خلونا نتغير..لقول كلمة حق وشكر .. [الأرشيف] - منتدى العاملين بالقطاع النفطي الكويتي

مشاهدة النسخة كاملة : خلونا نتغير..لقول كلمة حق وشكر ..

engineera

11-14-2007, 01:06 AM

السلام عليكم

اليوم بطرح عليكم موضوع مهم جدا جدا

لانه ماشالله المنتدى مليان شكاوي و انتقاد للمسؤلين والمدراء والموظفين ..فنبي نغير شوي من السالفه

ابيكم تكتبون عن كل انسان ساعدكم او كان له فضل عليكم او اعانكم ولو بالكلام اللي اي على بالكم اذكروه مو شرط الاسم كامل وموشرط الاسم حتى على الاقل كتبو مسمى الوظيفي ..المهم انكم تذكرونه بالخير وتدعوله وين ماكان ..( وانا اتكلم عن الشغل والمكان والوظيفه فقط وليس بالحياة الشخصية الاجتماعية او العائليه)

الاسم:
المسمى الوظيفي :
رساله حق او شكر التى تود ان توجهها له/لها:

اذا ماعندكم احد تمدحونه او احد ساعدكم او تذكرونه بالخير
رجــــــــــــــــــــــــــــاء خاص للكل اتمنى انه في هالموضوع هذا بالذات محد ينتقد او يشكي احد...

فيصل الكندري

11-14-2007, 01:19 AM

الطيبين وايدين بالقطاع .. وما اعتقد انهم يرضون بمدحهم في منتدى بهذى الطريقة

مادرى .. بس هذا رأي

engineera

11-14-2007, 01:32 AM

وانا احترم رايك اخ فيصل وحياك معانا:)

بس مو مهم ذكر الاسم المهم ان نتذكر الناس اللي وقفوا ويانا :) وحلو ان نقول فيهم كلمة شكر في اللحظه اللي احنا الحين تذكرنها فيها :)

Q8_oil

11-14-2007, 08:14 AM

أولا الزيادة و الرزق من رب العباد و هو الأول و الأخير المستحق للشكر سواء في زيادة أو لا

ثانيا : الزيادة هذه كانت يجب أت تأتي في ظل إرتفاع الأسعار و إرتفاع المعاشات في مختلف قطاعات الدولة

Mr. Engineer

11-14-2007, 09:26 AM

والله الطيبين وايد،

بس مسؤولي بالدوام صراحة وردة (كبير مهندسي المشاريع) بس ما ودي أذكر الإسم،

و إن شاء الله يحوشه من طشار الترقيات الياية في الـ Koc لأنه بصراحة يستاهل و مايقصر، و خلوق جداً

تحياتي

أبو طلال

11-14-2007, 09:48 AM

و عليكم السلام و رحمة الله و بركاته ...

و كل الشكر لش أختي الكريمة إنجنيره على طرح هذا الموضوع ...

و كما ذكرنا أكثر من مره أن من أهداف هذا المنتدى تبادل الآراء و الخبرات

و ذكر مواطن الخلل و القصور لكي يتم العمل أو محاولة إصلاحها ... و كذلك

ذكر المزايا و المحاسن و الثناء عليها لكي تدوم و تكون مثالا لغيرها ...

Network

11-14-2007, 09:53 AM

والله موضوع حلو و جميل
الإنسان بطبعه لا يتذكر كلمة الحمدلله إلا عندما يفقد شيء!!!
يعني ألحين طايحين تحلطم على المسؤولين و لما يتغير و يجيك مسؤول أشد منه تتذكر مسؤولك القديم .......
و هذي الدنيا ماشيه جذي
الحمدلله على كل حال
الحمدلله

engineera

11-14-2007, 08:50 PM

الحمدالله على كل حال..
واخ مهندس بورصه انا مااتكلم على الزياده :) انا اتكلم بوجه عام عن الشغل

والشكر لله اولا واخيرا لكن من الجميل انه نذكر محاسن الناس وهذا قصدي من الموضوع..لانه ودي انغير من المواضيع المطروحه اللي فيها شكوى وذكر العيوب ..وهذا القصد فقط واتمنى فهمتوا وجهة نظريك:)

بلبل عنقريزي

11-14-2007, 08:58 PM

بالعكس مهندستنا موضوعج وايد حلو

صراحه تعودنا على قراءة الشكاوي والمشاكل نبي شغلات تشرح الصدر شوي

بالنسبه لي كنت شبه مجمد كذا سنه
ولولا الله ثم التمليدر عدنان الشمري مادري شكان بيصير وضعي
انسان بذكره بكل خير كل مايطري على بالي ساعدني بوايد شغلات

ونفس ماقالوا الطيبين وايد وعسى الله يزيدهم يارب

ولكن يجب ذكر الطيبين اللي مروا بحياتنا الوظيفيه

شكرا انجنيره عالموضوع

صخرة رسوبية

11-14-2007, 09:21 PM

عنقريزي :p

مواق

11-14-2007, 10:07 PM

http://www.q8ow.com/up/uploads/e5c095ca73.jpg (http://www.q8ow.com/up/)
السيد : خالد صالح بوحمرة

شكرا للاخت العزيزه انجنيرا على هذا الموضوع الذي يجعلني اسجل جل احترامي وتقديري للسيد : خالد بوحمرة ..
هذا الرجل البسيط المتواضع الذي لايختلف عليه اثنان الحاصل على اعلا منصب وظيفي بالمؤسسة لم يتعالى يوما على الموظفين بل هو ملاذ المظلومين بعد الله . ومهما كتبت وكتبت لم ولن اوفي حق هذا الرجل المخلص لدينة ووطنة

hasanqasem

11-14-2007, 10:55 PM

انا احب أشكر السينيور أبو حمود لأنه في قمة الأخلاق والاحترام والتقدير , ويستاهل كل خير انشالله والله يوفقه بحياته الاجتماعية والعملية ومنها للأعلى يا بوحمود :)

المشاكس

11-15-2007, 07:28 AM

انا عندي شكر حق أثنين

الأول ..... الأخ علي دغيم الشمري العضو المنتدب السابق في شركة نفط الكويت

والثاني .... الأخ عبدالله السميطي مدير عمليات الأنتاج غرب الكويت

كل الشكر والتقدير لهم على مساعدنهم لي في امور شتى وعلى علو أخلاقهم ..... ف لهم كل الأحترام

engineera

11-15-2007, 04:06 PM

انا اشكر التيم ليدر لانه دوم يشجعني ومومقصر وياي الله يذكره بالخير دوم:)

Phox

11-17-2007, 02:08 AM

Phox

11-17-2007, 02:09 AM

انا اشكر التيم ليدر لانه دوم يشجعني ومومقصر وياي الله يذكره بالخير دوم:)

اى منو عاد ؟!!!

Phox

11-17-2007, 02:11 AM

ترى بذبحج صخره لاحقتني بكل مكان :(

حتى انت ؟!! بالشه الكندرى وبالشه جابر وبالشه "نفطي كويتي" على توقيعه بعد .. وبغت تبلشنى بس اشوه ما اقدرت علي :D

engineera

11-17-2007, 10:38 PM

مابي اذكر اسامي اخ phox:) انا بيني وبين نفسي ادعيله ويجزيه الله الف خير امين يا رب العالمين

Phox

11-18-2007, 01:43 AM

مابي اذكر اسامي اخ phox:) انا بيني وبين نفسي ادعيله ويجزيه الله الف خير امين يا رب العالمين

مادرى عيل على شنو حاطين موضوع شكر للناس دام ما تبين تذكرين اساميهم !!!
عماد السلطان ... ونعم الرجل بو عبدالرحمن ... حقانى وينحط على الراس

engineera

11-18-2007, 08:00 PM

مادرى عيل على شنو حاطين موضوع شكر للناس دام ما تبين تذكرين اساميهم !!!
عماد السلطان ... ونعم الرجل بو عبدالرحمن ... حقانى وينحط على الراس

:) انا قلت من البدايه اللي يحب يذكر اسامي يذكر واللي مايحب يذكر اسامي لا يذكر:)..وهالشي حريه شخصيه للاعضاء:)

EQUATER-1

11-18-2007, 09:17 PM

اود اقدم شكر للرئيس التنفيذي حمد التركيت على وقفاته المشرفه مع العماله الكويتيه بالشركه ولج كل الشكر مهندستنا على الموضوع.

engineera

11-24-2007, 01:05 AM

حياك الله اخوي equater-1

بلبل عنقريزي

11-24-2007, 01:11 AM

انت تتكلم عن بو ابراهيم ؟؟؟ والا عدنان الشمرى ثاني ؟؟ .. اذا تتكلم عن بو ابراهيم .. فسبحان مغير الاحوال :)

اي اخوي ابو براهيم عدنان الشمري ماغيره

سبحان الله مريت على مليون تمليدر عسل بس فعلهم بصل بالصجيه

بس بو براهيم زلم

Bo Hadeel

11-24-2007, 03:37 PM

كل الشكر على هذا الوضوع الجميل....
رسالة شكر الى
الاسم: أنور الخترش
الوظيفة: رئيس قسم التوظيف في الشركة الكويتية لنفط الخليج
اسمحولي للاطاله ولكن اتمنى القرائه
عندما ظهرت نتائج التعيين لم أكن من المقبولين (طبعا ما في واسطه) وكان ترتيبي الخامس والمطلوبين 3
جلست هناك انتظر صديقي وصادف مرور رئيس قسم التوظيف وقال لي ليش زعلان مو مقبول قلت له اي قال ما تدري الله كريم انته احتياط ويمكن تدخل قلت له من يرفض هذه الوظيفه قال الله كريم
حمدت ربي ودعيت أن يرزقني ولله الحمد اتصل بي احد الاخوان المقبولين وقال لي انه لا يرغب بالوظيفه مع العلم اني لم اكن اعرف ترتيبي فذهبت للاحمدي (ما عطوني ويه) ثم قابلت السيد انور الخترش فتذكرني وقلت له كذا وكذا فقال لي اوكي بس حسب الدور فأجبته الدور عالعين وعالراس واذا انا الخامس والاحتياط الاول شخص اعرفه اتصلت به وباركتله فقال لي انه لا يرغب بالوظيفه وبعد ايام اتصلوا علي وقبلت بالشركة...
كل الشكر للسيد الخترش على مصداقيته وعدالته وكلامه الطيب..

Phox

11-24-2007, 04:55 PM

اي اخوي ابو براهيم عدنان الشمري ماغيره

سبحان الله مريت على مليون تمليدر عسل بس فعلهم بصل بالصجيه

بس بو براهيم زلم

مادرى شقولك صراحه ... هم سبحان مغير الاحوال

يمكن فيصل العصفور مسنعه الحين وقاظبه عدل ... والا قبل شكاوى الموظفين عليه لما كان بالنورث على افى من يشيل... غير التيم ليدرز اللى مشتكين عليه عند DMD !!!

نفس ما يقول الشاعر : بين طرفة عين وانتباهتها ... يبدل الله من حال إلى حالِ

يجوز تغير الرجل ... الله يوفقه