لــمعــلــومـــاتـــك ...

[عبدالله العصيمي]

السلام عليكم ورحمة الله وبركاته

البونص قضية أزلية مثار جدل وأخذ وعطاء .. وكيفية منح البونص لها أسس ومعايير ، ولكن لانعلمها كموظفين لأنها لدى المسؤولين فقط ولا يطلعون عليها أحد ..
ولكن وحسب معلوماتي الشخصية أن من شروط منح البونص :
- الإبتكارات والأفكار الخلاقة التي يقدمها الموظف وتؤدي إلى تطوير نظم و أساليب العمل
- القيام بعمل يوفر على الشركة مالياً
- تحمل الموظف لمسؤوليات أعلى من مسؤولياته الحالية أو مسؤوليات إضافية
- القيام بتدريب وتطوير الموظفين الكويتيين

[MAB12]

ياكثرهم اللي خذوا بونص والله ثم والله ان هالشروط ما تنطبق عليهم ( لا حبتك عيني ماضامك الدهر )

مشكور يالعصيمي على ذكر النقاط وياليت احد من المسؤولين يتقيد فيها

[الفيصل]

العصيمي


شاكرك على هذه المعلووومه المفيده


سلمت يمناك

[عبدالله العصيمي]

MAB12 / فيصل الجابر
حياكم الله ومشكورين على ردودكم الطيبة ..
:

[Operator]

والله يالعصيمي ما شفنا ولا شي من هالقوانين تطبقت على الموظفين

ولا سمعنا انه في بنود اصلن وضعت للناس المستحقين

اللي سمعناه بس الناس اللي ما يستحقون

اللي يا خذ سك كل شب محرم عليه ورغم ذلك اعطيت لصاحب السكات

الله يكون بالعون

[غلوم]

العصيمى شلونك ابى ريك بقسم حركة الزيت ميناء عبداللة والمسؤلين ترى ريك

مهم .

[عبدالله العصيمي]

والله يالعصيمي ما شفنا ولا شي من هالقوانين تطبقت على الموظفين
ولا سمعنا انه في بنود اصلن وضعت للناس المستحقين
اللي سمعناه بس الناس اللي ما يستحقون
اللي يا خذ سك كل شب محرم عليه ورغم ذلك اعطيت لصاحب السكات
الله يكون بالعون

عزيزي " مشغل " .. لو لاحظت بنود منح البونص لرأيت أن هناك بند واحد فقط هو الذي ينطبق على كثير من الموظفين وهو بند " تحمل مسؤوليات أعلى " يعني واحد يغطي عمل درجة أعلى من درجته أما باقي البنود فنادر أن تجد من تنطبق عليه ، ومن هنا تأتي عشوائية توزيع البونص

والله يكون بالعون يا الغالي :)

تحياتي

[عبدالله العصيمي]

العصيمى شلونك ابى ريك بقسم حركة الزيت ميناء عبداللة والمسؤلين ترى ريك

مهم .

بخير الله يسلمك يا اخوي العزيز

أما رأيي في القسم والمسؤولين فلا أستطيع أن أبديه رغم نوع من المعرفة لدي عنهما ، حتى لا أعطي صورة قد تكون منافية للحقيقة ، ولكن أقول كما يقول المثل : " أهل مكة أدرى بشعابها " وأنت من أهلها ;) فعطنا رأيك ولاتهون ، حتى إذا كان بالإمكان عمل شيء .. ليش لا ..

تحياتي

[سالم الخالدي]

تحمل مسؤوليات أعلى أو إضافية

الله المستعان انظلمت في هذي

سنة بدون درجة وبالأخير عدد المرضيات قالوا كثير

أبي هذا السبب ليش مو موجود في الاستثناءات ؟؟؟؟


مشكور ياأبو عيسى على الفائدة اللي كثير مننا لا يعرفها

[عمالي]

مشكور يا عبدالله العصيمي على هذه المعلومات
تحياتي

[KNPC]

كل الشكر على الموضوع
ولكن الغالبية وانا اجزم ان الكل مطابقون الشروط
بعض المظفين يبون البونص ولا يكون مطبق واحده من الشروط اشلون يستحق البونص
أحسن النية أخوي
أنا اسألك أنت تستحق البونص هل أنت مطابق الشروط

[البن الأشقر]

:)

يعطيك العافيه ......ومشكور عالموضوع

الزبده اذا حبوك وارتاحوا لك المسؤلين عطووووك ....سواء مطابق او غير مطابق...

انا واحد من الناس منظبط والحمدلله وعندي (( كذا نيييييييير مس))حوادث وشيكة الوقوع ...وصايد لييييك ...

ماشفت كتاب شكر ولا بونص والسنه هذي مسؤلي عطوه بونص بعد 15 سنه :)

وكلمتهم وقالولي السنه الجايه نعوضك <<<<هذي كلمتهم

على ناس وناس بس مايضيع حق وراه مطالب:)

والسلام عليكم ورحمة الله وبركاته

[زهرة التوليب]

يعني بالله هذي الشروط تنطبق على المسؤولين !!!

طبعا ما تنطبق وكل سنه البونص بجيبهم واهم اللي تحتهم
والباجي لهم الله !!!

لازم سياسة البونص تتغير لأن ناس وايد قاعده تنظلم وما تاخذ بونص
وغيرهم البونص اييهم بارده مبرده مع انهم ما يشتغلون ويا كثر استئذاناتهم

[كنبس]

البونص يا اخوان هذا مو بونص هذا ورث من المسؤل الى جماعته
السوبرفايزر يرشح وهم يختارون الى يبونه
يعنى لا قوانين ولا بطيخ
والبونص حق ناس وناس
وانا واحد منهم اخذت بونص قبل جم سنه يوم صرت زين معاهم بس الحين مايعرفونى يقولون بس انوزع على الى ماعطيناه ؟؟؟
يالله صج اذا قالو من حبك ما لاشاك
تحياتي

[fireeccc]

البونص يا اخوان هذا مو بونص هذا ورث من المسؤل الى جماعته
السوبرفايزر يرشح وهم يختارون الى يبونه
يعنى لا قوانين ولا بطيخ
والبونص حق ناس وناس
وانا واحد منهم اخذت بونص قبل جم سنه يوم صرت زين معاهم بس الحين مايعرفونى يقولون بس انوزع على الى ماعطيناه ؟؟؟
يالله صج اذا قالو من حبك ما لاشاك
تحياتي

هذا كلام صحيح بنسبه 90%