أثاث المكاتب والبوق اللي قاعد يصير

[frfosha]

صبحكم الله بالخير جميعا ، أنا اليوم مستشره على شغله صالنا نعاني منها 4 الى خمس سنوات ومو لاقيلها حل
يا جماعه تأمنون بالله أنه صارلنا بهالفتره نطلب أثاث طبعا لبعض المكاتب ويعني أثاث بسيط جدا بس لتغيير فقد الكبتات لمكسره واللي مالها قفول واذا ضاع شي قالو انتو المسؤولين عنها ، والقنفات اللي لو يقعد عليها صاحي استلغث وبعض مستلزمات المكتب والله ثم والله ثم والله أنه كل آخر سنه ماليه طبعا يبعثون الى قسمنا الورقه اللي نعبيها بالمستلزمات والمفروض بعدها بعدة أشهر يأتون بالاشياء الضروريه اللي احنا طالبينها منهم ، تصدقون أنه سنوي تكون هناك ميزانيه للاثاث لكل قسم وفي طبيعت الحال اذا كان الأثاث لا يحتاج للتغير ترد عليهم بعدم احتياجنا بهذه السنه ولكن خلال الاربع سنوات ونحن نبعث بنفس قائمة الطلبات للتيم ليدر المختص ولكن لا من مجيب ونبعث له ريمايندر عدة مرات ايضا لا من مجيب وبعد تدخلي بالموضوع والتحدث معاه شخصيا تعلمون ماذا قال ( ويييييييييييه راحت عليكم هالسنه فلوس هالمخصصات انصرفت ) ؟؟؟؟؟؟ انصرفت بماذا اربع سنوات والمبالغ تصرف لمن ولماذا هذا السؤال ؟؟ وللعلم بأن مدير الدائرة للاسف لديه علم بذلك ولكن يحاول أن يتجاهل الموضوع ، أين الذمم أين الظمائر يا مسؤولييييييييييييييييييييييييييين تكفون ولي رجاء منكم يا مسؤولين أنكم تحاسبون نفسكم ولو للحظه واحده فقط :mad:

[زهرة التوليب]

الطلبات المكتبيه تطلبينها بعد شهر توصل
فما بالج بالأثاث !!!

وجان زين الخدمات يردون علينا
تتصلين علهم ما يردون واذا دزيتي مذكره تطلبين كرسي او طاوله او زرع
لازم تدزين بعدها 3 مذكرات ريمايندر !!!

بصراحه قسم الخدمات قسم تعيس وكله بوق وتسيب

[سفاري الكويت]

انا من قسم الخدمات -- الشعيبة

طال عمرك الاثاث على حسب ميزانية الدائرة وعلى حسب المتوفر عند المورد

اذا كنتي في الشعيبة اشوف شنو التأخير عندكم

[سفاري الكويت]

حرام عليك شنو نبوق قلم ومحاية وكرسي ...الله يهديك بس يا زهر التوليب

[frfosha]

شكرا على المرور ، بس للتوضيح الأثاث ما يدخل بميزانية الخدمات الاداريه ، الأثاث يكون على ميزانية القسم نفسه ويخصصون تيم ليدر معين لاستلام هذه المهمه ومتبعتها وحبيبتي اشيبون في برايه ومساحه وقلم على قولت الاخ سفاري وشكرا وارجو انها اوصلت المعلومه ويا خوي يا سفاري ودي تفيدني بهالموضوع بما انك من الخدمات فأكيد مار عليك طلبات الاثاث أو سامع عنها

[سفاري الكويت]

انتي تدرين لن الحين الدوائر تطلب حق سنة 2009
ولازم تحسب في الميزانية كم موظف راح يتعين عندها...واذا كانت هناك غرف جديدة

بس الدوائر الله يهديها طول السنة المالية مالها طلب غير طاولة شاي حق التيم ليدر وخزانة !
ويجون الموظفين عندي يقولون وين شغلنا ؟ واذا قلت لهم دائرتكم ما طلبت لكم شي ما يصدقون الا لما اواريهم ورقة الميزانية لهم

ومني لهم اعطيهم شي مستعمل بس نظيف

[frfosha]

والله يا خوي يا سفاري احنا مثل ما وضحتلك من اربع سنين واحنا قاعدين نطلب نفس الطلب بس ما من مجيب وانا أسأل عن نخصيص الاموال الى من تذهب اذا لم يتم الطلب ؟؟؟؟؟؟؟؟؟؟ هذا سؤالي

[سفاري الكويت]

طال عمرك الدوائر توفر الفلوس وانتي سيده العارفين حق آخر السنة المالية ...حق البونص !

[frfosha]

لاء لاء لاء البونص يا أخ سفاري بعد له مخصص ثاني للعلم فقط ، بس انت جاوبتني الحين وقلتلي اني انا سيد العارفين يعني وين ؟؟؟؟؟؟؟؟؟؟؟؟؟؟ هذا اللي ابي اجابته بالضبط

[سفاري الكويت]

فرفوشة هذا حد علمي بالدوائر

[هامور كبر]

هههه لو ان الاثاث حق مكتب مدير هل يا ترا يتاخرون عليه بالمشمش تاثيث مكتب مديرا ادارة قيمته 25000 دينار

مسكين ما صرف شي من ميزانيت الشركه ( ياويلتي ويلاتاة )

:d

[نفطي كويتي]

الله والبونص
الله يعين

[frfosha]

من ناحية عاد البونصات (أ ن حبتك عيني ما ضامك الدهر ) وانا اشهد بهالمثل

[بن زريق]

سؤال المبنى الجديد متى فتح؟ماكان فيه اثاث..وضحى سؤالج ترى خوانج من الهندسه والصيانه.وبسال صحيح يوجد فيه افرتيم نسمعه فيه كل المصافى الا مصفاة ميناء الاخمدى..25 الف دينار شى ممعقول وين دوان المحاسبه..وشكر على المعلومات

[frfosha]

اخي بت زريق انا اقصد مصغاة الاحمدي ووضحت انه الاثاث لم يتغير من 10 سنوات تقريبا وحاولنا نغير التالف منه صارلنا 4 سنين لا من مجيب على العلم انه تخصص سنويا ميزانيه للاقسام لتغير ما هو تالف او التغيير بالكامل وتعبنا واحنا نسوي كتب بس محد يرد علينا بكتاب رسمي ويقول لا يوجد مخصص لهذه الطلبات وللعلم أنه الكتاب الطلبات يخرج من مكتب المدير ويوزع على جميع الاقسام وبالنهايه يتم حصر المبالغ ولكن لم نرى شي ، هل وصلت الرساله الأن بوضوح ؟

[بن زريق]

وصلت والله وصلت...انت عالقتينا ماقلت مصفاة الاحمدى.انا رايح اكلم مديركم والحين انا عرفته.والله يهديه الى السراط المستقيم.ولتعصبين علينا.

[جونم جقرم]

يا جماعة اشتروولكم اقلاام ومحااياات من معااشااتكم وبلااهاا دووخه الرااس ((((:

[frfosha]

اشوه انها وصلت وترى والله مو معصبه بس ما احب اللي ما يفهم بسرعه ، واهي لو راده على الاقلام والمحايات على قولك جان اهون بس احنا قاعدين نتكلم عن الاثاث الاثاااااااااااااااااااااااااث الرجاء قراءة الموضوع بالكامل

[بن زريق]

لانفهم........................"والعطاير...... ارجعى الى كتابة موضوعج ماشرحت ان المشكله فى مصفاة الاحمدى..............................ارجو ان تشرحى جيدا علشان نفهم

[Catalyst]

يبه

اللي يبي شي من الخدمات

لازم يضبط اربعه
بداح الهاجري
محمد حماده
احمد رمضان
و الشيخ الشمري

غير جذي
ماكو خدمات

[سفاري الكويت]

يبه

اللي يبي شي من الخدمات

لازم يضبط اربعه
بداح الهاجري
محمد حماده
احمد رمضان
و الشيخ الشمري

غير جذي
ماكو خدمات

والله مع ان ما احابي احد منهم
بس اقولك ان بداح الهاجري يحب الواسطات .....بس مو عشان اثاث !


بس الباجي كلهم تيم ليدريه مع اعتقد يحابون ناس وناس عشان اثاث .....يا جماعة ترى في شي اسمه تدقيق داخلي

ولا كنا احنا احسن ناس عندنا اثاث:D

[frfosha]

يا خوي سفاري ترى التدقيق الداخلي مالهم شغل بهالموضوع هذا موضوع الخدمات والخدمات طناااااااااااااااااااااااااش من قلب وهم الخدمات عليها التنفيذ فقط يعني السالفه كلها بايد المدير ومن تحت المجير التيم ليدر اللي امسكينه الموضوع

[Planning]

انا من قسم الخدمات -- الشعيبة

طال عمرك الاثاث على حسب ميزانية الدائرة وعلى حسب المتوفر عند المورد

اذا كنتي في الشعيبة اشوف شنو التأخير عندكم

أخوي سفاري ولي يعافيك لو تفتر على الأثاث الموجود بشعيبة ولي قاعدين تطلبونه كأنك داش مكتب خدم أقول لو يسون لكم تدوير ويودونكم المكتب الرئيسي ويبون ملوت المكتب الرئيسي شعيبة على الأقل يطلبون كراسي ما تتكسر مو صنع بماليزيا وكرسي بربع للضيوف وبنفس الوقت خل إلي بالمكتب الرئيسي يجربونكم علشان يترحمون على النعمه إلي هم فيها قبل التدوير :D


((لا تزعل بس هذا الواقع))

[frfosha]

لاوالله يا بلانيق انا بمصفاة الاحمدي وهذي بتخلص السنه الرابعه واحنا صابرين بعد لا حول لله ولا قوه

[سفاري الكويت]

انا من قسم الخدمات -- الشعيبة

طال عمرك الاثاث على حسب ميزانية الدائرة وعلى حسب المتوفر عند المورد

اذا كنتي في الشعيبة اشوف شنو التأخير عندكم

أخوي سفاري ولي يعافيك لو تفتر على الأثاث الموجود بشعيبة ولي قاعدين تطلبونه كأنك داش مكتب خدم أقول لو يسون لكم تدوير ويودونكم المكتب الرئيسي ويبون ملوت المكتب الرئيسي شعيبة على الأقل يطلبون كراسي ما تتكسر مو صنع بماليزيا وكرسي بربع للضيوف وبنفس الوقت خل إلي بالمكتب الرئيسي يجربونكم علشان يترحمون على النعمه إلي هم فيها قبل التدوير :D


((لا تزعل بس هذا الواقع))
هذا من حقك
بس ابيك تعرف ان اثاث مكتب الرئيسي جاي مع المبنى ...يعني مو شارينه

اما بخصوص الاثاث الجديد ...الله يهديهم ربعنا قروا الشركة المناقصة ولا راحوا شيكوا على الاثاث في المعرض
طبعا هذا شي محسوب عليهم" الله يهديهم" لانهم هم الذين يقدرون يفرون ....ادري اثاث الجديد كانه من سوق الفروانية الضجيج