احذر من مستشفى طيبة

[kuwaiti_965]

بسم الله الرحمن الرحيم


احبتي

بناءا على الخصم المقدم لاعضاء الجمعية العمومية لنقابة العاملين بشركة نفط الكويت من قبل مستشفى طيبة

قمت بزيارة المستشفى بعد ان عانيت من مسمار لحم في قدمي


ففوجئت بان الدكتورة الفاضلة تطلب مني تحديد موعد لعملية كي وان اكون مستعد لتحمل الالم وعدم الحركة لمدة خسة ايام

تبون الصج ان اخفت

بس قلت لا لا اكيد انه مافي حل غير هذا الحل

لكن قمت بزيارة عيادة اخرى

فكانت الطامة

العلاج عبارة عن دهان قيمته دينارين

هنا نعرف انه هذا المستشفى الخاص همة الكسب المادي فقط لا غير وانه لا

[سالم الخالدي]

أعوذبالله


هذه مصيبة وطامة هذه المستشفى

التكسب المادي وكأنهم مرتزقة


شكرا على النصيحة

[ALI 07]

اقسم بالله ان بالي كان مو مرتاح منه لكن الان ثبت شرعا

[ALI 07]

الاخ كويتي مشكور وجزاك الله خير

[فهد شموه]

الإستثمار حتى وإن كان على حساب أرواح البشر
:(:(:(:confused::confused::confused:
"لا حول ولا قوة إلا بالله"
ما تشوف شر أخوي kuwaiti_965

[om 3zooz]

كنت اودي عيالي هناك اذا حاشهم برد ,, توقعت يعطونهم دوا كحه او مضاد حيوي ,, لكن الطامه الكبرى لما وصفولي ابره لازم اعطيها حق ولدي كل يوم واهي عباره عن مضاد حيوي ,, انا استغربت ليش عطووه ابر مو دوا شراب عادي ,, طبعا سعر الابره عشر دنانير ولازم اعطيه لمدة 5 ايام ,, ماعلينا من الفلوس اهم شي صحة عيالنا ,, في النهايه ما اشوف الا طلع بجسم ولدي حساسية قويه لما وديته عياده ثانيه قالوا لي ان المضاد الحيوي كان قوي عليه وعلى جسمه مقارنة مع وزن الياهل الله يسامحهم

[khaled85]

يا جماااااااعة الحذر من طيبة كلينيك والله احذركم منه لان الاخطاء الطبية اللي تصير فيه غير محدودة والاهل جربوه والتشخيص والعلاج كله غلط بغلط دروا بالكم

[جونم جقرم]

اللـه يعطيـك العـــافيـة والصحــة

وعسـا اللـه يكفيــنا شر الأخطـاء الطبيـة

ونتمنـي الصحـة والعـافيـة للجميـع

[الخبير الفني]

شباب وش رايكم انا مره رحت ابي دكتور جلدية وتناسلية قالوا لي فيه دكتورة !!

قلت لهم انا رجال شلون دكتورة تكشف على رجال قال لي موظف الاستقبال دكتورة وتكشف !!!

يعني مشي حالك !!!!

[kuwaiti_965]

لا اخوي وفوق هذا
لما رحت اراجع عندهم قالولي بس دكتورة وحدة مالك غيرها
ولما قررت عملية كي وطلع جدول مواعيدها مليان من المساكين قالو اشرايك انخلي الدكتورة الثانية تسويلك العملية افا ليش انتمم توكم تقولون مافي اللا وحدة الثانية منين اطلعت

تدري يعني شنو

يعني الاولى طايح سوقها وبيجبرون اي مراجع جديد انه يمر عليها وافهم الباقي

[lossi]

إخواني الأعزاء

يرجى مقاطعة هذا المستشفى الذي تسبب بوفاة المرحوم أحمد الرومي (زميلنا بشركة البترول الوطنية الكويتية-مصفاة ميناء عبدالله)

[تايتنك]

'المرحوم زميلنا احمد الرومي من احد الضحايا

[KNPC15]

اذا رايح فيها والاحمدي اخس منه !!

وين نودي عيالنا ؟؟

[Bluriver86]

دار الشفى زين

[Al Engleezi]

أنا ماأقول إلا "من أمن العقاب أساء الأدب" الظاهر إلي يحمبنا من هل الناس موعارفين أو فاهمين شغلهم!!

[mtm]

مشكورين على التعميم والتحذير

ولحد يخش بقلبه شي

[مراقب الاحمدي]

مستشفى طيبة انف واذن وحنجرة والباقي خرطي

[WAFRAWEY_Q8]

يعطيك العافيه اخوي عالنصيحه
واجر وعافيه ما اتشوف شر
هم احسن من الحكومه لو رايح الحكومه جان قالوعلي طول يقصبون الريل

[YOU^AND^ME]

مستشفى طيبة انف واذن وحنجرة والباقي خرطي

والله توني بغيت اقول ان هالمستشفى مافيه الا انف واذن وحنجره وانت سبقتني

وعلى فكره اخوي مركب ضرس ثابت في هالمستشفى المفروض انه ثابت بعد فتره والآ الضرس يتحرك

خطير هالمستشفى ..!!

المشكلة انه في قسم للولادة الله يستر علي الناس .!!

[Bo Nayef]

ياجماعة.. لاتهولون الموضوع- صح مستشفى طيبة تجاري لكن مو معناتة العلاج عندة كلة غش- يعتمد على الدكتور في المقام الأول- بعدين ماتقدر تحكم عليه بس من طبيب واحد- وللعلم الطبيب صح شغلة-- نعم في كذا علاج لمسمار اللحم ومنها الكي- نفس الشي صار لي في مركز السالمية التخصصي اللي بالسالمية عالبحر- وهو حكومي- قالي الدكتور علاجك ابياخذ وقت طويل- وراح احتاج جلسات كي كثيرة وكتب لي مرهم- لكني ولله الحمد ليقيت علاج اسهل واحسن مليون مرة

واللي هو السباحة والتغطط في حمام السباحة- واللي يكون فية مادة الكلور اللي تقتل مسمار اللحم بشكل مدهش- وهذا الشي امجرب حتى على كل اخواني.

كل ماعليك فعله هو تغطط في حمام السباحة مدة ساعة لمدة اسبوع او اقل وشوف الفرق- وقول بونايف ماقال.

وسلامتكم.