القروض اللى تقدمها عمليات الخفجى المشتركه

[جابر]

طبعا عندى رؤوس أقلام .. واللى عنده معلومه يضيفها .. حتى يستفيدون باقى إخوانكم

1. قرض التأثيث ، يصرف مره وحده لكل موظف جديد تقريبا 800 دينار ويخصم منك 10 دنانير شهريا حتى يسترد المبلغ (بدون فوائد)
2. قرض (المطاوعه) ..إسم غريب بس هذا هو إسمه .. يعطى للى ماعليهم سلفيات للبنوك... وبحد أقصى تقريبا 5000 دينار و يخصم منك 100 دينار شهريا حتى يتم إسترداد المبلغ (بدون فوائد)
3. قرض السكن وهذا ممكن يوصل إلى 80000 دينار ، حسب راتبك ومدة خدمتك ... (تقريبا 20% تسقط عنك و الباقى يقسط عليك بدون فوائد ، قيمة القسط تقريبا 20% من راتبك)

[brilliant]

قروض حلوه خاصه قرض المطاوعه خوش اسم

[Winchester]

الله يعطيك العافيه على المعلومات الحلوة

اهم شي قرض المطاوعة :D

[بوشهري]

ياريت الاخوان بالنقابه يطالبون بهذه المميزات لموظفي عمليات الوفره ...

[جابر]

ياريت الاخوان بالنقابه يطالبون بهذه المميزات لموظفي عمليات الوفره ...

والله يابو شهرى حتى الإتحاد بكبره ما أعتقد يقدر يجيب هذى ..:D
لما صارت شركة الزيت العربيه (الخفجى) كويتيه وتابعه ل Kgoc حاولت إدارة الشركه إنهم (يشيلون هالمميزات عنا ..) بالذات القرض السكنى ..لكن ربك حمانا منهم ...:D

[بوشهري]

والله يابو شهرى حتى الإتحاد بكبره ما أعتقد يقدر يجيب هذى ..:D
لما صارت شركة الزيت العربيه (الخفجى) كويتيه وتابعه ل Kgoc حاولت إدارة الشركه إنهم (يشيلون هالمميزات عنا ..) بالذات القرض السكنى ..لكن ربك حمانا منهم ...:D

الله يديم نعمته عليكم و انا اخوك .. اللهم لا حسد .. و عسا الله يسهل في المستقبل و يوفرون لنا مثل هذي المميزات ..

موفق خير طال عمر ك

[العضو المنتدب]

تسلم جابر على المعلومات
مافي قرض الهتليه :)

[ابوحمد]

اخوي جابر اسمحلي بالمشاركه واتمنى يستفيد منها الجميع
http://www.q8ow.com/up/uploads/c214015800.jpg

[جابر]

حياك الله يابوحمد ...ويعطيك العافيه على المشاركه :)

[Arantos]

مرحبا الاخ جابر .. سمعت ان القرض الاسكاني ملغي من سنة 2003...

فهل هذا صحيح !

و هل يحق للموظف الجديد التقديم عليه بعد ان تنطبق عليه الشروط !

[جابر]

مرحبا الاخ جابر .. سمعت ان القرض الاسكاني ملغي من سنة 2003...

فهل هذا صحيح !

و هل يحق للموظف الجديد التقديم عليه بعد ان تنطبق عليه الشروط !

لا مو ملغى وأنا أعرف شباب أستلموا السنه اللى طافت .............
من حق أى شخص تنطبق عليه الشروط إنه يتقدم ...
المشكله إن كل سنه مايوافقون إلا على كميه بسيطه ..يمكن أربعه ...والناس اللى توظفت الثلاث سنوات اللى طافت ...أكثر من اللى توظفوا العشرين سنه اللى قبلها .....يعنى الله يكون فى العون ....

ياليت ربعنا فى النقابه يشدون حيلهم بهالنقطه ..حتى كل كويتى ينطبق عليه الشرط يستلم (حلاله) بدال النطره.

بالتوفيق .

[جابر]

وهذا إعلان جديد بخصوص القروض وشروطه والفورم اللى مفروض تعبيها ...:d

بالتوفيق للجميع ..

[واحد فاهم]

اخوي جابر بالنسبه لقرض المطاوعه مو 100 دينار شهري انا استفدت منه والخصم الشهري 10% انا استقطاعي تقريبا 60 دينار

سؤالي لشخصك الكريم .. اللي ما يبي قرض السكن يقدر ياخذ 100 الف ريال هبه بس مايحوشك قرض السكن هل الكلام هذا صحيح ؟؟!! ومتى يقدر يطالب فيها

[جابر]

أى نعم ...فيه شباب أخذوا (الهبه) تقريبا 100 ألف ريال ...لا طالب ولا مطلوب ..بس مايحوشه قرض السكن ... هذا بداله ..
أنت تروح لدائرة شئون الموظفين وتعبى الطلب ..(أعتقد: عبدالله الراجحى)...وعلى دورك ...وتنطبق عليها نفس شروط قرض السكن (مع إنه مو قرض)
على فكره ..أحسن لك قرض السكن ...ويسامحونك تقريبا 30% منه ...يعنى تعادل 100 ألف أو حتى أكثر شويه ...

[واحد فاهم]

بس ي ولد العم القرض الأسكاني مطول وانا مابي قرض اسكاني " الله مرهي علي " ....
بس المشكله هم انطر دور ؟؟!! يعني بعد ما اكمل الشروط هم انطر 4 او 5 سنين

[جابر]

ما سمعت عن أى أفضليه تعطى للمنحه عن القرض ....كلهم ينصرفون مع بعض ..يعنى إنت ناطر ناطر ...على العموم تقدر تجيك مع Erd شوف هاضل عوض ..إذا ما حصلت عبدالله الراجحى ...

[على الدنيا السلام يا نفط]

يا جماعة ممكن احد يقولي متى الواحد يستحق بدل الاثاث بعد كم سنه خدمه ولا بس قدم

[جابر]

اخوي جابر بالنسبه لقرض المطاوعه مو 100 دينار شهري انا استفدت منه والخصم الشهري 10% انا استقطاعي تقريبا 60 دينار



يمكن لأنك ما أخذت المبلغ كامل ...أنت الظاهر ما خذ تقريبا 3000 دينار ..مو كل واحد يأخذ المبلغ كامل

[جابر]

يا جماعة ممكن احد يقولي متى الواحد يستحق بدل الاثاث بعد كم سنه خدمه ولا بس قدم

تخمين مافيه شى قبل 4سنوات ...ومتزوج ..وسكنك برا الشركه ...بس هذا البدل السعودى ...يعنى تقريبا 800 دينار تعطى مره وحده وتقسط عليك شهريا (تقريبا) 20 دينار ...
بدل الأثاث مال الكويت ما أدرى عنه ..
لكن دق على الشباب ...ترى عايض سعد هناك ووده يخدم ...أعتقد تلفونهم 2727

[على الدنيا السلام يا نفط]

مشكور يا اخ جابر على الرد ويعطيك العافيه بس في سؤال ثاني
الحين الي شاري بيت وبعد خمس سنوات يقدم على القرض بس حبيت اعرف هل هلى طول ولا فيها نطره

[على الدنيا السلام يا نفط]

نسيت اقولك شي يا جابر رديت وكتبت ثاني مره بس عشانك نكتب ثاني وثالث مره
يا اخي ودي يحطونك المراقب بالمنتدى لانك شغلك ميه ميه

مشاء الله عليك
او يسلمونك النقابة (( :D ))

[جابر]

عساك سالم ...حبيب ..بس نقابه..(لايحوشك) ...والله ماتدرى منو طقاقك .:o.
تراكض لمصالح الناس وتجتهد ...ويسجلونك غياب.. وأحيانا إنذارات ..ودرجتك تتأخر .....والعالم (شغاله) عليك ..:mad: لأن فيه كم واحد (لسانهم طويل) و(ذمتهم وسيعه ) و(يسوون أى شى علشان المركز) .....الكلام عام ..لحد يطلع لى ويقول أكيد تقصد ربعى :D

[جابر]

مشكور يا اخ جابر على الرد ويعطيك العافيه بس في سؤال ثاني
الحين الي شاري بيت وبعد خمس سنوات يقدم على القرض بس حبيت اعرف هل هلى طول ولا فيها نطره

مايفرق مع الشركه إنت شارى بيت والا لا ...كل واحد ودوره ..

[F_16]

القرض السكني يصل ال 80 الف دينار كويتي !! متأكد من المبلغ ؟؟
مافهمت شنو تقصد انه 20 % منحه !

ماشاء الله خوش قرض

بصراحة اللي مايشتري بيت ماعنده سالفه

[الشيبة]

القرض السكني يصل ال 80 الف دينار كويتي !! متأكد من المبلغ ؟؟
مافهمت شنو تقصد انه 20 % منحه !

ماشاء الله خوش قرض

بصراحة اللي مايشتري بيت ماعنده سالفه
يعني ال 80 ألف ترد منها 80% فقط مو 100%

[على الدنيا السلام يا نفط]

مشكور يا اخ جابر على الرد

وبخصوص القرض اذا خذيته انشاء الله لك مني هديه خاصه لك انت بس يعني شغل ظبطني واظبطك:D