اتفاقية النقابه ..

[MAA]

السلام عليكم .. يعطيكم العافيه على هذا المنتدى الاكثر من رائع .. والي انشالله راح يعود علينا جميعا بالفايده من خلال مناقشاتنا ومناقشة الاعضاء الموجودين جميعا ..

اما بعد اود الاستفسار عن الاتفاقيه الي حصلت بين النقابه واداره الشركة .. بخصوص موضوع Sf.operator لانه الشغله الي صايره بالوقت الحالي بميناء الاحمدي مزاجيه جدا .. بخصوص موضوع استلام الوحدات الاخرى .. المبالغ فيه .. اضافة الى ذلك في البدايه الاختبار التحريري وبعد من استلام وحده اخرى Part Time .. هذه الكلمه تحتها خطين .. والعذر انه Man Power مو كافي .. ومن بعد الاستلام من وقتك .. يوجد الاختبار الشفهي .. ومن بعد ذلك التدريب على البانل للوحده القديمه وبعدين يرسل القريد !! هل هذا معقول .. لانه الوضع السابق ما كان بهذا الشكل .. فقط اختبار تحريري ومن بعده شفهي واستلام البانل .. وارسال القريد .. بس الوضع الي حاصل يا اخوان مزاجيه Team Leader + Suction Head .. لانه انا واحد من الاشخاص الي لحد الآن متضرر ومتأخر قريدي .. والسبب هذه المزاجيه .. فأرجو من الاخوان الاعضاء بالمنتدى او الاخوان النقابيين الموجودين .. انهم يزودونا بنسخه او بنص هذه الاتفاقيه .. اضافه الى ذلك هل يوجد قانون بالشركة او نص صريح بالتدريب واستلام الوحدات الاخرى Part Time ! ..

[عبدالله العصيمي]

حسب معلوماتي الشخصية أنه من شروط وظيفة مشغل حقل أول أنه يغطي في غرفة التحكم المركزية ..
وقد كان في السابق تساهل في موضوع التغطية ، إلا أن واجه المسؤولون مشكلة رفض تغطية المشغلين في غرفة التحكم . فصار هناك اشكالية وهي : أن لكل وحدة عدد محدد من المشغلين الأوائل لايجب أن تتجاوزه .. وهؤلاء المشغلين يرفضون التغطية داخل غرفة اتحكم .. وهناك نقص في مشغلي غرفة التحكم .. ؟؟!! فما الحل ؟
من هنا صار التشدد على نظام إعطاء درجة مشغل حقل أول Snr. Field Operator وصار لابد من أن يتمكن من العمل على شاشة الكمبيوتر حتى ترفع له الدرجة ...

هذه معلومات شخصية يا الغالي .. وأرجو من عنده( العلم الوكاد يعطينااياه )

[MAA]

شاكــر لك مرورك العطر مشرفنا عبدالله العصيمي .. وشكرا على اضافة معلومتك :)

[عبدالله العصيمي]

العفو يا الغالي ... وحياك الله :)

[محمد الشيباني]

السلام عليكم

ودي ترجعون بالذاكره للايام الي كان اعضاء النقابه يفترون على الموظفين ويقولون نوعدكم بعد سنه كل واحد راح ياخذ درجه من 12 الى 13 بدون شروط

طبعا صارت اتفاقيه ومحد يدري الا النقابه وبعدين فاجأونا بالشروط وهذي الشروط في صالح الشركه وليست في صالح الموظف

الله يستر على الموظفين

[MAA]

شاكر لك مرورك العطــر العضو محمد الشيباني .. وشكرا على اضافة معلومتك .. :)
الى الاخوه الاعضاء النقابيين نريد نصوص الاتفاقيات التي تمت بين النقابه والشركة ..

[كويت العز]

شاكر لك مرورك العطــر العضو محمد الشيباني .. وشكرا على اضافة معلومتك .. :)
الى الاخوه الاعضاء النقابيين نريد نصوص الاتفاقيات التي تمت بين النقابه والشركة ..

السلام عليكم

اخوي اذا تبي نصوص الاتفاقيات اللي تمت بين الشركه والنقابه .............................
.
.
.
.
.
.
.
.
.
.
.
.
.
.
.
.
.
.

ما يصير تشوف الاتفاقيات انت منو؟ مع احترامي لك اذا كان عضو مجلس الاداره بنفسه مايقدر يشوفها

ولا زم يكتب كتاب رسمي لسكرتير النقابه وبعدين يعطيه امين السر وبعدين يشوف منو اللي طالب الطلب وشنو قائمته

اللي يميل لها وفي الاخير للاسف ماراح تشوف شي.

[محمد الشيباني]

صح لسانك يا كويت العز

وازيدك من الشعر بيت 000 بعض اعضاء النقابه نفسها ما يقدرون يشوفون اي ورقه او اي اتفاقيه تمت مع الرئيس بالسر او على العلن

ارجو من الاخوان انهم ما يحرجون اعضاء نقابتنا الموقره بطلب اي نسخه من اي موضوع يخص العمال لانه مو شغلك وراح يرد على اي استفسار منك شفهي وليس من خلال اوراق رسميه والكلام الشفهي طبعاً كله كذب من هالاعضاء وانا صادق والله العظيم باللي قلته واتحمل مسئوليته ( انا اقسمت صدق مو نفس اعضاء النقابه الي دايم يحلفون ويطلقون حريمهم على الكذب ) وانا اقصد الاعضاء اللي هم الثلاثي المرح

[AL.BEARAQ]

يا جماعه كلامكم عالعين والراس وانا اجزم على صحة كلامكم بسسسسسسسسسس وش الحل ؟؟؟
حنا مستائين حيل من كثر ما سمعنا (وشفنا) منهم لدرجه فشلونا واحرجونا عند باق الزملاء فى الشركات الزميله:(

[MAA]

شكرا لمروكم العطر اخواني كويت العز - محمد الشيباني -al.bearaq ومع خالص احترامي لكم وتقديري ..
طيب اذا انت يا محمد الشيباني تقول ااخذ الكلامي شفهي من اعضاء النقابه .. وانت تدري انه كلام كذب فهل تقبل انك تسمع كلام لا يصدقه العقل ولا المنطق !! وانت على علم مسبق بما تسمع !!! مع احترامي لك اذا انت تقبل انا ما اقبل على نفسي .. وبالنسبه لكلام اخوي كويت العز اذا انت موظف وما يهمك تسمع وتعرف الاتفاقيات الي تهدد مستقبلنا الوظيفي واحنا اكثر الناس تأثر فيها وبالاتفاقيات الي تصدر بالخفاء فهذا شي راجع لك .. واما اذا انت معجب بجميع الاتفاقيات الي حصلت من قبل وغير متأثر فيها ولا تهدد مستقبلك الوظيفي ولا تسبب لك الجمود الوظيفي لسنين فهذا شأنك الخاص والرجاء الرد بمعلومه مفيده وعدم التطرق للشخصانيه .. والا فالسكوت من ذهب في هذه الحاله
دمتـــــــــــــــــــــــــــــــــــــــــــــــ ــم بود وأسعدني مروركم :)

[MAA]

هل يوجد نص صريح بقانون الشركة لتدريب الموظف من وثته الخاص part time !! فان وجد يرجى الافادة - هذا بالنسبة لموظفين العمليات

دمتــــم بود :(

[MAA]

اخوي محمد الشيباني الرجاء توضيح ردك بالتأييد للرأي او النفي .. هل انت معي ولا هذا شرحك على الي حاصل بالنقابه

دمت بـــــــــــــــــــــــود :)

[محمد الشيباني]

اخوي maa

انا ظد كل اللي يصير داخل النقابه وهم يخافون يعطون احد اي اتفاقيه لان علابالهم ان محد له حق يطلع عليها

و من المفروظ كل موظف له حق يطلع على اي ورقه يطلبها من النقابه

اخوي maa كافي ؟

[UCR]

الســـــــــــــــــــلام عليــــــــــــــــــــــكم ورحمــــــــــــــة الله وبـــــركـــــــــــاته

أما بعد, يعطيك العافيه اخوي Maa على التطرق لهذا الموضوع المهم جداً في نظري ونظر اخواني الموظفين الذين يعانون من هذه المشكله ,الموضوع بالضبط هو تكتم النقاابه على بعض الاتفاقيات التي تجري بينها وبين الاداره وعدم الرجوع لعضو الجمعيه العموميه للأخذ في رأيه ومن هذا الوضع ينفتح المجال للأداره ان تتعامل بالمزاجيه والمحسوبيه وهذا هو عتبي على النقابه ويعطيـــــك العافيه



ملاحظه:تمنياتي لكم التوفيق في هذا المنتدى والارتقاء بهذا المنتدى بمواضيعكم الهادفه التي تصب في صالح العمال .

[MAA]

كافي وبيض الله وجهك واسعدني مرورك - محمد الشيباني :)

[MAA]

سعدني مرورك العطر اخوي Ucr دمـــــــــــت بود :)

[محمد الشيباني]

ويبيض وجهك يا ميناء الاحمدي

و اي واحد يبي حقيقه هالمتمسكين بالكراسي يكتب سؤال عنهم ويبشر بالرد

[MAA]

شكرا محمد الشيباني :)

[AGRP]

السلام عليكم ورحمة الله وبركاته

يعطيك العافيه اخوي MAA على الموضوع

وأشكر الشباب اللي افادونا بهالمعلومات القيمه

نـــــــــلـــــــــتـــــــقـــــــي لــــــــنــــــــرتـــــــــــقــــــي

[MAA]

شكــرا لمرورك العطر مشرفن الغالي .. الله يعافيك :)

[MAA]

مشرفنا :)

[كويت العز]

السلام عليكم

الاخ الكريم Maa يبدو انك فهمت كلامي انه سلبي وهذا مالم اكن اقصده من ردي على موضوعك.

لكن انا قاعد اقولك ان النقابه لا يمكن تخليك تشوف اي اتفاقيه بينها وبين الشركه الا اذا كانت الاتفاقيه في مصلحة العمال ومو اكيد انك تشوفها بعد لانه على حسب المشتهى اما بالنسبه للاتفاقيات اللي من تحت لي تحت وماندري عنها فلا يمكن انك تشوفها ولا حتى بالحلم .

لان من مصلحتهم قدام الجمعيه العموميه انهم ما يبينون هالاتفاقيات اللي تضرهم وتضر عرشهم.

وشاكر لك

[لكل سؤال جواب]

ياجماعة الخير انتوا تتحلطمون انكم ماتشوفون الاتفاقيات اجل المساكين اعضاء النقابه 13 شيقولون والله ان عضو نقابه يقول ان الاجتماع مع رئيس الشركه رئيس النقابه ونائبه وبس وحتى حنا والكلام لازال لعضو النقابه مانشوف الاتفاقيات واذا قلنا لرئيس النقابه شنو صار قال انتوا مخوليني . سؤال للاخ العضو اجل ليش صابر لحد الحين حسب علمي ان اثنين من زملائك قدموا استقالتهم ولا صرتوا تبع خلاص لان اعرف انكم ولدتوا احرار ابناء احرار

[MAA]

هذي مصيبه من مصايب النقابه وما خفي اعظم .. الله المستعان .. اشكر مروركم الكريم :)

[MAA]

لم احصل على رد صريح وشافي بنفس الوقت .. السؤال هو هل يوجد قانون بالشركة يتحمل الموظف التدريب من وقته الخاص بارت تايم Part Time للحصول على Grade.. ارجو من الاخوان الاعضاء الافاده وشكراا :(

[برزان]

الى جميع الزملاء تحية طيبة و بعد :
ان الانسان عدو مل يجهل و يجب عدم تناول اى امر الا بوجود خلفية كاملة عن اى موضوع , كى لا نتطرق الى ذم الناس بجهالة و نقع بالمحضور فى ظلم الآخرين
فى ما يتعلق بأمر الاتفاقية فأنها قد وزعت ببيان عام 2005 و وزعت بالجمعية العمومية عام 2007 من قبل بعض الاعضاء المنشقين من القائمة نفسها , محاولين احراج المجلس بوقتها لمكاسب انتخابية ومهاترات ليس هذا بوقتها
بأختصار ان جميع المجلس السابق 2004\2006 موافقين على هذه الاتفاقية بأستثناء عضوين فقط و هما الان من اعضاء المجلس الحالى و هذا ما اكده لى نقابى حالى جديد و هذا كله موثق بالمحاضر
و باستطاعة اى عضو جمعية عمومية بالذهاب الى مقر النقابة و الاطلاع على اى اتفاقية و اذا تم رفضة فاليذكر الوقت و التاريخ بتقديم طلب الاطلاع حتى يتسنى للجميع المعرفة بالحقيقة

[سالم الخالدي]

لم احصل على رد صريح وشافي بنفس الوقت .. السؤال هو هل يوجد قانون بالشركة يتحمل الموظف التدريب من وقته الخاص بارت تايم Part Time للحصول على Grade.. ارجو من الاخوان الاعضاء الافاده وشكراا :(

بصراحة أخوي ما عمري سمعت بهذا الشرط


شروط أخذ الدرجة معروفة


1- الشاغر
2- مجموع علاوتين مايقل عن 12
3-عدد طبيات أقل من 21

وفي شرط حطه على جنب

رابع- رضا المسؤؤل عنك وحبه لك :)


لكن اذا دربت الموظفين من وقتك الخاص فهذا من أسباب حصولك على البونص وتستحق بونص غصب عن اللي ما يرضى طبعا نتكلم قانونيا لكن حبيا خلها على جنب


اذا حبيتك عيني ما ضامك الدهر

[MAA]

اشكر مرورك مشرفنا الغالي الخالدي .. بس القصد مو انه انت تدرب .. انا قصدي انه يقولون لك تبي قريد روح استلم الوحده الثانيه من وقتك الخاص .. بدون ما يفرغك للاستلام او انه يعطيك مده للتدريب هناك .. واذا ما تبي تروح يقولك ما في قريد انت الي تأخر نفسك .. انزين يا ابن الحلال فرغني عطني مهله شهر او ثلاث اسابيع اروح اتدرب فيهم واستلم يقول لا المان باور ناقص .. تبي روح من وقتك .. فهل هذا يجوز !! وفي قانون بالشركه يقول جذي !! .. دمت بود الرحمن وحفظه واسف على الاطاله :)

[حقاني]

ياجماعة الخير انتوا تتحلطمون انكم ماتشوفون الاتفاقيات اجل المساكين اعضاء النقابه 13 شيقولون والله ان عضو نقابه يقول ان الاجتماع مع رئيس الشركه رئيس النقابه ونائبه وبس وحتى حنا والكلام لازال لعضو النقابه مانشوف الاتفاقيات واذا قلنا لرئيس النقابه شنو صار قال انتوا مخوليني . سؤال للاخ العضو اجل ليش صابر لحد الحين حسب علمي ان اثنين من زملائك قدموا استقالتهم ولا صرتوا تبع خلاص لان اعرف انكم ولدتوا احرار ابناء احرار يا جماعة كلنا عيال قرية , وحدث العاقل بما يعقل, وارحمنا يا اخى وخلونا نحافظ على المصداقية يا جماعة , يعنى معقولة احد يقول عن نفسه هذا الكلام ,,,,,,,,, ودمتم