محتار وابي مشورتكم

[touareg777]

يا جماعه انا ابي اشتري سياره ومحتار بين البورش كايين اس 2009 كامل المواصفات

وبين بي ام دبليو X5 هم 2009 بس 6 سليندر

شنو الي انا محتار فيه الكايين بنفس سعر البي ام بالظبط بس

الكايين سنة 2011 راح يتغير شكله مو وايد طبعا راح يكون التغيير


والاكس فايف حلو وعليه كفاله 4 سنوات وصيانه اربع سنوات

بس بسرعه يطيح سعره يعني الاكس فايف 8 سليندر بالوكاله 24000 الف وبره بالمكاتب موديل 2007 ب 15000 الف


فا انا اقول البورش حلووووو وسعره فيه وحرام اكس فايف بسعر 18900 وبسرعه ينزل سعره هذا رااي انا ابي انتو شنو رايكم


تذكرت قبل فتره انه الوسام كان يبي يبدل لكزس جي اس 2007 بجيب بورش فا اساله ها خذيته وشلونه وشرايك فيه الجيب بورش :d

[malshalan]

يا جماعه انا ابي اشتري سياره ومحتار بين البورش كايين اس 2009 كامل المواصفات

وبين بي ام دبليو X5 هم 2009 بس 6 سليندر

شنو الي انا محتار فيه الكايين بنفس سعر البي ام بالظبط بس

الكايين سنة 2011 راح يتغير شكله مو وايد طبعا راح يكون التغيير


والاكس فايف حلو وعليه كفاله 4 سنوات وصيانه اربع سنوات

بس بسرعه يطيح سعره يعني الاكس فايف 8 سليندر بالوكاله 24000 الف وبره بالمكاتب موديل 2007 ب 15000 الف


فا انا اقول البورش حلووووو وسعره فيه وحرام اكس فايف بسعر 18900 وبسرعه ينزل سعره هذا رااي انا ابي انتو شنو رايكم


تذكرت قبل فتره انه الوسام كان يبي يبدل لكزس جي اس 2007 بجيب بورش فا اساله ها خذيته وشلونه وشرايك فيه الجيب بورش :d

السلام عليكم

اخوي ان انصحك بالبورش لانه
1-سعره فيه حتى لو نزل الشكل الجديد على قولتك
2-الموتر يتحمل اكثر من البي ام
3-ماكو مقارنه بين ا ل بي ام و البورش نهائيا من نواحي وايد الكفاءه الثبات الامان استيعاب المكينه طبعا البورش احسن

بما اني لي بالسيارات وايد ان بقيت امريكي ياباني الماني الحمدلله ملم فيهم كلهم
نصيحه روح مع البورش و استخير احسن و اخذ اكثر الاراء و اي استفسار يدور براسك اتصل علي انشاء الله اقدر افيدك


اتمنى اني ما طولت و قدرت افيدك
اخوك معاذ الشعلان بوعبدالوهاب

[Export_Doc's]

هلا اخوي طوارق من الناحيه الماديه كلامك صح و من ناحيه الجوده طبعا البورش واحد من ربع الدوام ماخذله بورش و مشالله وايد حلو و ممشاه ممتاز بس انت شوف الوكالة و مدى توفر قطع الغيار و اسعارها و اسعار السيرفس و العروض المقدمه لدى الوكيل و تبي رايي :) انا اقول جيب لكزس اليديد سعر و جوده و فخامه و مواصفات اكثر منهم و تقبل مروري

[brilliant]

الشويخ الصناعيه كلها كراجات بي ام وناس فاهمه فيه وتصلح موترك باي كراج فيها والقطع الغيار متوفره قطع الوكيل يبيعونها موزعين ارخص

صارت كراجات البي ام اكثر من الشفرات

لكن البورش اذا خرب الله يعينك

[OK__6]

جيب لكزس مشاء الله موتر انصحك فيييه

[]printer]

اكيد مع البورش بترتاح اكثر كافي اسمه بورش
وماشفت احد مدح بي ام
بس انا وايد اسمع يمدحون بورش
لو مكانك اخذ بورش بلا تردد

[touareg777]

شاكر لكم مروركم الطيب ونصيحتكم اخواني
استقريت على كايين اس وتبون الصج سويت تيست درايف على X5 وعلى الكايين

مافي اي مقارنه الكايين وايد احلى بالسياقه

مشكورررررررررررين وما تقصرون على مشورتكم

[brilliant]

يعطيك من خيره ويكفيك شره ،،، ومع الوقت عطنا تقارير عنه ;)

[ABDULLAH]

ألف مبروك

الله يعطيك خيره و يكافيك شره

و يبارك لك فيه