هالشركه وين موظفينها kufpec

[Green Tea]

هذا موقعهم
http://kufpec.com/Kufpec/en-US

هي شركه كويتيه لاستكشاف النفط في الخارج . تابعه للمؤسسه

في احد هني يشتغل بهالشركه ؟

[Q8_oil]

أنا أول شي كنت أقول جذي و لكن لما إنقبل واحد من ربعي هناك عرفتها

عدد موظفينها مو أكثر من 600 موظف

[brilliant]

اي صح ليش مالهم منتدى هني

[Green Tea]

مهندس البورصه
ولو . ستميه موظف مو شويه!
اكيد اهما عندهم مشاكل واقتراحات نفسنا
ياريت اتقول حق اللي تعرفهم عن المنتدى



brilliant
مادري ليش مساكين ! حطولهم منتدى جود نشوفهم

[brilliant]

مايحتاج منتدى على شان تشوفينهم ,,, روحي للدريشه الي صوب محطة الكهرباء وبتشوفينهم بويهج :p

[Green Tea]

لوووووووول
انا اعرف ناس هناك
والله مكانهم شرح يونس

[فيصل العجمي]

السلام عليكم

صراحه ماكان عندنا خبر انه فيع موظفين كويتين في هالشركه داخل الكويت
وكنا نتوقع انه شغلها كله برى الكويت

لكن وين مقرهم في الكويت وهل فيه احد بالمنتدى من موظفين هذي الشركه؟

[brilliant]

موقعهم طال عمرك بين المؤسسة وبين ديوان الخدمه المدنية الجديد ,,, الموظفين في هالمبنى اداريين فقط اما المهندسين والتكنيكال كلهم برا الكويت في دول عربيه واجنبية

[engineera]

اي قريت عنها شركه الاستكشافات البتروليه شكله شغلهم حلو من اسم شركتهم يشوق :)

[brilliant]

يشوق بس احتمال الي يشتغل عندهم يحطونه في اليمن او ليبيا او الجزائر

[Green Tea]

--------------------------------------------------------------------------------


موقعهم طال عمرك بين المؤسسة وبين ديوان الخدمه المدنية الجديد ,,, الموظفين في هالمبنى اداريين فقط اما المهندسين والتكنيكال كلهم برا الكويت في دول عربيه واجنبية


لا انا اعرف مهندسين هناك يشتغلون بالتسويق والمبيعات ..وعندهم تحت قسم خاص كله حق المهندسين التكنيكال

[Green Tea]

اي قريت عنها شركه الاستكشافات البتروليه شكله شغلهم حلو من اسم شركتهم يشوق :)

الحلو فيها ان الموظفين مو وايد يعني اتوقع الةواحد بسرعه يوصل فيها

[Shoomy]

والله اللي انا اعرفه في موظفين كويتيين
والله يذكره بالخير واحد من الشباب كان معانا بدورة من الدورات وتخصصه محاسبه ويشتغل بالمحاسبه
بس الولد كثر ماقولكم كان هادي وماله حس ماتصدقون

عشان جذي يمكن مانسمع بالشركه واايد ولا مانعرف وين صايره لان موظفينهم هادييين ;)

تحياتي

[Green Tea]

والله اللي انا اعرفه في موظفين كويتيين
والله يذكره بالخير واحد من الشباب كان معانا بدورة من الدورات وتخصصه محاسبه ويشتغل بالمحاسبه
بس الولد كثر ماقولكم كان هادي وماله حس ماتصدقون

عشان جذي يمكن مانسمع بالشركه واايد ولا مانعرف وين صايره لان موظفينهم هادييين ;)

تحياتي

مو معقوله الشركه كلها هاديين لول
اتمنى نشوف احد منهم هني

[SOS_KW]

لتصحيح المعلومة عدد موظفي شركة كوفبيك يتراوح ما بين 100 - 120 موظف فقط لا غير

[Green Tea]

لتصحيح المعلومة عدد موظفي شركة كوفبيك يتراوح ما بين 100 - 120 موظف فقط لا غير

:confused::confused: بس ؟
يحليلهم

[SOS_KW]

لا وكلها محسوبية وواسطات

[Green Tea]

لا وكلها محسوبية وواسطات

إي هالشي عرفته من اول ما دشيت شركتهم:rolleyes:

[Shoomy]

داشه الشركه عندهم....؟؟؟؟؟

120 شخص؟؟ اقولج هادييين ومالهم حس

[Green Tea]

داشه الشركه عندهم....؟؟؟؟؟

120 شخص؟؟ اقولج هادييين ومالهم حس

اي داشه الشركة اشفيها ؟:confused::)
عادي مو وايد صخه ..

[Shoomy]

مافيها شي ... عادي خو ماقلت شي خو

الوضع طبيعي هناك مووو؟؟؟
يالله نروح عندهم؟؟

[Green Tea]

حده طبيعي عادي بارتشنات وتحت عندهم مطعم زعتر وزيت (اهم شي لووول)
وعادي في بنات وايد

[shayib80]

ماكوا شغل .....
:)

[kuf-1]

Hi guys, let me correct you information. We are 159 employees

[kuf-1]

ow tra 7adna 7adnaaa kash`7aaa :P

[Kufpec Employee]

شغلنا يونس؟؟ لاوانت الصاج حالنا حالكم،،، وفي موظفين كويتيين وايد بالمقر الرئيسي عندنا

[brilliant]

حياك الله اخوي kuf-1
ياليت تعطينا معلومات عن طبيعة العمل عندكم وعن الميزات والعيوب الي بالشركة

[kuf-1]

Established by its parent company KPC, KUFPEC is an international oil company, engaged in exploration, development and production of crude oil and natural gas outside Kuwait, active in Africa, Middle East, Asia, and Australia.

KUFPEC participates in joint ventures with similar companies in E&P of Oil and Gas both as an operator and partner.

Major Assets comprise of:
* Offshore and onshore exploration leases
* Oil and Gas properties and appraisal and development
* Oil and Gas producing properties

The corporate structure is divided into single corporate head office and 4 area offices in Tunisia, Indonesia , Australia and Pakistan.

Chairman and two DMD lead the head office, with 9 non-executive managers. The area offices are headed with presidents who are reporting to directly to the regional managers of the head office.

Key functions such as commercial, finance, human resources and information systems are centrally coordinated.

[brilliant]

Thanks kuf-1 for this value information and hope a greenness future for all employees there,,, regards and waiting your activity in our site.

[Green Tea]

عاد ليش بالانقليزي

[kuf-1]

لازم عربي؟؟؟:eek:

[Green Tea]

يفضل
احنا عرب:)

[scout leader]

لا ياجماعة كاني أنا أشتغل فيها بس بالكويت :)

[بنت كوفبك]

ترى ياجماعة كوفبك موضفينكم مظلمين ومحد يدري عنهم وبالتحديد الكويتيين والكويتيات

[scout leader]

ترى ياجماعة كوفبك موضفينكم مظلمين ومحد يدري عنهم وبالتحديد الكويتيين والكويتيات


ماتضيق إلا وتفرج

[ABDULLAH]

أخي سكاوت روح شوف في موضوع الحوامل و تشوف مشاركة تفضح الزيادة

[Kufpec Employee]

شنو فيه موضوع الحوامل و وين نلقاه أخوي؟

[scout leader]

شنو فيه موضوع الحوامل و وين نلقاه أخوي؟

تلقاه بالمنتدى العام (معاناة الحوامل بالأحمدي)

[نفط الكويت]

نفط الكويت للترجمة
معامل انيس عبيد - بالقاهره


انشأت من شركتها الأم مؤسسة البترول الكويتية kufpec هي شركة نفط دولية تعمل في الاستكشاف والتطوير والانتاج من النفط الخام والغاز الطبيعي خارج الكويت و في افريقيا والشرق الاوسط ، وآسيا ، واستراليا.

Kufpec تشارك في مشاريع مشتركة مع شركات مماثلة في اكتشاف و تصدير النفط والغاز على حد سواء باعتبارها المشغل والشريك.

الاصول الرئيسية تتألف من :
* الاستكشافات البحرية والبريه بنظام العقود
* تقييم الممتلكات والتنمية للنفط والغاز
* انشاء ممتلكات عمليات النفط والغاز

هيكل الشركة ينقسم الى المكتب الرئيسي و4 مكاتب في تونس واندونيسيا واستراليا وباكستان.

رئيس Chairman أعتقد فهد العدوه واثنين DMD مع 9 مديرين غير تنفيذيين في المكتب الرئيسي.
يرأس المكاتب الخارجية الرؤساء الذين هم بدورهم يقومون بالتقارير مباشرة الى المديرين الاقليميين من المكتب الرئيسي.

المهام الرئيسية مثل التجارية ، والتمويل ، والموارد البشريه ونظم المعلومات تكون منسقة بشكل مركزي.


THE END

[The^Queen]

نفط الكويت



احسنت
شكرا

[Kufpec Employee]

ياعيني عليك يا نفط الكويت،، انا اللي بالشركة توني ادري ببعض التفاصيل التي ذكرتها، :)

[نفط الكويت]

هذا و انا مالي خلق شلون لو صرت مستانس و انا اترجم احط لكم صور بعد هههههههههههه

[Kufpec Employee]

هههههههههههههههههههههههههه يعطيك الف الف الف عافية

[Kufpec Employee]

http://www.q8ow.com/vb/showthread.php?t=1944 هذا الرابط مسويتة الزميلة تقدر تشوف الصور وكل شي