الدرجات

[مقهورة]

السلام عليكم سؤال خلاني مقهووووووووورة

الحين انا صارلي على درجتي اربع سنوات وصارلي بالشركة سبع سنوات ماخذيت غير هالدرجة والتيمات الثانية يتحركون ويغيرون مسمياتهم الا انا والمانجر قالي مافيه غير هالدرجة مالج الا النقل انزين اشمعنا ربعي نفس تخصصي وغيروا مسماهم كلهم بدون استثناء

وثاني شي طلبت نقل وناطرة من شهر مارس وكلا ما ادق على محمود عبدالله يقولي نطري في فرص ياية نطري شوي لي متى بس

بغيت اعرف القانون بهالشغلة شقدر اسوي

[جونم جقرم]

لا تسوين شي خليج ع التلفووون (((:

[najem2222]

نطرى لمل يكون فى دائرة ثانية مكان فاضى وتنتقلين اليها --- او ايبها لج من الاخير حركى وسطتك وقعدى فى الضل

[المهندس]

العلاقات الصناعيه - مالج اللا هالحل :) وصدقيني راح يضبطونج

لا تعطين مديرج ويه - ترا مو كفو احترام اغلب اللي عندنا اهني

:) وجوووود لاك

[بلبل عنقريزي]

صادق المهندس

اختي
تعرفين تستخدمين اي نوع من انواع الاسلحه البيضه

هذا علاجهم


انا اقولج طنشي الشغل وقدمي شكوه عليهم وحطي الدلايل مالتج وافضحيهم

[جونم جقرم]

يااا جماااعه لاا توهقون البنيه ((:
مالج الا الصبر وش وداااج له (:

[المهندس]

يااا جماااعه لاا توهقون البنيه ((:
مالج الا الصبر وش وداااج له (:

البنيه صبرت - لا يصير فيها مثل ما صار فينا

لا تستحين وسووا اللي فيه مصلحتج

بالاخر ترا بيقولون نسيناج

[مقهورة]

واي المشكلة وحدة تصير حق دي ام دي غبي عندنا ان شاء الله راح يشيلونه يقولي التيم ليدر بويهي عندج ظهر تمشين غير جذي الله يعينج والمشكلة لا اداوم ولا شي وصارلها سنتين خذت درجة قبل شهر وطالبة درجة ثانية

رحت حق واحد كان تيم ليدر الصناعية محمد خليل قالي لا تروحين الصناعية ولا شي لانهم راح يوقفون مع اللي اكبر منج درجة هذي سياستهم ومثل ماكانوا ناسينج راح يتذكرونج ويأذونج

والله ماردي شسوي

[ام ريما]

هلا والله حبيبتي نكج يعور القلب (مقهوره) انا اقولج شغله مافي الا ادقين على عدنان السبتي انشالله يفيدج لانه اهو تابع حق التنقلات والوظائف اعتمدي والله يوفقج انشالله

[LaRambla]

سوي اضراااب

[مقهورة]

ماكو الا عدنان مع اني كلمته قالي مافي غير سكرتيرة وانا ماحب اشتغل سكرتيرة لانه ربعي اللي يو بعدي صاروا مساعدين اداريين وانا اصير سكرتيرة ليش ان شاء الله

ان شاء الله باجر اكلم عدنان السبتي والله كريم

[مقهورة]

شكرا على الرد

[skipper]

لا النقابه تفيدج ولا شي
العلاقات الصناعيه الحل
لانه بالشركه مافي مساواه للاسف

[OK999]

اختي العزيزة اذا ماعندك واااااااااااااااااااااااااااااسطة راح تقاعدين ماحصلتي شي لاتعبيييييييين روحج دبري نفسك .

[القلب نفطي]

اختي العزيزة اذا ماعندك واااااااااااااااااااااااااااااسطة راح تقاعدين ماحصلتي شي لاتعبيييييييين روحج دبري نفسك .

اضم صوتي لصوتك وبكل قوه

[BURGAN]

اختي انا صار لي 9 سنين على درجتي ومسماي ..... خليها على ربج

[الغالية]

اختي ما لج إلا العلاج اللي عندي

فرشي سجادتج وادعي ربج اللي ما يبيله واسطه وبابه مفتوح سبحانه ..

ولا تستعجلين الإجابة .. ما يحكمه ربي ويقدره خير لنا رضينا ولا ما رضينا :)

اسمعي كلامي .... دواء مجرب وفعااااااااااااااااااال وانا اختج

[BURGAN]

اختي ما لج إلا العلاج اللي عندي

فرشي سجادتج وادعي ربج اللي ما يبيله واسطه وبابه مفتوح سبحانه ..

ولا تستعجلين الإجابة .. ما يحكمه ربي ويقدره خير لنا رضينا ولا ما رضينا :)

اسمعي كلامي .... دواء مجرب وفعااااااااااااااااااال وانا اختج

الغالية انا صار لي سنتين ادعي وربج ما كتب بس ما زلت اقول رب العالمين ما كتب واللي مكتوب من رب العالمين بتشوفه الاخت مقهورة ولا بيوقف بويهها تيم ليدر ولا مانجر ولا حتى رئيس مجلس الادارة

[الغالية]

ياخوي ربك كريم
اذا منع عنك شغله معينه انت تبيها الحين .. فهو سبحانه منعها لأنه يبيلك الأحسن وبوقت أفضل لك .. ويبيك تدعيه أكثر جلا وعلا

قول ... لعله خير ... والله يطول بعمرنا .. وتحصل على الأفضل وبأحسن وقت .. وتقول وقتها الحمدلله اللي ما صارت بذاك الوقت :)

ان الله سبحانه .. عند حسن ظن العبد .. تفاءلوا خير :)

[ABDULLAH]

أعرف واحد ظل على درجة 17 سنة

[LaRambla]

أعرف واحد ظل على درجة 17 سنة



اي والله كلنا نعرفه


مسكين هالادمي صبر اكثر من صبر ايوب


بوه هذا

[skipper]

واللي ينط قريدين بسنه
وبونصات على كيف كيفك وسياره ولا سوالف
جنه احنا عيال الهنديه