إن حبتك عيني ماضامك الدهر !!!!!!!؟؟؟؟؟؟

[نفوطه]

صباح الخير عليكم جميعا إشلونكم يارب تكونون بخير ... طبعا يمكن البعض يستغرب ليش إخترت العنوان بس أنا أقول للمستغربين هذا أنسب عنوان للوضع اللي قاعد يصير عندنا بالمؤسسة وخاصة بعض الدوائر اللي اذا المدير حب الموظف شاله فوق راسه لا يسأل عن تأخير ولا عن شغل ولا عن غياب ولا عن أي شي !!! لا وهذا كوم والصلاحيات اللي راح يتمتع فيها الموظف كوم ثاني طبعا راح يكون لهذا الموظف الأولوية بإختيار موعد إجازته السنويه والأولويه بإختيار موعد الكورس الخارجي والبلد ( وطبعا عادة يكون الإختيار بالصيف علشان مره وحده يصيف اهو والعايلة الكريمة على حساب المؤسسة ) ويكون للموظف الأولوية بالترقيات والبونص وبطاقات الشكر وغيرها ...

اما إذا كان الموظف غير محبوب وعادة ما يكون غير محبوب علشان يتكلم الصج ويقول للحرامي أنت حرامي بوجهه فهذا وعليه عليه راح يبشر بالتجميد وتأخر الترقية وماكو بونص،هذا وراح يكون تقييمه 6 وغير جذي لو أن المدير تعطف وتكرم وعطاه دوره راح تكون بدبي ....

يا ناس متي راح الله يفكنا من هذي النوعية من البشر ؟؟؟؟؟ واللي يبط الجبد انهم كل سنه يروحون الحج ويصلون كل فرض بفرضه ؟؟؟؟ ياناس ترا الواحد قبل لا يصلي لا زم يكون نظيف من الداخل ومطهر نفسه وما يفرق بين الناس خاصة إذا كان مسئول لأن باجر الله راح يحاسبه ؟؟؟؟ مو بس شاطرين ( وين رايحين من العمره ومن ويين يايين من الحج واللي أنتو فيه عليه )

[إعلامية KPC]

صح لسانك


http://www.q8ow.com/up/uploads/cae8b413da.gif (http://www.q8ow.com/up/)

[frfosha]

والله وانتي الصاجه ، طبعا انا من البترول الوطنيه عدنا وعندج خير بس ضحكتيني بسالفة العمره والحج صاجه والله لا وازيدج بعد اللحيه واصله لي سره وعلى اساس يعني يخاف ربه وما يرضى بالغلط واهوا الغلط والظلم راكبه من راسه لي ساسه بس شتقولين ، وانا عندي قناعه لا تبوق لا تخاف اذا عندي حق منهم أخذه أخذه اقعدلهم عظم بالبلعوم لانه ما يفيد معاهم الا جذيه وشكرا اختي نفوطه

[مجهوله-KPC]

نفوطه بصراحه انا ما ادري شنو اقول بس حسبنا الله ونعم الوكيل وكل كلمه ذكرتيها موجوده :mad:
وهذا الشي اللي يقهر والمشكله نشتغل والله ومو مقصرين بشي :(

بس ما اقول الا حسبي الله ونعم الوكيل

:mad::mad::mad::mad::mad::mad::mad:

[سالم الخالدي]

طيب شي الحل ؟؟


أنا كنت أظن مشكلة المحسوبية بس عندنا في البترول


طلعت كلها في القطاع النفطي

أذكر صديق لي مهندس في معهد الأبحاث ..أحاول اقناعه بالدخول والتسجيل في البترول كان يقول لي انسا البترول مستحيل ..قلتله ليش...كان يقول البترول كله محسوبية وظلم .....

والله صدق ..

[brilliant]

المحسوبيه موجوده في جميع دول العالم وبالعكس العن منا بمليون مره

لكن الامر يرجع للتوفيق ,, اذا الله وفقك بدائره زينه فانت شخص موفق واذا الله ما وفقك اطلب ربك بالتوفيق

[Element_X]

كلام فاضي هذه نفطوطه وانتى واعلاميه اشوف لمن كانت بين ايدكم الكيكه تاكلون منها محد فيكم بطل حلجه وانا اقصد بالكيكه بوخالد والحين لمن طلع قمتو تتذمرون ومنو يقول فى احد فى العلاقات ما خذت درجه اشوف كلكم درجات وبين فتره لى فتره سفرات وسالفه المخيم الربيعي اشوف وايد ناس مستفيده شخصيا من ورا هالشغله محد قال شى ؟؟؟؟؟؟؟

[KPC BaBy]

جنج تتكلمين عن مديرنا لووووووووووووووووووول

[Element_X]

والله مديركم زين و موزين بس تعالو ليش جذى الحين يعاملكم اهو ؟؟؟؟ مو يمكن يقول انكم خذيتو اكثر من حقكم الايام اللى فاتت !!!

[kpc^MoShi]

دستو عالوتر الحساس

والله القهر والظيم اللي متحملته بإدارتي المعروفه بالظلم والطغيان والجبروت <<<<< ما اقدر عالتعبير

[Element_X]

دستو عالوتر الحساس

والله القهر والظيم اللي متحملته بإدارتي المعروفه بالظلم والطغيان والجبروت <<<<< ما اقدر عالتعبير


اى اداره انتى علشان اعطيج سوالفها وتموتين قهر عدل

[نفطية أصيلة]

ربع دائرة الإعلام بالمؤسسة أكثر ناس مستفيدين من السفرات والإضافي خلووووني ساكتة !!!

[المتمكن]

بس ما اقول الا حسبي الله ونعم الوكيل

[fahadknpc]

نفوطة ماتعرفين سوالف المسؤولين السافلين لو تلبسين قصير وحلوة وتضحكين وخفيفة جان مشي شغلج اعرف حركاتهم والمشكلة معششين بالكراسي قهرررررررررررررررررررررررررررررررر

[نفطية أصيلة]

حسبي الله ونعم الوكيل على كل ظالم !!!!!!نفوطة ماتعرفين سوالف المسؤولين السافلين لو تلبسين قصير وحلوة وتضحكين وخفيفة جان مشي شغلج اعرف حركاتهم والمشكلة معششين بالكراسي قهرررررررررررررررررررررررررررررررر

[المتمكن]

حسبي الله ونعم الوكيل على كل ظالم !!!!!!

[الهماش]

ا لدنيا هذي دوارة

اليوم في المكتب وبكرة برى منتكب

[خميس الخامس عشر]

هذي طبيعة البشر...

في المؤسسه او شركاتها التابعه لها او اي مكان..

بس احنا مانقدر نغير اخلاق البشر... احنا نشتغل ونطلع وننسى..

الحقد والحسد اعمى عيوننا عن ايجابيات المسؤول ونركز على سلبياته..

كل شخص وله يوم فيه يترك او ينقل من مكانه.. والباقي الذكر الطيب..

سواء كان مسؤول او موظف عادي... خلونا بشغلنا والشخص السلبي بترد عليه سلبياته..

يعني مو لازم يكون المسؤول مطيع لموظفينه ترا في ناس تحاسبه كائن من يكون.. وهالشي انا لامسه من تجربه شخصيه..

احسنو الظن جزاكم الله خير...