زيـــاره خـــاطـفه ..

[اطفائي محترق]

قبل ايام قمت بزياره لأحد الاقارب في السعوديه ...

سبب الزياره انه يمر في وعكه صحيه ...

هو موظف في شركة ارامكو السعوديه ... من الطبيعي انه بيكون بالمستشفى التابع للشركة اللتي يعمل بها ..

دخلت مستشفى ارامكو الواقع في مدينة الظهران شرق السعوديه ...


ليس مستشفى .... امبرااااطووووريه ...


مدينه طبيه متكامله ...

دخلت الى قريبي ..وبعد ماأطمأنيت على صحته .. جال في فكري ان اتجول في اروقة المستشفى ....


الاجنحه على احدث طرااز ..


الاجهزه من افضل الاجهزه (( مع اني مااعرف شي فيها .. بس اول مره اشوووفها ))

الممرضات من بنات البلد من الجنسيات الاوروبيه .. الابتسامه على وجووهم توحي بأنهم يعملوون من اجل المرضى ويسعوون لراحتهم .. مو الهنديات اللي عندنا بالاحمدي الوحده جنك تطر من جيبها الخاص..

..نرووح حق الدكاتره .. طبعا بتقولون اجانب .. لا فيهم اجانب بس الاغلبيه سعوووديين ...

..المراجعين اللي تشوفه اللحين ماتشوفه بعد شوي ... لكن عندنا من كثر ماتنطر عند الدكتووور انت والمراجعين تكون تعرفت على المراجعين كلهم وحفظت اشكالهم ...

الاستقبال ... وماأدراك مالأستقبال ....


ستاااف كااامل يتعامل معك افضل تعامل ....لاتنطر دووور ولاشي ....



قاعااات الانتظاااار ....تااااخذ راااحتك فيها ...



ماابي اتكلم عن مسافط السيارات اللي برى ومدخل المستشفى ...


لأنه أحلى من حائق مدينة الاحمدي ...





اتمنى من كل قلبي انه يجي في يوم من الاياام وارى موضوع في اي منتدى خليجي يتحدث عن مستشفانا كما تحدثت انا عن امبراطورية ارامكو الطبيه ...



ودمتم ..

[brilliant]

نغبطهم على هالشي

[الغالية]

اخوي اطفائي ... الله يهنيهم ولا يغير عليهم

مشكور على هالموضوع .. وديرتنا كانت داااائما في اول الركب الخليجي

وللاسف قاعدين نشوفها كل مالها وتتأخر عنهم .. والله لا يجيب اليوم اللي نشوفها في آخر الركب !!!




اتمنى من كل قلبي انه يجي في يوم من الاياام وارى موضوع في اي منتدى خليجي يتحدث عن مستشفانا كما تحدثت انا عن امبراطورية ارامكو الطبيه ...


ان شاء الله .. يجي اليوم هذا :)

[اطفائي محترق]

لـــــــــــــــعــــــــــــــل وعــــســــى

[يبيله]

إن شاء الله تتغير الأحوال للأحسن
قولوا آمين

[Q8_oil]

اول شي احب أقوله ما يشوف شر إللي يصيرلك

ثاني شي أقول أول كنا نقول لو يوقفون البوق تصير الديرة أحسن ما يكون و لكن للأسف الحين أقدر أقول لو يوقفون البوق و يكون في شي إسمه تخطيط جان إحنا بخير

[جونم جقرم]

يا رجل لا وجهة مقارنة بين (أمبراطورية) مستشفي أرامكو وبين (مستوصف) القطاع النفطي الكويتي :rolleyes:

[الوليد]

حبيبي ناس تعمل بخاص وتخاف اللة

وعلي فكره فيها مطار ارامكو

[LaRambla]

وللاسف قاعدين نشوفها كل مالها وتتأخر عنهم .. والله لا يجيب اليوم اللي نشوفها في آخر الركب !!!


[/center]

هو لسه ما قاش :D البك ابيض يالغالية:o

[اطفائي محترق]

يسلمو للجمييييع على المروووور

[q8security]

نغبطهم على هالشي

مازلنا متأخرين

بدوامي السابق

حصل أن أتت وفود خليجيه

وكنا مع الوفد الاماراتي

فكان أحدهم مريض

وديته الى احد المستفيات من باب الضيافة والتعامل الودي

طبعا المستشفى

رسمي وملك للدولة ومعروف

بصراحة

إنحرجت وهو يسألني هذا المستشفى

ويطالع بنظرة شفقة علينا

وأنا بصراحة ناقد على وضعنا مع أن المستشفى من أفضل المستشفيات عندنا

حاولت أرقع

قلته الصوب الثاني الواجهه أفضل



ما أقول الا الله المستعان

[ABDULLAH]

شكرا يا إطفائي

و إحنا ربعنا ناوين يلغون المستشفى و يحولوننا بإييد المستشفيات الخاصة اللي بتصير مادية بحتة و زيادة تكلفة على ميزانية القطاع النفطي و السبب مماطلات من سنين و تأخير إنشاء مستشفى متكامل خاص للقطاع النفطي

لنعامل معاملة افراد المؤسسة العسكرية اللي يملكون مستشفى عسكري لهم

تذكير لمن يهمه الأمر : مدخول الدولة 92 % من القطاع النفطي و شكرا !

[محمد الشيباني]

صار الموظف في القطاع النفطي يتحسف انه دخل هالمجال الوظيفي و صار بائس من الوضع العام و التعامل

و بالنسبه للفروقات بيننا و بين ارامكو ليست في المستشفى فقط بل من جميع النواحي الماديه و العمليه و التاهيليه للموظف ايضاَ

و اتمنا من السيد سعد الشويب ان يضع الفروقات امام عينه و يسوي شي نذكره فيه بالخير

و شكراً

[1980]

احمد ربك على النعمه اللي انت فيها بالكويت


وشوف الدول الثانيه شلون عايشين

والله يرزقنا مثل ما رزقهم

والحمدلله ع كل حال

ولا تحسد الناس والله يعطيك ع قد نيتك

وبعدين البوق كل انسان وذمته

وربك فووقه ويحاسبه

والله على الظالم

مع التحيه

[سيف العز]

إن شاء الله تتغير الأحوال ... الله كريم