اجازة + دورة خارجيه (ممنوع)

[brilliant]

السلام عليكم


من اغرب القرارات الي سمعناها من توظفنا بهالقطاع هو قرار العضو المنتدب للتدريب بخصوص منع اخذ اجازه بعد دورة خارجية ,,, والسبب هو انك ما تركز بالدوره وانت عندك اجازه بعدها !!!
ما دامت التذكره مدفوعه والاجازه من الرصيد الخاص ليش هالقرار المليئ (( بالحسد ))
عامل الموظف باحترام يرد لك الجميل باجمل

اتمنى من صاحب هالقرار اعادة النظر فيه

[عبدالله العصيمي]

فعلاً قرار عجيب ليس له مبرر مقنع إذا كان مبرره فعلاً هو ما ذكرت أخوي brilliant

ونتمنى إعادة النظر فيه

[Future man]

اتمنى من الأخوة القائمين على هذا المنتدى نقل هذا الموضوع الى منتدى Kpc

لأن هذا القرار خاص بموظفين المؤسسة وشكرا

[dehen_3ood]

اخوي يمكن هالقرار مطبق على بعض الأقسام او الإدارات !!

لأن الغالب نشبك إجازاتنا السنوية او ناخذ إجازة جزئية قبل او بعد الكورس الخارجي !!

[brilliant]

القرار مطبق في المؤسسة من قبل شهر تقريبا وانا شفت الكتاب بعيني لكن العضوا المنتدب للتدريب قراراته مطبقه على جميع الشركات فاعتقد انه على الجميع

[mofraka]

السلام عليكم


من اغرب القرارات الي سمعناها من توظفنا بهالقطاع هو قرار العضو المنتدب للتدريب بخصوص منع اخذ اجازه بعد دورة خارجية ,,, والسبب هو انك ما تركز بالدوره وانت عندك اجازه بعدها !!!
ما دامت التذكره مدفوعه والاجازه من الرصيد الخاص ليش هالقرار المليئ (( بالحسد ))
عامل الموظف باحترام يرد لك الجميل باجمل

اتمنى من صاحب هالقرار اعادة النظر فيه

أخي العزيز التعميم الصادر من العضو المنتدب للتدريب يذكر فيه أن سبب منع الموظف إجازة قبل وبعد الدورة هو الإستفادة من المال العام ( مال الدولة ) يا عيني .

طيب لو الواحد واجه ظروف وما قدر يرجع الدوام بعد دورته شنو الإجراء المتبع .

وبعدين مو ضروري العضو المنتدب للشئون الإدارية يمشي على كلام العضو المنتدب للتدريب .

بس ما أقول إلا الله المستعان .

[brilliant]

شلون مال الدوله والتذكره اصلا مدفوعه سواء رد بعد الدوره او اخر الرده ,,, والاجازه من الرصيد الخاص ولا فيه يوميه تمشيلك الا بالدوره

كم المبلغ المقصود الي بيرد للمال العام اذا رد مبجر ؟!!

[mofraka]

إحنا شنو مودينا ورى غير هالقرارات الطايشة

المشكلة كل واحد يصدر قرار والثاني يطبقه

أنا سألت في شئون الموظفين وقالولي مالك شغل بهالقرار
لكن مديري زين ما ينطرني بالمطار من الخوف

[إعلامية KPC]

بصراحة قرار اول مرة اسمعه
خو اكثر ناس مستفيدين من الدورات مع الاجازة هي دائرة الاعلام
صيفوا كل موظفينها باروبا هذه السنة ههههههه
دورة واجازة شتبون بعد

[brilliant]

بصراحة قرار اول مرة اسمعه
خو اكثر ناس مستفيدين من الدورات مع الاجازة هي دائرة الاعلام
صيفوا كل موظفينها باروبا هذه السنة ههههههه
دورة واجازة شتبون بعد

اختي اعلامية اذا الدائرة اقرت للموظف دوره في اوربا واخذ بعدها اجازه من رصيده بعد التنسيق مع زملائه فعليه بالعافيه لانها اجازته الخاصه وشبكها مع الدوره

[إعلامية KPC]

اختي اعلامية اذا الدائرة اقرت للموظف دوره في اوربا واخذ بعدها اجازه من رصيده بعد التنسيق مع زملائه فعليه بالعافيه لانها اجازته الخاصه وشبكها مع الدوره

صح كلامك صحيح
بس السؤال يلي يطرح نفسه
هل فعلا اختيار هذه الدورات كانت للفائدة او للاستغلال من ثمن التذكرة ؟؟؟؟؟
حيث ان اغلب تلك الدورات كانت بدول 5 نجوم

اخي الكريم
ليس الخطأ بتمتع الموظف باجازته
بس ما اروح انا اخذ دورة بسويسرا لاني ريلي حابب يصيف هناك هذه السنة ؟؟؟؟؟؟

[brilliant]

الموظف عند اختياره اي دوره لازم يوافق عليها الكوردينيتر ومن بعدها المدير وبعدها تنتقل لقسم التدريب ويوافقون عليها اعتقد ان هالدوره الي وافقوا عليها كل هالاشخاص معناتها انها دوره بتفيده ,,, اما من ناحية الاماكن الجميله فالحين شركات التدريب تتنافس في اختيار الاماكن الجميله وتحط دوراتها فيها من باب التنافس والناس تختارهم وهالشي مايمنع الموظف يروح هالاماكن خاصه الحين كل دورة يكون فيها اكثر من مكان تختارينه يعني اختاري المكان الي تبينه وفي الوقت الي تبينه وهالشي حلو ويفتح النفس واذا صادفة واخذ معها اجازه خله ياخذ اجازه لان الموظف يستاهل اكثر من هالشي

[إعلامية KPC]

عاد تدري اخوي
انا ما ادري انت وين عايش
اتمنى بان اتحلا بهذه النظرة التفائلية التي لديك
ولكني اعتقد بانك موظف حديث بالمؤسسة
على العموم الايام قادرة على اثبات الكثير والكثير من وضعها الراهن
واتمنى فعلا ان يتم تحقيق هذه النظرة التفائلية لديك في المؤسسة

واخيرا شفت واحد متفائل ههههههههههههههههههههه

[Safety First]

الدورة والاجازة حق من حقوق الموظفين ولا مانع من دمج الاجازة سواء قبل الدورة أو بعدها مع أجازة الدورة

ان صح كلامك أخي العزيز فأنة من وجهة نظري قرار خاطيء مع العلم بأني لم أسمع من قبل عن هذا القرار

وشكرا

[العضو المنتدب]

هنالك لائحة من مؤسسة البترول وللشركات التابعة يمنع إلحاق الإجازة مع الدورة الخارجية قبل أو بعد إلا بعد أخذ موافقة نائب العضو المنتدب وتوجد دوائر تمرر مثل تلك الأمور دون أخذ اذن نائب العضو المنتدب لأنك في الكويت :)

[brilliant]

ونائب العضو المنتدب ماعنده شغل غير هالاجازات

[PANADOL_NiGHT]

قاعده عند اغلبية المدرا اذا يبي يوفر ولا يتخذ قرار جديد اول ما يشوف الموظفين يهد الشغل كله ويدور على الموظفين

[العضو المنتدب]

ونائب العضو المنتدب ماعنده شغل غير هالاجازات

بعد هذا اللي حاصل - يمكن لأنه فاضي بيعمل قاضي

[kpc world]

أقول إعلامية

من اسلوبك إنتي وحده عمرها مو طالعه دورة خارجية ، ولا مو موظفة كويتية ، روحي ديرتش إخذي دورات على كيفش وإذا مو
عاجبتش المؤسسة طلعي منها أحسن ...

عليهم بالعافية كل موظفي المؤسسة قاعدين بديرتهم وخيرهم وكيفهم

[Element_X]

انزين يا جماعه واللى كله ياخذ مستحقات الدوره ويطنش ما يروح وسواها اكثر من مره ولا احد كلمه شنو هذه ؟

[غيوره جدا]

انزين يا جماعه واللى كله ياخذ مستحقات الدوره ويطنش ما يروح وسواها اكثر من مره ولا احد كلمه شنو هذه ؟

هذا اللي يطلق عليه الواصل بكل ما تحمله الكلمه من معنى

وبنفس الوقت هو شخص محبوب و تطبق عليه سياسة حبتك عيني

هو شخص فتيني احيانا و احيانا دمه خفيف للضروره

ومما لا شك فيه هو جعصصصص بالدرجه الاولى و يحب المال حبا جما و يميل الى الحرمنه

[بنت كوفبك]

هل هذا القرار يشمل المؤسسات التابعه ولا بس مؤسسة البترول

[brilliant]

يقولون الي بالشركات الثانيه انه ما يشملهم بس بالمؤسسة اكيد

[sosha]

brilliant
ترى على المزاج.. مديري يقول لا و تهو يطلع اجازه عقب كل دوره او مؤتمر او انشاءالله غبقه المؤسسه!
كحيانيين

[L'operatore]

قرار غريــب ومالـه داعي ..

[بترولي2000]

من قال ؟؟؟

كاهو الكوردينتر مالنا مسويها !!!!!!
بالصيف بعد ..كورس + إجازة .....

لا و مو أى كورسات ..نقوة :) عليهم بالعافية

[h2s]

إن دل هالقرار على شيء
مهو يدل على حقد وحسد صاحبه
اشعرفة اهوا بشخصية الناس او اشلون راح يفكرون أهو مسئول ولا محلل نفسي
الظاهر أن المناصب هالأيام معناها قرارات غبية وحسودة وحقودة مو معناها قيادة ومسئولية
وعلى فكرة لو كان الشخص الي رايح كروس خارجي ولده او واحد يصيرله كان عطاه شهر زيادة بعد مدة الكورس مجانا من الشركة
بحجة انة يعدل نفسيته بعد الكورس وينج اكثر في شغله

[Jassem-76]

وين النقابه عن الموظفين الغلابه- الظاهر يبي الموظفين تشتري تذاكر من الكويتيه للسفره الثانيه

[كعبول]

وين النقابه عن الموظفين الغلابه- الظاهر يبي الموظفين تشتري تذاكر من الكويتيه للسفره الثانيه

جسوم انته Koc ... شكو داش هني عند Kpc

ياحبك حق اللقافة

[koc-76]

جسوم انته Koc ... شكو داش هني عند Kpc

ياحبك حق اللقافة
دام اني موظف بالقطاع النفطي لازم اوقف مع كل الاخوه بالقطاع(الحين واحد يطلعلي ويقول يبي يرشح نفسه للنقابه)

[نفطية أصيلة]

والسبب هو انك ما تركز بالدوره وانت عندك اجازه بعدها !!!
ما دامت التذكره مدفوعه والاجازه من الرصيد الخاص ليش هالقرار المليئ (( بالحسد ))
عامل الموظف باحترام يرد لك الجميل باجمل

أي شييييييييييييييييييييييييييييي !!!! الظاهر المسؤول كارفينه وما يقدر يطلع إجارة فحط الحرة بالموظفين ...شكووووووووو الموظف ما يركز !!!! أي شي !!