عدم حضور نقابة نفط الكويت اجتماع اتحاد البترول بخصوص استعجال الزيادة [الأرشيف]

هـــــ KOC ــاجري

10-30-2007, 12:26 PM

وصلتني معلومة بأن نقابة نفط الكويت لم تحضر اجتماع اتحاد البترول بخصوص استعجال صرف الزيادة (وكذلك لم تحضر نقابة البترول والبتروكيماويات) ياليت نعرف السبب !!!!!!!!!!!!!!!

عامل نفطي غيور

10-30-2007, 12:36 PM

اخوي السبب واضح هو تعطيل الزياده حتى يضعف الاتحاد ويكملون باقي مصالحهم التي طغة على مصالح العاملين اخواننا نايمين بالعسل ياخي يتنحوا ويخلون العمال هم الذي يتصرفون مع الاتحاد

هـــــ KOC ــاجري

10-30-2007, 12:39 PM

يا جماعة اللي قاعد يصير الحين من النقابة مو صحيح .... الى متى يعني !!!!!!!

المهندس

10-30-2007, 12:49 PM

والله عيب - اشفيهم نقابتنا ترا هالسوالف مو سوالف رياييل والله عيب

عامل نفطي غيور

10-30-2007, 01:08 PM

عندما نتكلم على اي موضوع هم الذي واقفين بطريقكم متى التفرقه حصلت بين العاملين بتسكين الدرجات ووقفوا بوجوهكم والعضاء المجلس في نقابتهم كذلك وقدمة استقالات والكل يعرفها المستشفى لم يسلم منهم واعزلوا دكتور خالد الكندري لانه شخص نظيف ولا يوافق على مصالحهم للعلاج بالخارج والاداريين الموظفين كذلك والزياده هم ضد الاتحاد لكي لم تقر ولم يجتمعون مع الاتحاد لاقرارها والامور ماشيه الى متى الوضع كذا وكذا الله المستعان الحال من اسوء الى اسو ء

زهرة التوليب

10-30-2007, 01:13 PM

وليييه شفيهم ربعنا قاموا يخورونها !!!

Q8_oil

10-30-2007, 01:16 PM

بصراحة تامة لو هذا الخبر صحيح و نقابة نفط الكويت لم تحضر لازم نطيح هالنقابة و محد فينا لازم يصوت لها.

و لكن لازم الواحد يتأكد من الخبر باجر بالجرايد يبين

ابومحمد

10-30-2007, 01:20 PM

حسبنا الله ونعم الوكيل......................ومعروف قصدهم وهدفهم
ولكن نقولها بالفم المليان وبكل ثقة واصرار:

اذا الشعب يوما اراد الحياة فلا بد ان يستجيب القدر ####### ولا بد لليل ان ينجلي ولا بد للقيد ان ينكسر

والوعد قدام في صناديق الانتخابات النقابية (والامة بعد!!).
وحبل الكذب قصير وخلاص كل شي انكشف وانعرف..........والله يستر من تاليها معاهم.

هـــــ KOC ــاجري

10-30-2007, 01:23 PM

اخوي مهندس البورصة ... المشكلة ان الخبر اكيد وياليت تتابع الموضوع على هالرابط

http://www.q8ow.com/vb/showthread.php?t=996&page=5

عامل نفطي غيور

10-30-2007, 01:33 PM

وشرايكم بان نجمع تواقيع العاملين وانحل هذه النقابة في كل شى واقفين ضد العمال والا نعطيهم مهله باقي عليهم شهرين اخاف يقولون ماعطونا فرصه نعمل تناسو انفسهم في 22 شهر ولان النتخابات على الابواب اصحى يانايم لاتطغى مصالحكم على العمال انتهى المجاملات على العاملين والعاملون سوف يقولون كلمتهم انشاء الله

BG. 1

10-30-2007, 03:23 PM

سؤال هل النقابه عضو في إتحاد البترول

WOLF

10-30-2007, 04:10 PM

[/b]شي عجيب هذا التصعيد ضد النقابة الحالية ...... مادري ليش هالتصعيد شمعنى الحين بالذات ؟
النقابة وقفت من قبل مع العاملين وراح توقف معاهم وماراح تتخلى عنهم .... والزيادة جاية ان شالله وبيقرونها قريبا جدا يعني على معاش شهر نوفمبر . غير الأب قريد اللي راح يكون الاسبوع القادم باذنه تعالى .... وترى النقابة ورئيسها .. بابها مفتوح لكم وشي يشرفها انها توقف مع اي عامل بالكي او سي ... واخيرا اقول حق الأخوة اللي يبي يرشحون نفسهم للانتخابات الجاية ... اجتهدوا وتبنوا أفكار جديدة واطرحوها للموظف يمكن يغير راايه تجااه المعتدلة ... اما سياسة الضرب تحت الحزام صااارت قديمة ... يعني بالمختصر المفيد العبوا غيرها :):)[/b][/b]

ملح المقوع

10-30-2007, 08:54 PM

بيض الله وجيه نقابتنا (رئيس واعضاء) وجهودهم واضحه. واللي يقول الوعد الصناديق. يصدق بوعده.لايقول كلام اليوم ويكذبه بكره بعد الفرز. مبروك لنقابتنا الكريمه الانجازات وللامام.

RISK MAN

10-30-2007, 09:26 PM

ياجماعة موبس نقابتكم ماحضرت ولازم تعرفون أن في هدف ولا تغركم دعايات الأتحاد وبعدين شنو نتيجة الأجتماع ولا شي

نفط الكويت

10-31-2007, 01:33 AM

أحفر لعبدالله طالب و اسوي جمعيه عموميه عشان اسقطه - مع انه القضية في المحاكم يعني اسقاط سلق بيض- و تبيني اروح له انا ما اعترف فيه

حال لسان النقابات اللي ما حضرت و اللي حضر الجمعيه الكيديه العموميه يعرف قصدي عدددددددددددددددددددددددددددددددددددددل

و يمكرون.....

Q8_oil

10-31-2007, 08:02 AM

يا جماعة لا تقصون على عمركم وتقولون النقابة سوتلكم ؟؟

إجتماع عشان الزيادة إللي كل الناس تبيها محد يروح !!

و غيرها أنا بقولكم شي صار وياي لما توظفت كنت على قريد 12 و متزوج عطوني 1000 بدل أثاث و قالوي لمن تصير 13 راح نعطيك الباقي و لمن صرت 13 قالولي راحت عليك و إذا تبي تشتكي روح النقابة و رحتلهم و كلمتهم و الجماعة لا و الله ما نقدر نسويلك شي و هذا شي أكبر منا و مادري شنو !!

بالذمة هذا كلام نقابة !!

عيل أنا ليش منتخبكم بالله و آخر شي و الله أعلم يمكن عشان مصلحة شخصية يقول إن النقابة زينة و مسوية شغل !!

و لكن إن شاء الله إنطيحها

عامل نفطي غيور

10-31-2007, 08:57 AM

لان النقابه هي اللمتورطه فيها يامهندس البورصه وشلون تبيهم يحلون موضوعك وتخاذلوامع الشركه فهذه اساليبهم

Q8_oil

10-31-2007, 09:45 AM

و الله أمر مخزي بالفعل
كنا نبيه عون صارلنا فرعون

و لكن هين يا النقابة شهر 1 قادم بإذن الله و نشوف القائمة هذه شلون بتفوز بس خل يقتر موعد الإنتخابات أما مجهز خياسهم كله بملف و راح أوزعه عالجميع

عامل نفطي غيور

10-31-2007, 09:59 AM

اخوي مهندس البورصه لا والخافي اعظم وغير بدل الاثاث متورطين بفئه من العاملين لم يحصلوا سكن من مساكن الشركه واسئلوا قسم الاسكان وسوف يفيدونكم اكثر لان هذه الفئه ذهبوا اليهم وابلغوهم بان تم الاتفاق مع النقابه على هل الاساس

Q8_oil

10-31-2007, 10:04 AM

يالله هم هذا زين إللي عنده خياس النقابة خيقولنا عشان نحكرهم حزة الإنتخابات

الولدالذهبى

10-31-2007, 10:36 AM

نعم كلام صحيح
والسبب حسب ما يقال عدم الإتفاق بين النقابه
وبين الإتحاد
ولكن سوف يحضرون الإجتماع اليوم مع الوزير
وناطرين هالزياده
ما تسوى علينا

وبس

كويتي

10-31-2007, 03:31 PM

يالله هم هذا زين إللي عنده خياس النقابة خيقولنا عشان نحكرهم حزة الإنتخابات

إسأل عن مجريات التحقيق بإنفجار سنتر 15 ؛ و موقف النقابة (المخزي) و تخليهم عن أغلبية العاملين؛ و وقوفهم (المشبوه) مع البعض؛

LaRambla

10-31-2007, 06:43 PM

يالله بيدنا نطيحهم

شدو حيلكم

SMART_BOY

10-31-2007, 07:40 PM

يا أخوة يا أعزاء

ابن حلال قال وصلني علم ... يعني مو متأكد

وهو طبعا مو متأكد لأنه ما يدري الحبيب إن الإتحاد تفركش

انحل

فكيف يسوي اجتماع

آخرها اليوم في اجتماع الوزير

ما تكلم لا عبدالله طالب ولا غير من الإتحاد

اللي تكلم رئيس نقابة نفط الكويت

تحياتي

وإذا وصلك علم تأكد منه جزاك الله خير

و لا تسند إلا موكد ....... لأن المجالس أمانات

سمارت

هـــــ KOC ــاجري

11-01-2007, 08:45 AM

اخوي سمارت ... اشكرك على مرورك ومشاركتك ... بالنسبة للمعلومة فأعتقد انها صحيحة وتم التأكيد عليها ... وثاني شي الاتحاد ما انحل والدليل حضور عبدالله طالب امس الاجتماع مع الوزير بصفته رئيس الاتحاد ... بس حبيت اوضح لك هالمعلومة

عامل نفطي غيور

11-01-2007, 08:54 AM

سمارت بوي لمع على كيف كيفك عبدالله طالب هو الي صرح وناشد بجميع الصحف ولايصح الا الصحيح اخينا فاهم الذي قاعد يحصل والا ليش انه متابع الاوضاع

هـــــ KOC ــاجري

11-01-2007, 09:34 AM

انا حبيت اوضح نقطة معينة .... انا اذا وصلتني أي معلومة أكيد راح اتأكد منها .. ويمكن إني ما بينت أثناء كتابة الموضوع إني متأكد من المعلومة ... بس الأكيد ان عبدالله طالب أمس مجتمع مع الوزير وهذا على لسان عايض شافي الهاجري كبير المفاوضين في الشركة الكويتية لنفط الخليج شخصياً ... حبيت أوضح هالنقطة

مع تحياتي

مستكشف

11-01-2007, 02:38 PM

شباب وبنات مابي اضيق خلقكم بس بقولكم شغله
اول شئ الزياده راح نتقاعد ولا راح انشوفها ابشركم
اما عن الديوان فانا لي شخص اعرفه صاحب منصب كبير دقيت عليه قتله يا معود شوف موضوعنا
ضحك وقالي حبيبي اذا ياتكم قبل الربع الاخير من 2008 انا اعطيك زياده بعد فوقها
قتله ليش قالي السالفه فيها خبير ولازم ينظر في الموضوع وهالخبير اساسا لي الحين مو عندهم يعني ناطرينه يشرف
اما النقابه انا اقول يا جماعه ليش اعضاء النقابه صارلهم ستالاف سنه على كراسيهم ليش يعني الحين من 6000 موظف بس هذيل اللي كفؤ
طبعا انا ما اقول انهم مو كفؤ بس شنو مافي غيرهم لازم يتغيرون
لازم يتنحون ويخلون غيرهم
وقواكم الله

Future man

11-02-2007, 06:04 AM

عدم حضور هذه النقابات للإجتماع بسبب عدم وجود صفة قانونية لإتحاد عمال البترول لأنه منحل

وكلامهم صح ياجماعه وقرارهم بعدم الحضور مافي شي وجهة نظر وعلينا إحترام وجهات النظر

وبعدين الزيادة اللي مؤخرها إقرار مجلس الخدمة المدنية لها ولحد الحين لم يتم تشكيل لمجلس الخدمة المدنية

يعني بعد مايتم تشكيل مجلس الخدمة المدنية من قبل مجلس الوزراء يقوم مجلس الخدمة المدنية ببحث الزيادات المرفوعه لديه وبس

الصبر جميل ياجماعه وتأخير إقرار الزيادة فوق رؤساء الشركات والرئيس التنفيذي للمؤسسة وفوق وزير النفط حتى

إصبروا إن الله مع الصابرين

الإسبوع القادم مجلس الوزراء راح يعيد تشكيل مجلس الخدمة المدنية نعطيهم إسبوع من بعد التشكيل أقروا الزيادة ولا لكل حادث حديث

النسر

11-06-2007, 12:26 PM

ماعرفتوا السبب والله مصيبه منه الممثلين للنقابة لدى الاتحاد المشكلة انك ممن يصوت لهم بكره

ما عندكم الا التزام بالقائمة