غرفة لتدخين السيدات بالسرداب

[brilliant]

السلام عليكم

اليوم الصبح وانا نازل السرداب طبعا اسفط بالدور الرابع وادش المبنى من السرداب تجنبا من رياح الشتاء ورطوبة الصيف
بس اليوم شفت منظر الصراحة يظحك ((( غرفة لتدخين السيدات بالسرداب ))) ومسوينها من زجاج

صاحب هالفكره الصراحه شخص مبالغ فيه

اول شي من هالحرمه الي بتنزل السرداب على شان ادخن وترد مكتبها
ثاني شي اصلا السرداب مفتوح للهواء الخارجي يعني مايحتاج غرفه
ثاث شي اصلا الغرفه مو مستوره يعني فظيحه

كل يوم نشوف شي عجيب بهالمبنى :confused:

[ABDULLAH]

قد يسأل شخص قديم و مغبر مثلي :

- في حريم تدخن ؟
- لا و وين بالسرداب ؟ يالظالم بالسرداب هههه

[K KPC]

اي والله شهالزمن الاغبر اللي فيه الحريم يدخنون وين الانوثة صراحة اتصير وشفت بعيني وايد بالمؤسسة مو بس اجانب لا حتى كويتيات ، ياأخي مايصير جذي شنو هذا الحلج خايس من الصبح والله كفو بنت ناس كويتية

[الاندلسي]

حطو غرفة للمدخنات تتحلطمون وان ماحطو للمدخنات غرفة قالو شمعنه ما سويتو غرفة للحريم والله ارضاء الناس غاية لا تدرك

[عبدالله عمهم]

بعد حريم اخر زمن يدخنون

[سالم الخالدي]

بس أخوي السؤال هل أنت متأكد من الموضوع لو كان الموضوع صحيح نتمنى تجيب لنا صورة حتى يراها الجميع



وحنا نوريك فيهم



اما بهذه الطريقة محد راح يصدقك

أشكرك على الحرص

[حمد بوزيد الهلالي]

ههههههههههه صحيح مدخنين بلبسهم اي والله

[Element_X]

اى خل يدخنون بغرفه تدخين اشفيها ليش نسيت انت مره بالصالحيه يوم يحترق حمام السيدات والسبه جم وحده بالحمام تدخن ولا نسيتو؟

[jajs04]

ما شاء الله مساواة بكل شي

[Element_X]

والله ترى مكبرين المسأله على الفاضي انتو لا تنسون فى اجنبيات يعطون محاضرات بالتدريب وين تبيهم يدخنون وبعدين الحين يعني اسكت بنات المؤسسه وايد منهم يدخنون ولا يشربون شيشه بعد

[حمد بوزيد الهلالي]

بعد نحطلهم قنفات يتكون عليها مثلا ويشيشون ؟

[brilliant]

مهما كانت اخلاق البنت ومهما كانت جنسيتها

المجتمع الكويتي له اعراف وله قيم لازم يحترمها الاجنبي

الدول الاجنبيه تفرض اعرافها وقيمها وعاداتها غصب علينا اذا سافرنا برا ولا نقول شي

حتى دورات مياهم فيها عادات عندهم ويفرضونها علينا وقوانين يفرضونها علينا

لازم يكون لنا عرف ونمشي عليه الكويتي والاجنبي ومانساعد الحريم على هالآفه

[Element_X]

ترى انتو شطيتووووووووو بالموضوع بعيد بدي بغرفه وبينتهي باعراف مجتمع وعاداتهم خلكم بالموضوع نفسه

[لولو]

اذا هالحجي صح ( لازم تسحكون زقاير نطروا لما تردون البيت وستروا على روحكم والا هذا ادمان )
إذا الحجي تلفيق ( اقول : ترى ماكو دخان بدون نار )

والله يهدي الجميع

[إعلامية KPC]

زين وين المشكلة بتدخين المرأة
هل هي حرام شرعا ؟؟؟؟؟
الحين تلاحقون المرأة لانها تدخن وما تلاحقونها اذا كانت من غير حجاب
والله امركم عجيب
تبون الاجانب يمشون على عاداتكم من ناحية التدخين
بس اللبس والماكياج مش مهم
اييييييييييييييييييييييييييه يلي بيته من زجاج لا يضرب بيوت الناس

على العموم هذه الغرفة بالصدفة انا شفتها اليوم وما استغربت
لانها للمتدربات الاجانب او حتى لزوار المبنى
بس فعلا الغريب انها خارج المبنى وما لازملها غرفة

[Element_X]

يا جماعه لا تستغربون انا برا المجمع وحاطينها بغرفه اشفييييكم فى تعميم نزل بخصوص التدخيل امنعو فيه التدخين برا الدوام بالهوا الطلق يعني لو قاعد اتمشي بروح سيارتي ممنوع ادخن ما ادرى شنو الحكمه من المنع هذه علبالهم بمصفاه

[brilliant]

المؤسسة ماحطت اعلانات يا بنات لا تلبسون حجاب ولا شاركة في عملية فصخ الحجاب ,,, بس ساعدت على التدخين

وبعدين هالاجنبيات الي يدخنون ترا مو فارقه معاهم يدخنون ويا الرجال او بالسرداب المكشوف


بس أخوي السؤال هل أنت متأكد من الموضوع لو كان الموضوع صحيح نتمنى تجيب لنا صورة حتى يراها الجميع



وحنا نوريك فيهم



اما بهذه الطريقة محد راح يصدقك

أشكرك على الحرص

الصوره مرفقه وموقعها بالسرداب مسافط P1 مقابل مسفط الوكيل المساعد لوزارة النفط

http://www.q8ow.com/up/uploads/9ba190c66e.jpg (http://www.q8ow.com/up/)

[Element_X]

المؤسسة ماحطت اعلانات يا بنات لا تلبسون حجاب ولا شاركة في عملية فصخ الحجاب ,,, بس ساعدت على التدخين

وبعدين هالاجنبيات الي يدخنون ترا مو فارقه معاهم يدخنون ويا الرجال او بالسرداب المكشوف




الصوره مرفقه وموقعها بالسرداب مسافط P1 مقابل مسفط الوكيل المساعد لوزارة النفط



حبيبي انت عندك خبر جم وحده تدخن بالمجمع النفطي ما اقصد الكويتيات باقي الجنسيات عندك خبر ولا لا ؟

وبعدين اهي الشغله يمكن بناء على طلبهم ... ويمكن انه المسؤولين ما يبونهم يدخنون مع الرياييل بنفس الغرفه لانه المرأه مرأه قالو خل نحطلهم غرفه ثانيه.

[سالم الخالدي]

سبحان الله



هذا بالكويت


؟؟؟؟؟؟؟؟؟

[غيوره جدا]

والله مادري شالحكمه ..

بال knpc اذا في وحده تدخن تروح غرفة التدخين مافي للرجال او السيدات !!

واشوف وحده اجنبيه تطلع بره تدخن جدام ال parking ..

يعني الحين ال work stations مشتركه و مختلطه و ماكو privacy .. و نشرب قهوه و لا شاي جدام الموظفين ولاناكل بسكوته و نغص فيها !!

و التدخين حسبتوله حساب .. نبي غرفه عيل حق السيدات ناكل لقمه بسلام .. بدال ما المسؤول يطل فجأه جيكي مادري ايش
مره طل علي بقى يزر عقلي .. انكت الكابتشينو منه:(

[مو غلط]

هذي حريه شخصية واحنا بلد ديموقراطي

[Future man]

شفيها إذا البنت تدخن حرية شخصية بس عشان العادات والتقاليد المفروض ما تدخن جدام الناس بس أما إنكم تقولون إن البنت اللي تدخن مو محترمة مو صحيح ومو منطق أصلا هذا الكلام

المفروض غرفة المدخنات هذه تكون غير مكشوفة يعني اللي قاعدة تدخن داخل الغرفة ما يشوفونها اللي بره

[فيصل العجمي]

السلام عليكم ورحمة الله وبركاته

تم حذف بعض الردود اللي للأسف خرجت عن محور النقاش
ونرجوا من الجميع الإلتزام بقوانين المنتدى وأدب النقاش

[نفطي كويتي]

خلوهم يدخنون
هم اللي بيمرضون
الله يكفينا الشر

[mofraka]

تدخين المرأة ليس له علاقة بأخلاقها ومو كل وحدة تدخن ما عندها اخلاق
لكن وضع غرفة تدخين للسيدات راح يخلي الشباب يعسكرون بالمكان وأنا
أعلنها من مكاني هذا أنا وحدة ما راح أدخن إلا بسيارتي أو إني آخذلي فرة
عالبحر وأدخن لين يخيب ثناي

[Green Tea]

انا نزلت اشوف غرفه المدخنات ترا مو كشوووفه شفيكم ، اهيا زجاج بس مو زجاج شفاف يعني ماتشوف اللي داخل بس تشوف ريولهم :)

[نفطي كويتي]

اشفيكم مستغربين ان في حريم تشرب سجاير

روحوا القهاوي وشوفو حريم تشرب شيشه

صج انا شفت بعيني مو تصوير بلوتوث
وشكرا لصاحب الموضوع

[07_unit]

انا اقول اشعليا من الناس وشعله الناس مني

[brilliant]

الحين بين ليش حاطين هالغرفه

هي عباره عن غرفتين للرجال بالخلف وللنساء مفصولين عن بعض

وهالغرفتين حاطينها على شان محد يدخن داخل المبنى ومحد له عذر لا نساء ولا رجال

اهم شي يكون المبنى بلا تدخين

الصراحه هالخطوه حلوه

[kuwaity]

مع احترماتي للبنات ,,صراحه انا مستغرب من ردودهم ,,وحده تقول موعيب شرعيا!! والثانيه تقول شوفوا الاجنبياات !!

الموضووع ما يستاهل التكبير ولا تجمعون امور البناات في ,,سالفه الموضووع

انا من ناحيتي اشوف الموضووع ,,غلط البنت تدخن .. وعيب على البنات يسوون جذي ..ومو هذي العادات والتقاليد

والاختلاف في الراي لايفسد الود قضيه ,,وشكر لصاحب الموضووع

[n3n7]

والله شي عجيب تعجبت منه تخيلوا معاي المنظر لالالا شي مغزز صراحه وبالسرداب لا جذي ماااحل المشكله صاحب الفكره بالعكس اقص ايدي اذا وحده دخنت فيهااا عشان حق التعجب يبى صدقوني البنت الي ادخن تروح حق امااكن مستوره او عند الدريشه بالمكتب واهي قافله الباب يبى الدنيا بخيرررررررررررررررررررررررر

[أحــمــد الــعــيــد]

اهي خطوه حلوه نفس ما قلت نحو مجمع بلا تدخين ولكن تو نحسب مثلا الموظف جم مره يبي يدخن باليوم لو نفرض 8 مرات وقت الدوام نحسب مده الزقاره اللى راح يدخنها اهي 7 دقايق ونزلته لى غرفه التدخين وصعوده مره ثانيه 20 دقيقه يعني تقريبا نص وقته فى عمله قضاها فى التدخين وانا بنظرى اذامو هذى المشكله الكبيره المشكله الكبيره وهي انه المطعم اى شى يطبخه ريحه المطبخ توصل لى اخر دور بالمجمع وهذى اهي المشكله

[koc-76]

يبه كيفهم دخنوا والا لا هذي امور تخصهم وسمعتهم اهم ادرى فيها- ليش يا شباب معورين قلوبكم معا .

[مساعد مراقب حسابات]

الحريم صاروا يدخنون بعد ..!

يا سلام لو يكملونها ويحطون غرف نوم للموظفين ( الرجال فقط ) اللي ما ناموا عدل بالبيت .. حتى لو بفلوس انا راضي ..!



يبة القطاع النفطي دلع

[[ أفــزع لقلبــي ]]

شفت ردوود وصدمتني شنوو ماافيهــآإ شي بلى فيهاا شي وونص ,,

وثاانياا اي حررام شرعاا الزقااير سوى لنسااء اوو الرجاال ,,

وبالنسبه للحريم مااظن ان في ووحده متربيه عدل تسووي هااشي ,,

الله المستعاان بس ,,

الكوويت صاارت تفتح وديموقرااطيه بأشيااء دخيله عليناا ,,


:)

[مسفهله]

أسعد الله صباح الجميع


تدخين مره وحده :eek:


والله حريم هالزمن الله يستر من مصايبهن


وشلون تبون جيل صاعد ويوجد امهات نازل :D


الله يسترنا بستره



فوتكم بعافيه

[فضيحه]

انتوا الحين ماسكين موضوع التدخين والمدخنات وساكتين عن مواضيع اكبر واهم
التدخين موضوع شخصي بحت ما حد له خص فيه يعني ...

كل وحده وادره في مصلحتها بس تعالوا نشوف الشي الاكبر اللي حنا نتغاضى عنه او
نسوي روحنا ما نشوفه .........


ولا شرايكم .....

[meshaaal32]

المفروض المره اللي تدخن يخالفونها

[adla.h]

انا اقول بدل تكلفة الغرفه الزجاجيه هذي جان تبرعت المؤسسه بفلوسها حق جمعية علاج السرطان:(

[HUMMER]

انا اقول بدل تكلفة الغرفه الزجاجيه هذي جان تبرعت المؤسسه بفلوسها حق جمعية علاج السرطان:(

اي والله صدقت اخوي ولا جان سوت مشروع جيد للموظفين بدل هالغرفه؟؟

[إعلامية KPC]

المفروض المره اللي تدخن يخالفونها

ليش يعني ؟؟
حلال عليكم وحرام على غيركم ؟؟؟

[fox1]

عندي وجهة نظر يمكن تزعل البعض

الحين الرجل اذا دخن صار عادي والمرة اذا دخنت صارت وحدة قليلة أدب

مو أحنا نقول انه الرجل اعقل من المرة

شلون عقول الرياييل صايرة أضعف من عقول الحريم امام التدخين ؟؟؟؟

[live_ur_life]

عسى الله يهديهم

[العابر]

ههههههههههههههههههههههههه

[غلا جابر]

اللي عطاهم الفرصه وخصص لهم غرفه
اكيد بتكون مسئوله نفسهم
والله يهديهم

[mas7oor]

مو احسن من التدخين فوق السطح ...


اهل كوفبك بالمبنى القديم عارفين هالسالفه

[الرويشد]

عادي اللي بدخن يدخن واللي بشيش يشيش واللي يابي يشرب يشرب يبا الديره فالتوه واخذ وا راحتكم

[عذاري 1974]

لووووووووووول ا:p ليوم غرفة تدخين باجر قهوة وشيشة مبنى فاشل احلا شيء الارضيات الي كل يوم يجلب فيها الكعب

والي يضحك يعطون دورات HSE شافو الارضيات الي مشلوعة من الارض نلعب لعبة الحية على مانوصل المدخل:confused:

[brilliant]

لووووووووووول ا:p ليوم غرفة تدخين باجر قهوة وشيشة مبنى فاشل احلا شيء الارضيات الي كل يوم يجلب فيها الكعب

والي يضحك يعطون دورات HSE شافو الارضيات الي مشلوعة من الارض نلعب لعبة الحية على مانوصل المدخل:confused:

ههههههههههههه يا ما بنات تكسرت كعوبهم من هاللعبه