ماذا بعد الزيادة يا مهندسين ؟

[Q8_oil]

[CENTER][SIZE="5"][COLOR="Purple"]السلام عليكم

[RIGHT][SIZE="3"][COLOR="Orange"]تم بحمد الله إقرار الزيادة لجميع عاملي القطاع النفطي المظلوم و الله و لكن بحمد الله فرج الله علينا جميعا و الكل يستاهل الزيادة على الكراف إللي قاعدين نسوي

و لكن ...

هل هذه الزيادة ستكون بديل لكادر المهندسين ؟؟

قبل ما أقولكم رأيي اللشخصي و إللي أنا أشوفه هو المفروض إللي يصير بقولكم كم شغلة عن مهندسي القطاع الحكومي :

مهندسي وزارة الكهرباء و الماء + النفط

من 2004 و يمشي لهم كادر المهندسين يصل إلى 200 دينار و حاليا يطالبون بكادر خاص و هو طار الطاقة و كادر الطاقة سيكون لجميع موظفي الوزارة أي بالنهاية المهندس هناك سيحصل على كادرين ( كادر المهندسين و كادر الطاقة )

و هذا أيضا نفس الإسكان و البلدية و الجميع ...

فهل من وجهة نظركم أن مهندسي القطاع النفطي لا يحتاجون إلى كادر ؟؟

و خصوصا إن زملائهم و بنفس الشهادة و بدوام أقل و لود أقل و عدد ساعات أقل ياخذون كادرين ؟؟

و شكرا ...

[فيصل الكندري]

اخوى مهندس البورصه .. صبحك الله بالخير

اذا لنا حق راح نآخذه باذن الله .. وربك كاتب الارزاق محد راح يآخذ غير المقسوم

كادر المهندسين يبدى من 415 دينار مو من 200 دينار .. واذا في شى لمهندسين وزارة الكهرباء فانتمى لهم الخير والله يزيدهم ..

بالنسبة لموضوع ما بعد الزياده .. ودنا نتكلم بشموليه اكثر

احنا يهمنا ان المرشحين لانتخابات النقابات يكون عندهم معرفة بمطالب الموظفين داخل القطاع النفطي عشان يكون لهم اجنده واضحه بهذى المطالب ... هذى المطالب لازم تتكلم فيها الناس ولازم تنسمع من جميع القوائم. واليد الوحده ما تصفق

ودنا من اللى يمثل العمال او عموم الموظفين يكون له هدف واضح وهو الارتقاء بمستوى القطاع نحو الافضل ... مو كل شى بالفلوس والمطالبات الماديه بس في جوانب ثانيه لازم ننتبه لها .. ودنا نتميز عن غيرنا بكل شى

[kandaaa]

حسب معلوماتي ان زيادة النفط راح تفرغ الكادر من محتواه حيث ان الزياده تحتوي علي كل بدلات الكادر وبنفس القيم تقريبا وحسب قانون ديوان الخدمه لايجوز الجمع بين بدلين متشابهين ولذلك لن يكون تطبيق الكادر ذو اثر ولكن يجب المطالبه ببدلات الكادر من شهر 7 2006 الي تاريخ اقرار الزياده .(اي 14 شهر)

بدل الخطر في الكادر 150 في الزياده 100
بدل مسمي غير موجود بالزياده ولكن اتوقع هو نفس بدل الوظائف النادره(100-750)

[فيصل الكندري]

حسب معلوماتي ان زيادة النفط راح تفرغ الكادر من محتواه حيث ان الزياده تحتوي علي كل بدلات الكادر وبنفس القيم تقريبا وحسب قانون ديوان الخدمه لايجوز الجمع بين بدلين متشابهين ولذلك لن يكون تطبيق الكادر ذو اثر ولكن يجب المطالبه ببدلات الكادر من شهر 7 2006 الي تاريخ اقرار الزياده .(اي 14 شهر)

بدل الخطر في الكادر 150 في الزياده 100
بدل مسمي غير موجود بالزياده ولكن اتوقع هو نفس بدل الوظائف النادره(100-750)

مشكور اخوى على الافاده الحلوه

كلامك صحيح وما يجوز الجمع بين البدلات المتشابهه ..

بدل طبيعة عمل بالكادر 100 وعطونا بالزياده 100 ..

بدل وظائف نادرة راح يعطونه للاطباء والبعض التخصصات الجيولوحيه وفي احتمال انه للشهادات العليا فقط وما راح تكون للمهندسين

اللي بقى لنا من الكادر شيئين بس .. بدل مسمى .. وبدل موقع

[kandaaa]

اخوي بالنسبه حق بدل الوظائف النادره هو بدل سوف يصرف للوظائف التي يوجد طلب كبير عليها بالسوق النفطي وليس من السهل الحصول علي موظف مختص فيها وبما ان اسعار النفط فوق 40 دولار فان جميع الوظائف المتعلقه بالاستكشاف وتطوير الحقول النفطيه سوف تصنف كوظائف نادره وكذلك الوظائف المتعلقه بالانشاءات البتروليه واغلب الوظائف التي تخدم هذه المجالات هم المهندسون.

[فيصل الكندري]

اخوي بالنسبه حق بدل الوظائف النادره هو بدل سوف يصرف للوظائف التي يوجد طلب كبير عليها بالسوق النفطي وليس من السهل الحصول علي موظف مختص فيها وبما ان اسعار النفط فوق 40 دولار فان جميع الوظائف المتعلقه بالاستكشاف وتطوير الحقول النفطيه سوف تصنف كوظائف نادره وكذلك الوظائف المتعلقه بالانشاءات البتروليه واغلب الوظائف التي تخدم هذه المجالات هم المهندسون.


عزيز وغالي وكلامك صحيح ... بس المهندسين مو تخصص نادر .. حتى سلفاكيا قامت تخرج مهندسين كويتيين :)

انا الكلام اللى قلته عن هالفئة : "بعض تخصصات الجيولوجيا مثل الجيوفيزيكس والاطباء واحتمال كبير الدراسات العليا" منقول عن الاخ/ سعد الشويب .. وتقدر تتأكد من Job Evaluation Team راح يقولون لك نفس كلامي

[Q8_oil]

اخوى مهندس البورصه .. صبحك الله بالخير

اذا لنا حق راح نآخذه باذن الله .. وربك كاتب الارزاق محد راح يآخذ غير المقسوم

كادر المهندسين يبدى من 415 دينار مو من 200 دينار .. واذا في شى لمهندسين وزارة الكهرباء فانتمى لهم الخير والله يزيدهم ..

بالنسبة لموضوع ما بعد الزياده .. ودنا نتكلم بشموليه اكثر

احنا يهمنا ان المرشحين لانتخابات النقابات يكون عندهم معرفة بمطالب الموظفين داخل القطاع النفطي عشان يكون لهم اجنده واضحه بهذى المطالب ... هذى المطالب لازم تتكلم فيها الناس ولازم تنسمع من جميع القوائم. واليد الوحده ما تصفق

ودنا من اللى يمثل العمال او عموم الموظفين يكون له هدف واضح وهو الارتقاء بمستوى القطاع نحو الافضل ... مو كل شى بالفلوس والمطالبات الماديه بس في جوانب ثانيه لازم ننتبه لها .. ودنا نتميز عن غيرنا بكل شى

أكيد الرزق و كل شيء من الله تعالى , و لكن إذا كان لنا حق مو معناته راح نقدر ناخذه بالسهولة إللي إنت تظنها و لكن مدابج و لوية .

أما عن النقابة إللي تتكلم عنها أخوي ف 99% من الناس إللي بالنقابة همهم الأول و الأخير هم المصلحة الشخصية فقط و هناك أكثر من دليل على سببيل المثال بدل الأثاث إللي راح علينا على بو كنا متزوجين على جريد 12 !!

[Q8_oil]

إحنا إللي ناقصنا بدل موقع و بدل مسمى فقط

لازم يمشون لنا هالزيادات عشان نتساوى مع إخوانه إللي بالحكومة

[صخرة رسوبية]

اذا الي عنده ماجستير يعتبر تخصصه تخصص نادر عيل انا بكمل من الكورس الياي

[Q8_oil]

لووووووووووووووول

مو كل ماجستير بكون تخصص نادر

أول شي خنشوف شنو هم التخصصات النادرة و بعدين الله كريم

[السنيارى]

ياأخى ..........المهندسين مهضوم حقهم بالقطاع النفطى ..........لكن شوفهم بقطر والأمارات تدرى بقطر حديث التخرج

28000الف ريال يعنى 22000دينار من غير السكن والسيار ه وووووو..............!!!!

الله المستعان الظاهر كل مازاد سعر النفط زادت معاناتنا!!!

بالنسبه للماجستير انا سمعت ان التعيين على درجه 14

وهل تخصص ادارة مشاريع يعتبر تخصص نادر:d

[فيصل الكندري]

ياأخى ..........المهندسين مهضوم حقهم بالقطاع النفطى ..........لكن شوفهم بقطر والأمارات تدرى بقطر حديث التخرج

28000الف ريال يعنى 22000دينار من غير السكن والسيار ه وووووو..............!!!!

الله المستعان الظاهر كل مازاد سعر النفط زادت معاناتنا!!!

بالنسبه للماجستير انا سمعت ان التعيين على درجه 14

وهل تخصص ادارة مشاريع يعتبر تخصص نادر:d


الله يزيدهم وحكومتهم مرهيه عليهم ولو ان ارقامك مو دقيقه ... واحنا ولله الحمد عقب الزياده راح نصير قريب منهم اذا مو نفسهم ..

الماجستير ما يعتد فيه بالقطاع النفطي ولا له اهميه ولا له ميزة انه يعينك على درجه 14 ... يمكن يرفعك بالرانكنج اذا كنت من الناس اللى مصنفين تحته ..

وادارة المشاريع مو من ضمن التخصصات اللى تطلبها شركه النفط الا اذا كانت تحت تصنيف المهندس المدنى ... وحتى المهندس المدنى صارلهم الحين 4 دفعات جامعيين ما يطلبون مهندس مدني ... فكلش مو تخصص نادر :)

[فيصل الكندري]

رواتب المهندسين في ارامكو (حديث التخرج) بمعدل 8000 ريال الى 9000 ريال شهريا بدون بدل السكن وبدون اى ميزه.. لهم حسبه معينه يصير راتبه مع العلاوات وبعدخصم التأمينات عنهم تقريبا 11000 ريال (الريال =74 فلس) على الدرجه 11 عندهم .. يعنى حديث التخرج في ارامكو معاشه تقريبا 830 دينار ..

هذا لنك لجدول رواتب ارامكو السعوديه

http://www.khayma.com/m3lomat/Salery_aramco.htm


بالنسبه لرواتب المهندسين في "قطر للبترول" .. وهذى مو الكل يتعين فيها فلها مميزات ورواتبها اكثر من اللى انت قلت ويوصل المهندس فيها ل 32000 ريال (يعنى 2400 دينار) الله يزيدهم ... اما عموم المهندسين في قطر فتقريبا نفس رواتبنا بعد الزياده الحاليه ...

[المشاكس]

مع ان هالموضوع مايخصني لأني مو مهندس بس أقول دامكم كويتيين واهل البلد تستاهلون كل خير

[Q8_oil]

الله يزيدهم وحكومتهم مرهيه عليهم ولو ان ارقامك مو دقيقه ... واحنا ولله الحمد عقب الزياده راح نصير قريب منهم اذا مو نفسهم ..

الماجستير ما يعتد فيه بالقطاع النفطي ولا له اهميه ولا له ميزة انه يعينك على درجه 14 ... يمكن يرفعك بالرانكنج اذا كنت من الناس اللى مصنفين تحته ..

وادارة المشاريع مو من ضمن التخصصات اللى تطلبها شركه النفط الا اذا كانت تحت تصنيف المهندس المدنى ... وحتى المهندس المدنى صارلهم الحين 4 دفعات جامعيين ما يطلبون مهندس مدني ... فكلش مو تخصص نادر :)

الله يهداك بس يا الكندري وين صيرنا يمهم

أبو ظبي الجامعي أول ما يتوظف مو المهندس الجامعي يستلم عن 2200 دينار !!

إحنا المهندسين أول ما يتظفون بالنفط يستلمون بعد الزيادة قول 1050 - 1100 و تقولي صيرنا نفسهم تقريبا !!

[فيصل الكندري]

الله يهداك بس يا الكندري وين صيرنا يمهم

أبو ظبي الجامعي أول ما يتوظف مو المهندس الجامعي يستلم عن 2200 دينار !!

إحنا المهندسين أول ما يتظفون بالنفط يستلمون بعد الزيادة قول 1050 - 1100 و تقولي صيرنا نفسهم تقريبا !!

صاج يا مهندس البورصه .. بس موظفين ادنوك ما شملهم قرار الزياده هذى (انا اتكلم عن شركات النفط) وكذلك الجيش والشرطه (العسكريين) وفى كذا شريحه مو مشموله بالقرار

وبعدين قرار حكومة ابوظبى كان خاص بموظفينها ومواطنينها الاماراتيين فقط وكانت الزياده 100% من الراتب للعاملين في القطاع الحكومي في امارة ابوظبي ... وفي كلام انه راح يتعمم على باجي الامارات .. وهم بعد صايره عندهم ضجة على هالشغله وصاير عندهم تسرب كبير من القطاع النفطي (شركة ادنوك) ...

هذا الكلام من منتدياتهم ... صارلى فتره احوس فيها :)


اقرا الرد اللى عقب راح تلقى معاشات المهندسين في ارامكو وفي قطر للبترول ...

[سمو الموظف]

اخوانى مهندسين النفط

ترى الذى حصلنا عليه كافى ونعمه لانصير طماعين ترى احنا الصراحه مو قاعدين ننتج كلا سوالف وسفرات وكورسات واذا داومنا واجتماعات 90% منها عالفاضى و انترنت ونراقب البورصه 0دشينا الشركه اكثرنا كحيا نين ماديا وصرنا نستلم الاف الدنانير من المعاشات وسيارات اخر موديل وتذاكر وبونص ومكافاة وعلاج ومميزات كثيره والصج الشغل كل على المقاول والاجانب خلونا ان نكون واقعيين شوى هل رواتبنا على قدر انجازاتنا لا والله ترى اذا كثرناها يعطونا خازوق فيجب ان لا ننغر بنفسنا كثيرا ترى اغلبيتنا مو عارف كوعه من بوعه وقت الشغل ومثل ما قال الاخ فيصل مو كل شى فلوس فى امور كثيره نحتاجها ومطلوبه منا اتجاه الكويت الحبيبه مثل الهمه والنشاط والا نجاز وتطوير انفسنا
والاخلالالالالالاص والالتزااااااام فى العمل لاجل الكويت مو نا يمين وكسلانين وبس نبى بدون لانعطى

ارجو كم بدووون زعل لانه فى الاول والاخير راى الشخصى مع احترامى للجميع 00000

[فيصل الكندري]

صح اللسانك

[صخرة رسوبية]

سمو الموظف.. اذا انت تدش البورصة و كله مجابل الانترنت ترى في ناس قاعدة تكرف..يعني لا تحط نفسك كمقياس

[Q8_oil]

اخوانى مهندسين النفط

ترى الذى حصلنا عليه كافى ونعمه لانصير طماعين ترى احنا الصراحه مو قاعدين ننتج كلا سوالف وسفرات وكورسات واذا داومنا واجتماعات 90% منها عالفاضى و انترنت ونراقب البورصه 0دشينا الشركه اكثرنا كحيا نين ماديا وصرنا نستلم الاف الدنانير من المعاشات وسيارات اخر موديل وتذاكر وبونص ومكافاة وعلاج ومميزات كثيره والصج الشغل كل على المقاول والاجانب خلونا ان نكون واقعيين شوى هل رواتبنا على قدر انجازاتنا لا والله ترى اذا كثرناها يعطونا خازوق فيجب ان لا ننغر بنفسنا كثيرا ترى اغلبيتنا مو عارف كوعه من بوعه وقت الشغل ومثل ما قال الاخ فيصل مو كل شى فلوس فى امور كثيره نحتاجها ومطلوبه منا اتجاه الكويت الحبيبه مثل الهمه والنشاط والا نجاز وتطوير انفسنا
والاخلالالالالالاص والالتزااااااام فى العمل لاجل الكويت مو نا يمين وكسلانين وبس نبى بدون لانعطى

ارجو كم بدووون زعل لانه فى الاول والاخير راى الشخصى مع احترامى للجميع 00000

أحوي إذا إنت مو قاعد تنتج مو معناته إن القطاع كله مو قاعد ينتج

[أبو طلال]

أعتقد إن الكادر حق للمهندسين ... و يجب الإستمرار بالمطالبه به ...

بغض النظر عن الزياده التي تم إقرارها ... لأنها لا تحل محل الكادر ...

و حسب علمي أن جمعية المهندسين الكويتية مشكوره تتبنى هذه المطالبه

و لا زالت تتابعها من الناحية القانونية ... حيث أن هناك قرار سابق يفرض تطبيقها

على الهيئات و المؤسسات الحكومية ... و لكن مؤسسة البترول تتهرب منه ...

[Q8_oil]

و الله المفروض يتم سن الكادر للمهندسين

[rahy50]

اخوانى مهندسين النفط

ترى الذى حصلنا عليه كافى ونعمه لانصير طماعين ترى احنا الصراحه مو قاعدين ننتج كلا سوالف وسفرات وكورسات واذا داومنا واجتماعات 90% منها عالفاضى و انترنت ونراقب البورصه 0دشينا الشركه اكثرنا كحيا نين ماديا وصرنا نستلم الاف الدنانير من المعاشات وسيارات اخر موديل وتذاكر وبونص ومكافاة وعلاج ومميزات كثيره والصج الشغل كل على المقاول والاجانب خلونا ان نكون واقعيين شوى هل رواتبنا على قدر انجازاتنا لا والله ترى اذا كثرناها يعطونا خازوق فيجب ان لا ننغر بنفسنا كثيرا ترى اغلبيتنا مو عارف كوعه من بوعه وقت الشغل ومثل ما قال الاخ فيصل مو كل شى فلوس فى امور كثيره نحتاجها ومطلوبه منا اتجاه الكويت الحبيبه مثل الهمه والنشاط والا نجاز وتطوير انفسنا
والاخلالالالالالاص والالتزااااااام فى العمل لاجل الكويت مو نا يمين وكسلانين وبس نبى بدون لانعطى

ارجو كم بدووون زعل لانه فى الاول والاخير راى الشخصى مع احترامى للجميع 00000

سمو الموظف كلامك جزئيا صح في جزء من الموظفين غير منتجين وثلاث ارباع دوامهم انترنت وتشات وجرايد اونلاين و بورصة ! لكن انت بكلامك عممت على الجميع من غير استثناء وكأن ما في ولا كويتي بالقطاع النفطي منتج !! اعتقد التعميم خطأ كبير لأن في ناس الشركات النفطية تشتغل من قلب وفي ناس فاهمة وعندها خبرة كبيرة ويعتبرون فطاحلة في مجالاتهم ويستاهلون جميع المميزات والزيادات والكوادر بعد ..

[سمو الموظف]

** عزيزتي صخره رسوبية والله ما عندي أسهم ولاعمـاة عين بس مستورة والحمد الله وصدقيني قاعد أبنى بيت جديد والدينار عندي بألف الفال لك بس أنا من الناس المواظبين على العمل بنسبة 98% والحمد الله انتـــج بس والله أشوف نسبه كبيره جدا قاعد يصلى شرق مايدرى عن هوا داره بس مسوي سبايكى ولووست تقول داش ديسكو وإذا صار العمل زيييييروو لأنهم مايداومون ولا فيه ممارسه بس يوقع والشغل على الهندي اذا غاب الهندي توهق السبايكى مان وإذا داوم عينه على الباب يبى النحشه ويبى كادر مايستحوووووووووووووووووووووون بس مو العموم ولكن هناك نسبه قليله ممتازة بس ترى المكافأة السنوية ياختى موحق اللي يشتغل ويتعب حق أبو سبايكى اوكى 0 وترانى ماخذ حقى وغصب 0
** الأخ مهندس البورصة من النـــك حقك شكلك مالك شغل بالشركة نعم موجود بس مجابل النت والمؤشر الله يرزقك بس ابيييك تهدئ شوى راح يجيك نصيبك من الشركة وخيراتها بس بالمقابل أتمنى تعطى كثر ما تاخذ وحاسب نفسك بنفسك واحترامي الجليل لك وأتمنى الزيادة ودي اركب أبواب حق البيت بس الكويت حزينة تعبانه ياخوى تبى عيالها يقومونها مو الهنود والمقاول تبى رجال تشمر عن ذراعها مو يشمر عن اللو ويست وترى والله ما أقصدك بالجملة الاخيره
** الأخ فيصل الكندرى شكرا على المرور ويعجبنى طرحك وواقعيتك واسلوبك العقلانى
** الخ Rahyi 50 احترامى لك وواضح من طرحك النضوج بارك الله فيك واسف لااقصد التعميم ولكن اذا النسبة كبيره فلا عزاء للفئة القليلة مع أنى من الناس المتفائلين وشكرا لك وشو ووف توقيعي تحت أنا متفائل بس الربع يبيلهم حزم وربط مو بس كورسات وسفرات وأيام مفتوحة واجتماعات ,,,وعلى فكره اقسم بالله العظيم مره طلبنا مدير حق اجتماع مدة ساعة والله قعد يتكلم عن اقتراح قام فيه ومستااانس عليه وايد تدرى شنو الاقتراح تركيب مطبه أمام GC 17 بالمناقيش بعدين شربونا شاي حليب عبالهم سواقين وطلعنا شرايك بالتفاهة 0 عباله مخترع ذره ولا بعد اكبر نسبة زياده له ولاشكاله 0

[Q8_oil]

شكله لا زيادة ولا كادر
لووول