العلاج في مستشفى الاحمدي والضمان الصحي ...

[ابو فاطمة]

السلام عليكم ورحمة الله وبركاته

اولا شلونكم انشالله طيبين .. من زمااااان مادشيت المنتدى :)

وثانيا وان كان عندكم صوره عن الموضوع وعلم لكن حبيت اقولكم عنه وهو ان قبل نهاية السنه انشالله راح تنحل مشكلة مستشفى الاحمدي والزحمه والدور والعلاج التعبان ... والموضوع بين شركة التأمين والقسم المختص بهالشي

راح تقولون شلون وراح اجاوب وترى عروقي بالماي ومتأكد من كلامي :)

راح يتخير الموظف بين العلاج في مستشفى الاحمدى او العلاج في المستشفيات الخاصه ( بالضمان الصحي )
يعني اللي يختار مستشفى الاحمدي يتم فيه واللي يختار المستشفيات الخاصة يصير يعالج بالمستشفيات الخاصه بنفس نظام مستشفى الشركة لكن الفرق انه خلاااااااص مايعالج بمستشفى الشركة ( وطبعا بالنسبه للمستشفيات الخاصة راح يكون اما تحديد كذا مستشفى وممكن تعالج بأي واحد تبي او تسجل بمستشفى معين منهم ويصير لك ملف فيه انت وافراد اسرتك نفس مستشفى الشركه )
وهالشي راح يخفف الضغط على مستشفى الشركة بشكل كبير ويفيد شريحة كبيره من الموظفين بالذات اهل الديره والرابعه والجهره...

وسلامتكم وتعيشون سالمين انشالله :)

[جونم جقرم]

عليــكم السـلام والرحمــة

اللـه يعطيـك العافيـة عزيزي الفـاضل

عروقـك ما قـالتـلك إن قيــمة التأميــن للموظــف 7000 دينـار سنـويـا وهو مخيــر وليــس مسيــر للمستشفـي الذي يختــارة

وأيضـــا هنــاك ميــزة فقـط لموظفـي شركـة نفـط الكويـــت (k.o.c) لهــم الأحقيــة بالتأميــن أضــافـة ألا استمــرارهـم بالعلاج بمستشفـي الشــركة

ونتمنـــي الصحــة والعافيــة للجميــع

[Workers]

وعليكم السلام ورحمة الله وبركاتة

ياحيالله ابو فاطمة :)

راح تقولون شلون وراح اجاوب وترى عروقي بالماي ومتأكد من كلامي :)

الاعضاء اكيد عندهم استفسارات في هالموضوع .. الموضوع مثبت .. وخلك قريب يابو فاطمة :)

الله يعطيك العافية ماقصرت

=================

ابوحسن :)

هنــاك ميــزة فقـط لموظفـي شركـة نفـط الكويـــت (k.o.c) لهــم الأحقيــة بالتأميــن أضــافـة ألا استمــرارهـم بالعلاج بمستشفـي الشــركة

ناس وناس يعني !! مافيه حل غير بناء مستشفى جديد .

[ابو فاطمة]

السلام عليكم ..

جونم جقرم الله يعافيك
وبالنسبه لقيمة التأمين للموظف كلامك عدل بس هذا مو شي نهائي لأنه ماخلص مع شركة التأمين والمؤسسة لي الحين حسب ماوصلني

اما بالنسبه لميزة الكي او سي فهذا طلب من الكي او سي ومو اكيد يتنفذ وعموما الموضوع بالشكل المذكور اقرب للصوره النهائيه له لكن ننتظر اللي فيه الخير انشالله ومصلحه للموظفين وعسى الله يعطينا ويعطيكم الصحة والعافيه انشالله

pickw الله يحييك يالغالي ويعافيك
وانشالله بكون قريب :)

[اوسكو]

الله يعطيك العافيه يابو فطوم على الموضوع الجيد

[مزااجي]

سؤال يطرح نفسه ملفي بمستشفى الشركه يشمل الوالد والوالده

هل اذا بغيت اروح لمستشفى خاص راح يشمل الوالد والوالده العلاج ؟؟؟؟؟؟؟؟؟؟؟؟؟؟؟؟؟؟؟؟؟؟؟

[Strongman-koc]

متى هالكلام انا صارلي جم يوم اراعج مستشفى الاحمدي والصراحه زهقت منه مواعيد اقرب شي بعد شهرين حق القلولون والاطفال على شهر والاسنان حدث ولا حرج اضطريت اني اروح المواساه وادفع بحدود 50 دينار بس علشان اسنان بنتي طز بلفوس بس الي يقهر اني بمستشفى المواساه شفت اجانب عندهم تامين طبعا شغالين في شركات وعيالهم مدارس خاصه هم بعد مدفوع 90% من المصاريف ليش يا مؤسسه هالتفرقه وليش لكويتي اشوف الغير اكويتي احسن منه يعني اذا تبون المساواه ماعندي مشكله لكويتي والغير كويتي لازم الصحه والمدارس

[العلوي]

الله يسمع منكم ونشالله انعالج في مستشفيات خاصه عن الزحمه والله تاذينا مانبي مستشفى الاحمدي اول شي بعيد على بعض الموظفين يا اخوان في ناس ابيوتهم في منطقه الجهراء والله درب الله يعينا نبي مستشفبات خاصه وعلى المنطقه

[ابو فاطمة]

اوسكو ... الله يعافيك تسلم يالغالي


مزااجي ... والله ياخوي مو متأكد لكن اللي اعرفه نفس اللي يسري على اللي بمستشفى الشركه يسري عالخاص


Strongman-koc ... انشالله على اخر السنه ينتهون من التجهيز ويخلصون مع التأمين


العلوي ... الله يسهل انشالله


.............. شاكر مروركم عالموضوع

[The^Queen]

عفوا ياليت تسمحولي اعقب علي الكلام
مو من جانب دوانيه عروقها بالماي ولا احد قايلي
بالنسبه للتكلفه
من قال ان الاحمدي رخيصه؟
الاحمدي قاعده تحمل التكلفه علي الشركات وتحاسبهم عليها
يعني موخدمه مجانيه
وقبل جم سنه كانت تكلفه المراجعه الواحده والزياره الواحده للشخص تعادل 40 دينار كويتي سواءا ياي حق معالجه قلب او ياي ياخذ بندول
علي اي اساس تم حساب التكلفه؟
علي عدد مرات الزياره وتكلفه الاجماليه طول السنه
ومع العلم ان مو الكل يتمتع بالخدمه والاغلبيه يبعدون عن مستشفي الاحمدي لبعدها اولا ولبعد المواعيد ثانيا وللزحام ثالثا (الاحمدي مستشفي حكومي متنكر! لازم تكون من فير الله هناك علشان تدش علي الدكتور!)
اذا الشخص زاد المستشفي 10 مرات هذي 40
والشخص ماقصد فيه الموظف ممكن يكون احد المشمولين بالرعايه الصحيه له مثلا الزوجه الام الابو والعيال


عليكم الحسبه



بالنسبه للتامين بالقطاتع الخاص
ماكو ب 7000!
ولو ماخذين تغطيه تامينيه ذهبيه ومرصعه بالماس
ماتكون ب 7000
هذي اذا جذي معناتها التحمل صفر ويغطي الامراض المزمنه السابقه ويغطي لمت مفتوح واكيد الدايريكت بيلنغ مو الري امبرسمنت
مو توب
الا اكثرم ن التوب
وتكون عالميه
شدعوا عليهم
التامين يكون علي اساس العمر والمكان اللي ساكنين فيه وماقصد اي منطقه انتو ساكنين
اقصد الديره اللي انتو فيهم علي هالاساس يتغير السعر
واذا انتو تتكلمون عن الشركه اللي في بالي
اي الخليج لان اهي الليدر بالفيلد هذا
لايبا تغطيتهم حق اللي عمره 62 ماتوصل لهالسعر
اذا بوبا انترناشونال اللي تغطيتها غلوبال وايز
والغولد كوفر باميركا يوصل 7000 باوند مودينار يعني اثل من 3500 (وعلي فكره الخليج للتامين تطرح برنامج بوبا بس بالكويت)
فشلون الحين تصير بالكويت وتغطيه محدوده مع تحمل ب7000
سمحولي
هالكلام مو صحيح ويرفضه العقل

[Laankom]

يعطيك العافيه يابوفاطمه ..

وفعلا صار لي كم يوم اسمع هالكلام ..

شوف شركة الزيت (العمليات المشتركه) يعالجون في مستشفى الهادي والمواساه ..

ومايدفعون دينار واحد ..


واللي سمعته ان الشركه راح تسوي اتفاق مع احد المستشفيات الخاصه

لاهنت

[سالم الخالدي]

عفوا ياليت تسمحولي اعقب علي الكلام
مو من جانب دوانيه عروقها بالماي ولا احد قايلي
بالنسبه للتكلفه
من قال ان الاحمدي رخيصه؟
الاحمدي قاعده تحمل التكلفه علي الشركات وتحاسبهم عليها
يعني موخدمه مجانيه
وقبل جم سنه كانت تكلفه المراجعه الواحده والزياره الواحده للشخص تعادل 40 دينار كويتي سواءا ياي حق معالجه قلب او ياي ياخذ بندول
علي اي اساس تم حساب التكلفه؟
علي عدد مرات الزياره وتكلفه الاجماليه طول السنه
ومع العلم ان مو الكل يتمتع بالخدمه والاغلبيه يبعدون عن مستشفي الاحمدي لبعدها اولا ولبعد المواعيد ثانيا وللزحام ثالثا (الاحمدي مستشفي حكومي متنكر! لازم تكون من فير الله هناك علشان تدش علي الدكتور!)
اذا الشخص زاد المستشفي 10 مرات هذي 40
والشخص ماقصد فيه الموظف ممكن يكون احد المشمولين بالرعايه الصحيه له مثلا الزوجه الام الابو والعيال


عليكم الحسبه



بالنسبه للتامين بالقطاتع الخاص
ماكو ب 7000!
ولو ماخذين تغطيه تامينيه ذهبيه ومرصعه بالماس
ماتكون ب 7000
هذي اذا جذي معناتها التحمل صفر ويغطي الامراض المزمنه السابقه ويغطي لمت مفتوح واكيد الدايريكت بيلنغ مو الري امبرسمنت
مو توب
الا اكثرم ن التوب
وتكون عالميه
شدعوا عليهم
التامين يكون علي اساس العمر والمكان اللي ساكنين فيه وماقصد اي منطقه انتو ساكنين
اقصد الديره اللي انتو فيهم علي هالاساس يتغير السعر
واذا انتو تتكلمون عن الشركه اللي في بالي
اي الخليج لان اهي الليدر بالفيلد هذا
لايبا تغطيتهم حق اللي عمره 62 ماتوصل لهالسعر
اذا بوبا انترناشونال اللي تغطيتها غلوبال وايز
والغولد كوفر باميركا يوصل 7000 باوند مودينار يعني اثل من 3500 (وعلي فكره الخليج للتامين تطرح برنامج بوبا بس بالكويت)
فشلون الحين تصير بالكويت وتغطيه محدوده مع تحمل ب7000
سمحولي
هالكلام مو صحيح ويرفضه العقل


كلام منطقي وواقعي جدا


شكرا على هذه المشاركة المفيدة

[ابو فاطمة]

عفوا ياليت تسمحولي اعقب علي الكلام
مو من جانب دوانيه عروقها بالماي ولا احد قايلي
بالنسبه للتكلفه
من قال ان الاحمدي رخيصه؟
الاحمدي قاعده تحمل التكلفه علي الشركات وتحاسبهم عليها
يعني موخدمه مجانيه
وقبل جم سنه كانت تكلفه المراجعه الواحده والزياره الواحده للشخص تعادل 40 دينار كويتي سواءا ياي حق معالجه قلب او ياي ياخذ بندول
علي اي اساس تم حساب التكلفه؟
علي عدد مرات الزياره وتكلفه الاجماليه طول السنه
ومع العلم ان مو الكل يتمتع بالخدمه والاغلبيه يبعدون عن مستشفي الاحمدي لبعدها اولا ولبعد المواعيد ثانيا وللزحام ثالثا (الاحمدي مستشفي حكومي متنكر! لازم تكون من فير الله هناك علشان تدش علي الدكتور!)
اذا الشخص زاد المستشفي 10 مرات هذي 40
والشخص ماقصد فيه الموظف ممكن يكون احد المشمولين بالرعايه الصحيه له مثلا الزوجه الام الابو والعيال


عليكم الحسبه



بالنسبه للتامين بالقطاتع الخاص
ماكو ب 7000!
ولو ماخذين تغطيه تامينيه ذهبيه ومرصعه بالماس
ماتكون ب 7000
هذي اذا جذي معناتها التحمل صفر ويغطي الامراض المزمنه السابقه ويغطي لمت مفتوح واكيد الدايريكت بيلنغ مو الري امبرسمنت
مو توب
الا اكثرم ن التوب
وتكون عالميه
شدعوا عليهم
التامين يكون علي اساس العمر والمكان اللي ساكنين فيه وماقصد اي منطقه انتو ساكنين
اقصد الديره اللي انتو فيهم علي هالاساس يتغير السعر
واذا انتو تتكلمون عن الشركه اللي في بالي
اي الخليج لان اهي الليدر بالفيلد هذا
لايبا تغطيتهم حق اللي عمره 62 ماتوصل لهالسعر
اذا بوبا انترناشونال اللي تغطيتها غلوبال وايز
والغولد كوفر باميركا يوصل 7000 باوند مودينار يعني اثل من 3500 (وعلي فكره الخليج للتامين تطرح برنامج بوبا بس بالكويت)
فشلون الحين تصير بالكويت وتغطيه محدوده مع تحمل ب7000
سمحولي
هالكلام مو صحيح ويرفضه العقل


الله يعطيك العافيه عزيزي على مشاركتك .. وكلامك منطقي بالنسبه لقيمة التغطيه لكن بالنسبه للموضوع فانا متأكد منه 1000 بالاميه بس عاد الارقام والتغطيه مادري بالضبط شلون حسبتها

[net1]

هنــاك ميــزة فقـط لموظفـي شركـة نفـط الكويـــت (k.o.c) لهــم الأحقيــة بالتأميــن أضــافـة ألا استمــرارهـم بالعلاج بمستشفـي الشــركة


خوش ميزه لانه المستفشى اساسا حق الKOC

[alawadhi80]

يعطيك العافيه يابوفاطمه ..

وفعلا صار لي كم يوم اسمع هالكلام ..

شوف شركة الزيت (العمليات المشتركه) يعالجون في مستشفى الهادي والمواساه ..

ومايدفعون دينار واحد ..


واللي سمعته ان الشركه راح تسوي اتفاق مع احد المستشفيات الخاصه

لاهنت

من قالك يا بو فاطمه انه موظفين العمليات كلهم يتعالجون اب مستشفى هادي أو المواساه ترا بس موظفين العمليات الي بالخفجي يتعالجون اب هل المستشفيات بس احنا عمليات الوفرة لا زلنا نتعالج اب مستشفى الأحمدي :(

[ابو فاطمة]

السلام عليكم ردي متأخر بس ترى يالعوضي مو انا اللي تقصده وتكلم عن العمليات المشتركه ... وانا موضوعي اللي تحجيت عنه كان صحيح وبرز عالساحه :) وسلامتك