انتشار الموبايلات

[frfosha]

موضوعي اليوم متداول في ايدي الجميع ليش المبايل صار ضروري حتى بالنسبه لللاطفال والخدم وهل هذا صحيح ام مبتذل ، يا اخوان ويا خوات وانا طالعه الصبح الساعه 6 صباحا للدوام أشوف العجب على خط الملك فهد بنات ماسكي الموبايلات من صباح الله خير ونايمه نوم عليك بالشارع وفيك خير تركلها ولا دقلها هرن يا بنت الناس بغيتي تقلبينا شوفي دربج ولاحقه على التيلفون بس ودي اعرف من له خلق من صباح اله خير حق هالموبايل وشونو الموضع المهم اللي موقادره تنطرين لما تدشين مكتبج والله هالموبايلات سولنا أزمات بالشوارع وشنو ضرورة موبيلين أو مرات يوصل لي ثلاث شتسوين فيهم :d

[EQUATER-1]

مشكوره على الموضوع وبصراحه موضوع خطير وفي شغله يمكن غافله على وايد من الناس والي محد حاس فيها شركات الاتصالات قاعده تنزف من رواتبنا شهريا مبالغ كبيره واحنا مو حاسين وفي بعض الناس ومن غير مبالغه يدفع شهريا حق المكالمات من 150 الى200 دينار هل هذا كلام صحيح؟؟؟ وفي ناس تبدل موبايلاتها شهري او يمكن بعد اسبوعي هل هذا صحيح بعد؟ بصراحه يبيلنا حمله ضخمه نفس حملة ترشيد لتوعية الناس اشلون يستعملون الموبايل وحق شنو.. ولج كل الشكر على الموضوع.

[سالم الخالدي]

السلام عليكم

موضوع جميل لكن بالنسبة لهالموضوع أعتقد ان كان الموبايل في بداية الثمانينات كان كشخة لحد أوائل التسعينات


كان اللي يمسك نقال هذا اسكتوا لأنه في نظر الناس شخص مهم ..ومامسك النقال الا انه شخص مهم جدا ..



فكان الأغلبية يعتبره كشخة


لكن للأسف الحين صار ضروري جدا .. وما نقدر نستغنى عنه أبدا


وخصوصا لنا احنا الرياييل بصراحه أشوفه مهم ...لان قبل الواحد كان بصعوبة يحصل رفيجه ... ويتصل على البيت ترد أمه ..ومرات ترد

أخواته فيحصل تحرج وايد لكثير من الرياييل لكن مع النقال الحين الاتصال صار سهل اذا تبي أي واحد ممكن تحصله بسهولة


لكن الخدم .... والاطفال هذا اللي أشوفه مو ضروري وماله داعي ...

الا السائقين فأنا مع ان يكون وياه نقال لوقت الحاجة

http://www.hcr14.com/download/72811156005063lu4.gif

[engineera]

مادري الموبايل صار شي ضروري خصوصا في الظروف الراهنه والناس تغيرت وقامت اتخاف واي شي يصير عندج موبايل ..بس بالنسبه حق اليهال والخدم حدههههه شي سخيف وماله داعي ...وبالنسبه حق اللي يتكلمون من صباح الله خير اهم بس الصبح الله يهداج كل وقت بنات وشباب وخصوصا الحريم لا تمسك موبايل واتسوق سياره عااااااااادي السيارة اتنام عليك ولا ماسكه اليسار وتمشي 80 ولا اتمخطر بالشارع ولا جنه سير وراه ...لا لا مآسيييي مال ودي ادعمهم مرات من كثر مايبطون جبدي ...لا والمعاش كله مكالمات مادري لو كوندليزا رايس اتكلم كثرهم ماتوصل فاتورتها 200 دينار بالشهر..الله يعينا والله

[engineera]

اوووووف حدي عصبت من الموضوع ودي اطقهم لوول يبطون الجبد

[MAB12]

اخت فرفوشه موضوع جميل بس انتي تتكلمين عن قضيتين مختلفتين جداً

الاولى / ليش الخدم والجهال معاهم تلفونات ؟ ... انا مو مع الشي هذا لان التلفون شي ضروري ومهم اعطيه خدامه تخم الحوش لييييييييييييييييييييش ؟ او اعطيه جاهل عمره 5 سنوات يكسره هم لييييييييييييييييييييييش ؟ اذا بشتري تلفون اشتريه حق السواق لاني اذا ابيه اتصل عليه ( مو معقولة اتصل على خدامة واقولها سوي قلاص عصير !!!! )


الثانيه / موضوع اللي يسوق السيارة ويتكلم بالتلفون سواءاً بنت او رجال فهذا الشي غير حضاري ويسبب مشاكل و حوادث راحوا ضحيتها اوادم شكثر واذا علقت عليهم الهرن او نبهتهم قعدوا يخزونك ويمكن يغلطون عليك واذا دعمك وصارت المصيبه قالك تكفى سامحني والله لهيت بالتلفون ( واخذ من هالحجي )

*الحل / ان الداخلية تواصل حملتها اللي بدتها قبل شهر وهي مخالفة اللي يتكلم اثناء القيادة وتغريمه مبلغ كبير

الله يحفظنا وياكم من هالبلاوي

[frfosha]

مشكوريين جدا على المرور والله يرحم حال اذونهم من التلف ويرحم مخوخهم من تأثيرات هالموبايلات عليهم وشكرا

[Shoomy]

كاااااااااااااااااااااك فرفوشه
موضوعج حلو وعجيب
بس عقب كلام الاخوان ماكو كلام
ماشالله عليهم كفوا ووفوا يعني ماعندي شي اضيفه

اشكرج على الموضوع الحلو ويعطيج العافيه

بس نصيحه صغيره ... اذا كنتي بالشارع ونامت عليج وحده وشفتيها تتكلم بالتلفون دووووووسي ونامي عليها وان قدرتي صفطيها وطقييييها طق ولا اقولج ليش العنف بس سحبي تلفونها وقطيه على الارض حيل يعني كسريه جدامها وان قالت شي هني لعني خير خيرها
واذا تبين مساعده دقي عليي ;)

[frfosha]

لوووووووووووووووووووووووووووووووووووووووول طلعتي مهاوشجيه لاء يا معوده انتي تخوفين باجر ساحبيني انا وياج بالمخفر الاعتداء بالضرب في منتصف طريق الملك فهد يا دي الفضييييييييييييييييييييييحه

[Shoomy]

كااااااااااااااااااااااك فرفوشه
ايي دفاع عن النفس
نقوله كان شروع بالقتل ... يعني قتل عمد
وتروح هذيك البنت اعدام ولا كلش كلش مؤبد

[ABDULLAH]

الخوف مو من موبايل الخدم ولا موبايل الأطفال !!! ولا الخوف من اللي تكسرون موبايلها !!!
الخوف من إن اللي بالخط السريع كلهم بيطالعون و يبون يعرفون شالسالفة و تصير حوادث مالها أول ولا تالي
الله يستر

[Shoomy]

كاااااااااااااااااااك ياعبدالله

اي والله صاج بكلامك

خلاص فرفوشه بس سوي اول جزء ... دوسي ونامي عليها

تحياتي

[ولد الفحيحيل]

انا اشوف ان التلفون من اساسيات هالوقت بس هالناس الله يهديهم اللي تسيئ استخدامه بالسيارات ويسببون الحوادث الله يهديهم
لو يتطبق عندنا النظام نفس عمان اللي يكلم وهو يسوق السياره يتخالف ماشفتو هالبلاوي اللي تصير والحوادث من التلفونات والسبه البنات والشباب بعد

[مختبرجي]

الخدم واليهال ماله داعي بس للضروره بالنسبه لليهال
ام المبايل وانت تسوق السياره احسن حل الهاند ثري على قولة واحد من الربع ههههه

[المهندس]

صراحه انا رايح الدوام لازم امسك الموبايل عشان ما انام حتى لو احطه على اخبار كونا او الساعه او احوال الطقس (حلوه الطقس) :)

بس هذيلي البنات اللي نايمه عالموبايل وراسها طاق الدريشه من صباح الله خير معروفين ليش يسوون جذي - ههههههه لانه الفلانتاين في الكويت على طول السنه مو يوم واحد بس

ودمتم