ضوابط الكورسات الخارجيه " خارج دولة الكويت"

[غيوره جدا]

السلام عليكم و رحمة الله و بركاته ..

حبيت اعرف من زملائي المخضرمين و اللي عندهم خلفيه عن الموضوع ما هي ضوابط الكورسات بالخارج

هل تعتمد على:
- درجة الموظف
- ميزانية الدائره
- اخر كورس للموظف او عدد السنوات اللي مضت للموظف بدون اي كورس
- هل هي محتكرة على نفس العدد من الموظفين اللي يسافرون كل سنه ( التيم ليدر و المسؤلين وحبتك عيني و كل واحد مو اقل من مرتين طبعا )
- هل في سياسه ملزمه من قسم التطوير الوظيفي

هل اذا تعذر المدير بالميزانيه .. لازم يعزز ميزانيته عشان ما تصير ناس و ناس السالفه و يقع الظلم و تصير ما تسوى عليه بدنياه
و متى يحق له يرفض؟

احنا ناس By book ما نبي شي مو بالقانون

[Mbd_knpc]

والله يا اختي هالمشكله مالها حل
الاا المقوله الشهيره (( ان حبتك عيني ما ظامك الدهر ))

الكورسات ماتعتمد على شي احنا بدائرتنا حتى الهنود الفنين كانو في السابق يروحون امريكا او مليزيا او ماعندهم دبلوم اصلن
لأن اصلن الهدف من الدورات تنميت قدرات الموظف ف ماتعتمد على الدرجه بس تعتمد على محبت المدير يعني احنا الحين المدير اب سلامته ما يدز الا الجامعيين مع العلم انه الدورات صيانه اجهزه يعني بس الفنين اللي يستفيدون منهم او حتى السوبر فايزر ما يدزه او كلمته وثانيه المهندس يسافر او يفهم او ايي يعلم الفني يعني باختصار وين اذنك يا جحا!!!!!

[M.T.B.E]

السلام عليكم و رحمة الله و بركاته ..

حبيت اعرف من زملائي المخضرمين و اللي عندهم خلفيه عن الموضوع ما هي ضوابط الكورسات بالخارج

هل تعتمد على:
- درجة الموظف
- ميزانية الدائره
- اخر كورس للموظف او عدد السنوات اللي مضت للموظف بدون اي كورس
- هل هي محتكرة على نفس العدد من الموظفين اللي يسافرون كل سنه ( التيم ليدر و المسؤلين وحبتك عيني و كل واحد مو اقل من مرتين طبعا )
- هل في سياسه ملزمه من قسم التطوير الوظيفي

هل اذا تعذر المدير بالميزانيه .. لازم يعزز ميزانيته عشان ما تصير ناس و ناس السالفه و يقع الظلم و تصير ما تسوى عليه بدنياه
و متى يحق له يرفض؟

احنا ناس By book ما نبي شي مو بالقانون

الكورسات الخارجيه سياحه واستجمام للمدراء في شركتنا الغراء مو لنا احنا اهل الطبقه الكادحه احنا علينا انداوم 8 ساعات في اليوم ونشتغل واحنا صاكين احلوجنا ويا ويلك اذا تكلمت او تذمرت ترى الفايل نوت موجود بدرج المكتب على العموم راحت ايام العز والشركه من اسوء الى اسوء :( MTBE

[نفطي كويتي]

لاحد يكسر مجاديفج
ماضاع حق وراه مطالب

[سفاري الكويت]

يا معودين نبي دورات في الكويت الاول !

[PANADOL]

حلوه باي بوك :)

[ابو العتاهية]

ماعندك واسطة يفتح اللة انا مارحت الا بطلعت الروح اسبوعين غصب والحجى هذا من عشر سنوات الحين فنادق او كلية الهندسة بالخارج انسوا الموضوع لا شروط ولا هم يحزنون خشمك اذنك 0 (وطن بدون جياكر)

[brilliant]

اختي غيوره اسالي عن الكرير باث مالج وعن pdp وقوليلهم ابي اعرف الـ gaps الي عندي وبعد ما تعرفين شوفي كورسات تغطي هالقابز وانشالله محد يقدر يردج

[غيوره جدا]

brilliant يعطيك العافيه ما تقصر

بو العتاهيه .. شان حمله ضد الجياكر ؟ مالهم رب يعني .. بصراحه اشك انك جيكر

[shayib80]

انا أؤيد كلام الزميل MTBE

احنا نشتغل في المصافي يختارون من الثلاث مصافي واحد علشان يكمل الهندسة بشروط منها
1)التوفل 500 كحد ادنى إذا ما زادوها هالسنة.
2)دراسة الموضوع الي اهما يبونه مو انتي الي تبينة
3)شغل المنصب عند التخرج في الشركة بعدد سنوات الخدمة
4) في الاخلال بشروط الابتعاث وعدم اكمال الدراسة خلال المدة المسموحة ، تحول لدائرة الشؤون القانونية لسحب مستحقات الابتعاث.5)في حال وجود واسطة تلغى جميع النقاط المذكورة والغير مذكوره اعلاه
shayib80COKER TR-2

[Mr.L.P.G]

هيهيي تبون دورات خارج الكويت اسمعوا هالسالفه انا موظف بمصنع الغاز بميناء الاحمدي انا متوظف من تاريخ
7/2/2004 ورحت لغاية الان كورسين مدة كل كورس ساعتين تتوقعون وين اللي فاهم العله فاهمها لكن اللي مو فاهم موديني
أخذ كورس ب شمس وقمر ولا المصيبه المحاضرين ترا مو من جامعة الكويت ولا التطبيقي مابي اضرب بالعالي واقول من امريكا بس للاسف من الهند واللغه الانجليزيه الله لا يوريكم سهله جدا جدا من السنتهم وعلى فكره الى الان تم الغاء 11 كورس عني مادري
شنو السبب وعلى فكره ترا الكورسات الخارجيه حسب مدير دائرتنا الموقر المهيب الركن المهندس فهد الصالح الكندري لازم تتم خمسة سنوات بدون مرضيات وعلاوتك السنويه لاتقل عن 7.5 %


يعني اغسل ايدك ب..................................[

[هواوى]

هيهيي تبون دورات خارج الكويت اسمعوا هالسالفه انا موظف بمصنع الغاز بميناء الاحمدي انا متوظف من تاريخ
7/2/2004 ورحت لغاية الان كورسين مدة كل كورس ساعتين تتوقعون وين اللي فاهم العله فاهمها لكن اللي مو فاهم موديني
أخذ كورس ب شمس وقمر ولا المصيبه المحاضرين ترا مو من جامعة الكويت ولا التطبيقي مابي اضرب بالعالي واقول من امريكا بس للاسف من الهند واللغه الانجليزيه الله لا يوريكم سهله جدا جدا من السنتهم وعلى فكره الى الان تم الغاء 11 كورس عني مادري
شنو السبب وعلى فكره ترا الكورسات الخارجيه حسب مدير دائرتنا الموقر المهيب الركن المهندس فهد الصالح الكندري لازم تتم خمسة سنوات بدون مرضيات وعلاوتك السنويه لاتقل عن 7.5 %


يعني اغسل ايدك ب..................................[

هههههههههههههههههههههههههههههههههههههه
ولك انت شنوووووووووو واسطة
هوووووووووووك عليك ماشالله لا الله الا الله عليك
من 2004 ورحت كورسين ولا ومطوفيلك بعد 11 كورس
انت شنوووووووو من وين اطلب حظك الصخر
انا من 1995 موظف بالبتروول رحت مرة وحدة ساعتين للاحمدى كورس ولا على الغاز تيست بعد يعنى شغل كرف بس
ههههههههههههههههههههه خلهاا على الله وقوول الحمدلله

[mjf_q8]

انا أؤيد كلام الزميل MTBE

احنا نشتغل في المصافي يختارون من الثلاث مصافي واحد علشان يكمل الهندسة بشروط منها
1)التوفل 500 كحد ادنى إذا ما زادوها هالسنة.
2)دراسة الموضوع الي اهما يبونه مو انتي الي تبينة
3)شغل المنصب عند التخرج في الشركة بعدد سنوات الخدمة
4) في الاخلال بشروط الابتعاث وعدم اكمال الدراسة خلال المدة المسموحة ، تحول لدائرة الشؤون القانونية لسحب مستحقات الابتعاث.5)في حال وجود واسطة تلغى جميع النقاط المذكورة والغير مذكوره اعلاه
shayib80COKER TR-2

أخواني الأعزاء

أود التنويه بخصوص هذا الموضوع

1) التوفل 550 مو 500 وهذا الشرط يطابق سياسة التعليم العالي
2) الشركة تختار التخصصات حسب حاجة الشركة والنظام صمم للاستفادة من موظفيها
3) شرط جزائي انه الموظف يغطي سنوات الخدمة الي درسها أو ارد الفلوس الي انصرفت عليه
4) الموضوع ما فيه واسطات لأن في نظام للاختيار وهو كالآتي:-
- نسبة التانوية
- عدد سنوات الخدمة
- الحالة الاجتماعيه (اذا كان الموظف أعزب له نقاط أكثر لأن تكلفته أقل من المتزوج)
- أداء الموظف خلال الثلاث سنوات

ترى مافي واسطات بس المشكله انه بعض الأحيان مديرك يقمت الموضوع وما يدزه للموارد البشرية

ودمتم سالمين

[mjf_q8]

يا معودين نبي دورات في الكويت الاول !

يا الربع عندي نصيحة لكم

ترى المؤسسة فارضة على موظفين القطاع النفطي انه كل واحد اغطي بالسنة 50 ساعة تدريبية

والتطوير الوظيفي يطلب احتياجات التدريبية كل سنه من كل الدوائر وبعد ادزون كشوف عن الموظفين الي ما يحضرون دورات خلال السنتين السابقتين

من حق الموظف انه يطالب بتدريبة

ودمتم سالمين

[mjf_q8]

السلام عليكم و رحمة الله و بركاته ..

حبيت اعرف من زملائي المخضرمين و اللي عندهم خلفيه عن الموضوع ما هي ضوابط الكورسات بالخارج

هل تعتمد على:
- درجة الموظف
- ميزانية الدائره
- اخر كورس للموظف او عدد السنوات اللي مضت للموظف بدون اي كورس
- هل هي محتكرة على نفس العدد من الموظفين اللي يسافرون كل سنه ( التيم ليدر و المسؤلين وحبتك عيني و كل واحد مو اقل من مرتين طبعا )
- هل في سياسه ملزمه من قسم التطوير الوظيفي

هل اذا تعذر المدير بالميزانيه .. لازم يعزز ميزانيته عشان ما تصير ناس و ناس السالفه و يقع الظلم و تصير ما تسوى عليه بدنياه
و متى يحق له يرفض؟

احنا ناس By book ما نبي شي مو بالقانون


التدريب الخارجي يعتمد اعتماد كلي على الميزانية وموافقة مدير الدائرة
ودور التطوير الوظيفي بهالموضوع كالآتي:-
1) يرفض في حالة عدم توفر ميزاني
2) الدورة ما تناسب الموظف
3) في بديل محلي

[ابو العتاهية]

brilliant يعطيك العافيه ما تقصر

بو العتاهيه .. شان حمله ضد الجياكر ؟ مالهم رب يعني .. بصراحه اشك انك جيكر

انا مانى حلو لاكنى مانى شين يجب حل مشكلة الجكر بالبلد عن طريق التهجين من الخارج وعندنا فئة فى منطقتنا تزوج اكثرهم وهم شياب من الخارج قبل سنوات وبدأت النتائج تظهر والوضع يبشر بخير تغيير جذرى بصراحة لا وهالشياب مركزين على النيل شلون لو راحوا لبنان او المغرب راح يطلعون بشى رائع فا حبيت تعمم هذة التجربة حتى تصبح الكويت بعد عقدين من الزمان (وطن بدون جياكر)

[alqreen]

ودونى دوره الدمام سنه 95 لمده اسبوعين وعقبها ماشفت شى