سؤال عن دورة ال knpc

[ابوشهاب]

السلام عليكم ,, يعطيكم العافيه

حبيت استفسر عن مكان دورة شركة البترول الكويتيه Knpc وين العاده مركز التدريب؟ بالشركة اليديده بالاحمدي؟ ولا بالمعهد التطبيقي اليديد بجنوب الصباحيه بالنسبه للمنطقه العاشره او بمينا الاحمدي ( وظيفة اوبريتر - مشغل حقل ) وياريت اعرف طبيعة الدوره وشلون النظام بالضبط.

وشاكر لكم

[sandman]

اتوقع بالاحمدي .. وياريت الشباب يفيدونك اكثر

لكن سؤال ،، متى فتحو التسجيل للدورة ؟

[القائد]

بالنسبة لدورة مشغل حقل كون عادة بمركز التدريب البترولي بمنطقة الاحمدي مبنى(ptc) مركز التدريب البترولي نصف منها نظري ونصف منها عملي مدة الدورة سنة فقط ............ز وفي تكنولوجيا تشغيل مصافي هذي عن طريق معهد التكنلوجيا سنتين ونص وتاخذ دبلوم تشغيل مصافي بس بالنسبة لموعد فتح باب التسجيل للحين مافي اي اخبار واي استفسار احنا حاضرين نسألك

[ابوشهاب]

يعطيكم العافيه على الردود , اخوي ساند مان .. انا مسجل بالشركه من شهر 6 2006 والشهر الي طاف خلصت اجرائاتي ووقعت العقد الي مدته مع الشركه ( سنه فقط ) هذا للعلم .. وايد ناس ماتدري ان العقد سنه فقط وان مشغل الحقل قابل للفصل في اي وقت او بعد السنه يمكن ما يتجدد العقد على حسب طبيعة الشغل بالشركه او المصفاة . لكن اتمنى الكل ينقبل ويظل بمكانه لانه مصفاة الاحمدي يديده ومطلوب لها موظفين.. وفي كلام من داخل الشركه ان راح يبطلون دوره يديده على السنه اليايه حق مصفاة الزور الي راح تكون اكبر مصفاة بالشرق الاوسط على كلامهم ..

* الي حاب يعرف اي خطوه بالتسجيل او الاجرائات بالشركه انا حاضر .. ومشكورين

[القائد]

يعطيكم العافيه على الردود , اخوي ساند مان .. انا مسجل بالشركه من شهر 6 2006 والشهر الي طاف خلصت اجرائاتي ووقعت العقد الي مدته مع الشركه ( سنه فقط ) هذا للعلم .. وايد ناس ماتدري ان العقد سنه فقط وان مشغل الحقل قابل للفصل في اي وقت او بعد السنه يمكن ما يتجدد العقد على حسب طبيعة الشغل بالشركه او المصفاة . لكن اتمنى الكل ينقبل ويظل بمكانه لانه مصفاة الاحمدي يديده ومطلوب لها موظفين.. وفي كلام من داخل الشركه ان راح يبطلون دوره يديده على السنه اليايه حق مصفاة الزور الي راح تكون اكبر مصفاة بالشرق الاوسط على كلامهم ..

* الي حاب يعرف اي خطوه بالتسجيل او الاجرائات بالشركه انا حاضر .. ومشكورين

مشكور بوشهاب عالرد الطيب