنت عامل حفر وكان راتبي كله مع دعم العمالة 850 دينار والحين 1050 دينار عزوبي على فكرة واللي يحط فباله الشغله هذي لازم يقوي قلبه لدرجة ان الجيش ولا شي عندنا وحاضرين يا q8
أخي العزيز هذا للإجابة على سؤالك منقول من ردود الأخ Assistant driller
هذا رقم الشركة الكويتية للحفريــات وتقدر تستفســر منهــم 23981599 بعدين 117
Assistant driller
10-04-2009, 11:20 AM
السلام عليكم ورحمة الله وبركاته
شكرا اخي Assistant driller على المعلومات ،
هل هذه الشغله لجميع الجنسيات او للكويتيين فقط ؟
عندي هندي مسلم أمين محترم ولديه اجازة قيادة عامة ، هل فيه مجال ان يعمل في قسم الحفريات ؟
وجزاك الله خيرا
يا هلا فيك اخوي بالنسبة للهندي يتم قبوله اسرع من الكويتي لان اهم عارفين الهندي مسكين وياي ياكل عيش ومستعد ان يكرف ليل نهار ومايحتج على اي شي لان اغلبية الكويتيين ومن اللي انا اشوفه هناك نظامهم بس يومين بالكثير وماتشوف رقعت ويها مره ثانية للاسف يدشون وما يفكرون الا بالمعاش وعلباله المعاش هذا بيييه بالساهل على العموم خل الهندي يقدم أوراقه وانشالله وبينقبل عندهم :)
Assistant driller
10-04-2009, 11:23 AM
اخاف قصدك شركة هيونداااي
بس وين مكانهم بالضبط اذا احد يقدر يفيدنا ؟
ولله ياخوي مافي شركة صينية اعتقد أو يمكن الاخ كان قصده شركات السيرفس اللي اهي الشركات اللي تخدم شركات الحفر انا سبق فوق وذكرت اسماء الشركات ارجع الى الصفحات السابقة وراح تعرف كلشي :)
Assistant driller
10-04-2009, 11:24 AM
يعطيك العافيه حجي :) اخوي بغيت اعرف ياخذون الي شهادنه متوسطه وشلون ووين التقديم....وسلامتك :)
مشكور اخوي على الاجابه بالانابه عني :)
الجريوي
10-08-2009, 07:38 PM
الســلام عليكــم أي استفســار بشـأن الحفريـــات أن حاضـــر و إنشــاللة أقدر أفيدكــم بأدق التفاصيــــل في هذا المجـال :)
مشكور بصراحة اخوي اسستنتن دريلر على الموضوع اللي بصراحة فوق الممتاز وانا عن نفسي استفدت اشياء وايد من موضوعك و منها للأعلى انشالله
بس اللي ابي اعرفه اخوي دريلر هلى الراتب اللي تستلمة يخليك تصبر على هذا الشغل الشاق ؟ و سلامتك
Assistant driller
10-09-2009, 08:06 PM
مشكور بصراحة اخوي اسستنتن دريلر على الموضوع اللي بصراحة فوق الممتاز وانا عن نفسي استفدت اشياء وايد من موضوعك و منها للأعلى انشالله
بس اللي ابي اعرفه اخوي دريلر هلى الراتب اللي تستلمة يخليك تصبر على هذا الشغل الشاق ؟ و سلامتك
مشــكور حبيبي على وجهت نظرك وبالنسبة لسؤالك عن الراتب اذا كان يصبرني على الشغله هذي أو لا ؟
المعاش في البداية حلو بس يمكن الشغل اللي تشتغله يستاهل اكثر من جذي بس بعد فترة يزيد معاشك وراح تحب الشغله اكثر واهنيي تحس انك انت تستلم معاش قوي والشغل يصير بالنسبة لك عادي
:)
رجل امن اول
10-14-2009, 01:23 AM
اخوي ولي يعافيك يصير الخليجي يدخل هالوظيفه ؟؟؟؟
Assistant driller
10-14-2009, 07:58 AM
اخوي ولي يعافيك يصير الخليجي يدخل هالوظيفه ؟؟؟؟
يا هــلا فيك أخوي بالنسبة لسؤالك : طبعاً أكيد يصير بس يمشيلك راتب الشركة و ما يمشيلك دعم العمالة لأن دعم العمالة فقط للمواطنين . اي خدمة ثانية يا قلبي :)
Assistant driller
10-14-2009, 01:39 PM
إنشالله يا جماعة من الاسبوع الجاي راح ينزل اعلان توظيف
عن طريق شركة الكي أو سي بخصوص الوظائف اللي تخص هذا المجال واللي اهو مجال الحفر . وشكراً
امرؤ القيس
10-14-2009, 02:21 PM
انزين يا مساعد الحفاار
نبي التااريخ بالضبط
Assistant driller
10-14-2009, 02:51 PM
انزين يا مساعد الحفاار
نبي التااريخ بالضبط
ولله ياخوي هذا الكلام انا ماخذه من المسؤولين عندنا بالإدارة نفسها اما التاريخ بالظبط ولله مادري بس انا اضمنلك الاسبوع الجاي انشالله على حسب الكلام اللي وصلني بس طبعا دام التوظيف صار عن طريق شركة الكي او سي راح يحطون متطلبات وشروط معينه يعني مثلا عامل حفر لازم شهادة ثانوية ودبلوم وهذا طبعاً صعب شوي لان طول عمر الشغله هذي اللي يدشونها ماعندهم شهايد بس الشركة تحط الشروط هذي ليش ما ادري وللعلم جميع الرواتب متساوية عندنا في مجال الحفر يعني انت عندك ثانوية وانا ماعندي شهادة انا معاك نفس المسمى الوظيفي ونفس المعاش ويمكن اترقى انا وانت ماتترقى يعني المطلوب كفاءة وانجاز بالعمل فقط وليس الشهادة عرفت حبيب قلبي :)
Talal86
10-16-2009, 11:45 PM
السلام عليكم عندي سؤال بخصوص الغير كويتي بس والدته كويتيه..في مجال انه يقدم لوظيفة حفار واذا ممكن شنو امتيازاته والمعاش جم يكون وشلون طريقة الدوام..ارجو الافاده وجزاكم الله خير :)
الشكوىى لله
10-17-2009, 05:31 AM
السلام عليكم عندي سؤال بخصوص الغير كويتي بس والدته كويتيه..في مجال انه يقدم لوظيفة حفار واذا ممكن شنو امتيازاته والمعاش جم يكون وشلون طريقة الدوام..ارجو الافاده وجزاكم الله خير :)
عليكم السلام ..
ما أتوقع !! لأن سمعت من السايق
الي عندناَ بالدوام مايتم توظيف لآ...
بدون ولا عراقي ولا أيراني !!
الإ اذا كان سعودي الله أعـــــــلم
Assistant driller
10-17-2009, 04:53 PM
السلام عليكم عندي سؤال بخصوص الغير كويتي بس والدته كويتيه..في مجال انه يقدم لوظيفة حفار واذا ممكن شنو امتيازاته والمعاش جم يكون وشلون طريقة الدوام..ارجو الافاده وجزاكم الله خير :)
يا هلا فيك اخوي طلال اول شي تعبت تعبت وانا اقول ماكو شي اسمه حفار على طول اول شي رست اباوت وبعدين تترقى شوي شوي لما تكتسب خبره كافيه تأهلك انك تشتغل حفار .... بحالة وحدة تقدر تصير حفار الا اذا تتوافر لديك شهادة الخبرة تثبت بأنك مارست هذه الوظيفه لأكثر من 3 أو اربع سنين على الاقل غير هذا مستحيل حفار على طول
وعلى فكرة كل اسئلتك اساساً انا مجاوب عليها بس انت لو تراجع الصفحات السابقة راح تلقى ردود على اسئلتك بس لاجل عيونك راح ارد و اجاوب على اسئلتك . بالنسبة لسؤالك يقبلونك اولا طبعا يقبلونك بس تتعامل معاملت غير كويتي الكويتي هناك اول مايتوظف يستلم 850 تقريباً مع دعم العمالة ويمكن بسنة وحدة او سنتين يوصل معاشة فوق الالف اهو وكفائته اما بالنسبة لك كغير كويتي راتبك 350 دينار شهرياً و يزيد بسرعه لا تحاتي وفي زيادات كل 6 شهور على حسب التقرير اللي يكتبه عنك مسؤولك اذا كان تقريرك 100% اقصى زيادة تاخذها 50 دينار فوق راتبك الاساسي اللي اهو 350 طبعاً غير الترقيات و العلاوات التشجيعية وبالنسبة لطريقة الدوام على حسب عقدك في عقود 28 يوم بـ 28 يوم وفي عقود اسبوع باسبوع في غيره وغيره بس اكثر العقود شهر بشهر اللي اهو 28 يوم بـ28 يوم وسلامتك يا طلال واي استفسار اسال و انا اجاوبك :)
Assistant driller
10-17-2009, 04:54 PM
عليكم السلام ..
ما أتوقع !! لأن سمعت من السايق
الي عندناَ بالدوام مايتم توظيف لآ...
بدون ولا عراقي ولا أيراني !!
الإ اذا كان سعودي الله أعـــــــلم
لووووووووووووووول الشيخ قام يفتي على كيفة اهو يبون واحد يكرف وبس مالهم شغل بجنسيته :)
79habeeb
10-17-2009, 08:11 PM
بارك الله فيك فى ميزان اعمالك
انا موضف حكومى متى ما فتح التسجيل واقبلونى بقدم استقالتى من وضيفتى
والله انى اكرف كرف اليهد فى وضيفتى ومافى تقدير ومحروم من كل شئ
باجر بدق عليهم واسئلهم متى فتح باب التسجيل
وراح ابلقكم اول باول
وجزاك الله اخير اخوى الفاضل احلا موضوع مرتب جدا
kdc-q8
10-17-2009, 11:09 PM
عليكم السلام ..
ما أتوقع !! لأن سمعت من السايق
الي عندناَ بالدوام مايتم توظيف لآ...
بدون ولا عراقي ولا أيراني !!
الإ اذا كان سعودي الله أعـــــــلم اخوي تعديل معلومه انا موضف كي دي سي ويانا واحد بدون امه كويتيه وماخذ معاملة كويتي ويستلم معاش 488 ودوامه 28_28 ومشكورين ونشالله اقدر اساعدالاخوان علا الاجابه علا اسالتكم
والله يوفق الجميع
kdc-q8
10-17-2009, 11:28 PM
شباب انا موضف حفريات في الكي دي سي سمعت من واحد يقربلي ان الحفريات راح يعطونهم مزيا شركة النفط مثل زياده علا المعاش30
% ومعالجه بمستشفى الشركه وخوصومات علا الفنادق والمنتزهات البحريه وغيييره وفي بعد تذاكر سفر كل سنه وصاحبنا يقول تمسك بوضيفتك لان راح يسنعون وضعكم يا الكويتين والله كريم
Assistant driller
10-17-2009, 11:52 PM
بارك الله فيك فى ميزان اعمالك
انا موضف حكومى متى ما فتح التسجيل واقبلونى بقدم استقالتى من وضيفتى
والله انى اكرف كرف اليهد فى وضيفتى ومافى تقدير ومحروم من كل شئ
باجر بدق عليهم واسئلهم متى فتح باب التسجيل
وراح ابلقكم اول باول
وجزاك الله اخير اخوى الفاضل احلا موضوع مرتب جدا
الله يعطيك العافية قدم على الوظيفة ولا تخلي احد يقولك تعب تعب صج تعب بس راح تجني هذا التعب كله بعد 3 سنين واذكر كلامي و بالنسبة لهذا الموضوع انا حطيته لأن حسيت ان ماكو تفاعل فهلموضوع مع العلم انه اخواني الزوار والاعضاء والادارة بحاجه لهذه المعلومات . وبصراحه هذا مو بس مجهودي في شباب يردون بالنيابه عني جزاهم الله خير وجزاكم الله خير وحاضرين حبيبي :)
Assistant driller
10-17-2009, 11:56 PM
اخوي تعديل معلومه انا موضف كي دي سي ويانا واحد بدون امه كويتيه وماخذ معاملة كويتي ويستلم معاش 488 ودوامه 28_28 ومشكورين ونشالله اقدر اساعدالاخوان علا الاجابه علا اسالتكم
والله يوفق الجميع
حياك الله اخوي ويانه ومشكووور على تفاعلك :)
Assistant driller
10-17-2009, 11:57 PM
شباب انا موضف حفريات في الكي دي سي سمعت من واحد يقربلي ان الحفريات راح يعطونهم مزيا شركة النفط مثل زياده علا المعاش30
% ومعالجه بمستشفى الشركه وخوصومات علا الفنادق والمنتزهات البحريه وغيييره وفي بعد تذاكر سفر كل سنه وصاحبنا يقول تمسك بوضيفتك لان راح يسنعون وضعكم يا الكويتين والله كريم
ولله هلكلام اسمعه من زمان ياخوي بس ماكو فعل وانشالله خي لان هم انا سمعت من فترة من واحد واصل عندنا بالشركة وانشالله قد كلامهم المره هذي لان ولله الشباب يستاهلون على الكرف اللي يكرفونه :)
kdc-q8
10-18-2009, 12:12 AM
الله كريم ومشكور اخوي ونشالله الخير بقبال
Talal86
10-18-2009, 01:29 AM
يا هلا فيك اخوي طلال اول شي تعبت تعبت وانا اقول ماكو شي اسمه حفار على طول اول شي رست اباوت وبعدين تترقى شوي شوي لما تكتسب خبره كافيه تأهلك انك تشتغل حفار .... بحالة وحدة تقدر تصير حفار الا اذا تتوافر لديك شهادة الخبرة تثبت بأنك مارست هذه الوظيفه لأكثر من 3 أو اربع سنين على الاقل غير هذا مستحيل حفار على طول
وعلى فكرة كل اسئلتك اساساً انا مجاوب عليها بس انت لو تراجع الصفحات السابقة راح تلقى ردود على اسئلتك بس لاجل عيونك راح ارد و اجاوب على اسئلتك . بالنسبة لسؤالك يقبلونك اولا طبعا يقبلونك بس تتعامل معاملت غير كويتي الكويتي هناك اول مايتوظف يستلم 850 تقريباً مع دعم العمالة ويمكن بسنة وحدة او سنتين يوصل معاشة فوق الالف اهو وكفائته اما بالنسبة لك كغير كويتي راتبك 350 دينار شهرياً و يزيد بسرعه لا تحاتي وفي زيادات كل 6 شهور على حسب التقرير اللي يكتبه عنك مسؤولك اذا كان تقريرك 100% اقصى زيادة تاخذها 50 دينار فوق راتبك الاساسي اللي اهو 350 طبعاً غير الترقيات و العلاوات التشجيعية وبالنسبة لطريقة الدوام على حسب عقدك في عقود 28 يوم بـ 28 يوم وفي عقود اسبوع باسبوع في غيره وغيره بس اكثر العقود شهر بشهر اللي اهو 28 يوم بـ28 يوم وسلامتك يا طلال واي استفسار اسال و انا اجاوبك :)
مشكووووور يالغالي عالمعلومات الطيبه من اخوو طيب..بعد راسي :)
alrays20062000
10-18-2009, 03:56 AM
ياريت ياجماعه حد ابن حلال يفدنى فى الموضوع ده انا مصرى ومعايه شهاده فنى تكنلوجيا البترول قسم حفر
هل ممكن القى وظيفه فى شركه من شركات الحفر والبترول ام ان العمل بالقطاع النفطى محدود على الكويتين
alrays20062000
10-18-2009, 03:57 AM
بس ساريت حد يفدنى بجد
Assistant driller
10-18-2009, 09:51 AM
مشكووووور يالغالي عالمعلومات الطيبه من اخوو طيب..بعد راسي :)
حاضرين اخوي طلال :)
Assistant driller
10-18-2009, 09:53 AM
ياريت ياجماعه حد ابن حلال يفدنى فى الموضوع ده انا مصرى ومعايه شهاده فنى تكنلوجيا البترول قسم حفر
هل ممكن القى وظيفه فى شركه من شركات الحفر والبترول ام ان العمل بالقطاع النفطى محدود على الكويتين
اي نعم في شغلات وايد واقسام تحتاج فني تكنولوجيا و بعدين الوظايف في البترول مو بس للكويتين حتى للاجانب :)
79habeeb
10-18-2009, 04:14 PM
اليوم دقيت عليهم على 23981599 والداخلى 117
والله من الصبح يالله ردو على قالو انت كويتى قلت نعم
قالو دق على داخلى 280 قالت اوكى
كل ما ادق ترد على وحدة وتسوى نفسها ماتسمع مع الاسف تقول الو 00 الو
كذا مرة دقيت وماكو فايدة
اخوانى الافاضل هل يوجد مكان معين لتسجيل اروحلة
وجزاكم الله خير
Assistant driller
10-18-2009, 04:34 PM
اليوم دقيت عليهم على 23981599 والداخلى 117
والله من الصبح يالله ردو على قالو انت كويتى قلت نعم
قالو دق على داخلى 280 قالت اوكى
كل ما ادق ترد على وحدة وتسوى نفسها ماتسمع مع الاسف تقول الو 00 الو
كذا مرة دقيت وماكو فايدة
اخوانى الافاضل هل يوجد مكان معين لتسجيل اروحلة
وجزاكم الله خير
مكانهم بالاحمدي خلف المستشفى تقريباً بعدين اللي انت كلمتها اللي رقمها 280 هذي نفسية حدها اسمها هلا الحصروني لا ومسيحية بعد وكل ما تطفر تقول لاحول ولاقوة الا بالله :) صج ولله مو غشمرة مع العلم انها مسيحية بس ياخوي لاتكلمها اذا تبي تكلم كلم الاخت هبه رقمها الداخلي 117 :)
79habeeb
10-18-2009, 08:49 PM
مكانهم بالاحمدي خلف المستشفى تقريباً بعدين اللي انت كلمتها اللي رقمها 280 هذي نفسية حدها اسمها هلا الحصروني لا ومسيحية بعد وكل ما تطفر تقول لاحول ولاقوة الا بالله :) صج ولله مو غشمرة مع العلم انها مسيحية بس ياخوي لاتكلمها اذا تبي تكلم كلم الاخت هبه رقمها الداخلي 117 :)
كلمت هبه على 117 صرفتنى قالت انت كويتى قلت اى قالت دق على النفسية 280 ههههههه
قلت متى يفتح باب التسجيل قالت ما عندى خبر دق على 280
تدرى شتقول هلا النفسية الو الو الو الو وتسد التلفون تسوى نفسها ما تسمع كذا مرة دقيت وماكو فايدة
ان نشاء الله من الاسبوع القادم رايح لهم ان شاء الله ماخذ اجازة اسبوع براجعهم
بس علمنى اخوى خلف مستشفى الاحمدى اوكى شنو المبنى شنو اسمة وين اروح اى قسم
وبارك الله فيك ادرى اذيناك
ماعندك خبر متى التسجيل وشنو طلباتهم وكم العدد يقبلون وهل فيها واسطات ( ترانى واسطتى رب العالمين)
وجزاك الله خير
الدال على الخير كفاعله بتشوفا فى ميزان اعمالك ان شاء الله اخوى Assistant driller
Assistant driller
10-19-2009, 09:15 AM
كلمت هبه على 117 صرفتنى قالت انت كويتى قلت اى قالت دق على النفسية 280 ههههههه
قلت متى يفتح باب التسجيل قالت ما عندى خبر دق على 280
تدرى شتقول هلا النفسية الو الو الو الو وتسد التلفون تسوى نفسها ما تسمع كذا مرة دقيت وماكو فايدة
ان نشاء الله من الاسبوع القادم رايح لهم ان شاء الله ماخذ اجازة اسبوع براجعهم
بس علمنى اخوى خلف مستشفى الاحمدى اوكى شنو المبنى شنو اسمة وين اروح اى قسم
وبارك الله فيك ادرى اذيناك
ماعندك خبر متى التسجيل وشنو طلباتهم وكم العدد يقبلون وهل فيها واسطات ( ترانى واسطتى رب العالمين)
وجزاك الله خير
الدال على الخير كفاعله بتشوفا فى ميزان اعمالك ان شاء الله اخوى Assistant driller
اشدعوه ياخوي انا حاط الموضوع للرد على استفساراتكم مو علشان اتضايق عيوني لكم وبعدين احسن شي تروح بنفسك روح عند مستشفى الأحمدي واسأل أي واحد راح يدليك على طول لأن الشركة حيل قريبه عند المستشفى والمبنى لونه ازرق بابيض يشبه الشالية انت اول ماتدش راح تشوف هندي سيكيروتي راح يعطيك ورقة تحدد فيها غرض الزيارة وحق منو بالظبط رايحله وتكتب فيها اسمك وتاريخ اليوم تقدر تقول مثل تحقيق بعدين يخليك تدخل داخل وانت الصاج ياخوي الاستعانه بالله خير واسطة :)
as310
10-19-2009, 05:53 PM
سؤال يا اخوان
اخوي عنده شهاده متوسطه وابي اشغله في القطاع الخاص متي وشلون الطريقه ارجوو منكم الايفااده بارك الله فيكم
Assistant driller
10-19-2009, 07:46 PM
سؤال يا اخوان
اخوي عنده شهاده متوسطه وابي اشغله في القطاع الخاص متي وشلون الطريقه ارجوو منكم الايفااده بارك الله فيكم
هــلا فيك حبيبي ولله بيني وبينك ماكو الا الشغله هذي تصلح حق اخوك وتصلح لمؤهله العلمي وطبعاً الوظيفة هذي شغل شغل كرف وفي ناس بالقطاعات النفطية عندهم شهايد و زقرتيين بس راتب عامل الحفر عندنا اقوى من راتبهم لا مو بس جذي انت تترقى اسرع منهم بعد ومستقبل وايد حلو .. وكان قبل في وظيفة مشغل حقل ووظائف اخرى لشهايد المتوسطة وتحت المتوسطة بس ياخوك الحين خلوهم لازم ثانوية مع العلم الشغله مو مستاهله يعني مشغل الحقل ماله شغل بالشهادة اهو جذ جذي بياخذ دوره عن طبيعة العمل بس المشكلة اهم يبون الناس تكمل دراسة هذا مافي الموضوع ....... أما بالنسبة للطريقة وشلون تسجل كل استفساراتك موجوده بس راجع الصفحات السابقة و اقراها كلها بتشوف كلشي يفيدك واي استفسار تبييه مو محصله ردلي وانا افيدك و اشرحلك اللي تبييه حبيب قلبي:)
79habeeb
10-19-2009, 11:20 PM
اشدعوه ياخوي انا حاط الموضوع للرد على استفساراتكم مو علشان اتضايق عيوني لكم وبعدين احسن شي تروح بنفسك روح عند مستشفى الأحمدي واسأل أي واحد راح يدليك على طول لأن الشركة حيل قريبه عند المستشفى والمبنى لونه ازرق بابيض يشبه الشالية انت اول ماتدش راح تشوف هندي سيكيروتي راح يعطيك ورقة تحدد فيها غرض الزيارة وحق منو بالظبط رايحله وتكتب فيها اسمك وتاريخ اليوم تقدر تقول مثل تحقيق بعدين يخليك تدخل داخل وانت الصاج ياخوي الاستعانه بالله خير واسطة :)
بارك الله فيك
Assistant driller
10-20-2009, 10:38 AM
بارك الله فيك
حياك الله أخوي وبالتوفيج إنشـــالله :)
as310
10-20-2009, 01:51 PM
هــلا فيك حبيبي ولله بيني وبينك ماكو الا الشغله هذي تصلح حق اخوك وتصلح لمؤهله العلمي وطبعاً الوظيفة هذي شغل شغل كرف وفي ناس بالقطاعات النفطية عندهم شهايد و زقرتيين بس راتب عامل الحفر عندنا اقوى من راتبهم لا مو بس جذي انت تترقى اسرع منهم بعد ومستقبل وايد حلو .. وكان قبل في وظيفة مشغل حقل ووظائف اخرى لشهايد المتوسطة وتحت المتوسطة بس ياخوك الحين خلوهم لازم ثانوية مع العلم الشغله مو مستاهله يعني مشغل الحقل ماله شغل بالشهادة اهو جذ جذي بياخذ دوره عن طبيعة العمل بس المشكلة اهم يبون الناس تكمل دراسة هذا مافي الموضوع ....... أما بالنسبة للطريقة وشلون تسجل كل استفساراتك موجوده بس راجع الصفحات السابقة و اقراها كلها بتشوف كلشي يفيدك واي استفسار تبييه مو محصله ردلي وانا افيدك و اشرحلك اللي تبييه حبيب قلبي:)
اخي العزيز بارك الله فيك مافتني باي حاجه راجعت الصفحه السابقه ماحصلت شي يدلني على مكان التسجيل او متي او الطريقه
والحين الله يجزاك خير علمني بارك الله فيك
يارب أرزقني
10-21-2009, 01:10 AM
ياالربع اذاقدمت على تقرير راتب يحسبون دعم العماله وياه او بس راتب الشركه
Assistant driller
10-21-2009, 08:10 AM
اخي العزيز بارك الله فيك مافتني باي حاجه راجعت الصفحه السابقه ماحصلت شي يدلني على مكان التسجيل او متي او الطريقه
والحين الله يجزاك خير علمني بارك الله فيك
يا هلا فيك حبيب قلبي من عيوني راح أجاوبك شوف حبيبي مكانهم قرب مستشفى الأحمد اسم الشركة : KDC ، لون مبنى الشركة : ابيض×ازرق شكل بمنى الشركة صغير يشبه الشالية مسوينه من خشب جنه بيوت أمريكان وبالنسبة للتسجيل الحين صار التسجيل عن طريق الكمبيوتر لان ممكن في اعلان بينزل قريباً ويصير التسجيل فيه عن طريق الانترنت واخوي علشان تتأكد أكثر وتعرف معلومات أكثر اتصل على الارقام التالية :
23981599 ثم أدخل الرقم الداخلي 117
واي استفسار ثاني انا بالشوفه :)
Assistant driller
10-21-2009, 08:17 AM
ياالربع اذاقدمت على تقرير راتب يحسبون دعم العماله وياه او بس راتب الشركه
يا هلا فيك أخوي بالنسبة لسؤالك لا طبعاً ما يحسبون دعم العمالة بتقرير راتب الشركة بس يعني اذا عندك معامله مثلاً يعني تبي تقسط سيارة أو بتاخذ قرض من بنك راح يجمعون تقرير راتب الشركة ودعم العمالة وطبعا تقرير دعم العمالة تستلمه من إعادة الهيكلة :) وسلامتك
79habeeb
10-23-2009, 06:00 PM
مالهم موقع kdc نستفسر متى فتح التسجيل
Assistant driller
10-23-2009, 10:02 PM
مالهم موقع kdc نستفسر متى فتح التسجيل
تفضل أخوي الموقع
www.kdc.com.kw/
اي خدمة ثانية :)
79habeeb
10-23-2009, 11:08 PM
تفضل أخوي الموقع
www.kdc.com.kw/
اي خدمة ثانية :)
بارك الله فيك ما عندك خبر متى يفتحون التسجيل
Assistant driller
10-24-2009, 02:56 PM
بارك الله فيك ما عندك خبر متى يفتحون التسجيل
انشالله يبطلون التسجيل في شهر 2/2010 بإذن الله ولكن للتأكيد اتصل عليهم و اسألهم علشان تتأكد 100%
اي خدمة ثانية :)
يارب أرزقني
10-24-2009, 07:44 PM
وشلون شهر 2 أنا الاسبوع اللي طاف كلمتهم وقالو الاسبوع الجاي اللي هو بكره
وش الخبر الصحيح بكره ولا شهر 2
الله كريم يارب
Assistant driller
10-25-2009, 08:27 AM
وشلون شهر 2 أنا الاسبوع اللي طاف كلمتهم وقالو الاسبوع الجاي اللي هو بكره
وش الخبر الصحيح بكره ولا شهر 2
الله كريم يارب
هلا فيك اخوي ....... أنا كلمت الاخت هلا اللي انت كلمتها وانا اعرفها شخصياً من قبل 3 اسابيع تقول الاسبوع الجاي ولكن ماحصل اي شي بس في ناس بالشركة عطوني خبر انه شهر 2 /2010 ولله أعلم لأنهم بصراحة فرووو مخي وانشالله انطر علي يومين اجيبلك الخبر الأكيد
يارب أرزقني
10-25-2009, 12:37 PM
هلا فيك اخوي ....... أنا كلمت الاخت هلا اللي انت كلمتها وانا اعرفها شخصياً من قبل 3 اسابيع تقول الاسبوع الجاي ولكن ماحصل اي شي بس في ناس بالشركة عطوني خبر انه شهر 2 /2010 ولله أعلم لأنهم بصراحة فرووو مخي وانشالله انطر علي يومين اجيبلك الخبر الأكيد
الله يعطييك العافيه اخوي ونستنا الله يرزقنا يارب
Assistant driller
10-25-2009, 12:49 PM
الله يعطييك العافيه اخوي ونستنا الله يرزقنا يارب
يا هلا فيك الله يرزق الجميع انشاللــه :)
The Dark Knight
10-26-2009, 05:14 AM
السلام عليكم
أول شي أشكرك أخوي على هالموضوع الجميل وأشكر المشرفين على تثبيت هالموضوع لأن فيه تنوير للي مو عارف شنو وضع هالوظيفة
و الله يعطيكم العافيه انشالله ويوفقكم و يحفظكم انشالله
وطبعا انا هذي أول مشاركة لي ويمكن سويت user عشان هالموضوع
وطبعا انا كنت بال UPDC واللي طبعا كلكم عارفين ان بعض أرياقها نامت Shutdown
وبالنسبه لي طبعا اهيه أحسن شركة حفر بالكويت بالنسبة للخبره أو المعامله أو الفهم أو الsafety أو الرواتب
عالعموم هذا كان ياما كان :)
وانا حاليا سجلت في شركة برقان والله الموفق انشالله . .
وبخصوص الشركات قريت وايد لخبطه من الشباب بالأسماء بس للتوضيح والافاده
الشركات اللي حاليا موجوده بالكويت:
1-الشركة الكويتية للحفريات KDC
2-شركة برقان Burgan
3-الشركة المتحدة بريسيشن للحفريات UPDC - United Pricesion Drilling Company
4-الشركة الصينية ساينوبيك Sinopec
وطبعا الشركة الصينية ليلحين ما اشتغلت رسمي يعني بو شهر بالكثير و تكون شغاله انشالله وليلحين اللي واصلين جهازين حفر فقط والباقي بالطريق . . . ودوامهم عادي 28 ب 28 ورواتبهم مثل رواتب UPDC بالضبط . . .
وسلامتكم وسامحوني عالاطالة
Assistant driller
10-26-2009, 09:37 AM
السلام عليكم
أول شي أشكرك أخوي على هالموضوع الجميل وأشكر المشرفين على تثبيت هالموضوع لأن فيه تنوير للي مو عارف شنو وضع هالوظيفة
و الله يعطيكم العافيه انشالله ويوفقكم و يحفظكم انشالله
وطبعا انا هذي أول مشاركة لي ويمكن سويت user عشان هالموضوع
وطبعا انا كنت بال UPDC واللي طبعا كلكم عارفين ان بعض أرياقها نامت Shutdown
وبالنسبه لي طبعا اهيه أحسن شركة حفر بالكويت بالنسبة للخبره أو المعامله أو الفهم أو الsafety أو الرواتب
عالعموم هذا كان ياما كان :)
وانا حاليا سجلت في شركة برقان والله الموفق انشالله . .
وبخصوص الشركات قريت وايد لخبطه من الشباب بالأسماء بس للتوضيح والافاده
الشركات اللي حاليا موجوده بالكويت:
1-الشركة الكويتية للحفريات KDC
2-شركة برقان Burgan
3-الشركة المتحدة بريسيشن للحفريات UPDC - United Pricesion Drilling Company
4-الشركة الصينية ساينوبيك Sinopec
وطبعا الشركة الصينية ليلحين ما اشتغلت رسمي يعني بو شهر بالكثير و تكون شغاله انشالله وليلحين اللي واصلين جهازين حفر فقط والباقي بالطريق . . . ودوامهم عادي 28 ب 28 ورواتبهم مثل رواتب UPDC بالضبط . . .
وسلامتكم وسامحوني عالاطالة
ياهــلا فيك أخوي the dark knight ويانا ومشكووور على وجهة نظرك فهلموضوع ومعلومات القيمة بصراحة وانا ايدك كلامك ان شركة المتحدة افضل الشركات من ناحية الرواتب والسيفتي وكلشي ومشكوور ونبي تفاعلك معانا :)
Assistant driller
10-26-2009, 12:08 PM
وطبعا انا كنت بال UPDC واللي طبعا كلكم عارفين ان بعض أرياقها نامت Shutdown
أنا أقوووول ولله حرام تطلع من الشركــة هذي الناس تدور الشركة هذي وانت ماتبيها أو إنك طلعت من زمان :)
الشكوىى لله
10-26-2009, 12:19 PM
وانا حاليا سجلت في شركة برقان والله الموفق انشالله . .
أول شيء فالك التوفيق ..
سمـعت من الموظفة حقت الكويتين هناَك
قالت زادواّكم من 480 خلوهاَ 780 ...
والأوفر تايم طبعناً مافي للعقود القديمه ماقبل 2008
وبالطـريق كل شيء .. والخير جاي
نصيحه لله شوفلك واسطه خفيفه يخلونك بـRig 136
بالمناقـيييييييش وراح تشوف بعينكًـ
:)
Assistant driller
10-26-2009, 01:03 PM
أول شيء فالك التوفيق ..
سمـعت من الموظفة حقت الكويتين هناَك
قالت زادواّكم من 480 خلوهاَ 780 ...
والأوفر تايم طبعناً مافي للعقود القديمه ماقبل 2008
وبالطـريق كل شيء .. والخير جاي
نصيحه لله شوفلك واسطه خفيفه يخلونك بـRig 136
بالمناقـيييييييش وراح تشوف بعينكًـ
:)
يا هـــلا فيك قلبي بالنسبة لكلامك عدل فيه زيادات قوية جاية طبعاً إذا زادو المعاش اهو الراتب نفسه فيه بدلات بس دامجينها مع الراتب و شي حلو بصراحة واخوي الشكوى لله بس للعلم هذا مو حق ريق معين لجميع الشركات العاملة في مجال الحفر :)
الشكوىى لله
10-26-2009, 07:53 PM
بس للعلم هذا مو حق ريق معين لجميع الشركات العاملة في مجال الحفر
أدري ياقلـبي الظاهر انت ماتعرف (سر)
Rig 136 <---------- فلـه غير شيـىء :):)
The Dark Knight
10-26-2009, 08:40 PM
ياهــلا فيك أخوي the dark knight ويانا ومشكووور على وجهة نظرك فهلموضوع ومعلومات القيمة بصراحة وانا ايدك كلامك ان شركة المتحدة افضل الشركات من ناحية الرواتب والسيفتي وكلشي ومشكوور ونبي تفاعلك معانا :)
حبيب ما سوينا شي :)
The Dark Knight
10-26-2009, 08:43 PM
أنا أقوووول ولله حرام تطلع من الشركــة هذي الناس تدور الشركة هذي وانت ماتبيها أو إنك طلعت من زمان :)
ربك كاتب وهذا النصيب ويجيب الله خير انشالله :)
The Dark Knight
10-26-2009, 08:50 PM
أول شيء فالك التوفيق ..
سمـعت من الموظفة حقت الكويتين هناَك
قالت زادواّكم من 480 خلوهاَ 780 ...
والأوفر تايم طبعناً مافي للعقود القديمه ماقبل 2008
وبالطـريق كل شيء .. والخير جاي
نصيحه لله شوفلك واسطه خفيفه يخلونك بـRig 136
بالمناقـيييييييش وراح تشوف بعينكًـ
:)
الله يوفق الجميع انشالله تسلم :)
وبخصوص الزيادة الله أعلم اللي أعرفه انه الأساسي Basic 480 ومع الOvertime يوصل 780 تقريبا وهذا حد علمي والله أعلم وعموما ياخوك انا أشوف الشغل ما أشوف الفلوس :) يعني مكان أرتاح فيه و الناس محترمه هذا يكفيني ومثلك عارف البشر اللي بالحفر ما ترحم :)
وأشكرك عالنصيحة بس لو عندي واسطة جان ما طلعت من دوامي القديم :) بس ربك كريم ويشوف
وشاكرلك :)
The Dark Knight
10-26-2009, 08:53 PM
أدري ياقلـبي الظاهر انت ماتعرف (سر)
Rig 136 <---------- فلـه غير شيـىء :):)
لووووووووووول
لا ياخوك الحمدلله انا واحد شغال وحاب شغلي :)
وموفق انشالله :)
السلام عليكم
انا سالفتي معقدة شوي ليش ان انا عندي بطاقة خضرا وبنفس الوقت عندي ليسن ارتري والدي عندة جواز ارتري وداق اقامة, اللي ابي اعرفة انا على وضعي هذا يقبلوني ولا لا؟ انا دشيت على هبة قلت لها انا بدون قالت ممنوع البدون يعتدى لرق, مع العلم والدتي كويتية , ياليت احد يسوي خدمة لوجه الله ويساعدني , جزاكم الله خير
Assistant driller
10-27-2009, 08:15 PM
لووووووووووول
لا ياخوك الحمدلله انا واحد شغال وحاب شغلي :)
وموفق انشالله :)
بالتوفيــــج لك انشاللله كلامك منطقي :)
Assistant driller
10-27-2009, 08:18 PM
السلام عليكم
انا سالفتي معقدة شوي ليش ان انا عندي بطاقة خضرا وبنفس الوقت عندي ليسن ارتري والدي عندة جواز ارتري وداق اقامة, اللي ابي اعرفة انا على وضعي هذا يقبلوني ولا لا؟ انا دشيت على هبة قلت لها انا بدون قالت ممنوع البدون يعتدى لرق, مع العلم والدتي كويتية , ياليت احد يسوي خدمة لوجه الله ويساعدني , جزاكم الله خير
اخوي مو لازم الكي دي سي جرب اي شركه غيرها ويمكن الله يفوقك ..... ولله انا ماقوول الى الله يوفقك :)
اخوي مو لازم الكي دي سي جرب اي شركه غيرها ويمكن الله يفوقك ..... ولله انا ماقوول الى الله يوفقك :)
مشكور ياخوي وجزاك الله خير الله يسهل انشالله علينا وعليك
79habeeb
10-27-2009, 10:08 PM
يقولون 28 -10 يفتحون التسجيل صج
Assistant driller
10-28-2009, 01:40 AM
يقولون 28 -10 يفتحون التسجيل صج
الشباب ماخذيـن الكلام من هبه موظفة العلاقات العامة بالشركة هذي من يوم ماتوظفت عمرها ماقالتلي شي وصدقت بس انشالله تصدق هلمرة :)
Assistant driller
10-28-2009, 01:43 AM
اخوي مو لازم الكي دي سي جرب اي شركه غيرها ويمكن الله يفوقك ..... ولله انا ماقوول الى الله يوفقك :)
لوووووووووووووووووووووووووووووول توني اجيك على بدليتي :)
Assistant driller
10-28-2009, 01:45 AM
مشكور ياخوي وجزاك الله خير الله يسهل انشالله علينا وعليك
حبيب قلبي اذا تعبت وشفت كلشي نسد بويهك راح اعطيك رقم موبايلي الخاص عن طريق الرساله الشخصية في صندوق الوارد عندك وانشالله اسوي اللي اقدر عليه :)
79habeeb
10-28-2009, 04:25 PM
ماكو شئ بالجرايد
جذب علينا هبه
salem-85
10-28-2009, 09:02 PM
السلام عليكم . ياجماعه انا راجعت شركة كي دي سي من جم يوم وقالتلي هبه انه ماكو توظيف حاليا لكن احتمال يكون بعد شهر او شهرين فا ياريت احد الاخوان يفيدني وباركالله فيكم
يارب أرزقني
10-28-2009, 10:44 PM
وانا نفس الشي كلمت الاخت هلا وقالت ان التوظيف هالاسبوع
مااندري من الصادق من الكذاب
Assistant driller
10-29-2009, 08:34 AM
سبق واني ذكرت لكم انها هذي ام الاشاعات يجماعة انا اعرفها هبه بس تبي تصرفكم اذا في شي انا بقولكم . حتى انا اللي اعرفها شخصياً ما سلمت منها قبل قالتلي الاسبوع الياي وحطيتلكم هنيييي بالمنتدى الخبر وبالاخر ولا شي صار على العموم الله يجعل اللي مافيه الخير و أي تطورات جديدة راح أخبركم فيها على طول :)
salem-85
10-29-2009, 03:02 PM
الله يسمع منك يا اخ اسستانت دريلر بس اذا مافي كلافه ممكن تقولي عن مخاطر هالوظيفه لانهم يقولون خطر حيل وجزاك الله الف خير
Assistant driller
10-30-2009, 07:59 PM
الله يسمع منك يا اخ اسستانت دريلر بس اذا مافي كلافه ممكن تقولي عن مخاطر هالوظيفه لانهم يقولون خطر حيل وجزاك الله الف خير
حياك الله أخوي سالم بالنسبة للخطورة بالوظيفة اهي خطرة من كل النواحي يعني جنك قاعد تشتغل فمصنع قنابل ثانياً الغازات والأدخنه اللي تأثر على صحتك وياما في نا اصابعهم راحت عليهم وناس ماتوا ونا حاشتهم عاهات مستديمة و........إلخ ) اهو طبعاً في سيفتي بس السيفتي ضعيف جداً وحتى لو كان سيفتي قوي هذا ما يمنع من انك تنضر والله يكفينا ويكفيكم من كل ضرر وطبعا اخطر عمل هناك عمل الديرك مان بالنسبة للي اشوفه انا .................... وسلامتك :)
الشكوىى لله
10-31-2009, 12:00 AM
الله يسمع منك يا اخ اسستانت دريلر بس اذا مافي كلافه ممكن تقولي عن مخاطر هالوظيفه لانهم يقولون خطر حيل وجزاك الله الف خير
أذكر معاناَ واحد بيصعد (السلم)
أول ماحط رجله بيصعـد زلق وطاح على ظهره
بسسس مافيه الأ العافيه الحمدالله
تكرم ((الجوتي)) لآبـد تجيك عليه
قبل لا تصعد فوق ..
يمر عليك زيوت ودهـن وتراب وطين
وكل شيء :)
salem-85
10-31-2009, 12:32 AM
مشكور اخوي اسستانت دريلر وكذالك الاخ الشكوى لله على سرعه الرد
بس والله ياجماعه زهقت وانا رايح ياد على شركه كي دي سي واذا اتصلت فيهميا يطنشون او يصكونه بويهك
وليما اروح لهم يقولون التوظيف بعد شهر او شهرين ما يعطونا لا حق ولا باطل بس والله راح انشف ريجهم انا يا متوظف يا مطرود من عند الباب مو هم حرام يلعبون بنفسيتنا خل يقولونا في مجال للتوظيف ولا ندور رزقنا عند غيرهم
Assistant driller
10-31-2009, 05:26 PM
مشكور اخوي اسستانت دريلر وكذالك الاخ الشكوى لله على سرعه الرد
بس والله ياجماعه زهقت وانا رايح ياد على شركه كي دي سي واذا اتصلت فيهميا يطنشون او يصكونه بويهك
وليما اروح لهم يقولون التوظيف بعد شهر او شهرين ما يعطونا لا حق ولا باطل بس والله راح انشف ريجهم انا يا متوظف يا مطرود من عند الباب مو هم حرام يلعبون بنفسيتنا خل يقولونا في مجال للتوظيف ولا ندور رزقنا عند غيرهم
ما اقول الا الله يعيينك علشان جذي الواحد يحتاج الواسطة بالذات هلشركة الادارة فيها مالهم كلمة كليوم حجي وعسى الله يوفقك انشالله و يوفقنا معاك :)
يارب أرزقني
11-01-2009, 04:12 PM
اخوي اسستانت فيه واحد يقول فتحو التسجيل يوم الخميس وسجل وكلموه الشركه وراح يداوم صباحي
ليش ماكتبو اعلان
عبدالله 21
11-01-2009, 05:17 PM
يارب ارزقني شلون يداورم صباحي مو الدوام شهر بشهر ؟؟؟ معقوله فتجو وسجل وانقبل بعد ؟؟؟
الشكوىى لله
11-01-2009, 05:19 PM
اخوي اسستانت فيه واحد يقول فتحو التسجيل يوم الخميس وسجل وكلموه الشركه وراح يداوم صباحي
ليش ماكتبو اعلان
طيبْ أسئله قوله وين بظبط ...
ومسرع كلموهـ الشركة ! ! :d
اذا مانقعوك 4 5 أشهر هذا وجهيُ
وصباحي شلون!؟
اذا الدوام تلتزم 12 ساعه...
والله مدري
salem-85
11-01-2009, 10:28 PM
يا جمعه شالسالفه افتحو باب التسجيل بشركه كي دي سي ولا لا احد يعطينا الخبر الاكير
Assistant driller
11-02-2009, 07:57 AM
يا جمعه شالسالفه افتحو باب التسجيل بشركه كي دي سي ولا لا احد يعطينا الخبر الاكير
يا هلا فيك حبيب قلبي للحين ما فتحوا باب التسجيل واذا فتحوا باب التسجيل أنا بحط الإعلان فهلموضوع لا تحــاتي :)
Assistant driller
11-02-2009, 07:58 AM
اخوي اسستانت فيه واحد يقول فتحو التسجيل يوم الخميس وسجل وكلموه الشركه وراح يداوم صباحي
ليش ماكتبو اعلان
استحالـــــــة أكيد ما فتــح باب التسجيبل لحد الأن وصاحبك هذا وايد يبالغ :)
salem-85
11-05-2009, 10:21 PM
اللله يعطيك العافيه اخوي اسستانت دريلر بس ياخوي ما صارت لهدرجه عندهم اكتفاء!!
بس ماعليك امر اخوي اسستانت دريلر ماتعرف اماكن شركات الحفر الثانيه مثل برقان والشركه الصينيه وغيرها ياليت تفيدني
مع خاااااالص الشكر والتقدير
يارب أرزقني
11-07-2009, 11:12 PM
السلام عليكم
فيه أحد يعرف شي عن شركة ناصر البداح واخوانه للحفريات
اذا هي زينه وكيف دوامها؟ وكم معاشاتهم؟
((عـــزام ))
11-08-2009, 07:16 AM
السلام عليكم ورحمه وبركاته ،،،
اخوي احس انك صعبتها على الشباب لما تقولهم ((كرف ، تعب ، خل قلبك قوي )):eek: انا اعمل في شركة حفر الي هي بريسيشن المتحدة وماشوفها لهدرجه متعبه ،،، الي صعب يمكن بقائك في محل العمل لمدة 3 او 4 ايام وتقدر تطلع 12 ساعه على اقل تقدير وطبعا دوامك 28 ...واذا تبي تشتغل اهلا وسهلا يعني راح تترقى;) واذا تبي تقعد وتشوف الناس يشتغلون هم اهلا وسهلا :cool:اسمك قاعد تتعلم بس مافي ترقيه ...
وياشباب المسأله سهالات والتعب منسي......:p:p
وتذكروا ياشباب الراحه النفسيه تتكون من ثلاث :
1- طاعة رب العالمين في اتباع نبيه الامين ( صلى الله عليه وسلم )
2- بر الوالدين .
3- الرصد المتتتتتتتتتتتتتتتتتتتتتتتتتتتتتتتتتتتتتاح :D:D
Assistant driller
11-08-2009, 10:15 AM
اللله يعطيك العافيه اخوي اسستانت دريلر بس ياخوي ما صارت لهدرجه عندهم اكتفاء!!
بس ماعليك امر اخوي اسستانت دريلر ماتعرف اماكن شركات الحفر الثانيه مثل برقان والشركه الصينيه وغيرها ياليت تفيدني
مع خاااااالص الشكر والتقدير
حبيبي كل الشركات بالاحمدي و مواقعهم مو بعيدة عن بعض يعني لو تروح تسأل عند مستشفى الأحمدي ماراح تضيع :) وانا راح استفسر واردلك خبر يا بعد قلبي .
Assistant driller
11-08-2009, 01:31 PM
السلام عليكم
فيه أحد يعرف شي عن شركة ناصر البداح واخوانه للحفريات
اذا هي زينه وكيف دوامها؟ وكم معاشاتهم؟
هلا فيك ياخوي ... أول شي حاول كثر ما تقدر تبعد عن هذي الشركات لأن اساساً مو معترف فيها عند البنوك يعني مثلاً لو رحت تقدم على معاملة ما راح تمشي راح يقولولك ان الشركة اللي انت شغال فيها مو معتمدة عندنا وهذا الشي يدل على عدم استقرار هذي الشركة مع احترامي لكل الشركات بس ياخوي انا انصحك تروح شركة معترف فيها مثلا الكي دي سي ، برقان ، بريزيشن وغيره وغيره ...... :) وموفق انشالله
salem-85
11-08-2009, 07:16 PM
هلاا واللله بالحبيييب اسستانت دريلر ياخوي هبه هذي مال خيازرين منقعه بماي وملح اليوم رحت لها جان تقولي احنا ما نبي موظفين زياده لان الارياق اليديده ما وصلت وصكة التلفون بويهي اللله يهديها نفسيتهااا خاااااايسه
اللي يقول النفط نفط ابوها
79habeeb
11-08-2009, 07:45 PM
هلاا واللله بالحبيييب اسستانت دريلر ياخوي هبه هذي مال خيازرين منقعه بماي وملح اليوم رحت لها جان تقولي احنا ما نبي موظفين زياده لان الارياق اليديده ما وصلت وصكة التلفون بويهي اللله يهديها نفسيتهااا خاااااايسه
اللي يقول النفط نفط ابوها
عادى ياخوى انا كذا مرة صكة تلفون بويهى خل روحك رياضية
ورزاق موجود كل واحد ياخذ رزقة
Assistant driller
11-09-2009, 07:56 AM
السلام عليكم ورحمه وبركاته ،،،
اخوي احس انك صعبتها على الشباب لما تقولهم ((كرف ، تعب ، خل قلبك قوي )):eek: انا اعمل في شركة حفر الي هي بريسيشن المتحدة وماشوفها لهدرجه متعبه ،،، الي صعب يمكن بقائك في محل العمل لمدة 3 او 4 ايام وتقدر تطلع 12 ساعه على اقل تقدير وطبعا دوامك 28 ...واذا تبي تشتغل اهلا وسهلا يعني راح تترقى;) واذا تبي تقعد وتشوف الناس يشتغلون هم اهلا وسهلا :cool:اسمك قاعد تتعلم بس مافي ترقيه ...
وياشباب المسأله سهالات والتعب منسي......:p:p
وتذكروا ياشباب الراحه النفسيه تتكون من ثلاث :
1- طاعة رب العالمين في اتباع نبيه الامين ( صلى الله عليه وسلم )
2- بر الوالدين .
3- الرصد المتتتتتتتتتتتتتتتتتتتتتتتتتتتتتتتتتتتتتاح :D:D
هلا فيك حبيبي ... أول شي إذا انت حاس ان الشغله مو تعب ولا اهي سهله يمكن تكون انت مظبط نفسك لأن في الواقع اهي شغله كرف .... انت تبيني اضحك عليهم و اقولهم ماكو شغل ماكو كرف والشغل هذا معروف من اسمه كافي اسمه الحفريات الاسم بروحه يخليك تعرق وبعدين انا ما اصعبها عليهم لو ترجع في الصفحات السابقة راح تشوف اني اشجعهم على الشغله هذي و أكبر دليل إني خصصت موضوع للحفريات فقط و الكل يعرف ان الحفريات تعب عيل قولي ليش اللي عنده شهاده واللي ماعنده شهادة نفس الراتب وقولي بعد ليش الراتب قوي وبأي حال من أحوال الطقس راح تشتغل و 12 ساعة باليوم غير المخاطر اللي هناك شوف جم واحد راحت ايده واللي راحت ريوله واللي راح بكبره و توفى وتقول انت شغله مافيها تعب بالعكس اهي مصدر التعب وانا احترم وجهة نظرك ياخوي بس صدقني ماكو احد يأيد وجهة نظرك :) وحياك الله حبيبي :)
Assistant driller
11-09-2009, 10:13 AM
هلاا واللله بالحبيييب اسستانت دريلر ياخوي هبه هذي مال خيازرين منقعه بماي وملح اليوم رحت لها جان تقولي احنا ما نبي موظفين زياده لان الارياق اليديده ما وصلت وصكة التلفون بويهي اللله يهديها نفسيتهااا خاااااايسه
اللي يقول النفط نفط ابوها
حبيبي هذي كليوم لها كلام ياما قتلكم من قبل مالكم شغل بكلام هبه ..... وبعدين ياخوي من كلامها بالعربي اذا عندك واسطة راح يحتاجون موظفين زيادة واذا ماعندك واسطة اكيد ماراح يحتاجون موظفيين زيادة :)
Assistant driller
11-09-2009, 10:15 AM
عادى ياخوى انا كذا مرة صكة تلفون بويهى خل روحك رياضية
ورزاق موجود كل واحد ياخذ رزقة
هههههه إذا أنا أعرفها شخصياً تكفخ التلفون بويهيي عيل شلون انتوا :) على العموم الشركة مو شركة أهلها انتوا حالوا بس اذا مليتوا شوفولكم واسطة أحسن لكم :) موفقين خير
يارب أرزقني
11-09-2009, 01:39 PM
هاه بشر اخوي اسستانت الخبر الموجود انه التسجيل بيفتح يوم الخميس صحيح او لا
salem-85
11-10-2009, 12:40 AM
اوكي بس اذا في طريقه اقدر اتفادى فيها هبه واكلم احد ثاني بدالها يعني قسم التوظيف مثلا او في شغله يسمونها دائره العقود مثل ما سمعت اقدر اقدم من خلالها بدال ما اكلم هبه هذي !! عشان ناخذ منه الخبر الاكيد
Assistant driller
11-10-2009, 10:06 AM
هاه بشر اخوي اسستانت الخبر الموجود انه التسجيل بيفتح يوم الخميس صحيح او لا
لا ولله يا خــوي ما سمعت بس اللي اعرفه حالياً انهم بينزلون اعلان توظيف لعمال الحفر وما اعتقد يوم الخميس لا تحاتي ياقلبي انا اذا تأكدت بنفسي انا بحط الخبر :)
Assistant driller
11-10-2009, 10:09 AM
اوكي بس اذا في طريقه اقدر اتفادى فيها هبه واكلم احد ثاني بدالها يعني قسم التوظيف مثلا او في شغله يسمونها دائره العقود مثل ما سمعت اقدر اقدم من خلالها بدال ما اكلم هبه هذي !! عشان ناخذ منه الخبر الاكيد
يا هلا فيك ..... تقدر تكلم الاخت هلا النسره على رقم 208 و تقدر تكلم الإخت هبه 177 أو 117 . وفي رقم شئون الموظفين 200 اعتقد بس راح أتأكد و أردلكم بالأرقام اللي تعجبكم :)
salem-85
11-10-2009, 03:10 PM
ول ول ول لا يا معود هلا هذي انا رحتلها المكتب زين ما عظتني هذي نفسيتها العن من هبه يا اخي شركتكم غريبه والله شنو هالموظفين اللي عندهم !!!!!!
Assistant driller
11-11-2009, 08:57 AM
ول ول ول لا يا معود هلا هذي انا رحتلها المكتب زين ما عظتني هذي نفسيتها العن من هبه يا اخي شركتكم غريبه والله شنو هالموظفين اللي عندهم !!!!!!
ما علييييييه ياخوي هذووول الموظفين عندنا شنسوي على العموم مثل ماقتلك شوفلك واسطة ولله مع العلم الواحد ماله داعي يحتاج للواسطة بس اهم يجبرون على الشي هذا :) و موفق حبيبي
salem-85
11-12-2009, 07:07 PM
السلام عليكم
اخوي اسستانت دريلر انا اليوم قدمت على شركه برقان للحفريات وقالولي ييب اوراقك وانشالله انا على يوم الاحد بوديلهم كل شي
بس انا ابي اعرف شلون شركه برقان وشنو تفرق عن كي دي سي
ودمتم بود..........
استكشافي
11-13-2009, 08:11 PM
الحين بقدم طلب في شركة كي دي سي و في شركة برقان
هل يكون التقديم في نفس مقر الشركه او في مكان ثاني للتقديم ..
انـــا .. في واحد قال لي اقدر ادخلك عامل حفر في شركة كي دي سي .. بس طلب مني فلوس .. مدري نصاب او صاج
افيدوني .. يقدر يدخلني هالرجل .. بس ماني مصدق انا ابي اروح بنفسي اقدم عندي شهاده دبلوم هندسة بترول
والله الرزاق ..
يارب أرزقني
11-13-2009, 11:27 PM
اخواني سالم والاستكشافي وشلون تقدممون على برقان هل عن طريق الموقع اللي موجود في الموضوع
ولا وين التسجيل افيدوني الله يعطييكم العافيه
الشكوىى لله
11-14-2009, 12:19 AM
الحين بقدم طلب في شركة كي دي سي و في شركة برقان
هل يكون التقديم في نفس مقر الشركه او في مكان ثاني للتقديم ..
انـــا .. في واحد قال لي اقدر ادخلك عامل حفر في شركة كي دي سي .. بس طلب مني فلوس .. مدري نصاب او صاج
افيدوني .. يقدر يدخلني هالرجل .. بس ماني مصدق انا ابي اروح بنفسي اقدم عندي شهاده دبلوم هندسة بترول
والله الرزاق ..
أذكر اول التقديم ..
بـ أدارة العقود مقابل مستشفى الشركة ...
اذا هذا الرجال .. تعطيهـ فلوس ويظبطك ويوظفك خلال أسبوعين مثلاَ
وتخلصصصص حلو اما تقديم الشركة او الأدارة تقعـد 6 7 شهور
مقابلة وسوووووووالف ...
حاول تروح شركة برقان او الكي دي سي .. واستفسر
الشكوىى لله
11-14-2009, 12:20 AM
ملاحظه الأعلان الجديد للknpc ..
طالبين عمال حفر ....
الشكوىى لله
11-14-2009, 12:22 AM
السلام عليكم
اخوي اسستانت دريلر انا اليوم قدمت على شركه برقان للحفريات وقالولي ييب اوراقك وانشالله انا على يوم الاحد بوديلهم كل شي
بس انا ابي اعرف شلون شركه برقان وشنو تفرق عن كي دي سي
ودمتم بود..........
عليكم السلام ...
برقان لحفر الأبار الي مكانهم في ميناء عبدالله ...
أرفعواَ المعاشات من 480 خلوهاَ 780 ... من غير دعم عمالة (361)
يعني كل شهر وترك تستلم .. 1925 دينار
:)
salem-85
11-14-2009, 01:03 AM
عليكم السلام ...
برقان لحفر الأبار الي مكانهم في ميناء عبدالله ...
أرفعواَ المعاشات من 480 خلوهاَ 780 ... من غير دعم عمالة (361)
يعني كل شهر وترك تستلم .. 1925 دينار
:)
الشكوى للله انت من صجك ولا قاعد تتغشمر يعني الراتب بدووون اي بدل وبدون دعم العماله بعد 780 !!!
مو معقوووله ياخي الشركات يعطون الهنود 780 يااا خوي تكفه اذا مو متاكد لاترفع جوي واخر شي انصدم
لاني يوم الاحد بوديلهم اوراقي
وحدي متصرررقع اخاف يقظبوني الباب........... :eek:
salem-85
11-14-2009, 01:10 AM
اخواني سالم والاستكشافي وشلون تقدممون على برقان هل عن طريق الموقع اللي موجود في الموضوع
ولا وين التسجيل افيدوني الله يعطييكم العافيه
ياهلا فيك اخوي اتعرف مخفر مينا عبدالله والمطافي اللي يم محطه البانزين بعدها في لفه تاخذها يميين
جنك رايح الوفره وبعدها اخذ اول لفه يمين تييك على طول وكمل سيدااا تلقا على يسارك مكان للحين قاعد يترمم
وجدامه سيارات وايد هذي شركه برقان ( حمد الحمد )
واللله يوفقك انشالله :)
يارب أرزقني
11-14-2009, 01:23 AM
ياهلا فيك اخوي اتعرف مخفر مينا عبدالله والمطافي اللي يم محطه البانزين بعدها في لفه تاخذها يميين
جنك رايح الوفره وبعدها اخذ اول لفه يمين تييك على طول وكمل سيدااا تلقا على يسارك مكان للحين قاعد يترمم
وجدامه سيارات وايد هذي شركه برقان ( حمد الحمد )
واللله يوفقك انشالله :)
مشكور أخوي سالم
يااخذون شهادة ثانوي
وشنو الاوراق المطلوبه؟
وكم رقمهم؟
واذا بتروح يوم الاحد لاتنسى تكتب لنا التفاصيل
ولا تنسى تسالهم كم المعاش ؟ واذا متزوج كم معاشه؟
وشلون الدوام من كم لكم ؟
والله يووفقك
salem-85
11-14-2009, 01:30 AM
مشكور أخوي سالم
طيب يااخذون شهادة ثانوي
ووش الاوراق المطلوبه؟
وكم رقمهم؟
واذا بتروح يوم الاحد لاتنسى تكتب لنا التفاصيل
ولا تنسى تسالهم كم المعاش ؟ واذا متزوج كم معاشه؟
وكيف الدوام من كم لكم ؟
والله يووفقك
اي انا قلتلهم شهادتي ثانويه
وبالنسبه للاوراق قالولي صوره الجواز والبطاقه المدنيه وشهاداتك كلها اذا كان عندك غير الثانويه
ولازم تسويلك سي في وانا وللله الحمد سويت بالعربي والانجليزي
والله ولي التوفيق ...... :)
salem-85
11-14-2009, 01:35 AM
والله ياخوي بالنسبه للراتب ما ادري عنه كللللش
ولا الدوام وبنسبه لرقمهم ما اعرفه واللله
ياخوي انا الشركه هذي شغلهم خشاشي الظاهر :D
انا صارلي سبوعين امشي واسال واستفسر حتى الهنود اللي بصناعيه الفحيحيل والشعيبه سالتهم ليما وصلت لهم
صكيت عالمباحث والله ...... :p
يارب أرزقني
11-14-2009, 01:43 AM
الله يعطيك العافيه اخوي ووموفق خير وبلغنا شيصير وياك ناطرين اخبارك
الشكوىى لله
11-14-2009, 02:29 AM
salem-85
حبيبي أنا اتكلم الزياده للكويتين فقط !!
متى قلت هنوود الله يهداك :) ......
فيه موظفه هناك بالأداره اسمهاّ .. أم باسل
أسئله عن الدوام بأي منطقه شلون الوضـع
الراتب وعن وضع الزياده ........
واقولك شيء 780 مع الأوفر تايم مع كل شيء...
مافي لا بـدل ولا هم يحزنون ....
salem-85
11-14-2009, 02:35 AM
اييي انا اقول ولا هالشركات مستحيل يعطون الهنود 780
الشكوىى لله
11-14-2009, 04:06 AM
كامب + مواصلات + تذاكر + أقامة ..
ريوق + غداء + عشاء ...
بسسسسس تبي الصـج مهدود حيلهم (الهنود)
ميلاني بحــت
11-14-2009, 05:07 AM
قواكم الله على هالموضوع ...
وبخصوص شركة برقــان
اخواني بخصوص الاجنبي يستلم معاشين ولا معاش الي يكون فيه هناك بس؟
وجم معاشات الاجانب كبدايه ؟
وهالوظيفه لها مستقبل بعد فتره طويله ؟
انا قدمت بس مادري اذا في مقابله شخصيه او لأ ؟
وشاكرلكم
ميلاني بحــت
11-14-2009, 08:33 PM
احد يجاوبني :(
salem-85
11-14-2009, 09:18 PM
قواكم الله على هالموضوع ...
وبخصوص شركة برقــان
اخواني بخصوص الاجنبي يستلم معاشين ولا معاش الي يكون فيه هناك بس؟
وجم معاشات الاجانب كبدايه ؟
وهالوظيفه لها مستقبل بعد فتره طويله ؟
انا قدمت بس مادري اذا في مقابله شخصيه او لأ ؟
وشاكرلكم
lالسلا عليكم اخوي ميلاني.
بالنسبه لمستفبل الوظيفه فا اظن انه مستقبل ممتاز لاكن المعاشات الللله اعلم
انا باجر انشاللله بقدم والله يسهل انشالله
وباذن الله راح ابلغكم بكل التفاصيل :)
الشكوىى لله
11-14-2009, 10:36 PM
أخوي ميلاني بحـت..
مو مفعل استقبال الرسائل الخاصه :) ...
آسف على ازعاجك أخوي بس بخصوص شركة برقان ...
الاجانب يمشيلهم معاشين ولا معاش الي يداوم فيه هناك بس؟
يعني الكويتي نقول يستلم معاش هناك ومعاش لما يرجع الديره ...
الاجنبي شنو وضعه؟ وشاكرلك :)
الكويتي .. يمشيله ...
شهر الدوام وشهر الأجازه ( أون و أوف )
أما الإجنـبي.. بسسس الداوم ...
الأجازه مايستلم ولا دينـــــــــــــــــــــــار
ميلاني بحــت
11-14-2009, 10:40 PM
اسمحلي والله موعارف أفعله ..
طيب بالنسبه حق المعاش جم يكون؟ الي اعرفه الشركه تعطي 480 .. يستلم غيرهم ؟
واذا في مقابله شخصيه او لأ؟
الشكوىى لله
11-15-2009, 12:24 AM
اذا التقديم بأدارة العقود ..
في مقابله وعباله وتنطر كم شهر...
أما اذا عن طريق الشركة نفسهاَ ما أظن
ولا حتى فيه فحصص :)
480 للكويتي وخلوهـ 780 <- للكويتيْ
ميلاني بحــت
11-15-2009, 02:38 AM
يابن الحلال اسإلك عن الأجنبـــي :p
أذيتك معاي اسمحلي :)
Assistant driller
11-15-2009, 09:20 AM
أعتقد ماكو داعي اتكلم بس اللي احب أظيفة إن ياخوي اللي يسأل يقبلون شهادة ثانوية أو لا عادي ماتهم الشهادة الراتب واحد ياخوك وبالنسبة للراتب جميع شركات الحفر وحدة العقود :)
الشكوىى لله
11-15-2009, 10:24 AM
يابن الحلال اسإلك عن الأجنبـــي :p
أذيتك معاي اسمحلي :)
والله ماعندي علم بخصوصْ الأجانب
:)
ميلاني بحــت
11-15-2009, 10:29 AM
قواك الله اخوي
والشكر موصول لصاحب الموضوع والاخوان على مجهودهم :)
Assistant driller
11-15-2009, 10:35 AM
قواك الله اخوي
والشكر موصول لصاحب الموضوع والاخوان على مجهودهم :)
تسلم ياخوي من طيب اصلك والشكر اول شي إلى لله وللإدارة والاخوة الاعضاء اللي ابذلوا مجهود في الرد على استفساراتكم بالانابة عني و موفقين :)
salem-85
11-15-2009, 12:05 PM
السلام عليكم
يا جماعه انا توني راد من شركه برقان وخذو اوراقي وعطوني استماره اعبيها وبعدها قالولي احنا نتصل فيك
واللله اعلم بيدقون ولا بيشفطون ؟؟؟!!!
Assistant driller
11-15-2009, 12:49 PM
السلام عليكم
يا جماعه انا توني راد من شركه برقان وخذو اوراقي وعطوني استماره اعبيها وبعدها قالولي احنا نتصل فيك
واللله اعلم بيدقون ولا بيشفطون ؟؟؟!!!
ولله ياخوي 70% يشفطون ما ودي احبطك بس هذا اهو الواقع :) وانشالله بالتوفيق وخبرنا باللي يصير وياك :)
Assistant driller
11-15-2009, 01:38 PM
حق اللي طلب رقم شركة برقـان تفضل اخوي
23261399 اضغط بعدها الرقم (0) للمساعدة وحياك الله أخوي :)
الشكوىى لله
11-15-2009, 04:24 PM
السلام عليكم
يا جماعه انا توني راد من شركه برقان وخذو اوراقي وعطوني استماره اعبيها وبعدها قالولي احنا نتصل فيك
واللله اعلم بيدقون ولا بيشفطون ؟؟؟!!!
تفائلواَ بالخير تجـدوه
:)
الشكوىى لله
11-15-2009, 04:24 PM
يا أخوان المسؤوله عن الكويتين ..
والمهتمه في وضعهـم كلياً هـي ..
( ام بااااااااااااااااااااااااااســـل )
ماتقصر :$
AL-HADAD
11-15-2009, 11:55 PM
السلام عليكم
شخباركم طيبين انشالله
استفسار بخصوص عمال الحفر الكويتين
صج زادوهم من 480 دينار
الي 750 دينار
صحيح الكلام ولا كل عاده
فول بلا حمص
salem-85
11-16-2009, 02:36 AM
السلام عليكم
يا جماعه بالنسبه لرواتب الغير كويتيين جم تكون بشركات الحفريات
فا ابي اعرف جم الراتب وهل في حوافز وزيادات او لا
وبارك الله فيكم
Assistant driller
11-16-2009, 08:59 AM
السلام عليكم
شخباركم طيبين انشالله
استفسار بخصوص عمال الحفر الكويتين
صج زادوهم من 480 دينار
الي 750 دينار
صحيح الكلام ولا كل عاده
فول بلا حمص
هلا فيك حبيب قلبي بالنسبة لسؤالك ..... الكلام صحيح كان 480 إرتفع إلى 783 دينار بس طبعا مشمول الأوفر تايم اللي بتاخذه في ايام الاجازة طوال السنه يعني الاعياد و المناسبات الرسمية التي فيها إجازة كلشي مشمول في هذا الراتب :) يعني راح تشتغل وماراح تسأل عن اي شي لا أوفر ولا بدل لأن خلال ضايفيلك كلشي بالراتب هذا :)
Assistant driller
11-16-2009, 09:29 AM
السلام عليكم
يا جماعه بالنسبه لرواتب الغير كويتيين جم تكون بشركات الحفريات
فا ابي اعرف جم الراتب وهل في حوافز وزيادات او لا
وبارك الله فيكم
ولله ياخوي مادري جم بالظبط بس الاجنبي له مميزات أكثر من المواطن بس المواطن براتبه اكثر طبعاً :)
Assistant driller
11-16-2009, 11:33 AM
شركــة برقــان لحفــر الأبـــــار
العنوان الأحمدي ,مخرج الوفرة 306.
صندوق بريد 47143 الفحيحيل 64022
هاتف 23261378 / 23261399 / 23261413 / 23261369
فاكس 23261348
موقع الانترنت www.bwdkw.com
البريد الالكتروني burganco@hhpco.com.kw
يارب أرزقني
11-16-2009, 12:00 PM
شركــة برقــان لحفــر الأبـــــار
العنوان الأحمدي ,مخرج الوفرة 306.
صندوق بريد 47143 الفحيحيل 64022
هاتف 23261378 / 23261399 / 23261413 / 23261369
فاكس 23261348
موقع الانترنت www.bwdkw.com
البريد الالكتروني burganco@hhpco.com.kw
مشكور أخوي
بس الموقع مايفتح
والرقم مشغوول
وامس لما رحت للشركه قالت لي أم باسل ماافيه توظيف ولا حتى خذت شهاداتي
شنو السالفه يعني توظيف من تحت لتحت
Assistant driller
11-16-2009, 12:27 PM
مشكور أخوي
بس الموقع مايفتح
والرقم مشغوول
وامس لما رحت للشركه قالت لي أم باسل ماافيه توظيف ولا حتى خذت شهاداتي
شنو السالفه يعني توظيف من تحت لتحت
الرقم مو مشغول اهم اللي يحولونه مشغول ولما تتصل ترد عليك الموظفة الفلبينية اذا قتلها بكلم ام باسل تقووولك مو موجود واساساً اهي قاعده يمها بس مالها خلق ومثل ماقلت التوظيف من تحت لييي تحت على العموم ماكو الا تشوفلك واسطة وربك يوفقك :)
يارب أرزقني
11-16-2009, 01:04 PM
الله يعطييك العافيه اخوي اساستنت
وانت صادق اخوي كلش بالواسطه
الله يعين
Assistant driller
11-16-2009, 01:30 PM
الله يعطييك العافيه اخوي اساستنت
وانت صادق اخوي كلش بالواسطه
الله يعين
الله يعافييك اخوي ... هذا اهو الصج احنا ماشييين على الله وعلى الواسطة ولله ياخوي لو تيي تشووف الكويتيين وغير الكويتيين اللي مايدامون طوال الشهر ويستلم راتبه اخر الشهر واهو فبيتهم وغيره يكد كد بهلحر كليوم 12 ساعة ويستلم راتبه ناقص المشكلة ياليت بس المواطن اللي مايداوم حتى الهندي والمصري مظبطين حالهم واي واحد يقول او مايصدق اكو واسطة ايي اوريي بعيونه الواسطة شلون صايرة على العموم انت اسعى ورا الشغله هذي وربك يجعل اللي فيه الخير .... موفقييين :)
salem-85
11-16-2009, 01:55 PM
السلام عليكم
كيف حالكم يا شباب
والله ياجماعه انا خذو اوراقي وعطوني استماره التسجيل وقالولي نتصل فيك عالمقابله ليش انت ما خذوك !!
يمكن ليش اني مو كويتي ؟؟!!
بس اللله يوفقك ياخوي وبعدبن الارزاق علا رب العالمين الله يوفقنا ويوفق الجميع انشالله
Assistant driller
11-16-2009, 03:08 PM
السلام عليكم
كيف حالكم يا شباب
والله ياجماعه انا خذو اوراقي وعطوني استماره التسجيل وقالولي نتصل فيك عالمقابله ليش انت ما خذوك !!
يمكن ليش اني مو كويتي ؟؟!!
بس اللله يوفقك ياخوي وبعدبن الارزاق علا رب العالمين الله يوفقنا ويوفق الجميع انشالله
ياخوي خذوا اوراقك انت لأن التكاليف اللي بتصرفها عليك الشركة اقل بوايد من التكاليف اللي بتصرفها الشركة على الكويتي علشان جذي صعبه يقبلون المواطن من غير اي واسطة بعد رب العالمين ..... ومثل ماقلت ياخوي الارزاق بيد الله ..... موفقين خير :)
الشكوىى لله
11-16-2009, 05:20 PM
أصلن هم مايبون الكويتين ..
عشان جذي الغـير كويتيْ قبولهـ وتوظيفه ...
زي السلام عليكم
يارب أرزقني
11-16-2009, 06:30 PM
أنا اليوم كلمت أم باسل قلت لها في توظيف قالت لا قالت احنا تبع ال كي او سي أو الكي ان بي سي وحده من الثنتين
قلت وانتم ماعندكم توظيف قالت لا احنا تبع لهم التوظيف عن طريقهم
79habeeb
11-16-2009, 07:08 PM
ان شاء الله باجر اروح لام باسل والله كريم
salem-85
11-16-2009, 08:59 PM
بس والله يا جماعه انا خايف انه يكون معاشي مايسوى التعب والشقى والخطر اللي بهالشغله !!!!
فا ما ادري اذا كان انا وظعي غير الهنود والمصريين لان انا مواليد الكويت والوالده كويتيه
لو احد يفيدني قبل لا اكلها واتدبس بالوظيفه هذي على راتب ما يسوى !!؟؟
ميلاني بحــت
11-16-2009, 10:27 PM
أتوقع الكل سواسيه سالــم
الشكوىى لله
11-16-2009, 10:48 PM
أنا اليوم كلمت أم باسل قلت لها في توظيف قالت لا قالت احنا تبع ال كي او سي أو الكي ان بي سي وحده من الثنتين
قلت وانتم ماعندكم توظيف قالت لا احنا تبع لهم التوظيف عن طريقهم
كي او سي / Koc
:)
الشكوىى لله
11-16-2009, 10:48 PM
بس والله يا جماعه انا خايف انه يكون معاشي مايسوى التعب والشقى والخطر اللي بهالشغله !!!!
فا ما ادري اذا كان انا وظعي غير الهنود والمصريين لان انا مواليد الكويت والوالده كويتيه
لو احد يفيدني قبل لا اكلها واتدبس بالوظيفه هذي على راتب ما يسوى !!؟؟
كم راتبك قالولك ..؟
salem-85
11-16-2009, 11:58 PM
والله ما احد قالي شي بس عطو اوراقي حق واحد اسمه زاهد خان
وقالولي راح اندق عليك وقت المقابله
بس اذا الراتب ما يسوى ما راح اكمل لانه الشغله هذي مو مكتب ولا سهالات شغله كرف جسدي ونفسي
فا انا مو مستعد اتعقد اكثر !! :D بس الله كريم
وبعدين ياجماعه ترا المسلم امره كله خير والله يفرجها عالكل :)
ميلاني بحــت
11-16-2009, 11:59 PM
يمكن الراتب حاله حال الاجنبي
---
وبعدين اخوي سالم احمد ربك وشكره واقضب أرضك لو يعطونك 200 :)
غيرك مو لاقي وظيفه
vBulletin® v3.8.7, Copyright ©2000-2012, TranZ by Almuhajir