السلام عليكم يا موظفي koc

[ossc]

السلام عليكم يا موظفي شركة نفط الكويت

انا احد موظفي رجال الامن المفروزين لدى قسم مراقبة الاحمدي

واللتي تببع لها جميع مرافق ومكاتب شركة نفط الكويت في الاحمدي

انا لا اعلم لماذا يغضب الموظفين عندما نطلب هوياتهم

فا هذا عملي ان لم اطلبها منه فقد يحاسبني ضابط الامن

او البعض يرد علي بنفس ماتشوف السياره سيارة الكي او سي

طيب وانا ماذا يدريني انك موظف في الكي او سي البعض يعطي سيارته لأبنه

والشغله الثانيه

الموظفات اعتقد ماخذين نيه مو زينه

مفكرين ان حنا ناخذ هوياتهم للفضول ومادري ايش

او وحده تجي تقول انا كل يوم امر
وانا ارد عليها كل يوم واقولها لازم اسجل اسمج
وعلى هذا الموال

والبعض يريني هويته من وراء الدريشه كأني اشحذ منه فلوس

وهذولا الناس طبعاً قلقه قليله


وانا احب ان انوه لموظفي ممبنى التعمير والمكتب الرئيسي والبي تي سي

ان حنا مطلوب من هل ايام ان حنا نفتش سياراتكم حتى الدبه لازم نفتشها لان المراقبه موزعين علينا تعميم بس نخاف اذا قلنا بنفتشكم يجينا كلام من الموظفين وخاصتاً البنات

ومره اخرى اكرر هذوله قله قليله في الشركه

وانا اطلب من جميعا الموظفين في الاحمدي انهم يعاونونا على عملنا

وللعم نحن نقدر نكتب تقارير للي ينظرنا نظره مو زينه او يعطينا النفسيه مع الصبح او اذا ماعطانا التصريح مايدش بس والله مانبي المشاكل


ومره اخره اكرر هذولا قله قليله لان لو كل الموظفين كذا كنت راح اقدم استقالتي من زماان


تقبلو فائق احترامي وتحياتي

[dehen_3ood]

وعليكم السلام ورحمة الله وبركاته

ويا مال العافية وقواكم الله يا رجال الأمن

ومشكور على هالطرح الهادف وعلى هالموضوع إللي مأرقكم ومأرقنا معاكم

ومثل ما قلت (القلة القليلة) إللي اتعامل معاكم بهالطريقة غير متساهلة وغير متعاونه معاكم
مثل مافي (قلة قليلة) منكم غير متفهمين والصارحة دفاشة وهذا سبب غضب الموظفين عليكم
لأن (هالقلة القليلة) نثت وعمت على الكل وانوخذت فكرة وحده عنكم وشملت العموم !!

هذا شغلكم وواجبكم والمفروض الكل يحترم هالشي ولي طلبتوا الهوية من الموظفين أو الموظفات المفروض يعطونكم الهوية للتدقيق حتى لو السيارة سيارة الشركة .. كلامك صحيح

بس في مواقف صارت جدامي الصراحة رجل الأمن هني مال طق
مافي اسلوب .. وهالشي يضايق !! يمكن الموظفين شباب يقدرون يردون عليهم
بس احنا البنات بالله بنتلاسن معاه؟ عيب ومايصير !!
وعلى هالأساس تشوف النفسية من صباح الله خير ومالنا خلق هالتفتيش !!

وسوالفنا مع رجال أمن المنشآت بالفيلد حدث ولا حرج !! كرهنا منهم شي اسمه رجل امن ولا عسكري يوقف يدقق

في منهم والله ينحط على الراس ويطلب الهوية بلطف حتى لو طلب الجنطة يفتشها ميخالف هذا شغله (ولو ان بالجنطة أشياء خاصة) بس طريقته سنعه .. وفي منهم الله لا يوريك جنه إحنا إللي نشتغل عنده !! ما يصدق موظفه داشه بسيارتها او سوبر البنات مار !! يعل الجبد يدقق بالهوية . يرفع عينه يطالعك ويطالع الهوية .. وساعات يتمادى من اجل الاستفزاز بس ويقول يالله نزلوا بفتش !! وجان زين يفتش !! يتمقل بس .. والوضع هني كلش مو شي ومو حلو

شلون تبي الموظفين والموظفات عيل يحترمونكم ويعاملونكم عدل ؟؟

وهم هذيل (قله قليلة) !!

زبده الحجي .. بالتعامل الراقي والأسلوب السنع من الطرفين نرتقي

[Phox]

يا مال العافيه والله

وعسى الله يعينكم على اللى تسوونه والله .. وصج انه شى يسبب الاحراج خصوصا اذا ياكم انسان مو متفهم شغلكم

بس ترا ما يمنع ان لكل قاعده شواذ .. وانا اعرف شباب شخصيا بالامن (اقعد معاهم مرات من باب التعرف عليهم) كل سوالفهم "راح اسولف مع هذى" .. وراح "ارايش" هذى .. "باجر اوقفها اجيبلكم اسمها " .. ونفس الشى بعض البنات صج تكون في هيئة او شكل يشجعك انك اتحرش فيها ...

اكرر .. احنا انخص ما انعم واكرر لكل قاعده شواذ والغالبيه من شباب الامن ومن البنات محترم وبحاله ..

التعاون مطلوب ومفروض معاكم ... والله يعطيكم العافيه مره ثانية

[LaRambla]

اول شي اللغة العربية عندك عجيبة :)

ثاني شي سو شغلك وماعليك من اللي ينفس ولا يزعل نفذ المطلوب منك ولا عليك من احد

ارض ربك وضميرك وانتهى الموضوع

[Winchester]

الله يعطيكم العافية وما قصرتوا

والله يعنيكم

[غيوره جدا]

بصراحه يعطيك العافيه ..

انا لاحظت ان الموظفين يتذمرون من هاقصه !! عسى ما شر !

ما صار شي طالما رجل الأمن طلب منكم الهويه بادب الرجاء التعاون و ابرازها

والا ليش الهويات

والموظفات ما عندهم عذر .. اذا مشينين النيه !! ما ينفع يشتغلون بشركه او بالاحرى مكان مختلط

ســـلام

[نفطي كويتي]

وانا بعد اضم صوتي مع صوت غيوره

[ossc]

السلام عليكم


اشكر جميع من تفهم موظفي الامن

واشكر الجميع على رحابت صدرهم

واشكر جميع من رد على الموضوع

[فيصل العجمي]

عامل الناس كما تحب ان يعاملوك

لو كل واحد وضع هذا الكلام في باله لما كان هناك احد رافع خشمه او شايف حاله على احد
والمفروض ان احنا كلنا زملاء عمل والتعاون مطلوب من الجميع
ومثل ما الموظف مطلوب منه يؤدي عمله حتى رجل الأمن مطلوب منه عمل يؤديه
وكل الشكر لك اخي الكريم

[HUMMER]

الله يكون بعونكم ويعطيكم العافيه

[المهندس]

كللنا معاك - سو شغلك ومالك شغل في الي ما يسوا

[Shoomy]

اي والله مثل ماقال اخوي المهندس

بصراحه يعطيكم العافيه وماقصرتوا وقواكم الله

وبعدين كافي واقفين بهالشمس

اقولك نصيحه اللي مايعطيك الهويه ولا ينفس لاتخليه يطوف قوله قانون يمنع مرور المنفسين

كااااااااااااااك لا جد والله اللي مايعجبه اخذ هويته ولاتردها قول عليك مخالفه تنفيس وخل يصفط على اليمين ;)

تقبل مشاركتي
تحياتي

[العندليب]

أشكر الأخ اللي طرح موضوعع رجال الأمن ومشاكلهم......وأنا شخصيا في المنطقه الصناعيه في دائرة الشراء واجهت العديد من التصرفات الأستفزازيه من بعض رجال الأمن (القله القليله ركزوا عليها عدل) من غير الكويتيين وهذا اللي يبط الجبد صج أن أمنك وأمن المكان اللي أنت تشتغل فيه والمهم والخطر في نفس الوقت يكون مسؤول عنه غير كويتي من غير تحديد جنسيات ولا زعل (كلمة الحق ماتزعل) ؟ وفوق هذا يكون منفس من الصبح عليك مادري منو شاخط فيه وعلى باله أنه صاحب سلطه ؟؟؟ نعم صاحب سلطه في طلب الهويه فقط فقط فقط بس مايكون صاحب سلطه في نفسيه من الصبح على البشر .....اللي بقوله انا مو ضدكم والله ياموظفين الأمن بالعكس أنا أرتاااااااااااح وأفرح لما ألاقي كويتي ولد البلد يخاف على مصلحة الديره قبل لايخاف على نفسه لما يطلب مني الهويه ويمارس صلاحياته المحدوده فقط مع الموظفين....الرجاء الرجاء الفهم الواضح والمقصود من كلامي....أنا مو ضد توظيف غير الكويتيين ولا أحب قطع الأرزاق بس المسأله تحتاج صاحب أنتماء لهذا البلد ويكون على قدر كبير من المعرفه بالتعامل مع البشر.....وشكرا للجميع واذكر نفسي أولا وأخواني جميعا بالتعاون مع رجال الأمن الله يعطيهم العافيه......سبحانك اللهم وبحمدك أشهد أن لا إله ألا أنت سبحانك أني كنت من الظالمين...
وشكرا.

[نفط الكويت]

حبيبي فتش و فل الماكينه فل هذا شغلك بس مثل ما قالوا الاخوان اهم شي النفسيه الحلوه تاخذ عيون اللي تبي و حالك حال اي موظف يادي واجبه و بالنسبه للحالات الشاذه فمعروف ان الحالات الشاذه ليست لها قاعده من الطرفين سواء المفتش أو المفتش عليه. و اللي يرى ممارسات غير قانونيه عنده القنوات الصحيحه عشان يسلكها.

[مختبرجي]

الله يعطيك العافيه شوف شغلك ولا عليك من احد

[سعوود]

ما شالله صرنا نشوفهم بكثره هاليومين
على الجيوب ومولعين الفلشر فى الاحمدي

[skipper]

يعطيكم العافيه وانا اضم صوتي مع صوت الربع
بس عندي ملاحظه صغيرونه؟؟
انت تقول تفتش السياره ؟؟؟ بالنسبه لي وسيارتي فتش من اليوم لي باجر
بس من الطبيعي في ناس ماراح ترضى وراح تعارض هالشي مو قصوره فيكم
لا السالفه سالفه مبدأ
وسلامتك

[ossc]

السلام عليكم اشكر جميع من مر

ورد على الموضوع سوء موئيد او معارض

اما بالنسبه لتفتيش السيارات


انا لو بأيدي واكون صريح ابطل البوبات واخليه

واما لتفتيش السيارات

احنا ماودنا اصلاً نفتشها لان مانبي نطول ع انفسنا قبل لا نطول عليك

وتفتيش السيارات يكون بتعميم لسيارة الصغيره اما الشاحنات فا حسب مظهر السائق


واشكر مره اخر جميع من مر وعلق ع الموضوع


تقبلو فائق احترامي وتقديري

[علميني الحب]

أشكر الأخ اللي طرح موضوعع رجال الأمن ومشاكلهم......وأنا شخصيا في المنطقه الصناعيه في دائرة الشراء واجهت العديد من التصرفات الأستفزازيه من بعض رجال الأمن (القله القليله ركزوا عليها عدل) من غير الكويتيين وهذا اللي يبط الجبد صج أن أمنك وأمن المكان اللي أنت تشتغل فيه والمهم والخطر في نفس الوقت يكون مسؤول عنه غير كويتي من غير تحديد جنسيات ولا زعل (كلمة الحق ماتزعل) ؟ وفوق هذا يكون منفس من الصبح عليك مادري منو شاخط فيه وعلى باله أنه صاحب سلطه ؟؟؟ نعم صاحب سلطه في طلب الهويه فقط فقط فقط بس مايكون صاحب سلطه في نفسيه من الصبح على البشر .....اللي بقوله انا مو ضدكم والله ياموظفين الأمن بالعكس أنا أرتاااااااااااح وأفرح لما ألاقي كويتي ولد البلد يخاف على مصلحة الديره قبل لايخاف على نفسه لما يطلب مني الهويه ويمارس صلاحياته المحدوده فقط مع الموظفين....الرجاء الرجاء الفهم الواضح والمقصود من كلامي....أنا مو ضد توظيف غير الكويتيين ولا أحب قطع الأرزاق بس المسأله تحتاج صاحب أنتماء لهذا البلد ويكون على قدر كبير من المعرفه بالتعامل مع البشر.....وشكرا للجميع واذكر نفسي أولا وأخواني جميعا بالتعاون مع رجال الأمن الله يعطيهم العافيه......سبحانك اللهم وبحمدك أشهد أن لا إله ألا أنت سبحانك أني كنت من الظالمين...
وشكرا.

كلامك صح وأنا نفس الشي ولا أواجه هالمشاكل إلا مع أخوانا المصريين واقف على بعد 4 أو 5 أمتار ويقولي هوية الشركة يا فندم
والله لو زرقا اليمامه ما تشوف
قعدت أخزه شوي والله من القهر رجعت قري ودخلت من باب الخروج إلا غبرته وراي
يعني صج قلة حيا
لكن الغالبيه الله يعطيهم العافيه مو مقصرين والله
بس كثروا الجاكيتات جايكم البرد ووقت الصبح شينه
جنها أيام التجنيد

[Instrument]

كللنا معاك - سو شغلك ومالك شغل في الي ما يسوا

[ossc]

الله يعطيكم العافيه


ومشكورين على التشجيع


ولا توصون حريص ان شاءالله

[نفطي بترولي]

هذا التخلف العربي المزمن

لو تطلب هوية أي خبير أجنبي سيعطيك إياهااا بكل سعة صدر

لكن يا الغالي مو كل الموظفين

هؤلاء قله ولله الحمد

[ossc]

حياك الله

وشاكرلك تفهمك

ومرورك

[بترولي مال أول]

الحل ادخال العنصر النسائي في الامن وخاصه المكاتب الرئيسيه والبنات يفتشهم بنات مثلهم والبنات هم خواتنا وبناتنا و شباب الامن هم اخوانا ويعيالنا واللي يقوم بشغله مثل ماهو مطلوب منه يفرض احترامه علي الكل واولهم انا

[ossc]

شاكرلك مرورك وتفاعلك مع الموضوع