التوظيف و الواسطه و النفط !!!

[Q8eng]

في مشكله غريبه انا شايفها و عشتها

خاصه بشركات النفط ماقول كلها لكن بعضها

والله في بعض الناس بالتوظيف يستغلون منصبهم و ما يوظفون الا بالواسطات

خربو الديره و خاصه ال Koc ننطر و نشوف هل مره صج بتصير حياديه والا لأ

انا متوظف بشركة خاصه حاليا و الحمد لله عقب ما قدمت koc ولا انقبلت

مشكله كاسر خاطري واحد مقدم معاي معدله 3.2 تخصص و عام متخرج هندسة جامعه الكويت و لا انقبل

و الي انقبل معدله 2 والله ماعندي رد غير آية من القرآن الكريم

( ألا لعنة الله على الظالمين )[هود آية 18]

[فيصل العجمي]

اخي الكريم الواسطه محد ينكرها موجوده في جميع قطاعات الدوله

[Q8eng]

صح كلامك هذا مرض منتشر بس ال koc ريحة الواسطه فيها زايده بشكل مو طبيعي

والله انهم يفرقون حسب الطائفه حسب القبيله و حسب المكانه و حسب و حسب

والا واحد اعرفه معدل 3.2 العام و معدل الخاص هم 3.2 ما ينقبل و يروح بمكان عادي

و غيره ينقبل بو نقطتين و اخر شي يبون الديره تتسنع و ما يبون الحساسيه تزيد بين الناس

طيب ما انتو بلشتوها و انتو قاعدين تخربون الناس شنو متوقعين منهم

نتمنى الحين يتغير شي من النظام اليديد للقبول نتمنى هل شي

[sandman]

هذا الحال في الكويت ، صارت دولة الواسطة وليست دولة المؤسسات، الواسطة هي المقياس وليست الكفاءة .. الله على الظالم

[Workers]

شركة نفط الكويت حسب كلام واحد من الربع راح يقدم عندهم

حاصل على الهندسة الكيميائية من امريكا امتياز مع مرتبة الشرف

قال له واحد اثناء التقديم ان شاء الله الواسطة بس قوية

قال صاحبنا انا مهندس لازم بعد واسطة قال له والله لو معك دكتوراه

مامعك واسطة لاتتعب نفسك .

طلع صاحبنا وتوظف على طول في pic وانتقل ايكويت بعدها فترة

[ما اروعك]

مشكله الواسطات مفروضة فرض حتى الي ينكرها محتاج لها عشان يمشي اموره

الله يصلح الحال ويحسن الاوضاع

وتحياتي للجميع

[جونم جقرم]

في مشكله غريبه انا شايفها و عشتها

خاصه بشركات النفط ماقول كلها لكن بعضها

والله في بعض الناس بالتوظيف يستغلون منصبهم و ما يوظفون الا بالواسطات

خربو الديره و خاصه ال Koc ننطر و نشوف هل مره صج بتصير حياديه والا لأ

انا متوظف بشركة خاصه حاليا و الحمد لله عقب ما قدمت koc ولا انقبلت

مشكله كاسر خاطري واحد مقدم معاي معدله 3.2 تخصص و عام متخرج هندسة جامعه الكويت و لا انقبل

و الي انقبل معدله 2 والله ماعندي رد غير آية من القرآن الكريم

( ألا لعنة الله على الظالمين )[هود آية 18]


ياخوي ماهي غريبة بالعكس الوضع جدا عادي :D

دائما سياسة ( هذا ولدنا ) هي الحاضرة وبقوة :D

عموما الواسطة بجميع القطاعات والوزارات والمؤسسات كافة وبدون أستثناء حتي علي المستوي العالمي :D

[ليلى رمضان]

تصفحنه الجرايد وحسنه بالمواقع وكلمنه ناس على الوظائف
زوجي أيَس ووقتنه خيَس
بدت القصه من اعلان الوظائف وانتهت ب 3 كلمات :


التوظيف
















الواسطه




















والنفط

[المنصور]

يا جماعة

تفائل بالخير.. تجده

لا تكونون سلبيين وهذا قسمه ونصيب

انا وغيري ما توظفنا بواسطة

نصيحه يا اخوان وكلوا اموركم إلى الله

واذا ما صار نصيبكم بالشركة فهو خيره في ما اختاره الله

[الفصول الأربعة]

إذا التخصص مطلوب والثقه بالنفس مطلوبه.
وشطاره في الكلام وقت المفابله هي اللي تقرر.
وحتى بالإمتحانات زين. شل مشكله مو مسأله معدل آنا معاي مقبول وقابلينهم

[جونم جقرم]

إذا التخصص مطلوب والثقه بالنفس مطلوبه.
وشطاره في الكلام وقت المفابله هي اللي تقرر.
وحتى بالإمتحانات زين. شل مشكله مو مسأله معدل آنا معاي مقبول وقابلينهم



كلامش حبر علي ورق ويناقض الواقع :rolleyes:

[Q8eng]

حده مناقض الواقع

انا ماقول انه ماكو بواسطه بس الاغلب بواسطه و هذا اصلا يضر المجتمع

و يعزز فيه التفرقه سواء العنصريه او الطائفيه او القبليه او او او

و اكثر مكان في تفرقه اهو شركات النفط و خاصه ال koc

كل واحد يدش لازم يعرفون منو ولده و ليش داش و شنو راح يصير اخر شي

يفكرون فيه الانسان نفسه و شنو راح يفيد

اشوه اني توظفت بشركه بقطاع خاص و ريحت بالي

حتى مافكرت اقدم كلش على هل اعلان

و موفقيين جميعا