ال Criteria وما أدراك ما ال Criteria [الأرشيف] - منتدى العاملين بالقطاع النفطي الكويتي

كرايتيريا

11-07-2007, 11:34 AM

و الله تشلخنا بال Criteria ... كل ما نطلب شئ قال لك: لازم نسوي كرايتيريا ونشوف .. إنزين شنو صار على ترقياتنا وإحنا صار لنا مليون سنة .. ردوا علينا: راح نسوي كرايتيريا وإنشاء الله خير ... إنزين الزيادة ... كرايتيريا ... كرايتيريا ... تعقدنا من الكرايتيريا ... ما صارت كرايتيريا ... تكريتنا وقعدنا .. اللي قمت أفكر أطلع حرّتي بالخدامة وأطبق عليها الكرايتيريا إذا تجرأت وطلبت زيادة معاشها!!!!!!

الله كريم ... و يرخص ال .............. كرايتيريات

سلام عليكم

ABDULLAH

11-07-2007, 11:38 AM

هذا نوع من خام الدشاديش الشتوي ؟

dehen_3ood

11-07-2007, 11:39 AM

ومن كثر ما انت متعقد مسجل بالمنتدى كرايتيريا (احسها إتييب الحكة) !!

يا هلا فيك اخوي الكريم وحياك الله معانا
وتشرفنا بمعرفتك وأسعدنا انضمامك الكريم

انا اتوقع عشان يقطعون خمرة إللي يتحجى ويطالب بأي شي !!
وهذه القمندة (إنتي يا الكرايتيريا)
يعني مالك حجي بعد وطالع واسكت إن بغيت اتطالب !!
حالها حال اي شي يتعلقون فيه للحول عن تحقيق مطالب العاملين

يعد تكسر المجاديف شلون قايل خضر ولا حمر ؟؟؟؟

jajs04

11-07-2007, 11:43 AM

هذا نوع من خام الدشاديش الشتوي ؟

أبي الزيادة عشان أفصل دشاديش شتوية ولا ترى أموت من البرد :confused:

Shoomy

11-07-2007, 11:55 AM

jajs04 اسمله عليك
عبدالله حتى انا مادري شنو الكرايتيريا :(

يا اخ كرايتيريا شنو معنى الكلمه؟؟

كرايتيريا

11-07-2007, 11:55 AM

أبي الزيادة عشان أفصل دشاديش شتوية ولا ترى أموت من البرد :confused:

هااااااااا تبي زيادة ............. إنطر الكرايتيريا حبيبي ........ وهذا ويهي إذا قبضت شئ .....

كرايتيريا

11-07-2007, 12:05 PM

jajs04 اسمله عليك
عبدالله حتى انا مادري شنو الكرايتيريا :(

يا اخ كرايتيريا شنو معنى الكلمه؟؟

كرايتيريا هي كلمة إنجليزية: Criteria .. معناها أن هناك دراسة و شروط معينة يجب مطابقتها قبل إعطائك الزيادة .. الترقية .. أو أي شئ ثاني ...

والغريب بالموضوع إن الكرايتيريا هم اللي يفصلونها علشان تطابق الشخص اللي يبونه ... يعني مو ستاندرد ...

لا تسألني بعد شنو ستاندرد .. وإلا ترى أبتدئ أطق :mad:

Shoomy

11-07-2007, 12:21 PM

لا لا لاتعصب ولا تطق
هدي اعصابك واخذ نفس عميق

يالله شهييييييييييييق ... زفييييييييييييييييييير

اعرف معنى استاندارد

مشكوووووووووور ويعطيك العافيه وماقصريت والله

تحياتي
اختك / شومي

Mr. Engineer

11-07-2007, 12:54 PM

كرايتيريا هي كلمة إنجليزية: Criteria .. معناها أن هناك دراسة و شروط معينة يجب مطابقتها قبل إعطائك الزيادة .. الترقية .. أو أي شئ ثاني ...

والغريب بالموضوع إن الكرايتيريا هم اللي يفصلونها علشان تطابق الشخص اللي يبونه ... يعني مو ستاندرد ...

لا تسألني بعد شنو ستاندرد .. وإلا ترى أبتدئ أطق :mad:

لا يبا معروفة ستاندرد: هي نوع من الحشرات المنزلية الضارة التي تعيش في بوتقة غابات الأمازون في أستراليا على قمة جبال الألب :confused:

ها شرايك فيني أعجبك صح :D

Shoomy

11-07-2007, 01:00 PM

لا يبا معروفة ستاندرد: هي نوع من الحشرات المنزلية الضارة التي تعيش في بوتقة غابات الأمازون في أستراليا على قمة جبال الألب :confused:

ها شرايك فيني أعجبك صح :D

ويه ويه ويه :eek: :eek:

بدعت بصراحه

كااااااااااااااااااااااااااااااااااااااااااااااااا ااااااااااااااااااااااك
(شومي ماتت من الضحك)

Mr. Engineer

11-07-2007, 01:05 PM

ويه ويه ويه :eek: :eek:

بدعت بصراحه

كااااااااااااااااااااااااااااااااااااااااااااااااا ااااااااااااااااااااااك
(شومي ماتت من الضحك)

أعجبج آنا، أصلاً آنا بلبل بالعنجريزي

و من هنا أعلنها: أي واحد عنده كلمة بالعنجريزي مو عارف معناها تراني حاضر و بالشوفة :D

ABDULLAH

11-07-2007, 01:22 PM

Mr. Engineer

11-07-2007, 01:28 PM

من حيث البوتقة فهناك أنواع من البواتق ، فبوتقة مرصعة ، أو مذهبة أو زجاجية أو معدنية تستخدم لصهر المكونات و خلطها فتنتج مواد جديدة خلطبيصية مقاومة للحموضة و مناسبة للمناطق المدارية بشرط تشغيل المكيف على درجة 25 قهرن هايت

شباب،

كل واحد عاد يدير باله على بوتقته، يعني مو تنباق بوتقتكم و تييون تشتكون عندي، تراني بروحي مبتلش ببوتقتي، ومن اليوم مالي شغل ببوتقات العالم. :D

اللهم قد بلغت، اللهم فاشهد

Shoomy

11-07-2007, 01:29 PM

:eek: :eek: :eek: :eek: :eek:

جي ميقي؟؟

ABDULLAH

11-07-2007, 01:31 PM

أشكرك يا إنجنير حرصك على البوتقات و ما شاء الله عليك شكلك من أهل الثقات
بس لا تنسى الأمانة تمشي لك معاملات

Mr. Engineer

11-07-2007, 01:42 PM

أشكرك يا إنجنير حرصك على البوتقات و ما شاء الله عليك شكلك من أهل الثقات
بس لا تنسى الأمانة تمشي لك معاملات

والله إذا تبي تمشيلك معاملات لازم تتبع نصيحة الدكتور و كل يوم على الريج تاخذلك حبتين فيتامين واو

و الله الشافي

كويتي

11-07-2007, 04:26 PM

معايير = Criteria

و بما إنها معايير إذن الباب مفتوح للذمم الـ (الوسيـــــــــــــــــــــــــــعة) لتقييمها كيفما شاءت؛

و ماهي بعيدة عن تفصيل الدشاديش مثل ما تفضلوا الإخوة؛ يعني نبي نرقي سين من الناس؛ نفصل معايير تطابق وضعه هو بروحة (حقة مقة) ؛

و على المتضرر اللجوؤ إلى القضاء؛

للأسف أن يتردى بنا الوضع للضحك على مثل هذه الكلمات التي وضعت لتبرير وساطات و تعديات على الحقوق؛ و لكن (بالكويتي) مقيولة:

من أمن العقوبة؛ أساء الأدب؛

BURGAN

11-07-2007, 04:27 PM

كرايتيريا كلمة حق يراد بها باطل انا متكريت من زمان والله كريم

جونم جقرم

11-07-2007, 10:20 PM

الحين الكرتيكال هذذا اهو نفسه الرانكنج
ولا هذا غير هذاااك
والله ابتلشنا ما عرفنا شلي لنا والي عليناا

نفط الكويت

11-07-2007, 10:24 PM

الكرايتيريا= بيض الصعو في الشركه

جونم جقرم

11-07-2007, 10:33 PM

بيض الصعو = بيض مسلوق بمرق

مشغل قديم

11-11-2007, 08:36 PM

هههههههه

مسطلحات حلوه

نفط الكويت

11-12-2007, 09:46 PM

بيض الصعو = بيض مسلوق بمرق

ft-50 و الله ضحكتني هههههههههههه صج لا قالوا شر البلية ما يضحك اشوى ما كتبت بليله بلبلوكي هههههههههه