شرايكم.....................؟!

[غدير دشتي]

سلام عليكم
أبي أعرف جم وحد كويتيه بالمصفاة؟
إنزين شرايكم نسوي كتاب ندخل بسياراتنا داخل المصفاة وبس بشرط ولا وحده بعدين تاخذ سيارتها تروح تقز على البحر على بالها مارينا ولا سوق شرق عشان نحل المشكلة اللي صارتلي اليوم.
تدرون حتى الهنود مع إحترامي صارت عندهم واسطه تدرون شلون اليوم آنا ييت الدوام الساعه 6.30 جان أنطر الباص بعدين جان إيي باص وياخذ الهنديات ورحت بركب الباص جان يقول مايودي بس هذا نفرات جان أقوله آنا معاهم في نفس المبنى جان يقول مايسير. (والله يبا زين بديرتنا و......)
:mad::mad::mad::mad::mad::mad::mad::mad::mad::mad:
:mad::mad::mad::mad::mad::mad::mad::mad::mad::mad:
:mad::mad::mad::mad::mad:
عموما منو المسؤول عشان نكتب كتاب ونوقعه وبعدين ندزه حق المسؤول؟:confused:
وبالأخير لمن أركب الباص ويركبون هم الصراحة ريحه وقرقر وايد بروحي يايه من آخر الدنيا يعني مايصير جذي شوفولنا حل ولا إذا ييت ومافي باص لازم أنطر 20 دقيقه والله أحسبهم كل يوم أبي يوم واحد يكون أقل يعني 10دقايق مستحيل مايصير يامعودين تكفه أبي حل؟
البنات إنتو شرايكم؟

[كنبس]

والله يعينج يا اخت غدير
فعلا هالمشكله حاصله حتى بمصفاة ميناء عبدالله
واشوف ......الهنديات امهات سارى ومعاهم جم عربيه سكرتيرات
بس باص رقم 3 مخصص للنساء فقط

مالكم الا تكتبون كتاب للمسؤل وتدزونه بصيغه مغتضبه وعاجل جدا
ويفضل نسخه للنقابه ونسخه للاداره العليا حتى ياخذ طابع القوه
والكتاب موجه لمدير المصفة عندكم
والله يكون بعونكم

[سفاري الكويت]

اختي كلمي قسم الامن لان الباصات تابع لهم والسواقين مسؤوليتهم

[غدير دشتي]

شنسوي بعد هذي الدنيا بس الظاهر البنات مايبون يدشون بسياراتهم عموما آنا بسوي حق نفسي كتاب لأن أول شي سيارتي راح تكون صافطه في مكانها وآنا إداريه وما أروح مكان فيها بس لمن أدش أو أطلع من الدوام بس فأعتقد مسؤوول مصفاتنا مايقصر ولد السعد على الراس

[زهرة التوليب]

حتى سايق الباص بعد يتشرط ؟؟

والله حاله !!

الله يعينج حبيبتي والله بالمصافي الواحد يشوف بلاوي
انا عمري ما دخلت مصفاة اشوه انا في المبنى الرئيسي
بس عندي رفيجاتي في شعيبه دايم يشتكون من هالسالفه

ماكو الا تجمعون تواقيع البنات الكويتيات حتى لو بالايمل وتشتكون وان شاء الله ربي يفرجها عليكم وترتاحون
او على الأقل يخلونكم تدخلون بسياره لي داخل ولا منّت هالهنود

[engineera]

الله يعينج اخت غدير والله ..

[بو جاسم]

يبا عن الدلع.... والله ليش تبون تداومون بالمصفاة عيل... روحي الحكومة ولا قعدي في بيتكم وخل ايي لج معاشج...

[بن زريق]

انا عندى راى شرايكم يابنات ان جيبلكم سواق (لبنانى) اعتقد انه ريحته حلوه..........يبى انت رايحه للشغل والاتسوقين.عجبى.عموما اذا انت بالاحمدى دق على التلفون وان نشالله يشفون مشكلتج2828او 2821

[engineera]

بوجاسم و بن زريق اشوي اشوي على البنت مسكينه كليتوها الله يهداكم...

[brilliant]

سالفة ادشون بسياراتكم اعتقد صعبه لاسباب امنيه لكن لو تجمعون توقيعات وتطلبون تخصيص باص للمهندسات الكويتيات اعتقد بيوافقون ويكون خاص لكم بس

[غدير دشتي]

ليش صعبه إندخل سياراتنا أشوف اللي يدخلون سياراتهم يعني فيها save

[WaRiO]

راح يزيد الشغل على المنشآآآت تفتيش كله سياره

+

الحريم راح تتضايقوون لمن يقووولكم الرياال نزلووا من السياره عشان افتش

اذا ناسيه تصرييحج راح يقوولج مايسير

+

احنا سياره وحده للمطافي وكل يوم واحد متهاوش معاهم ...

خلكم على الباص احسن

[السنيور]

بو جاسم وبن رزيق الله يهداكم لو وحده من اهلكم جان والله ما ترضون المفروض اترزون بنات الديره مو الهنودوبعدين هذول ما وراهم الا الاذيه

[ENG78]

حبيت اعلق على الموضوع وانشالة محد يزعل:
1- يا غدير ترى الشركة مو بس هنود, وإذا ريحتهم مو حلوه قعدي بعيد عنهم ترى الباص كبير
2- يا كنبس ليش "....... الهنديات امهات سارى" علشان ينجح هذا المنتدى لازم يكون كلامنا موزون و منطقي
3-البنت مو افضل من الشاب, انا مهندس اركب كل يوم الباص, لكن معاك الحق إذا وصلتي الدوام و ماكو باص يوصلك
4- يا السنيور شلون واحد يرز بنت في مصفاة ...... !!!!

[WaRiO]

حبيت اعلق على الموضوع وانشالة محد يزعل:
1- يا غدير ترى الشركة مو بس هنود, وإذا ريحتهم مو حلوه قعدي بعيد عنهم ترى الباص كبير
2- يا كنبس ليش "الخايسات الهنديات امهات سارى" علشان ينجح هذا المنتدى لازم يكون كلامنا موزون و منطقي
3-البنت مو افضل من الشاب, انا مهندس اركب كل يوم الباص, لكن معاك الحق إذا وصلتي الدوام و ماكو باص يوصلك
4- يا السنيور شلون واحد يرز بنت في مصفاة ...... !!!!


وأنا إطفائي أركب باص ولاا أرووح المركز مشي بعد :confused:

التواضع زييين خيووو .... والصراحه العماله ساكنين في مساكن موفرتلهم شركاتهم سكن ... ليش ما يتسبح بتقولي فقير.... !!!!

[ذيابه الاحمدي]

ياكثر مشاكلج يابنيه انتي لو موظفة بترول شتسوين . مشاكلج أكثر من حسناتج:eek:

[frfosha]

يا غدير يا حبيبتي احنا وياج على سالفة المواقف بس مستحيل يخلونا ندش بسياييرنا بس ودنا باقتراح ثاني ، يزيدون لنا المواقف ويزيدون الباصات لانه بصراحه الباصات حق البنات مو كافيه اهوا باص واحد لشركة البترول الوطنيه والباص الثاني حق بنات نفط الكويت ويكفينا لانه البنات داخل المصفاة اكثرو ونبي يحطون تيلفون داخلي للباصات لانا اذا دشينا وعندنا مواعيد ما نقدر نطلع تلقون نطر من فلان وفلان السياره واللي ما عنده سياره تخيلو حريم نركب بيكب العود هذي حاله يعني رحمو حالنا يا الأمن

[غريب]

الاقتراح الافضل

ان الشركه توفر اطباء نفسيين لبعض الموظفين والموظفات :)

[frfosha]

الغريب وأول واحد يفحصونه هالاطباء النفسيين هو أنت ، والرجاء احترام الزملا بقدر الامكان ومناقشة الموضوع بأدب قليلا يا الغريب

[غدير دشتي]

فرفوشه والله مستحيل إن يسون زيادة بالمواقف

[غدير دشتي]

ذيابة الأحمدي شفيك علي حرام عليك

[بلبووول]

[quote=غدير دشتي;سلام عليكم
أبي أعرف جم وحد كويتيه بالمصفاة؟
إنزين شرايكم نسوي كتاب ندخل بسياراتنا داخل المصفاة وبس بشرط ولا وحده بعدين تاخذ سيارتها تروح تقز على البحر على بالها مارينا ولا سوق شرق عشان نحل المشكلة اللي صارتلي اليوم.
تدرون حتى الهنود مع إحترامي صارت عندهم واسطه تدرون شلون اليوم آنا ييت الدوام الساعه 6.30 جان أنطر الباص بعدين جان إيي باص وياخذ الهنديات ورحت بركب الباص جان يقول مايودي بس هذا نفرات جان أقوله آنا معاهم في نفس المبنى جان يقول مايسير. (والله يبا زين بديرتنا و......)

عدل كلامج انا شفتج اليوم ويمج وحده هنديه وكنتي وقتها تتثاوبين وناطره الباص.


الله يصبرج

[قبــــــــس]

:cool:شنو تبون تدشون المصفاه بسياير

ما تبون فوردات بعد

[قبــــــــس]

يا اخت غدير اذا انتي تيين الساعه 6.30 وتنطرين 20 دقيقه عشان تركبين الباص بسيطه تعالي الساعه 6.45 ونحلت المشكله

[بلبووول]

يا جماعه الدنيا برد هالايام والنطره صعبه خمس دقايق فما بالك بالجنس اللطيف

انا اقترح يوفرون van لكل موظفه .

[feed gas]

الاخت غدير.. انتى محد انصحج قبل لاتدشين الشركه؟؟؟لا يكون علا بالج بيطلعون لج تصريح خاص حق حضره جنابج وعشان عيونج الزرق؟؟يبه المصفاة من دشو فيها البنات والله يرحم الحال...خلوكم فى بيوتكم ولا روحو تفرفرو بوزاره الشئون ابرك لكم...قبل فتره المفتشه مالت الحريم فى بوابه الافراد فى مينا عبدالله..وقفت سيارتها عند اول موقف وحشرت العالم لا يطوفون بسهاله!!بله ليش ؟؟بس علشان مالها خلق تصفط شوى بعيد...؟؟بله ليش معنيه روحج ومداومه بعيد ومن الصبح؟؟ اقول المصفاه مو مال بنات وبس

[كتكوته 82]

Feed Gas شفيك على البنت حرام عليك

[feed gas]

Feed Gas شفيك على البنت حرام عليك..............؟؟؟؟؟؟؟؟؟؟؟؟؟؟!!!!!!! عيل وين المساواة وحقوق الكل من الجنسين متساويه؟؟

[shayib80]

تدرون حتى الهنود مع إحترامي صارت عندهم واسطه تدرون شلون اليوم آنا ييت الدوام الساعه 6.30 جان أنطر الباص بعدين جان إيي باص وياخذ الهنديات ورحت بركب الباص جان يقول مايودي بس هذا نفرات جان أقوله آنا معاهم في نفس المبنى جان يقول مايسير. (والله يبا زين بديرتنا و......)


قصدج المثل الكويتي القديم الي يقول :
البيت بيت أبونا والقوم خانقونا


:o

[زهرة التوليب]

انا صراحه من الشباب اللي مو عاجبهم الكلام وقاعدين يستهزؤون في البنات !!!

والله لو وحده من اهلكم ما رضيتوا تقولون عنها هالحجي
بس بنات العالم عادي انكم تقطون عليهم حجي وتستهزئون فيهم

اذا هذي بنت ديرتك منك وفيك تقول عنها جذي عيل شنو خليت للغريب؟؟

وبعدين لله الحمد بنات البترول شادين حيلهم وقايمين بشغلهم على اكمل وجه مو محتاجين شهاده من احد علشان يرفع لنا !!
وكلن يره الناس بعين طبعه

[feed gas]

انا صراحه من الشباب اللي مو عاجبهم الكلام وقاعدين يستهزؤون في البنات .......؟؟!!!يبا الموضوع مو موضوع استهزاء باى اخت من الى موجودين...بس انا مستغرب من الى يطالبون بالمساواة مع الرجال وبعدين وقت الصجيه يمه لحقييييينى!! يبه المصفاة مو مجمع الوزارات..الى تبى عطورات وبخور من تدخل اول الصبح والورد مفروش علا الجوانب احسن لها لا تدش مصفاااااة....ودمتم سالمين واحترامى لكم جميعا

[كتكوته 82]

زهرة التوليب على راسي والله الصراحة آنا أفتخر فيج وفي كلامج مشكورة عمري

[سالم الخالدي]

الحل النهائي عندي

بالنسبة للزميلات اللي يداومون في المصفاة


اجتمعوا كلكم في مكان واحد في يوم ما وقت ال break time


ووقعوا الشكوى ودزوا منها ثلالث نسخ


نسخة للادارة


ونسخة للنقابة

ونسخة عندكم

[HUMMER]

اختي على كلامج انتي مايبيلج باص ماتبين ليموزين عشان يوديج المكتب
وليش تسالين عن الكويتيات بالمصفاة بتسوين انقلاب على المدير
بسنا بنات بكل مكان بنات بنات