يـا صانـع المكيـاج الله يجـازيـك

[MR HANDSOME]

:pيـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

3.
طالعتها ثـم قلـت هالقلـب يبغيـك
ومن شاف حسنك خلى غيرك يولـي

4.
ابغي اشوفـك دون مكيـاج يكسيـك
وابغـي اشوفـك بالجمـال المحلـي

5.
قالت تبينـي افـرك الوجـه تفريـك
واشيل هالبـودر وروجـي وكحلـي

6.
قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

[فيصل العجمي]

ههههههههههههه

المكياج نعمه

بس الله يجزاك خير حنا في العشر الاواخر

[HUMMER]

صح لسانك بس احنا برمضان كل شي يبين طبيعي وياما تحت السواهي دواهي
هههههههههههههه

[PIC]

راعي المكياج مسوي فينا معروف

ولا كان علوم!!!!

[المتمكن]

راعي المكياج مسوي فينا معروف

ولا كان علوم!!!!

انشهــــــــــــــــــــــــــــــــــــــــــــــ ــــــد
انــــــــــــــــــــــــــــــــــك
صــــــــــــــــــــــــــادقـــــ

[SR.FIREMAN]

الله يرحم من سواه ولا حريمنا ما تنشاف من غيره

[fireeccc]

راعي المكياج مسوي فينا معروف

ولا كان علوم!!!!

ومعروف كبير بعد :)

[BG. 1]

نعمة من الله المكياج من أجل تقبل بعض من الجنس الأخر
صح لسانك علي القصيدة

[norema-sarto]

كل شي له عيوب وله مزايااااااا

في ناس تحط بالمعقول ...والناس الثانية بخبال

فشلونا الله يجازيهم ....بس الضرورة لها أحكام

[H.A]

راعي المكياج مسوي فينا معروف

ولا كان علوم!!!!

هههههههههههههههههههههههههه

[الفصول الأربعة]

لا حرااااااام لاتظلمون البنات.
ياما البنات من جمالهم مو حلو عليهم المكياج

[CatwomaN]

كل شي له عيوب وله مزايااااااا

في ناس تحط بالمعقول ...والناس الثانية بخبال

فشلونا الله يجازيهم ....بس الضرورة لها أحكام

اييه والله لا اتعمووون .. في ناس بل هبل اتحط هل اخضر والاحمر و الازرق (أصباغ همبل )اتقوول لوحة اعلانات .. و في ناس خفييف و ناعم ..

[جونم جقرم]

يا الربع لو ينقطع المكياج من طويلة :D

وش راح يكون موقف البنات من الأعراب :rolleyes:


-------> كآآآآآآآآآآآآآآآآآآآآآآآآآآك :D:D:D:D

[ABDULLAH]

المملوحة لن تحتاج المكياج إلا وضع رتوش خفيفة و تعرف أين نقط جمالها

و المسكينة الجيكرة أو اللي ما تعرف نقاط الجمال اللي فيها تحط أصباغ

همبل و جي تي سي بالهبل و بدال ما تكحل السالفة تعميها :)