صندوق المؤسسة!!! [الأرشيف] - منتدى العاملين بالقطاع النفطي الكويتي

engineera

11-08-2007, 03:13 PM

السلام عليكم

حبيت اتفيدوني بشغله احنا ينخصم من معاشنا للتأمينات وهذا شي اجباري ..اما صندوق المؤسسه اللي يخصمون 2.5% هل هالشي اجباري ؟!! واقدر اطلع منه اذا مابي يخصمون !!وشالحكمه من هالصندوق دام في تأمينات؟ انا للحين موفاهمه!!:confused:

مواطن

11-08-2007, 03:17 PM

تقدرين تطلعين منه بس ما انصحج ....الحكمة منه انه اذا تقاعدتي عقب عمر مديد وصحة وعافية ...بشروط محددة يمشي لج راتب منه بعد

SCC

11-08-2007, 04:10 PM

الصندوق يعطي راتب تقاعدي (معاش الصندوق) بسقف 500 دينار * 95%

الموظف يدفع 2.5% حتى سقف راتب 1750
الشركه تدفع 5%

ممكن الانسحاب الاختياري باي وقت والحصول على المبالغ المدفوعه + عائد الاستثمار

اه ياكويت

11-08-2007, 05:43 PM

ما انصح تنسحبين منه مثل مافسرو الاخوان وحتى لو ماطابقتي شروطها راح يرجعون المبلغ الي خذوه منك + فوائدها لما تتقاعدين عقب عمر طويل

engineera78

11-08-2007, 06:38 PM

و انا كذلك ما انصحج بالانسحاب لان فايدتها بالمستقبل راح تظهر

ملح المقوع

11-08-2007, 07:48 PM

نصيحه لاتنسحبين لان صندوق المؤسسه يعتبر مكسب للعاملين في القطاع النفطي.

جابر

11-08-2007, 10:17 PM

حسب علمى :
الصندوق يحسب مثل التأمينات ...وحده 500 دينار ... أحسبه مثل معاش ثانى :)
يعنى لو الموظف مشارك فيه 15 سنه .... يأخذ 65% .... يعنى 325 دينار
كل سنه تزيد 2% .. وبحد أعلى 30 سنه ...
اللى مشارك 25 سنه ... يأخذ 65% + 10سنوات*2% = %85 ---- يعنى 425 دينار ..

engineera

11-09-2007, 12:22 AM

جابر

11-09-2007, 06:49 PM

اهاااااااااااااااااااا........الحين فهمت ...شكرا شكرا جزيلا
بس هم ممكن طلب اصغيرون شنو يعني سقف الراتب 500!! يعني اللي معاشه اكثر من 500 ولا شنو!!!

وجابر اشلون سوييت حسبتك ممكن ماعليك امر اتفهمني:) اذا ممكن طبعا

ممكن ونص .. الجميع فى المنتدى لخدمة الجميع :)
لا مالها علاقه بالراتب ..و للفراش والمدير واللى درجته 1 أو 100 ماكو فرق مادام موظف ومشارك واللى يطلع لك حسب خدمتك.
الصندوق يقول أنا حدى 500 دينار (نظريا)...
لكن فعليا ما فيه أحد يستلم أكثر من 475 دينار شهريا (95% من قيمة الصندوق)

الحسبه :
إذا إنت مشاركه 15 سنه بالصندوق (حد إدنى) تأخذين 65% من ال 500 دينار .... نسبه ثابته (يعنى لج ..325 دينار )
لو مشاركتج بالصندوق (مثلا) عشرين سنه
لج 65% عن ال 15 سنه الأولى و ... كل سنه إضافيه لج 2% ... يعنى ال5 سنوات لج فيهم 10%
النتيجه = 65% (عن 15 سنه) + 10% (عن 5 سنوات الباقيه) ----> لج 75% من الصندوق(500 دينار)

الزبده (خدمة 20 سنه ) ---> 75% *500 دينار ---->375 دينار (هذى من الصندوق يعنى فوق راتب التأمينات):)

زين ولا بعد ياباش مهندسه :)

Element_X

11-09-2007, 07:15 PM

والله اللى اعرفه انا انه اى تعيين من بعد 1-1-2007 صار اجبارى الاشتراك بالصندوق واللى ماكان مشترك يقدر يشترك قبل 1-1-2007 ويتم عمل حسبه معينه لتغطيه فتره تعيينه او الاشتراك من تاريخ 1-1-2007 بدون ضم الفتره السابقه بس الاكيد والمهم انه الاشترك صار غصبن علينا

مواق

11-09-2007, 08:35 PM

مع الاسف ان اغلب الموظفين الذين رواتبهم متدنية مايعرفون شي عن قوانين الاشتراك بالصندوق . وايضا مع الاسف ان الموظفين المستفيدين من الصندوق مايقولون الحقيقة المرة عن شروط الاستفادة من الصندوق للموظفين اللي رواتبهم متدنية واملهم بالاستفادة من الصندوق مثل امل ابليس بالجنة .

engineera

11-09-2007, 10:10 PM

مشكوووووووووووور ياجابر كفيت ووفيييييييييييييييت

element_x ايييي انا وقعوني على ورقة انه اجباري حتى مادري شالسالفه كنت مابي اوقع لوول

مواااااااق...ماعليك امر ممكن توضح اكثر يا اخوي وهل شفت احد متضرر من الصندوق ..

Bo Hadeel

11-09-2007, 10:10 PM

حلوة غصبن علينا عجبتني:))

اذا تبون الصراحة وايد شغلات صارت غصبن علينا ويا خوفي يا اخوي الزيادة منهم

العضو المنتدب

11-09-2007, 10:30 PM

بارك الله فيك أخوي جابر على التوضيح

جابر

11-09-2007, 10:39 PM

مشكوووووووووووور ياجابر كفيت ووفيييييييييييييييت

بارك الله فيك أخوي جابر على التوضيح

من عمليات الخفجى المشتركه .:D. وعبر 009663 ( فتح خط الخفجى) نقول للجميع حنا بالخدمه :D

مواق

11-09-2007, 11:09 PM

الحسبه :
إذا إنت مشاركه 15 سنه بالصندوق (حد إدنى) تأخذين 65% من ال 500 دينار .... نسبه ثابته (يعنى لج ..325 دينار )
لو مشاركتج بالصندوق (مثلا) عشرين سنه
لج 65% عن ال 15 سنه الأولى و ... كل سنه إضافيه لج 2% ... يعنى ال5 سنوات لج فيهم 10%
النتيجه = 65% (عن 15 سنه) + 10% (عن 5 سنوات الباقيه) ----> لج 75% من الصندوق(500 دينار)

الزبده (خدمة 20 سنه ) ---> 75% *500 دينار ---->375 دينار (هذى من الصندوق يعنى فوق راتب التأمينات)
عزيزي جابر ماذكرته صحيح ولكنك لم تذكر الشروط التعجيزية للصندوق ..
الزبدة ان هذا الكلام المكتوب لاينطبق على اغلب الموظفين . والمستفيد الوحيد هو الموظف الذي تعدى راتبة عند التقاعد 1700 لمدة ثلاث سنوات . وعمره طاف الخمسين .

Phox

11-10-2007, 01:43 AM

طبعا بعد سؤال مستشارنا الشخصى

قال ان الخصم كان 1.5% من اجمالى الراتب بحد اقصى 1300 دينار (اذا صار معاشك 1500 او 1600 يتمون يخصمون 1.5% من 1300 واللى فوقها مالهم شغل فيه) وتقدر تستفيد منه بشكل كامل اذا خدمت 30 سنه او طلعت تقاعد طبي بعجز فوق 50% بحد اقصى 500 دينار (الفعلى يمكن 495 دينار)

قتله ان الخصم صار 2.5% فقالى مادرى مو منتبهه اذا زادوها والا لا :D

اخوى مواق

ممكن نعرف الشروط التعجيزيه ؟!! اول مره اسمع فيها صراحه

mmkmoh

11-10-2007, 04:38 AM

نصيحه لاتنسحبين فيها فايده حلوه بعد التقاعد بعد عمر طويل انشالله

engineera

11-10-2007, 10:03 PM

مشكورين ويعطيكم العافيه على الردود
و phox انا قارية كتبيهم اللي مافهمت منه شي غير انه ياخذون 25%:(

وايد مو ....

مواق ممكن ت لو سمحت تقولنا عن الشروط التعجيزية؟؟لو سمحت واذا ممكن

جابر

11-10-2007, 10:42 PM

عزيزي جابر ماذكرته صحيح ولكنك لم تذكر الشروط التعجيزية للصندوق ..
الزبدة ان هذا الكلام المكتوب لاينطبق على اغلب الموظفين . والمستفيد الوحيد هو الموظف الذي تعدى راتبة عند التقاعد 1700 لمدة ثلاث سنوات . وعمره طاف الخمسين .

هلا والله بأخونا مواق .. ماذكرت الشروط التعجيزيه ..لأنى ما كنت أعرف عنها شى وكل اللى أعرفه حطيته:D
صح أنت ما تستلمه إلا إذا وصلت الخمسين .. هذا صحيح ....:)
بس ما أعتقد إن هذا تعجيزى ... اللى محتاج الراتب ماراح يطلع تقاعد قبل خدمه طويله ، وراح يوصل الخمسين ..:)
وتنطبق عليه شروط الصندوق .

واللى يتقاعد قبل الخمسين (شوف رد أخونا Scc بالأسفل :))
الصندوق يعطي راتب تقاعدي (معاش الصندوق) بسقف 500 دينار * 95%

الموظف يدفع 2.5% حتى سقف راتب 1750
الشركه تدفع 5%

ممكن الانسحاب الاختياري باي وقت والحصول على المبالغ المدفوعه + عائد الاستثمار

مواق

11-11-2007, 01:26 AM

اهلا وسهلا بك اخوي جابر :
بس ما أعتقد إن هذا تعجيزى ... اللى محتاج الراتب ماراح يطلع تقاعد قبل خدمه طويله ، وراح يوصل الخمسين ..
وتنطبق عليه شروط الصندوق .

هل كل موظف خدم بالشركة 30 سنة بلغ عمره 50 تنطبق علية شروط الصندوق ؟.
الجواب طبعا لالالا !!!!. ولماذا . لأن لابد ان يكون مكتمل الشروط .. طيب وماهي الشروط .. الشروط ان يكون راتب الموظف 1700 او تجاوز 1700 قبل تقدمه للتقاعد بثلاث سنوات !!!!!!... هذه احدى الشروط وليس كل الشروط .. سؤالي لك يا اخ جابر وبما انك موظف بالقطاع النفطي هو : كم موظف وموظفة تجاوز راتبه 1700 ؟. وكم موظف وموظفة (ركز على موظفة ) بالشركة خدم بالشركة 30 سنة .

ممكن الانسحاب الاختياري باي وقت والحصول على المبالغ المدفوعه + عائد الاستثمار

هذا الكلام صحيح ولكن لماذا استثمر جزء من معاشي في الصندوق وانا متأكد ان الشروط لاتنطبع على راتبي . حلوه هذه عائد الاستثمار ... لو استثمرت نفس المبلغ المستقطع من الصندوق بأي شركة مالية او بنك سوف يكون العائد مضاعف ..
وآخيرا اقول :
الموظفين الذين لاتنطبق عليهم شروط الصندوق لو قاموا بالانسحاب فسوف تتغير الحسبة او يلغى الصندوق .

زهرة التوليب

11-11-2007, 08:27 AM

لا طبعا صندوق المؤسسة مو اجباري
وتقدرين تطلعين منه

بس اذا تبين ترجعين مره ثانيه يخصمون من معاشج من تاريخ توظيفج

Phox

11-11-2007, 02:21 PM

اهلا وسهلا بك اخوي جابر :

هل كل موظف خدم بالشركة 30 سنة بلغ عمره 50 تنطبق علية شروط الصندوق ؟.
الجواب طبعا لالالا !!!!. ولماذا . لأن لابد ان يكون مكتمل الشروط .. طيب وماهي الشروط .. الشروط ان يكون راتب الموظف 1700 او تجاوز 1700 قبل تقدمه للتقاعد بثلاث سنوات !!!!!!... هذه احدى الشروط وليس كل الشروط .. سؤالي لك يا اخ جابر وبما انك موظف بالقطاع النفطي هو : كم موظف وموظفة تجاوز راتبه 1700 ؟. وكم موظف وموظفة (ركز على موظفة ) بالشركة خدم بالشركة 30 سنة .

.

جزاك الله خير على المعلومه بس احب اقولك ان 1750 دينار مو شرط ...

اهم شرط ان خدمتك 30 سنه وعمرك 52 سنه

هذى حسبه حق اللى يستحق ال500 دينار مالت الصندوق كاملة اذا كان معدل راتبه اخر 3 سنوات 1750 وفوق (1750 - 1250= 500 دينار) .. فراح تآخذ النسبه 95% من 500 دينار .. يعنى 475

اذا كان اقل .. مثلا المعدل اخر 3 سنوات كان 1550 دينار وكمل 30 سنه وعمره (52 سنه مو 50) راح ياخذ 95% من 300 دينار (300 دينار هذى الفرق بين 1750 - 1550)

بس اعتقد بعد تسكين الرواتب سنه 2003 والزيادة اليايه اللى ما انقرت بعد ، الكل راح يوصل لل1750 دينار بسهوله ان شاء الله

Phox

11-11-2007, 04:49 PM

1750- 1550 = 200 دينار

ما عليه مستعيل بالحسبه :)

على هالرقم راح تآخذ 95% من 200 دينار اذا كملت 30 سنه وعمرك 52

جابر

11-11-2007, 08:35 PM

اهلا وسهلا بك اخوي جابر :

هل كل موظف خدم بالشركة 30 سنة بلغ عمره 50 تنطبق علية شروط الصندوق ؟.
الجواب طبعا لالالا !!!!. ولماذا . لأن لابد ان يكون مكتمل الشروط .. طيب وماهي الشروط .. الشروط ان يكون راتب الموظف 1700 او تجاوز 1700 قبل تقدمه للتقاعد بثلاث سنوات !!!!!!... هذه احدى الشروط وليس كل الشروط .. سؤالي لك يا اخ جابر وبما انك موظف بالقطاع النفطي هو : كم موظف وموظفة تجاوز راتبه 1700 ؟. وكم موظف وموظفة (ركز على موظفة ) بالشركة خدم بالشركة 30 سنة . .

معقولة جدا ..نقطه فى محلها .... رواتب خواتنا فعلا (أقل) ....:o

هذا الكلام صحيح ولكن لماذا استثمر جزء من معاشي في الصندوق وانا متأكد ان الشروط لاتنطبع على راتبي . حلوه هذه عائد الاستثمار ... لو استثمرت نفس المبلغ المستقطع من الصندوق بأي شركة مالية او بنك سوف يكون العائد مضاعف ..
وآخيرا اقول :
الموظفين الذين لاتنطبق عليهم شروط الصندوق لو قاموا بالانسحاب فسوف تتغير الحسبة او يلغى الصندوق .

...أيضا نقطه معقوله جدا ....:)

أعتقد إن كل واحد لازم يشوف حالته بالذات و يحسبها إذا توفىّ معاه ..

أنا شخصيا أعتقد إن الجميع راح يستفيدون ...(بس أكيد مو كثر بعض)
يعطيك العافيه على هالمعلومات ... وبإنتظار الشروط الأخرى اللى أشرت عليها بالأعلى ، حتى تكمل الصوره :)

engineera

11-12-2007, 05:13 PM

جابر

11-12-2007, 09:13 PM

مواق وجابر ويا اخوان وخوات اهم قالولي انه التسجيل اجباري في الصندوق شسوي يعني!!!
وهم اذا بستقيل هل يعطوني عائد من صندوق؟!! ولا فلوسي تروح علي؟؟شسوي الحين قولولي
وانا الحين معاشي قريب 900 الا شي..يعني معاش مهندس عادي!! فاشلون شرايكم هالشروط تناسبني ولا لا انتو شتقلون؟؟

رأى شخصى :
انا واحد من الناس أعتقد التسجيل إختيارى ..طبعا مسجل فيه ...بس إذا غيرووووه و صار إجبارى .شى جديد. بهالحاله.أنتهى النقاش هنيه :o
إذا قالوالج إختيارى هنيه .. شوفى يبه
مدى إنتفاعج بالصندوق .. يعتمد على كم سنه راح تستمرين بالعمل وكم راح يكون اخر راتب لج (معدل أخر 3 سنوات)... بدون هالرقمين صعب تطلع أى حسبه ... (الحسبه نحولها لأخوانج مواق وPhox ):D:D
بالنسبه ..للإنسحاب من الصندوق (أو حتى إذا شروط إستحقاق الصندوق بعد التقاعد لاتنطبق عليج) ..فعلا .. يدفع لج قيمة إشتراكاتج بالإضافه إلى عائد الإستثمار (كما أشاروا الإخوان سابقا)...

بعدين ترى كلها 2.5% يعنى الألف تدفع 25 دينار ...إذا الله وفقج بالشركه ..ماراح تدرين عنهم أصلا ..:)

وباقى الإخوان ماراح يقصرون بالنصيحه ..

engineera

11-12-2007, 09:18 PM

25 ديناااااااااااار وايد هذي طلعتين غدى وعشى بمطعم:)

brilliant

11-12-2007, 09:28 PM

بس فكري بالمستقبل اذا تقاعدتي جم طلعه وجم مطعم بتروحين

engineera

11-12-2007, 09:37 PM

هممممممم اي عدل كلامك :) ...مادري عادي طاف وهم انا بسوي استقطاع من معاشي حق حساب توفير انشالله وانساه ...وشكرا كلكم على الردوود

Phox

11-13-2007, 01:31 PM

هممممممم اي عدل كلامك :) ...مادري عادي طاف وهم انا بسوي استقطاع من معاشي حق حساب توفير انشالله وانساه ...وشكرا كلكم على الردوود

متى انقبلتى بالشركه ؟ اى تاريخ بالضبط

engineera

11-14-2007, 12:23 AM

phox انا انقبلت من زمان بس قصدك داومت شهر 10 نص :)

فيصل الكندري

11-14-2007, 01:09 AM

ترا فزعه للحبيب phox

اتوقع كان يسأل عن تاريخ تعيينج لان في قرار ان الموظفين المعينين بعد 1/1/2007 راح يكون الاشتراك بالصندوق لهم اجباري

تقدرين تتأكدين اذا انتى مشتركه فيه والا لا من شهادة الراتب في الاوريكال