من يساعدني بمعلومات عن العلاج في مدينة ((( بوسطن )))

[العنيـــــــــد]

السلام عليكم ورحمة الله وبركاته


اخواني اعضاء المنتدى تعبت وانا ادور في المنتديات ولا لقيت أحد يرد علي . انشا الله انا ذاهب الى الولايات المتحده الامريكيه وبالاخص مدينة بوسطن في شهر 9/2008 تقريبا لعلاج ابني في مستشفى الاطفال في بوسطن . ياليت لمن لديه الخبره عن المستشفى وعن المدينه ان يشرح لي عن المدينه واماكن السكن ( شقق تكون مع او قريبه من المستشفى وتكون امنه ) وكم اسعارها وكم درجتها وهل هي كامله بالاثاث والمرافق ام لا . واسعار استئجار السيارات . وهل يجب ان اطلع رخصه دوليه مع العلم ان رخصتي باللغه العربيه والانكليزيه . وهل يوجد فيها مساجد ومدارس للخليجيين . لان معه طفله تدرس في المتوسطه ومن المحتمل ان مدة العلاج تكون سنه او اكثر .


ونصائحكم الطيبه حيث انني اول مره ازور امريكا ولست غني عن خبرة اخواني في هذه الدوله والمدينه


وهذا موقع المستشفى


http://www.childrenshospital.org/


وشكرا .....

[ALI 07]

الله يسهل دربكم ويشفي مريظكم وتاخذ الاجر علي الصبر ان شاالله

[Workers]

السلام عليكم اولا وثانيا فية ناس تعرفنا عليهم ببوسطن وكانو يعالجون بمستشفي بوسطن للاطفال وكانو ساكنين بعمارة كلها خليجيين ويروحون للمستشفي مشي يعني ينزلون من عمارتهم اللي بوسط مجمع وفية مطاعم وصيدلية وجمعية صغيرة ويطلعون من الباب الثاني والا هم جدام المستشفي والعمارة رخيصة لانها بدون اثاث بس زل ومطبخ وغرفتين اعتقد ب 1500 دولار وقالو لنا انهم حصلوها بالعافية لان زحمة عليها وبالحجز بصراحة ناسية اسم العمارة بس اللي بالمكتب الصحي اكيد يعرفونها لانهم اللي مدحوها لهم ولا تشيل هم الاثاث فية شركات يأجرون الاثاث بمبالغ رخيصة


اخوي الناس اللي تعرفنا عليهم كويتيين وفية مكتب صحي بمستشفي بوسطن للاطفال وانا كلمت ناس هم كانو مراجعين المستشفي وجبت هالرقم 6173553547 وهالرقم لوحدة بالمكتب اسمها نبيلة مصرية وعنوان المكتب هو international health serivices 300 longwood avenue boston ma 02115 وبالنسبة للسفرانتم راح تروحون مطار كنيدي ومنها راح تروحون طيران داخلي لمطار لوغان اللي ببوسطن واول ما تنزلون روحو اي فندق (لانكم راح تتكسفون من السفر تقريبا 14-15 ساعة طيران ) فية وايد من سواق التكاسي مغاربة او صوماليين -نامو وارتاحو ومن تصبحون ان شاء اللة روحو للعنوان اللي كاتبتة لكم (اكتبة وعطة سايق التاكسي ) وهناك بالمكتب الخليجيين كلهم بتشوفهم وما يقصرون مع احد وهم يعلمونك عن كل شي وبصراحة ما ادري عن الجو لاننا رحنا بشهر 7 وكان حر بس بالليل جم طويل حق بنيتكم والسيارة علي حسب ما تسكنون بعيد ولا مشي (لو سكنتم بالعمارة اللي قلت عنها اعتقد ما يحتاج سيارة) وتري استعمال القطارات وايد سهل ويوفر عليكم وما تشوفون شر ان شاء اللة


ان شاء الله تفيدك هالمعلومات.. هذي وحده جزاها الله كل خير تجاوب على استفسار

نفس حالتك...والله يشفي مريضكم ويعافية ان شاءالله

[dehen_3ood]

أجر وعافية ولا بأس على " ابنك " طهور إن شاء الله

وتروحون وتردون بالسلامة إن شاء الله

[silver cover]

اخى العزيز....... بالنسبة للعلاج فى امريكاء لا يعلى علية و سوف تكون الامور على مايرام انشاء اللة والحياة راح تكون سهلة و لكن اذا اخذنا الرابط لعنوان المستشفى نرى انة هناك عدة مدن او مناطق فى بوسطن ففى اى مستشفى واى منطقة........... اخى العزيز اناء لا اخوفك من الديرة ولكن لتحديد المكان والموقع المناسب لكى تكون قريب من المستشفى .............. اما بالنسبة للرخصة الدولية فالافضل ان تاخذها احتياط و يكون معك بطاقة للفيزا او الماستر كارد لسهولة التعامل بها اما بالنسبة للعوائل ليس بالضرورى وعسى ان تكون لغتك الانجليزية مقبولة .والعادة فى هذا النوع من المستشفيات يكون هناك مترجم من قبل المستشفى لتسهيل التعامل مع الاخرين ...لا تتردد فى السئوال والمحادثة وسوف تكون الامور على مايرام .....اسال اللة العظيم رب العرش العظيم ان يشفى مريضكم وكل مريض .............

[العنيـــــــــد]

الله يجزاكم خير