فيدوني الله يجزاكم خير

[بنت الكويت]

السلام عليكم ورحمة الله
راح ابدي بالموضوع على طول....
انا بصراحه حابه اطور من نفسي وابي راتب قوي فأرغب اني اتوظف بشركة Equate وعندي عشر سنوات خبره بوزارة التربيه
حاصله على دبلوم حاسب من كلية الدراسات التجاريه
ومسماي الوظيفي مشغل حاسب آلي

ابي اعرف على أي درجه يتم توظيفي وشكثر راح يكون الراتب و جم راح آخذ دعم عماله وشنو المميزات إلي احصل عليها وشنو الاقسام إلي ممكن تحتاجني اقصد طبيعة العملي شنو راح يكون

اتمنى تفيدوني وشاكره لكم

[KuwaitA]

اول شي قبل لا اجاوبج واتعب نفسي على الفاضي انتي عندج واسطه قويه ؟؟

[بنت الكويت]

اول شي قبل لا اجاوبج واتعب نفسي على الفاضي انتي عندج واسطه قويه ؟؟


والله ياخوي انا قاعده اسعى وان شاءالله خير يارب

[EQUATE 2 THE BONE]

السلام عليكم،

أخوي KuwaitA ، انت داش إيكويت بواسطه؟

اختي،
أول شي انا بنصحج نصيحه لأي وظيفه، المعاش مو كل شي ، ولاتسألين عن الدرجه اللي راح تحصلينها إلا لما تقدمين وتنقبلين وبعدين يصير خير.

ثانيا: ايكويت تعد شركه تابعه للقطاع الخاص ، يعني في دعم عماله ، والحاسب الآلي يعني اداره نضم المعلومات ، والمميزات ومعلومات زياده:
- تذاكر سفر كل سنتين (تقريبا ثلاث أضعاف التذكره العاديه السياحيه)
- تأمين صحي
- الإجازه 30 يوم وتتغير مع سنوات الخبره
- دعم العماله
- بونص ربع سنوي وسنوي على حسب الأهداف الي مطلوب من الموظفين تحقيقها (يعني تقريبا 20%-25% من المعاش السنوي ، يعني معاش شهرين الى شهرين ونص)
- الدوام من 8 الى 4 بالإداره بالسالميه و 7:30 الى 3:30 بالمصنع بالشعيبه
- حسب علمي ان نظم المعلومات انتقلوا الى السالميه
- عمل إضافي (Over Time)

قبل ما تفكرين بالمميزات فكري بطبيعه العمل في الشركه.

[KuwaitA]

انا مو بايكويت ولا اتمنى ادش ايكويت ولا حتى يوم واحد ومعنا يالي منهم اوفرين بس انا ماقبلتهم بقيت اقبل واحد منهم بس الحمدلله استخرت وقعد بمكاني واخر شي اقرو الزياده حقنا

[بـحـــــــــــر]

EQUATE 2 THE BONE
حياك الله معنا مشكور على المشاركه والتفصيل وأكيد راح نستفيد من خبرتك ومعلوماتك
،kuwaitA
وسع صدرك وسواء انت كنت بايكويت أو بشركه ثانيه حياك الله أخ وزميل

[EAST ASIAN]

السلام عليكم ..

لو تسمحون , أبي أي معلومه ممكن تفيدني : ( الكثير من الاعضاء استفسر و محد رد عليهم بس لا تخلون ولدكم و الله يجازيكم كل خير )
1- كم يستلم الموظف الاداري الجامعي الكويتي بعد توقيع العقد ؟ (الراتب جم بدون دعم العمالة)
2- ما هو عدد ايام الاجازات بالسنة ؟
3- هل يوجد تذاكر سنوية ؟ (يقولون حق لندن)
4- هل يحصل الموظف على دورات تدريبية بالكويت و الخارج ؟
5- أي مميزات أخرى للجامعي الاداري ممكن تذكرونها بعد ..
6- ما هي ساعات الدوام الرسمية ؟
7- أين تقع المكاتب الادارية للشركة ؟
إذا ممكن سلم الدرجات الوظيفية مع تحديد درجة الجامعي .. طلباتي تعجيزية لكن من كل واحد معلومه و الكل يستفيد و شكرا جزيلا