كوفبك تودع آخر الحكماء

[KingLear]

ويترجل آخر الفرسان الشجعان في السركة، آخر الحكماء.

في 15/06/2008 تودع الشركة أكثر الأعضاء التنفيذين محبة وحكمة.

ان كانت لكم كلة وداع فالرجاء المشاركة.

بفقدك يا مساعد سنفتقد ابا حنونا واخا حكيما

[فيصل العجمي]

السلام عليكم ورحمة الله وبركاته

هذا مصير الجميع:) موظف يتقاعد وموظف جديد بداله
مسؤول يروح ومسؤول يجي

ولكن الفرق بينهم باللي يذكرونه بالخير لا طلع او مايذكرونه بخير

[KUFPEC Experet]

مشاء الله والله جميل العرفان بالجميل يا زميلنا كنج لير بس ياريت تستشهد لنا في مواقف خاصة فيك او في زملائك لتوثيق هذا العرفان ونتشارك وزملائك فيها ....

مع أطيب التمنيات لبوسليمان والله يوفقه ....

أنا بالنسبة لي أذكر ابسط شي ان كان ضد موضوع الفريق الرياضي والي اعرفه ان السيد / فهد العجمي الي وافق على الموضوع مع ان كان له فترة بسيطه في الشركة وحتى مايعرف الموظفين عدل و ودي اعرف هل ه

[KUFPEC Experet]

ودي اعرف هل هذا الكلام صحيح ولا لأ؟

[The^Queen]

بالنسبه لي
اول شي انصدمت لما عرفت هالخبر
اخر شخص توقعته يمشي من الشركه
بوسليمان

وبعدين تضايقت للامانه :( تعدونا عليه ونعرف الزين والشين وشلون طريقه التعامل
رغم كل الكلام اللي سمعناه والاشاعات الي سمعناها علي مر العصور والازمنه
محد يقدر ينكر انجازات هالانسان واعماله بالشركه

اتمناله كل خير بالمكان اللي بيروحله
وضاق خلقي بعد علي القروب اللي مشا وياه

ياجماعه الشركه قاعده تفضا
الاستقالات صارت جماعيه
ومحد قاعد ليش شصاير؟
اذا بيرشون الشركه كيماوي علمووووووووووووووووونا نطلع

[scout leader]

في جزء من الوضوع مفقود يإدارة

عموما

أعيد الكلام للي ماقراه

بوسليمان لاهو زين وايد ولا شين وايد

بس في عهده زادت المظالم

[Workers]

في جزء من الوضوع مفقود يإدارة

عموما

أعيد الكلام للي ماقراه

بوسليمان لاهو زين وايد ولا شين وايد

بس في عهده زادت المظالم

السلام عليكم تجد في هذا الرابط توضيح من الادارة :


http://www.q8ow.com/vb/showthread.php?t=15026

[scout leader]

تسلم وماقصرت

وشكراً على التوضيح :)

[KUFPEC Experet]

السلام عليكم أخي الفاضل


أشكر لك تفاعلك مع الموضوع وأتمنى ان هذاالحوار في المنتدى يعود علينا بالفايدة وبالتنبيه للمسئولين لما فيه مصلحة الجميع ...



انا تكلمت عن خبرته مو عن نفعته وموعيب ان مسئول ينفع الموظفين ....لكن العيب ان المسئول يأخذي الموظفين ...

[جونم جقرم]

عيدكم مبارك وعساكم من العايدين والفايزين

للعلم للناس الي ماتعرف بوناصر "رئيس مجلس الإدارة / فهد العجمي" انه من الناس الي صارلهم خبرة أكثر من 26 سنه في القطاع النفطي وبالأخص شركة نفط الكويت وهي من أعرق وأقدم الشركات في الكويت ، وسمعته مع موظفينها سابقته قبل لا ينظم لكوفبك ، ماأعتقد من الذوق إنا نقول عنه إنه "متخسبق" !! خصوصا انه من الناس الي دايما بابه مفتوح للكل ويساعد الكل وإذا مو مصدقين كلامي الي عنده اي شكوه او حاجة او طلب يروح يطلب يقابله ويشوف النتيجه .... أما بالنسبة للإدارة السابقة فمثلي ومثلكم عارف ماتحتاجون توضيع وهذا شي صار وخلص الكلام فيه ما منه فايده ....


كل عام وأنت بخير

للأمانة عجبني السطر الي بالخط الأحمر

والدليل أذا بتقابلة لازم كتاب من مسؤولك المباشر ويرفعه للتيم ليدر والتيم ليدر يدز الكتاب لسكرتير العدوة

والسكرتير طبعا راح يراجع مواعيد فهد العجمي

وطبعا الشخص مزحوم وأجتماعات ولقاءات وجدوله جدا مزحوم

يعني أذا ( بيقابلك ) أقل شي 3 شهور :)

أنا شخصيا قابلته بعد 4 شهور وأسبوعين

وطلعت من غير نتيجة تذكر :)

حبيت أوضحلك النقطة هذي

يمكن أنت ماتعرفه شخصيا وتسمع عنه فقط لاغير

ولكن عزيزي الفاضل الحقيقة أحيان تصبح مره ;)

[KUFPEC Experet]

يمكن هذي الوضع عندكم في الكي او سي مع العلم اني سمعت من ناس ثانيه كلام مختلف ... الوضع عندنا في كوفبك اسهل وايد يمكن لأن عددنا بسيط بالنسبةللكي او سي ..

ما أعتقد ان فيه مسئول يعجب الكل في اي زمان ومكان ... لكن بالنسبة لي شخضيا وهذا الموضوع الرئيسي علشان ما نطلع من مضون الحوار ان الإدارة الحالية بالنسبة لي شخصيا ولزملائي انا أفضل من الإدارة الحالية ... والى هنا انتهت المناقشة بالموضوع بالنسبة لي .. شاكرة لكم تجاوبكم وحرصكم على المصلحة العامة ... وأمنتي من الكل الإحترام لجميع المسئولين ... نقد نعم .... إتهام وتجريح لالالالالا

وعساكم من عواده ...

[جونم جقرم]

يمكن هذي الوضع عندكم في الكي او سي مع العلم اني سمعت من ناس ثانيه كلام مختلف ... الوضع عندنا في كوفبك اسهل وايد يمكن لأن عددنا بسيط بالنسبةللكي او سي ..

ما أعتقد ان فيه مسئول يعجب الكل في اي زمان ومكان ... لكن بالنسبة لي شخضيا وهذا الموضوع الرئيسي علشان ما نطلع من مضون الحوار ان الإدارة الحالية بالنسبة لي شخصيا ولزملائي انا أفضل من الإدارة الحالية ... والى هنا انتهت المناقشة بالموضوع بالنسبة لي .. شاكرة لكم تجاوبكم وحرصكم على المصلحة العامة ... وأمنتي من الكل الإحترام لجميع المسئولين ... نقد نعم .... إتهام وتجريح لالالالالا

وعساكم من عواده ...



كــل مـوضــوع يفــتح بـاب لمــوضـوع آخـــر بنفـــس الحــوار والمنطــق

وأنا مادري وش قصدك بالأدارة الحالية أفضل من الأدارة الحــاليـة ؟؟

لكــن عمــومـا تمنيــاتي بالتوفــيق

[KUFPEC Experet]

شكرا لإهتمامك ....
وعذرا على الأخطاء ....


الحالية أفضل بالنسبة لي شخصيا ....

[KingLear]

للحقيقة ومن غير مجاملة كوفبك اكسبرت ملح المنتدى، عضو يتفاعل ويقول رايه بصراحه.

بالنسبة لبابه المفتوح، انا فعلا اقدر أأكد على موضوع الباب المفتوح خلال يومين او ثلاثة وهذا شي ينحسب له

بس ياليت اعرف شنو القرار اللي خذاه بعد ما قابل الموظفين اللي زاروه؟

المشكلة يا اكسبرت ان احنه نتكلم عن هالمشكلة، انت ممكن تزوره وتقول وتفعل وتشكي، بس كل اللي عنده اشوف الموضوع واذا لك حق بتاخذه ومن هالكلام، بس من تمشي من مكتبه ماكو شي صار

الموظفين عندهم مشاكل بالتسيب والمحاباة من مدير للثاني، الموظفين يشتغلون بأوضاع تسهل للفساد والظلم اللي قاعد يطفش عيال الشركة وهم ماهي في البال.

انا بعد ماني داش بسالقة المدراء اللي جايين من بره مع ان طبيعة عملهم تختلف عن طبيعة عمل كوفبك.

وخلونا نسمع رايكم بشركة توظف اجانب ومدير الموارد ماله بالانجليزي، والخافي اعظم

انا شخصيا ما اعتقد انه وايد متخسبق، لأن الايام اظهرت انه اوعى من الكل بس للأسف مو لمصلحة الموظفين او الشركة

وضع الشركة على حاله ما تغير شي غير عدم اتخاذ القرارات والمركزية اللي تصب لي عنده وعاد احنا تحت رحمة المعلومات اللي تنقل له

مافي انسان كامل بس كنت راح فعلا اشكره في كل مكان لو انه اصلح النظام المتهالك في الشركة.

التقييم النصف سنوي محد يدري عنه وفي اقسام ما سوت شي، واقسام قيمت من غير معرفة الموظفين، التدريب حطوه الحين واصلا الناس ما جهزت خطة السنة الجاية، بعض الاقسام ضايعة ما تدري من بيده القرار! المدير ولا اللي تحته لأن المدير مو شي بنظرة ناس ثانية

الزبدة ان الاوضاع ما تطورت وكان العشم ان الرجل يصلح ويرتب الاوضاع قبل ما يمشي في الشركة، بس عمر الشريف الله يهداه وعد وقال من سنة وما صار شي غير ان ربعه تجمعوا على كوفبك وهاتك يا مركزية وهاتك يا دعايات وكلام في الهوا

اخيرا اتمنى اني اسمع شي انجزه لصالح الموظفين ككل وليس في صالح موظف او موظفة بالتحديد، وبليز ما بي اسمع فريق كرة قدم لأنها وايد صارت انجاز تاريخي باسمه وانا اعتقد انه الرجل انجازاته اكبر من جذي

عموما هم لا تنسى ميزانية الشركة راح تبين وتوضح وين مصاريف الشركة وشنو ارتفع وشنو نزل وغي اي باب علشان نحلل شنو الاتجاه العام