اقتراح وارجو من الاخوه والاخوات الادلاء بارائهم

[بترولي]

اقترح بان يكون هناك تنسيق مابين اتحاد نقابات البترول وجمعيه الاطباء الكويتيه بخصوص الكادر والزياده. اعتقد بالطريقه هذه والتعاون راح يكون الصوت والضغط على متخذ القرار اقوى. ولا شرايكم؟

[جابر]

ممكن تكون فكره حلوه ...:)
لكن أنا أشوف إن عمال البترول أقوى جسم عمالى فى البلد.. ومو محتاجه إنها تربط نفسها بأى جهه ثانيه ..
إذا الشباب بالإتحاد كانوا قد المسئوليه فهم مو محتاجين إلا الدعم من عمال البترول ..وإذا ماكانوا ..فالأتفاق مع الأطباء أو غيره ماراح يجيب نتيجه ....:(

هناك من الشباب من أقترح حل جميع النقابات وبالتالى الإتحاد :) كحل أخير لهالمشاكل اللى جايبتنا كتاف ولا قادرين ناخذ من هالشركات النفطيه لا حق ولاباطل ... ننطر ونشوف .. ديوان الخدمه شيقول ..يا إنه يطلق طلقة الرحمه على الإتحاد(فى حالة رفض الزياده) أو يعطينا اللى نبى .. أو يصمل الإتحاد ويبيعها و يضرب
ويعلق مسئولية فشل الإضراب (إن فشل لا سمح الله) على النقابات المعارضه (إن وجدت):(

[نفطي1]

بل عكس الربط مع الاطباء يكبر المساله خلونا بروحنا احسن

[Planning]

فكرة جيد بل هي افضل الأقتراحات ويفضل أن يشتمل على الكويتية أيضا ليكن مطلب جماعي وموحد

[فيصل العجمي]

اعتقد انه من الأفضل لنا كعاملين في القطاع النفطي ان تكون مطالبتنا للزياده لوحدنا دون التنسيق مع اي جهه اخرى
لانه في حال كان مطلب جماعي من اكثر من جهه فمن المحتمل ان يقوموا بتقليل مبلغ الزيادة او تأخيرها
بعدين وضع القطاع النفطي قوي ومن المفروض ان نكون نحن لوحدنا مصدر تأثير.

[bo-saleh]

هذا ان ادل فانما يدل على ان القطاع النفطي ضعيف ومهزوز لكي تقويه جمعية الأطباء

مع احترامي لرايك لكن انا اقول انه بالتنسيق هذا اللي تقول عنه نكون هدمنا هيبة القطاع النفطي بأيدينا لانه الحمد الله مومحتاجين لهم

ياخي والله لو قسم واحد يضرب بالنفط تشوفهم يجونك ركض

[Green Tea]

بالعكس انا اشوف لو نكون بروحنا احسن وايد
الاطباء وعليه والله كاسرين خاطري بس لا تخافون اذا بيزيدوننا بيزيدونهم بس انا اشوف ان نقابتنا اقوى من نقابتهم

[كويتي و بس]

انا بصراحه بديت اتحسف على خصم الدينار من معاشي كل شهر علشان نقابة شركة نفط الكويت
لو اعطيه البنغالي بالدوام علشان يغسل سيارتي ابرك من النقابة!